Kailash Parbat

营业中

休息中

一直都好想搵間正統d ge印度餐廳食番餐印度菜，但係好多時d fd推介ge都係重慶大廈，而我見到重慶大廈硬係有d怯。今次係OpenRice 有緣搵到呢間，又見佢係世界各地都有分店，一於試下呢間。D員工目測大多數都係印度人，而周圍ge食客都起碼佔左一半係印度人。我地睇完menu都無咩頭緒食咩好，因為字面睇完都唔係好理解到係咩黎🙈。於是我地搵左個員工問下有咩推介，員工都好友善同我地逐一介紹番。最後我地揀左呢幾樣：Masala Cheese Naan 餅入面好重芝士味，夾埋d咖哩食好yummyPaneer Tikka Lababdar Kofta - e - Dilbahar 其實我都唔係好分到呢兩碟咖哩有咩分別，但係兩碟都幾惹味Pani Puri 呢個係小食，一口一件，好脆。佢本身配左兩隻醬，一酸一甜，兩隻都唔錯。Mango Lassi 呢杯係類似芒果乳酪，入面有d香茅味，唔太岩我飲Bombay Cutting Chai 呢杯佢上ge時候配左一碟糖，我淨係落左些少，我估傳統印度風味應該落晒（?!)，但係唔想飲太甜，適可而止😂

近期好多朋友仔搵我食素, 今次重勁, 帶我去食印度素菜!!!本身對印度食物只停留係咖哩同薄餅度~上到餐廳度, 無論店員同客人, 大部份都係印度人, 我地好似去左旅行咁~一坐低睇MENU 就出事喇.. 雖然有英文, 不過D 英文唔係我地睇得明既野.例如: ALOO =薯仔=POTATO... 佢係唔會寫POTATO 既, 所以我地都GOOGLE TRANSLATE 左好耐.而中間女待應好有耐心咁介紹畀我地聽...不過都唔係好幫到手, 最後佢地羅左個終極武器出黎..有張有中文同埋我地識既英文MENU. XDDDDD而呢個翻譯本係已加一, 所以唔好驚係呃人既野.冇呢回事~呢度有薄荷香草醬, 我幾鐘意~ 甜酸醬同埋少少辣味既香草醬, 我幾鐘意佢地D 醬料,  真材實料!我地點餐都玩左大半個鐘, 成頭汗咁揀完一輪後, 姐姐羅個呢3款香草醬畀我地.呢3款野全晚都可DIP, .DIP乜都得.先黎個小食拼盤, KP Chaat Platter $135A exciting platter of dahi wada, bhel puri, sev puri & crispy corn basket.WA

一向對印度菜的印象都只得咖喱咖喱和咖喱，今日剛好經過尖沙咀附近見到有一間新派素食印度菜，就想試下佢跟以往認知的印度菜有甚麼不同。因為不太肚餓，所以沒有叫很多食物，但個人認為來到印度餐廳就必食印度特色包naan，本來打算只叫個原味，但店員推介我地試蒜香味，再配上其特色蕃茄醬果然無得輸。Naan做得鬆軟之餘還好香蒜頭味，點上蕃茄醬亦都不會令個naan變冧。另外特色番茄醬入面混和了自家製芝士，老闆話出面是吃不到的。而且naan食落亦不會覺得膩，反而食完一舊又一舊停不了口！

唔係講笑 早排個朋友話想食印度菜嚇到我個心離一離 心諗姐係要我無哂儀態咁拎手野？結果佢帶我黎左尖沙咀一間新開既印度菜 裝潢又幾時尚 座位十分寬敞 仲有好多印度人添 即刻有飛左去印度既感覺！望一望個餐牌其實都幾多野揀 但奈何我地唔係好明邊樣打邊樣 侍應都好熱心會過黎逐樣解釋！最後叫左3樣野 一個肉丸(Veg Manchurian-Dry) 一個烤餅(Masala Cheese Nann)同一個Kp chaat platter～肉丸好好食外面淋左好多汁好濃味入面好有驚喜 係炸既 食落脆卜卜咁～個platter都絕不遜色 有幾樣野 有tart同卷 全部都酸酸甜甜咁 幾開胃架！最後個烤餅係我最中意既菜！又平又好食！佢入面加左好多cheese 熱辣辣咁食落去好正聽侍應講其實配埋佢地既咖哩食會更加惹味不過我地今次無叫到 下次就一定叫！

