Hami Harmony (已結業)

食午餐牛扒，塊扒非常細，餐湯又細碗，咁就過百元，一個女子都食唔飽，不會再去。不會再去，除非想食唔飽。我埋單俾現金，個女侍應收佐走去收銀機，跟住又拎返梨話我俾唔夠錢，我於是同佢數，叫佢睇清楚先，佢先知自己睇錯，但道歉一句都無就轉身離開！咁既水平，去茶餐廳好過。

工作非常忙碌，放工當然要和朋友食好D這間餐廳環境安靜，具異國風情，真係和朋友見面的好地方！ 車打芝士蔥餅 ($68)暖暖的薄餅有超級香口的芝士在中間，非常開胃！份量作為前菜真的很大哦。西班牙黑毛豬扒 ($168)豬扒的肉非常嫩，又有肉汁。而且薯仔烤外脆內軟。北海道軟殼蟹配黑松露意大利粉 ($128)軟殼蟹炸得非常之脆，但略嫌比較細隻。意大利粉有好香的黑松露味，配合得好好。香蕉拖肥批 ($52)用玻璃杯上。入面有香甜的忌廉和香蕉，加上脆脆的合桃，真是超級好食呀！餐廳上菜的速度非常之快，值得一讚。星期五晚7點開始全場爆滿，好好生意。

我沒有想過在充滿酒吧的西洋菜北街中，竟然有一家有自然感的西式小cafe! 晚上九點去到還是很多客人呢！室內的木枱椅，加上牆身的裝飾，很有田園清新的感覺，悠閒又溫馨。肚餓的我們又要小食，又要pasta又要肉。價錢一百頭不算貴呢，選擇也不少。醬燒七味特級牛脷混合了西日風格，燒得乾爽的牛脷裹上七味粉成串燒，比預想中辣，刺激味蕾！意粉的感覺就相對溫婉。意式海鮮配龍蝦汁意大利粉，橙黃色的龍蝦汁充滿鮮味，配料量又多。海鮮有蝦、蜆和藍貝等，加上菇類和瓜類，味道及口感都很豐富。意粉煮得剛剛好，咬下去是彈牙的！我們最期待的西班牙黑毛豬扒用了木板上菜，加上不同顏色的配菜，當然相機/手機先食！黑毛豬扒香香的厚厚的，旁邊的焗新薯軟棉棉的，點醬汁很好吃呢。重點黑毛豬扒雖然厚身，但非常易切！肉質軟嫩適中，帶點點脂肪讓味道更香。這種豬才是好貨色！感覺就像慢煮一樣呢。吃完已夜深，其他客人都離開了。每人二百元算不錯呢！

上次見朋友去間好正既cafe 食，叫佢帶我去，今日終於去啦！😋😋環境優雅，見到有燒烤味豬仔骨拼薯條🍟就諗都唔洗諗叫到。之前食開既燒烤味豬仔骨既肉都好難咬開，肉質又好。今次真係超有驚喜😍😍d肉質好軟熟，一咬即開，仲唔會起渣😋😋醬汁岩岩好，唔會太鹹，好難得食到咁正既豬仔骨，加埋超脆薯條🍟就perfect!😏😏另外，仲叫左個Parma harm盧荀忌廉汁意粉跟餐。Parma harm偏鹹，所以配清清地既忌廉汁意粉就好夾。雖然塊Parma harm有小部份黑左，暗色，但唔影響味道，加埋配菜好正😍好快被我食哂🤪最後，超期待佢個甜品Earl grey 焦糖燉蛋😍😍焦糖既fans 黎食一流，好香Earl grey，焦糖味又唔會太甜！最後加埋一杯香濃既朱古力就完美了😏😏幸得朋友好介紹！😎

