Hami Harmony (已結業)

太子一帶有好多小店值得支持和品嚐. 今天特意來到搵食. 星期日午餐過後, 下午茶未到的時間. 來到這家咖啡小店. 二人不用等位, 直入. 店內細細, 喜歡枱面都以七彩顏色瓷磚做成. 好靚!這個時間還有午餐供應, 大約$100左右, 選擇足夠, 魚雞牛意粉任選. 午餐, 可選餐湯或飲品, 或加$5可以兩樣都要. 南瓜忌廉湯調味的黑椒多左少少味道可以肉眼扒味道ok份量偏細香煎比目魚食落有一股油味, 是膩膩的感覺口感ok, 味道是失望的份量也偏細兩份午餐的上菜碟都比較細, 食物都逼住逼住咁. 份量方面，澱粉太少，不夠飽😅碟上的醬汁以白色紙杯放著賣相不好. 錯配了.

一家大細來食午餐，見食評好好就來試下叫了3份午餐，肉眼扒，意大利飯，巴馬火腿忌廉意粉，一份散叫龍蝦汁意粉其實大部分都好食，我諗係我唔好彩加咗個磨菇忌廉湯，等咗15分鐘左右都未到，同waitress講完即刻攞返俾我，點知有小強係入面!!!算啦取消當自己黑仔，跟住個巴馬火腿意粉到竟然變咗煙三文魚意粉，又搵個waitress問下，原來廚房臨時改咗，咁你應該上之前或落單前同返個客講，而唔係上完等個客問先講呀？最後都係取消跟住個女叫個龍蝦汁意粉係散叫，預咗要等，但估唔到要等30分鐘先到最後waitress都幫我地free返杯野飲，仲問我地食唔食甜品，其實我飯都未食囉，又點會想食甜品呢？肉眼扒-7成剛剛好但份量太少意大利飯-口感一流龍蝦汁意粉-足料埋單計埋加一$330，大家自己諗啦

下午去開太子呢頭，朋友就話攰想坐下食番個下午茶！比我地搵到呢間cafe，叫左幾樣野食，飲番杯咖啡！🔥啤酒將炸魚薯條炸魚好大舊，不過入面好多炸粉漿，食落魚嘅部分好嫰滑，唯一係d炸粉太厚，影響左個口感！🔥海膽芝士焗大啡菇熟左嘅海膽感覺怪怪地，芝士味就幾濃，菇味好重！🔥車打芝士蔥餅呢個芝士餅幾香，d芝士仲要溶溶地！

今日去咗旺角行街，行完之後見到我就去咗附近搵嘢食，我同女朋友多數喺旺角食飯基本上所有嘅餐廳都已經食過，所以今日就走去太子搵嘢食，經過太子就見到一間餐廳個名叫做hami harmony ，見到餐廳入邊好多客人同埋個餐牌好吸引所以就走咗去試吓芝士醬雞翼，雞翼非常之肥美大隻，外皮非常之香脆，內裏亦都非常之多汁，只是想非常之香濃同埋好滑，呢一個小食係非常之推介大家意式海鮮配龍蝦汁意大利粉，龍蝦味非常之香濃，非常之多海鮮嘅選擇，意粉亦都軟硬適中主得時間啱啱好煙三文魚飛魚子意大利飯，三文魚油分非常之充足，配合買非常鮮美嘅飛魚子，呢個意大利飯非常之好食值得一讚佢哋嘅飲品凍摩卡咖啡同埋玫瑰拿鐵亦都好好飲

要喺太子搵一間咖啡店唔難，但遇到一間好嘅咖啡店真係好難得🤩🤩🤩🤩依家間鋪頭要book先得，上次嚟到都摸門釘😔😔😔😔😔今次終於有機會可以試吓啦🤩環境非常舒服，啱晒少女一齊傾吓計🤩🤩🤩🤩我哋叫咗一杯熱朱古力同埋抹茶咖啡🙂好香濃嘅朱古力味🙃🙃🙃唔似一包包攞朱古力粉🙂🙂🙂軟殼蟹意粉，個醬汁煮都好濃郁，好creamy，推介🙃🙃🙃🙃🙃蟹肉芝士焗大啡菇，切落去就淡淡肉汁，非常好食！最尾重頭戲，伯爵茶奶凍😍😍😍😍😍😍😍超好吃！茶味濃😘😘😘😘下次都會返嚟食！

放假同女朋友出黎行街，由旺角行到太子，突然覺得餓餓地。見到有間cafe睇落落幾骨致，就入左黎坐抖下食下野玫瑰咖啡$38女朋友點左玫瑰咖啡，玫瑰味清香，心心好靚，不過略嫌唔夠熱。菠菜意大利飯$98好creamy，配料有菇，菠菜同埋洋蔥，好濃厚既白酒味，一啲都吾乾身，飯略為過淋，本人比較喜歡有口感既 al dente的。招牌醬燒豬仔骨拼薯條 $288份量十足，我地2個人食吾曬，用bbq汁醃製，非常入味，配菜有沙律非常新鮮，薯條即炸而成，香脆可口 。

在繁瑣嘅都巿想找一個寧靜嘅地方沉澱一下心情實在艱難，幸好尚有狹小空間可以讓你自閉一個下午，忘掉煩惱。這間咖啡店絕對是可以幫到你，環境舒適恬靜，播住熟悉嘅歌曲，嘆住杯咖啡☕️，沒有催趕落單同埋單嘅情況下，你還會感到不滿嗎？😌.🍴燒烤醬雞翼🐔+炸甜薯條🍟。不太餓之下只點了兩款小食，說真心話食物都是誠意有水準，確實沒有挑剔空間，不錯👍🏻.☕️自家制焦糖拿鐵。價錢同味道都與連鎖式咖啡店差不多，口味見仁見智，熱飲夠熱就是首要條件，就是做到了😌