一走進Kailash Parbat店鋪裡就有一種與別不同的感覺，就是有香料的味道散落在這兒的每一個角落。餐廳裝修十分簡潔舒適，坐的位置很寬敞，最適合朋友聚首一堂。小食併盤非常足料，可以一次過有四款印度小食實在太過幸福，而且擺放得十分有心意，賣相很吸引。味道較酸，好fresh十分醒胃，當作頭盤一流。這個肉丸太適合打卡了，餐盤器皿竟然像個燙斗似的！表皮鬆脆，吃起上來不膩。說到印度菜，一定會點的就是咖哩加薄餅一試。用上多種香料烹調的咖哩未吃已聞到那香濃的味道，再用咖哩塗上剛出爐的薄餅上。一試，果然沒有令我失望，薄餅很脆，中間有芝士很讚，配上咖哩汁，帶一點有層次的辛辣(後勁挺強的)，味道十分出色。特別說說這兒的Guava juice番石榴汁，相對特別，是辣味特飲，味道甜中偏辣，喜歡吃辣的朋友可以挑戰一下！

第一次嘗試印度餐廳，當然要選擇地道的餐廳，所以我選擇左Kailash Parbat。雖然哩間餐廳唔係佈置得好有印度色彩，但係非常有印度風味，最大的原因係餐廳裡充滿濃烈既印度香料味，令人唾然三尺! 餐廳環境舒適，位置闊落，待應亦好熱情地推介特色印度菜。 食物方面，首先係小食拼盤，總共有四款小食，份量充足。主要為炸物，有少許辣，非常醒胃。接住就係就是乾辣肉丸，哩個同我地食開個類肉丸有點不同，佢係用炸左既野再將佢壓成一粒肉太形狀。哩個菜好野味，不過係好辣，建議大家叫少辣好D。重頭戲當然是咖哩，我叫左個烤餅同炒飯。首先講個咖喱，非常充料，落左好多印度香料，同香港咖哩完全不一樣。配一烤餅簡直是一絕，這款烤餅有芝士，很鬆脆，我認為可以叫2客，因為實在好太好食! 至於炒飯，不過不失，如果要點咖哩既朋友，我認為大家叫烤餅比較好D，因為咖哩會蓋過飯既香味。最後建議食唔到辣既朋友一定要叫少辣，我叫哂少辣都仲頂到既。如果大家想試地道印度野，不妨試下。

突然心血來潮想食印度菜, 即刻就拉埋朋友陪我食, 之前都有朋友介紹過呢間印度菜好地道, 咁就一於試下佢啦~餐廳係樓上舖, 一出電梯就見到啦~入左店內最先吸引到我就係佢地嘅裝修, 設計獨特好有印度風味, 感覺花左不少心思係餐廳怖置方面. 店內職員都非本地人士, 但能以英語溝通, 接待我地嘅職員好有禮貌, 而且好健談, 因為menu都係英文, 我地揀野食揀左好耐, 職員好貼心咁提供左份有中文嘅menu比我地並好有耐心咁推介佢地嘅食物.因為覺得印度菜份量一向偏多, 我地都吾敢揀咁多野食, 我地揀左幾樣: SWEET CORN SOUP(玉米湯),- 湯好清甜, 加左雜豆入去, 好適合餐前飲.TIKKI CHAAT(印度特色薯蓉餡餅), - 印度街邊小食類, 淡咖哩加奶酪醬汁, 中間有豆同埋薯蓉, 混搭一齊食口感好豐 富.PANEER TIKKA LABABDAR(奶酪蕃茄馬薩拉咖哩), - 好濃香咖哩味, 加埋奶酪, 但就吾覺得有蕃茄味, 入面有奶酪做出嚟好似豆腐嘅配料.MASAL CHEESE NAAN(馬薩拉芝士烤餅), - 本身諗住用嚟沾咖哩食, 但一試發覺佢就咁食都好好味, 一咬

本身對印度菜認識唔多，今日朋友又帶我去試新嘢，原來係之前都接觸過幾次嘅印度菜餐廳環境好特別喔，比人感覺好鮮豔又帶點文青feel呢個係用單車載上小碗仔，入面係薯仔嚟㗎，再加入奶乳酪同香料，食落幾香好開胃呢㗎係大貨車好搞笑，而今次就用上薯蓉去配上豆蓉，食落好香濃薯味，但又有一點點辣度呢個係必點的印度薄餅，再配埋佢個濃濃番茄醬配芝士做成的汁醬，入面當然唔少得多款香料去提味，加埋一齊食真係好夾，會食到停唔到㗎，我有少少愛上印度菜

