Kailash Parbat

营业中

休息中

今日同朋友食飯，佢介紹去呢間印度餐廳，一入到去都幾驚喜！因為裝修好young好fresh！同平時去既唔同！期待佢既食物第一次食素菜印度菜，睇左餐牌，花多眼亂，好彩有店員細心介紹！Paneer Tikka Lababdar 印度芝士蕃茄紅咖哩一開始就點左個印度咖哩，因為係印度菜必點架嘛！呢個咖哩唔太辣，有蕃茄又香帶酸既味道。而入面既印度芝士更特別！第一次食印度芝士感覺好新鮮，口感唔算好腍，但好香濃，好味！食咖哩一定要配埋薄餅Naan我地叫左Garlic Naan，淡淡蒜香配上咖哩，好正！Punjabi Samosa呢個餡餅上枱時已覺得好驚喜！因為係用一架玩具貨車上枱，好有趣！三角餡餅裡面係辣薯仔，外皮炸得鬆化，熱辣辣，好新鮮！另一款餡餅上枱時都係熱辣辣，外皮好脆好香口，又係以一架木頭車上菜。別緻既裝飾更顯心思！KP Chaat Platter 小食拼盤由四款印度小食組成既拼盤，可能係第一次食既關係，每一款都好驚喜！酸酸甜甜既口味，配上帶咸味既脆脆，好味！呢一餐好滿足，第一次喺咁舒適既環境食印度素菜。見到有唔少印度人一家大細黎食，相信呢度既口味係正宗、好味！值得一試！

一諗到要食印度菜，大家都會諗起去重慶大廈。今次經朋友介紹去左呢間新派素食印度餐廳，無論環境、食物質素同職員服務態度都令我十分滿意！餐廳位置十分方便，鄰近K11 mall,附近酒吧林立，晚飯完可以飲杯野輕鬆一下。餐廳環境一流，裝修新淨，有特大圓枱，特大長枱及二至四人卡位，可以滿足大家需求。職員安排到四人卡位，沙發十分舒適，座位後面的擺設令人感到和諧。餐廳內供應的食物十分多，全都以新鮮蔬菜作食材。感覺十分健康！職員提供了三款調味醬汁，包括微甜，微酸同香草醬，可以按自己喜好添加風味！兩個人胃口細細，只點了三樣食物1）Garlic Naan $30 with butter我最最最愛食印度薄餅，呢度的薄餅造得非常出色厚度適中，新鮮即上，唔會過硬，而且十分鬆軟。充滿牛油及蒜香，大推！必食推介！2）Veg Dum Biryani $75印度特色炒飯，顏色豐富，令人眼前一亮。炒飯中有少許紅蘿蔔和香草，健康又充滿印度香草氣味。味道有少許辣，十分開胃喔！3）Punjabi Samosa $70呢一款係印度經典咖哩小食！小貨車的擺設，特顯餐廳對食物的用心。味道十分滿意，充滿咖哩香味的薯仔，外皮酥脆，不油膩！

尖沙咀多了不少印度素菜，今晚想做無肉日，所以選擇了karlish!環境光線舒服，服務員主動為我們介紹不同的菜式，是印度人的好客之道吧。前菜首先選擇了Sev Puri，酸酸甜甜辣辣的汁，有洋蔥，炸麵碎，好開胃。Stuffed Paratha, 可以選擇芝士、印度芝士、薯仔三款材料做夾心，今次揀咗薯仔，唔想咁漏。賣相雖然一般，但配埋咖喱汁，好好味！有衝動想叫多一個印度薄餅！我今餐最中意食的是Veg Manchurian, 是蔬菜和豆炸過後的菜球，醬汁夠辣夠惹味！另外再加了Veg Fried Rice， 撈埋兩種汁也不錯，但如果你不愛食蔥，可問服務員推介其他飯類。下次再來一定會點個正宗印度甜品！

一年前去過印度，印象最深刻嘅係佢哋唔只係食咖喱，仲有好多唔同嘅配搭去俾你點佢哋嘅特色naan到而家我都仲係好懷念果種係香港好難食到嘅味道朋友推介我黎呢間印度餐廳試吓，話佢嘅味道好正宗，包我滿意咁話準備迎接我期待已久的印度素菜我哋算好早就到，所以鋪面唔算多人，以為黎幫襯嘅都可能係印度人，但眼見都有幾枱係香港人黎食，仲有一枱好似同啲職員好熟簡單既擺設menu 雖然係全英文，但老闆話遲啲會整一個有中文嘅餐牌，等有啲可能唔識睇英文嘅食客都可以知道乜打乜七彩繽紛既擺設，令人覺得好舒服KP chaat platter $135老闆推薦嘅一個頭盤，入邊有四種小食，大概都係用洋蔥、蕃茄、青椒、粟米等等嘅材料配製而成，上邊黃色脆卜卜既絲令成碟前菜更有口感！其中一樣有啲炸咗嘅米，同啲配菜撈埋一齊，酸酸甜甜好開胃呀，同我之前喺印度食嘅一個脆餅上邊嘅配菜一模一樣味Paneer  tikka  lababdar $85蕃茄芝士醬入面有啲自家製嘅芝士，食落一啲都唔膩，口感有少少似豆腐但一開始食落有好重好香嘅芝士味，用黎點naan真係一流garlic naan$30老闆推薦我哋食呢一個印度薄餅，用嚟點上面個番茄芝士