今日係happy friday呀，約咗閨蜜食飯，她找了一間好溫馨嘅小餐廳，這間餐廳位置在太子西洋菜北街酒吧街中央， 獨樹一格， 分外顯眼。二人餐的菜單一齊我們想食的東西。飲品方面如沒有額外要求，他是會先上的。我們選了熱情果菠蘿梳打， 朋友外出工作行了一整天，一入口，即刻爽曬，杯底入面有鮮菠蘿肉，好濃的熱情果味融入口中。法國朱古力豆磨成的朱古力，這款朱古力係我最近飲咗咁多杯朱古力，最滿意的一杯。他入口朱古力香濃不在話下，令人一試難忘。最喜歡的就是他用了貓貓匙羹，貓貓好似好舒服浸在熱朱古力湯𥚃。餐湯我哋點咗龍蝦湯配蟹肉， 雖然要加38蚊好似有點貴，但原來他是把兩人份量的鮮湯放在玻璃茶煲上的，另外，蟹肉放在玻璃杯內。龍蝦湯好滑好濃味， 應該是加了鮮奶，而且蟹肉是放在杯中，橙黃色的湯，完全以為自己好像飲奶茶一樣。前菜方面我們選了白酒忌廉煮青口， 青口是外國空運返嚟㗎， 白酒味好濃， 洋蔥並不是我們普通的洋蔥，砌得好幼細，所以就算炒得不是很熟，都不會很辛辣，而且洋蔥的清甜你更容易接受得到。他加了迷迭香米，它的的獨特香味令到青口更特色。最重要的主菜我們選了牛油汁蜆肉自家製蝦米意大利粉蝦米好特別好細

放工約咗朋友一齊去太子聯合行街，shopping完最好就係搵個地方坐低抖抖😊太子一向畀人感覺都係多茶餐廳，點知就無意中見到間裝修靚靚嘅cafe😍，即刻就坐入去休息吓。地方雖然唔大，但枱與枱之間都好多空位，我哋兩個人坐卡位就好舒服。餐牌主要係西式為主。小食：BBQ雞翼BBQ醬好濃，同雞翼好夾，不過雞翼比較細隻，唔算多肉。一客有5隻，我覺得都幾抵😚主食：啤酒炸漿炸魚 配蕃薯條好大份！！！！有三塊炸魚！！！！而且每塊都大大份，百零蚊係超超抵食。我哋本身以為得一塊，食到我哋好飽😂 炸蕃薯條比炸魚更出色，每條都脆卜卜，勁濃蕃薯味，超甜！蕃薯條我畀一百分😋主食：煙三文魚飛魚子意大利飯呢款又唔算太大碟，正常size，味道可以，煙三文魚同飛魚子份量都唔孤寒嘅。飲品：哈密瓜菠蘿梳打菠蘿味唔算好重，簡簡單單嘅味道仲好，唔太鍾意好化學嘅味道，呢杯啱啱好，夏天飲返杯梳打都咪話唔爽😂甜品：banoffee pie呢個有驚喜！佢唔係件裝的，反而係杯裝，啖啖都有香蕉塊，而且唔會過甜。面頭仲有焦糖嘅核桃，脆卜卜，好match！呢度嘅甜品都幾多款式，下次再試其他😋我會再為咗佢嘅蕃薯條同甜品再嚟㗎！

今日同朋友行魚街買金魚，行到去太子見肚餓當然要去搵野食啦，知道西洋菜北街食肆林立，有很多選擇，最後決定去了呢間「Hami Harmony」食意大利餐廳，門口裝修都以意大利風作主題，內裡店舖雖然細小，但有很多小擺設，枱櫈都以木為主題，我們坐低服務員馬上送上清涼青檸水，睇咗一陣餐牌，點了西班牙黑毛豬扒，北海道軟殼蟹配黑松露意大利粉和甜品香蕉拖肥批。味道方面，西班牙黑毛豬出名肉厚多汁，食落口啖啖肉，至於軟殼蟹夠淋又煙韌，成隻食落口，甜品香蕉拖肥批是我第一次食，凍食的，軟軟香蕉忌廉裡有一些硬的拖肥糖，幾特別。