咖哩食得多，印度未去過；在香港，印度人多過香港人的正宗印度餐廳，都係第一次來新鮮感十足！由打開餐廳門一刻，一陣濃郁香料味撲鼻而來，開始這趟印度之旅踏入店中，即看到色彩繽紛的裝飾，為視覺帶來衝擊，心情愉快～而且店面寬敞舒服，就算滿座亦不覺壓迫。坐低望下餐牌，食物名全部唔知寫咩，店員親切有耐性，為我們推薦菜式落完單之後，店員送上三色醬汁，逐一介紹，綠色薄荷、黃色酸辣、紅色甜辣。可配搭任何食物。唔洗諗，拼盤可以試到四款小食。上枱時見唔到四款，因為上面都有脆條topping在menu上係咁樣的拼盤入面最鍾意呢個扁豆球，上面加左乳酪汁，開胃又好味。呢個玉米膽撻，入面有口洋蔥蕃茄，好似食薯片見佢個樣幾得意，個名又得意。入面係扁豆同薯蓉，出面係球型薄脆，仲有薄荷汁同酸甜汁倒入去個波仔度食，好特別。但最好用手拎起放入口，唔係好易倒瀉講起用手進食，就即刻google下究竟用左手定右手，用錯手失禮人記得係右手呀！呢個咖哩汁偏辣，辣度可以加減，咖哩既香料味濃郁，正！配餐包係第一次，餐包軟熟，加埋洋蔥更好食印度餐必點Naan，叫咗兩款:Stuffed Paratha $45，呢個有四款餡可選，我地揀咗芝士，好

《Kailash Parbat》
📍尖沙咀寶勒巷3號萬事昌廣場3樓302室
———————————————
話說我教普通話嘅學生係印度人，佢介紹我嚟呢到食。平時見佢哋整啲印度食物食完都覺好美味😛今晚終於一試！完全喜出望外😍入到去見到環境超靚超乾淨！有種歐式感覺，本身鍾意歐式傢私所以我十分十分鍾意呢到！坐得好舒服！Paneer Tikka Hara Masala Biryani🔹$85因為朋友食dinner一定環有飯，所以試咗呢個飯，咖哩味重，飯又唔硬身，食到一粒粒，口感大足！唔好睇相以為佢好小，容量好大，食到我哋兩個都飽飽！🔹Garlic Naan $30🔹Paneer Tikka Lababdar $85呢個菜式薄餅同醬分開叫，所以大家可以自行自己想要邊類型嘅薄餅，款式郁幾多揀，我自己就鍾意蒜味，所以揀呢款，另外個醬非常襯呢個蒜味薄餅，帶有咖喱味但又唔會辣！非常好味🤤🔹Creamy Tomato Soup $40我平時好鍾意飲蕃茄湯，所以見到即刻想試試。當然一定唔會好似我哋飲開嘅咁港式！佢充滿印度風味，有少少辣但絕對唔係勁辣，酸味味飲完仲好開胃🤙🏻我仲成碗飲哂嫁！🔹Lassi Mal

自從上次有朋友話佢逢初一十五都會食素之後，呢個主意一直在我腦袋出現。好難做到green monday既話，又能唔能夠每月有2日為地球做番少少野呢？食厭咗中式的素食，今日我同另一位朋友去咗呢間印度餐廳！貪佢環境夠光鮮明亮，感覺夠安全，同埋寶勒巷好易去～我地七點九左右到，人客唔多，香港人同印度人的比例約一半一半。好特別既係，我地坐到八九點幾時，印度人客多咗，幾乎坐滿，點解大家咁夜食飯呢？😂以一家大小為多，可能啲爸爸媽媽都覺得呢度夠安全掛全部侍應都係純正印度人黎，我都聽得明佢地啲英文～但英文餐牌睇唔明😂所以我地跟住圖片黎點（之後雖然有人拎中文餐牌黎，不過我地都決定好了）好精美的餐牌～SAAG PANEER $85菠菜蓉配印度芝士粒（自己譯haha)佢係菠菜煮得熟爛，再加入印度芝士Paneer，好得意，配埋naan食就一流！我的食法係食兩啖naan就食一下paneer，口感就變得豐富啦😘KULCHA (ONION) $35比普通naan係厚少少同埋冧身啲，因為入面有內餡係onion，齋食都好食，加埋菠菜蓉仲正NAAN $25我地食完kulcha之後唔夠喉，就叫多客naan，拎黎送菠菜蓉食，食完

最怕放假食飯周街都係人，特登搵間比較寧靜特別的餐廳食飯，喺 Openrice 見到呢間裝修幾靚，就打去 book 食晚餐˜ 入到黎裝修真係好有心思，坐位都好寬敞，好舒服！每幅牆都有D飾物做點綴！第一次食咁正宗嘅印度菜，望到 Menu 眼花撩亂，而且有D term真係唔識睇，就算 Google 完 D好Specific嘅香料名都有點一頭濛水，不過好彩 witress 好 nice，用用心同我地解釋同推薦，最後成功點到菜！！呢個Pani Puri，有兩種醬料可以點，味道唔錯，可以做前菜子食！適合3－4個人食！薄薄的脆皮面，包住少少素菜，唔錯！之前叫左兩個咖哩素拼薄餅，千祈唔好以為差唔多色，都係咖哩就差唔多味，係好唔同嫁！正宗咖哩用了不同香料 Combination，出黎味道都會不一樣，所以 4 個人的話都可以叫兩個咖哩食！唔錯唔錯˜呢個都好好食，有幾種味道揀！兩個咖哩可以叫兩款試試！！呢個好好食！（雖然唔記得左係邊個菜），但真心好好食！口感有D似薯仔蓉加D素菜！值得叫！整體黎講，呢個印度餐廳係我食過咁多間最正宗的一間，而其他食客都是印度人，可想而知，係幾咁值得黎食！而且環境超靚＋舒適，會再