個人鍾意食多國菜，中、日、意、韓都成日食。今日決定食下印度菜。邊個話食印度菜一定要去重慶大廈架? 尖沙咀最近就開咗間印度素菜餐廳，中國齋菜就食得多，印度齋菜你有試過未呢? 呢間餐廳位於寶勒巷萬事昌廣場，餐廳走文青風，裝修清新。五顏六色既梳化椅望落去又精神又舒服。仲有牆上七彩繽紛嘅餐具擺設，非常特別。餐牌上面全部都係印度文，根本無從入手，最後搵咗位港人侍應介紹。 餐廳最大特色就係Indian Street food 街頭小食，個職員介紹左幾款，最後揀左款較為啱港人口味嘅小食- Pani Puri。Pani Puri 聽聞係印度孟買相當有名嘅街頭小食，Pani Puri 係一個橢圓形嘅小點，上面係空心嘅，外面係由小麥粉整嘅薄脆整嘅，裡面放左豆同埋薯蓉，仲要將啲醬汁倒入去一齊食，醬汁有2種，有甜有酸，隨你口味自己揀。聽職員講，食Pani Puri要一啖食晒落口，咁先夠過癮！Paneer tikka lababdar 係由蕃茄醬加一隻叫cottage嘅軟芝士，再加一啲碎蕃茄、蒜、香草mix埋嘅醬，夾埋印度人必食嘅Naan 烤餅度一齊食，perfect match! 如果大家想試下新派嘅印度

印度菜一直都係我比較鍾意既選擇，經常都會去試香港既印度餐廳，今日經過尖沙咀寶勒巷美食林立，見到一間新開既印度餐廳唔洗諗就即刻入去試下。餐廳入面裝修好新色彩繽紛感覺好舒服似樓上cafe咁，以印度素食黎講餐牌都有好多選擇。NAMKEEN PINN PERU以石榴而成既特色飲品味道酸醉甜甜幾開胃而且帶微微既辣味，感覺幾清新。SAMOSA CHAAT以鑄鐵平底鍋上菜好有心思，呢款以炸薯仔團做底再係薯團上鋪上鷹嘴豆，紫洋蔥粒再加以乳酪同一種酸甜醬蓋住，而當中有唔同香料灑係醬汁上。薯仔團油炸味香而且口感好脆身本身無咩味所以醬汁成為整道菜精髓，酸甜感為油炸薯團解油膩感。GOBI MANCHURINA都係以薯仔做主要材料，薯餅球炸起後加上特製醬汁帶有燒汁香味外層脆內裏軟，最特別係上菜器皿以一個類似熨斗裝住再上枱，打開都需要技巧先要扭開前面圓玩先可以打開。餐廳比起傳統印度餐廳好破格以彩色設計同服務態度好好有笑容同有禮貌。

食印度菜一定要去重慶大廈呢個concept今日間始要改寫,今日行過尖沙咀既寶勒巷樓上餐廳見到一間裝修好新同好舒服既餐廳,見到咁吸引所以就行左入去睇,原來係一間印度菜餐廳,感覺同平時好唔同所以就入去試試.餐牌有好多平時少見既印度菜式,雖然睇名好多都唔明但勝左菜名下有英文注釋,再望望原來呢間印度餐廳係世界各地都有唔同分店係印度更加係連鎖餐廳.Mango lassi係一種乳酪飲品,飲落唔會太甜同酸帶有濃濃既芒果味打行幼滑,食完印度辣既菜式之後去飲一啖岩晒中和返口腔既辣味.Veg Kheema PAV印度菜點會少得食咖哩,原來睇睇下餐牌發現呢到係素食餐廳,呢款咖哩用素肉用材料再配上用牛油烤過既餐包去點咖哩食,呢到上菜既餐盤都好有心思好靚唔會馬虎,咖哩唔係好食到入面既餸但好香香料味小小辣,沾上牛油香既麵包好match.除左麵包外仲點左印度人經常食同必點既naan,naan煙煙靭靭鬆軟沾上咖哩無得輸.餐廳員工服務態度都好好而且會細心解釋菜式同食法上菜速度又快,一定會再帶朋友黎試.