食過佢既earl grey creme brûlée之後就一試難忘左😍😍😍今次帶earl grey控既朋友仔黎食。揀左個lunch set 既Parma ham蘆筍忌廉汁意粉，包一杯野飲或者餐湯，又或者兩樣都要可以加多$5，都幾抵！不過費時飲到成肚水無位食野😛Parma ham蘆筍忌廉汁意粉面頭有兩塊Parma ham，配料除左蘆筍，重有磨菇、zucchini即意大利青瓜、yellow squash即黃南瓜同zucchini差不多樣企黃色，同埋車厘茄。多種配料食落口感豐富，忌廉唔會好溜，唔會太傑或者太稀，點到即止！朋友仔食得超快😂😂大讚好好味！我食完兩「住」，佢已經極速清緊碟🤭🤭另外薯條控既朋友仔話要寫BBQ sauce 豬仔骨拼特脆薯條🍟，爆緊瘡都陪佢食🙈🙈因為我都好想食！果然好脆🍟🍟🍟外脆內軟👍🏻👍🏻👍🏻豬仔骨面頭搽滿左BBQ Sauce好入味，好腍，唔洗切用叉都扯得開！不過我個人偏好有啲咬口既肉質～Earl grey creme brûlée面頭既焦糖好薄好脆，但今次燉蛋略嫌唔夠第一次食咁creamy，可能唔夠cream或者overcooked，不過earl grey味都濃。餐飲

之前食過，環境舒服而食物質素又不俗，所以今日放工後和朋友再來encore!!🔸BBQ汁雞翼 $58非常推介❣️醬汁酸酸甜甜，惹味又開胃，即使加了醬汁，外皮依然好香脆！🔸日本帶子黑松露什菌意大利飯 $145黑松露味道濃郁，加入了芝士，質感更creamy。飯粒粒分明，外軟內韌，頗有咬口。🔸安格斯有骨肉眼扒 $278我們叫了五成熟，整得剛剛好，無overcook!非常大塊牛扒，大過我塊面🤣 牛扒有一定油脂，唔會太瘦搞到鞋。肉質軟腍，而且多汁💛🔸哈蜜瓜菠蘿梳打(左) $38🔸熱情果菠蘿梳打(右) $38

一步入就好有美式田園風格的佈置！人都幾多所以要等左5分鐘左右！🤗座位都算舒服！我們兩個點了一個兩人套餐有餐湯～薯仔湯😁都ok 好味！頭盤我們要了白酒煮青口酒味香濃，味道剛好！青口本身好乾淨！😏主菜～14oz 肉眼扒 😝肉味濃郁，6成熟剛剛好！不過牛扒本身肥左小小，低下伴碟的焗薯仔好好味！😍😍主食帶子意大利飯好好味！味道有濃郁的芝士味，帶子好鮮甜！👍🏻👍🏻甜品我們叫了一個香蕉🍌拖肥批好好食😘🤤😝上面有脆脆的合桃，下面香蕉和吉士好香！士多啤梨奶凍味道都不錯！

知道呢度有間設計好精緻既cafe，一直好想同朋友黎試門面以白色做底色，睇起黎好舒服😌連個黑板都畫得好靚！內在環境成間餐廳都有精心佈置過！有好多精緻嘅裝飾品，牆壁上、天花板，甚至卡位同卡位之間嘅座位上，都有裝飾品餐廳裡播著音樂🎶雖然座椅硬，但環境好舒服，坐得好自在～好在早到，喺7:30時已經坐滿晒啦！今日我比朋友早左到，叫左杯熱朱古力，邊飲邊等⋯⋯朱古力味好香濃拉花好靚，枱面有彩色嘅瓷磚。好有美感餐牌叫左個2人晚餐前菜凍凍地，菜好新鮮，都幾大碗。開胃，食哂都唔會太飽煙三文魚大大塊！好滿足黑松露帶子雜菌意大利飯香噴噴！飯粒保持到少少硬，多汁。幾好食！意式番茄醬煙肉炒長通粉，汁少，蕃茄香幾出餐飲咖啡☕️，都不錯👍🏻甜品🍮係布甸，比較硬身。有奶味，面頭放左一點閃粉，賣相同味道都不錯👍🏻

和諧氣氛 溫暖舒適嘅環境 最啱女士們傾計地方1.All day breakfast🥗平時叫all day breakfast多數係煙肉 大蘑菇 德國腸 沙律 炒蛋等等但呢個唔係平時食開咁多款係裏面我最喜歡係就係牛角包裏面加咗啲流心芝士 啱啱好微熱一啖食落去流心芝士流出嚟牛角包好香濃牛油味 🥐另外焦糖香蕉無得頂 好香滑同埋焦糖焗得好脆加香蕉甜味飆升仲有黑松露炒蛋 出奇地好嫩滑佢加咗牛奶喺裏面所以食落去軟綿綿嘅蛋香味再加埋黑松露 簡直係絕配2.安格斯肉眼扒配薯蓉 7oz🥩Order 7熟 肉眼扒比較厚身細細塊 三成脂肪七成肉好重牛肉味 口感好嫩滑再配埋個BBQ汁提升牛肉嘅濃味