今日收工之後去左約個好耐無見既朋友係尖沙咀食飯，佢最近轉食素，所以就想搵D食素既餐龐。咁但係通常素食既餐廳都係比較啖味道，所以唔係話好啱口味。但朋友今次話平時既素食唔同，咁就都照跟佢去啦。去到餐廳門口，發現係食印度野，心諗印度野都有素食？黑人問號出晒黎。 入到去見到都有好多印度人係到食野，feel 到應該D 野食應該係正宗同地道，坐低之後再仔細望下就圍環境，覺得好乾淨，裝修擺設都幾特別同幾舒服。之後好快就Waitress 就俾左餐牌我地，打開一睇，覺得設計都幾好，有晒本身菜式名同埋有英文話你知係咩黎。我地就叫左幾樣野，分別係Pani Puri, Samosa Chaat, Kofta-e-dilbara, Paneer Tikka Lababrar, 同埋 Garlic Naan。首先黎既係個Snacks Pani Puri, 出邊個皮勁脆，入面就有薯仔，扁豆。有2款醬汁俾我地倒少少入去食，大D係甜甜酸酸既汁，細D係薄荷醬，個人就推介甜酸汁，香脆可口之餘仲可以幫你開下胃。之後就一齊黎左Paneer Tikka Lababrar, Samosa Chaat, Garlic Naan 同埋

餐廳裝修好靚，充滿色彩同現代感，完全唔似印度餐廳。侍應全部都係印度人，而食客都係印度人居多。餐廳非常旺場，當日9點黎到都要等一陣。Kailish Parbat 以印度天然素菜元素作主軸，所以素食者都可以黎阿！PATIYALA LASSI ($49)係好rich既mango yogurt smoothie，仲有一粒粒好似香草既籽係入面。Punjabi Samosa ($70)咖啡角皮酥脆內裹爆餡，脹卜卜好大隻。入面係香料、薯仔粒同豆蓉，少辣。Garlic Naan ($30)印度菜點可以唔叫薄餅？即叫即製，熱辣辣外脆內軟，有濃濃的蒜香味又唔油膩，必叫！Paneer Makhanwala ($85)叫左Naan 我點可以唔叫咖哩配呢？呢個印尼芝士蕃茄紅咖喱帶甜重蕃茄同香蒜味，好開胃惹味，點naan一流。配料有別於傳統咖喱用雞肉，而係用似軟芝士，口感似豆腐味道較淡，素食者都可以食阿。KULCHA ($35) Naan真係太好食了，所以我追加左個，想試多d野就叫左另一款naan。我覺得呢個洋蔥餡的更香更好食！最後留意返，枱面既蒸餾水唔係免費嫁，要$25枝。

呢間超級文青風既印度餐廳，展開左我意想不到咁好既第一次印度菜體驗！以前以為香港所有印度菜都係集中係重慶大廈一帶，所以老實講對印度菜係比我一種唔太衛生既感覺（加上我本人係唔食辣）到最近食多左辣野所以決定開拓新領域！見雜誌介紹呢間既相都好似好乾淨企理，所以決定先小試牛刀！本身間餐廳係寶勒巷，所以感覺已經比重慶大廈好，上到去門口，真係完全覺得佢似係新派文青西餐廳好開揚既感覺入到去就有一位印度藉既waitress好熱情咁招呼我地，話比我地知出名食啲咩，仲拎左個template中文餐牌比我地睇，好貼心！如果冇呢個中文餐牌我地真係睇啲印度文睇到一頭霧水先黎呢個印度街頭小食！一睇就feel到啲醬汁有幾澎湃啦！白色既係凍冰冰既yogurt，入面就係冬甩形狀既食物，我覺得似係印度版既咸水角 入面有啲薯仔同小扁豆，超級超級juicy炸得又夠脆口，加上乳酪既酸，超級開胃！好食既野永遠要等耐啲，大概半個鐘後就黎左呢個naan（印度烤餅）kulcha（烤包）同埋咖哩！仲可以自己加味！熱辣辣賣相又吸引，食落係點呢？我地點左garlic同onion烤餅烤包，onion烤包入面真係有粒粒紫洋蔥，好！好！食！超香洋蔥味