本來同朋友去印度，但因夾時間問題最後不能成行，心有不忿一定要食一餐正宗印度菜，最後經朋友介紹去了呢一間餐廳，果然不負我所望！餐廳啱啱開張，係全世界各地都有分店，餐廳裝修色彩繽紛有好多佈置，例如有傳統嘅印度鐵飯盒，好有特色；而且店內衛生良好，實在不錯！印度大部份人素食為主，你間餐廳亦唔例外，全部都係素食。唔好以為素食就得好少選擇，一打開Menu就有少少頭痕，因為太多菜式！雖然唔太明食物嘅成份，好彩有員工好有心機介紹不同菜式俾我哋，只要講出唔同要求，例如要辣定唔辣，薯仔或是要豆，侍應都會立即介紹適合嘅食物俾我哋。Kp Chatt Platter 侍應知道我地咩都想要啲，所以介紹左呢個Platter比我地，有4款不同既小食，大概都係有蕃茄洋蔥鷹咀豆加上不同香料混合而成的不同小食，酸酸甜甜，加上有三款分別甜酸辣既醬汁比我地點，好開胃！Punjabi samosa 一架玩具車中有兩個大大嘅咖喱角，炸得好鬆軟，入面有薯蓉、鷹嘴豆、咖哩，分量可以分到三至四個人食，雖然沒有肉係入邊，但一啲都唔dry，推介！！Garlic Naan 烤餅係印度人嘅煮食，我哋帶咗一個番茄素咖哩同蒜蓉烤餅，咖喱唔太辣，有淡

與朋友來到尖沙咀，想吃點特色印度菜，找到來這裡。這裡的環境很優美，讓人感覺很整潔和大體。下單後，先是來了前菜。有一小盤紫洋蔥，店員教我們下幾滴檸檬汁和少少鹽，味道出奇地好吃。 洋蔥不會很辣，吃起上來很開胃醒神。我們點了兩款薄餅，各 45元。Stuffed Paratha $45PaneerPaneer是印度奶酪，也是芝士的一種，常常會用在印度菜試。薄餅中間有很多白士的Paneer芝士，味道有像點忌廉的清香，偏向奶味較重。所以吃起上來時，口腔十分清新清香。Cheese芝士味很香濃，味道較Paneer 的香料味濃一點，很有印度的口味。 而且，當中有點帶點辛的香料，吃起上來特別惹味可口。它的薄餅都十分香脆，而且，現上咖哩吃超級好吃。薄餅完全把咖哩吸盡了精華，每口也十分入味。Kofta-E-DlibaharVegetable & cottage cheese cooked in rich tomato gravy, garnish with crispy papad。當中有薯仔，十分軟身，味道很重咖哩味。而且，當中亦十分多印度的香料，令咖哩很香。而且，有些薄餅的脆脆，令咖哩吃起上來更加有口感。

未食過印度餐，想嘗試下新野，一於試下呢間！一入到餐廳，周圍色彩繽紛，店主將餐廳佈置得好有心思呀。Menu有好多選擇，不過有d難明，值得一讚係，員工好有心機介紹菜式俾我地👍🏻。<Pani Puri>細細粒好可愛，入面係薯仔、扁豆，配薄荷醬同羅望子醬，我好中意佢個羅望子醬，倒少少入去食，甜甜地好開胃。<Punjabi Samosa>架車車好得意呀！影相呃like一流呢個大大個嘅咖哩角，入面係薯仔、豆，咖哩好香口，炸得好鬆脆！推介！我食一件都有d飽。<Stuffed Paratha>我地揀咗芝士味，呢個薄餅係超好食！入面d芝士好濃郁！我呢個芝士迷表示好滿足呀！！！總括黎講，呢度好好坐，店員都好細心同我地講解，亦會問我地岩唔岩食，下次再試下呢度嘅其他印度小食先！

今日放工黎到尖沙咀上堂前自己食下午茶享受享受一下。夏天熱辣辣，胃口唔太開，想食下甜甜辣辣的東西，好友之前去過這間印度餐廳，推薦環境好食物地道，今日終於有機會試試。在萬昌廣場3樓，好易找到的地點。環境好寬敞好光猛，設計獨特；座位有梳化，也有椅子，不錯的環境！也播放著印度音樂，好回憶之前睇過的印度電影！自己一個黎食，品嘗的就不能太多叫了一個自家製的番茄芝士粟米湯份量剛好，一上枱已有香甜又酸酸的濃味，番茄味好濃郁，微少的辣味，又有條條芝士及粒粒粟米，好特別本身想叫那個多客推薦的貨車咖哩角，但份量好似好大，所以唯有下次多人先食。今次叫了samosa chaat好多椰汁好濃厚清新，好有傳統印度的感覺原來佢也是如咖哩角，但食法不同！香濃咖哩薯仔，配上紫洋蔥、豆泥、香草、脆口炸好的外皮涼涼椰奶配上香濃又少少辣的咖哩好夾，椰奶上又有印度地道配菜，有口感哦服務員更主動推薦有不同的醬汁，紅色是甜甜的；綠色的是青咖哩（少少辣）；黃色比較辣；不同選擇服務不錯又乾淨舒服的印度餐廳