Hami Harmony，唔單止名有和諧意思，而環境亦都寧靜悠閒舒適，餐廳裝修令人覺得好寫意，仲配合住有情調既燈光同埋熟悉嘅背景音樂，用餐環境舒服一流。是日餐湯 - 南瓜湯南瓜濃郁清甜，飲落應該加左蕃茄，酸同甜配合一齊，中和左味道，清新開胃，南瓜同蕃茄都幾夾，仲有暖暖嘅牛角包，好鬆軟。鮮雜菌配牛肝菌汁意大利粉意粉煮嘅時間啱啱好，唔會太硬或者太腍。加左牛肝菌汁，味道濃郁，鮮雜菌已經入晒味，不過鮮雜菌略嫌份量少左啲，加左芝士同忌廉醬汁，好creamy。西班牙黑毛豬扒店員介紹黑毛豬需經慢煮同焗嘅烹調方式，可能需等候一段時間。黑毛豬扒可能因為焗過，比較乾身，但食落肉質嫩滑，雖然厚身但好鬆軟嫩滑，唔會覺得肥，配合燒烤醬汁一齊食有另一種味道。另外仲有薯仔沙律菜等配角，薯仔烤得脆口，沙律菜加左黑醋，清新又解膩，感覺更健康。哈蜜瓜菠蘿梳打應該係用新鮮果蓉而製成，感覺好清新而且又解渴，甜度適中。玫瑰 Latte淡淡嘅玫瑰花香味融入左咖啡入面，配以本身咖啡嘅香味，唔錯嘅飲品選擇。

下雨天還是喝個下午茶啦。 沒吃午飯，就跟朋友約了這家cafe。 地方小小，基本滿座，坐下挺舒服。 同朋友點了一份lunch set，想點D餐的流心牛角，但是賣完啦，好可惜啊，看起來好好吃。最後點了一份牛扒 set 軟殼蟹黑松露意粉 小食拼盤 無麵粉巧克力蛋糕牛扒 set 五分熟 配飲品 這個價格還是抵食的。最最驚喜就是小食拼盤啦！ 好豐盛，上來的是甜薯條啊，不是土豆，甜甜脆脆好滋味。 我摯愛芝士，芝士蔥薄餅同芝士條，真的太心水啦，好好味，吃不夠。 雞翼都不錯，但是我還是更愛芝士啦。軟殼蟹黑松露意粉，原來一直對黑松露的味道不太接受，但是這個搭配的好好，黑松露味道不會太濃，配上奶油同意粉，不油不膩，份量剛好。甜品，朱古力味道無敵濃郁，不會很甜，估計是黑朱古力做的，配上酸酸的紅漿果，濃郁的來就覺得好開胃。 聽店員介紹，朱古力是他們的主打，都是自家製作。 但是吃不下啦，下次試下mocha啦~

今日去太子行街，餓餓地咪去揾間西餐廳食lunch，竟然俾我發現新大陸。依間餐廳環境好舒適，播啲音樂亦好好聽。我地都係叫佢午餐牌上嘅野食。首先叫左個美國安格斯肉眼扒配薯容。雖然份量比較少，但勝在肉質好嫩，咬落去完全冇筋。之後叫左個鮮雜菌配牛肝菌汁意大利飯。啲飯入哂啲牛肝菌汁嘅味，好惹味。之後叫左個燒一口鵝肝多士，咁嘅價錢食到鵝肝，質素算唔錯。最後叫多個巴馬火腿蘆筍忌廉汁意粉，啲火腿好有出面酒店水準，屬於中上水平。飲品就叫左個凍朱古力同拿鐵咖啡。正常水準。最後埋單每人二百，以西餐廳黎講算合理。服務又好，之一後一定會再黎幫襯！