朋友是印度籍香港人,今天帶我去食印度餐,平時食buffet也會食一些印度的食物,但今次他帶我去到一間（Ksilash Parbat）正宗的印度菜, 另外餐廳有個侍應是識講廣東話的,所以溝通冇難度,而餐廳有印度的擺設,裝修得好有特色坐得都好舒服。這間餐廳放了好多心思,坐喺度可以慢慢欣賞餐廳的設計。 KP Chatt Platter$135小食拼盤有3 、4款的口味,甜甜脆脆的口感,味道都幾特別。用蛋白再加印度配料同醬汁混在一起食,軟綿綿的都幾好味一碟小食有三種不同的味道。

對於揀飲擇食既我，其實食既菜系唔算多，尼尼去去都係日本同意大利菜，雖然近年開始可以食辣，選擇都叫多左少少，但其實都有少少食到厭既感覺，難得呢日男朋友竟然話帶我食印度菜wo, 我真係超淆底，因為我對印度菜既印象只有神神秘秘既重慶大廈，仲有旺角咖哩但係佢話有居港印度人介紹佢尼食，而我係openrice search 過又好似OK，所以先膽粗粗話好。Kailash Parbat位於寶勒巷一幢大廈既3樓，係K11行過尼都好快，附近食肆林立，大廈對面就係馬會投注站，唔算難搵。一出電梯既左手邊就係啦。裝修風格同我想像中既昏黃燈光好唔同，色彩繽紛以為係越南餐廳。當晚大概7點15分左右到達，坐左幾枱客人，仔細望過之後發現全部都係印度人尼架!唔單只係客，連9成9既員工都係印度人，當時我地打開左menu一睇，睇極都唔係好明既時候，突然比我見到一個女員工似香港人，佢又好似感應到我望住佢咁，冇幾耐就行左過尼。因為我係第一次食印度菜，淨係識得咖哩同薄餅，於是就問女員工有咩推介啦，佢問我地諗住想食D咩，男朋友就話想食D 咖哩配肉之類，跟住員工就話我地知原來呢度係食素架!!我地好愕然，因為之前冇聽講過，resear

係尖沙咀番工，周圍都有無數餐廳，有好多好野食😜每逢有新餐廳，有同事試過話好食，大家都會跟住去試今次黎試呢間印度新餐廳，聽同事講岩岩開冇耐，食物同環境唔錯，今日happy Friday 就黎過下癮環境舒適優雅，比較潮既印度feel呢碟叫Stuffed Paratha，係店員推介，話好受歡迎佢係印度薄餅，裡面有薯仔同埋香料，厚度適中，食落又幾香口😋Punjabi Samosa咖哩角，上菜果時大家都wa wa聲用架模型車裝住咁精緻🤣咖哩角三角形成舊好立體，大大舊，裡面充滿咖哩薯仔蓉，配佢個唔知咩醬又幾好味Gobi Manchurian，印度炒椰菜花好似香港既生炒骨，但佢係齋黎，唔知點炸到椰菜花變左一舊舊脆脆地，好特別😄試下佢個甜品先，Bengali rasmalai口感有d似雪糕，但冇雪糕咁實，好重奶味，岩牛奶fansMenu好靚，不過亦都好難明，要店員幫手佢地都好有耐性同細心👍🏻

尖咀地膽fd約黎呢度食飯，話係新餐廳，門面幾光鮮，有別於重慶大廈，值得一試喎。入到去近門口位置有個細細個角落，放左幾張木椅，配埋d花草，感覺好悠閒。仲有位放傘同睇雜誌，吾講以為自己去左高級西餐。Menu好潮，成本雜咁，有食物相片又有背景。左揀右揀，都揀吾落手，最後叫侍應介紹。呢度有講廣東話既侍應，吾怕雞同鴨講。 呢碟類似小食拼盤，有3, 4 款小食。呢款小食雖然被醬汁蓋住，但都有微脆既感覺。個汁好惹味，隻色似辣，但原來一d都吾辣。同menu既賣相9成似，同樣用長形兜裝住，好整齊。左上角果款就係Pani Puri。侍應教我地將一個Pani Puri放係匙羹度，然後加d醬料，最後一啖食左去。感覺像食緊脆卜卜既薯片加沙律咁，幾開胃。印度甜品比我印象係十分甜，好采呢杯類似雪糕既甜品只有一般雪糕既甜度，上面既配料增加左口感。呢度裝修色彩繽紛，好光猛，感覺悠閒舒適，影靚相無難道。