是日同朋友介紹哩間充滿小清新的CAFE，在太子多到數唔完的酒吧當中，見到清新的CAFE，都有唔少人去食哩間，幸好朋友有訂枱，可以等一陣就入去坐了我們決定左食佢地的套餐，又可以唔駛煩食咩了~~龍蝦湯配蟹肉，龍蝦湯配蟹肉真的好特別，用茶壺的方式上，真的飲得方便又可以保溫，三文魚沙律，新鮮的蔬菜，真的愈食愈開胃，青口白汁意粉，青口好入味，意粉爽口，意大利粉黑松露帶子雜菌意大利飯意大利飯唔會過淋，黑松露味好重，藍莓MOSSES,，香蕉拖肥批加了$18轉他的招牌香蕉拖肥批，真的好好味，香蕉加上拖肥糖，真的愈食愈想食，藍莓MOSSES味道唔錯，環境都令我們感到很滿意，下次約會再來HAMI先!!

太子警署後面嗰條街有好多間坐得舒舒服服俾人嘅感覺好休閒嘅Cafe，今次就睇中左hami harmony裏面寧靜舒適嘅感覺，食咗餐好優哉游哉嘅晚餐。醬燒七味特級牛脷$65燒到異常香口但係牛脷嘅肉質仲保持好鬆軟，相對地少啲汁但係又有啲似鬆軟版嘅牛肉乾，食落有另外一番風味，加上每一個牛脷都好大塊，而且調味又啱啱好，小小辣好香口。車打芝士蔥餅$68呢個真係好彩有叫到，大大件相當抵食，而且又整得好好味，個餅煎得好酥脆，好似餅乾咁樣，脆卜卜但係裏面夾着啲軟綿綿嘅芝士，好有口感，最緊要芝士夠多，睇住啲芝士吱出嚟真係好治癒。煙三文魚飛魚子意大利飯$128估唔到用咗咁多煙三文魚，整到成朵花咁樣好好睇，視覺一流，感覺好高級，意大利飯煮到軟硬啱啱好，吸到個汁之餘又唔會話太腍，最欣賞佢喺裏面加咗好多洋蔥同埋芝士，令到成個調味好出，但係感覺天然。如果唔係個friend叫咗杯酒，今餐應該$300就買到單，非常之抵食。

今日出左旺角做野，行過界限街見到呢個西餐價錢唔太貴就入左去試一試！巴馬火腿蘆筍忌廉汁意大利粉 .忌廉汁非常濃郁，配上蘆筍和巴馬火腿，唔會太漏，而且份量都唔細架！美國安格斯肉眼扒.叫左7oz安格斯肉眼扒四成熟，配埋薯蓉及沙津，薯蓉食落綿滑，肉質不算入口即化但都嫩！仲可以加$5配埋餐湯大蒜薯仔忌廉湯，好好飲！———————————————————📍Hami Harmony (太子)太子西洋菜北街161號地下A舖

小妹對手工意粉有情意結😂落開太子就過黎試下有無講到甘正地理位置係perfect for driving 門口兩大排錶位 double park無難道😂😂小妹係有等到有位先去食飯既😂😂😂lunch 係no booking 要qalk in好好彩1點半行入去只係halfway fulllunch menu都幾多野選擇 有意粉，意大利飯，魚，牛扒，all day breakfast等等蘑菇湯係我all time favourite必叫 呢到有少失望 佢晤算好creamy不過都有明顯菇香既 合格啊一場係到梗係試意大利粉 今次係香辣鮮魷青醬意大利粉 意大利粉好有咬口 晤錯 鮮魷份量好多 亦都夠淋 唯一晤好係意大利粉有啲乾 多啲汁會更加正朋友叫左all day breakfast我試左個黑松露炒蛋炒得夠嫩滑 黑松露醬份量都足夠 💪💪朋友無飲湯就有咖啡 呢到係會俾鮮奶你 都係一個加分位 晤錯😝提外話 冷氣比較凍 記得帶外套啊

太子酒吧街附近一個轉角,內街一間以白色木色為主嘅文青風cafe! 坐落去係有悠閒嘅感覺。食物制作係小家小廚風! 午市叫一個 有自家配搭嘅All day breakfast set! Lunch set $98是日餐湯不過不失沙律菜夠新鮮,煙三文魚厚身新鮮,牛角包外脆內軟,溫熱!炒蛋就有d老,唔夠滑同好硬身!最開心係冇我唔鐘意嘅茄汁豆,取而代之可能係糖燒香蕉,有脆糖係香蕉面,好味😋😋。⠀Americano 我自己加奶同糖🤣變佐唔係americano !

#hamiharmony 鮮雜菌配牛肝菌汁意大利飯: 我真係好中意食意大利飯，但好多時會勁膩，呢個唔會，剛剛好，食哂成碟都唔會頂住個胃matcha latte: 抹茶味濃🍵 唔會過甜或過奶，I like it！===========📍太子西洋菜北街161號地下A舖

近來愛上蒲cafe. 不單止坐得舒服，原來佢哋烹調嘅食物都好有水準。有別於一般cafe，佢餐牌食物種類選擇相對多👏🏻啱晒三心兩意嘅我哋☝🏻我地一共order咗三道菜，每一道都難分高下👊🏻啤酒炸漿炸魚配蕃薯條🍟fish & chips係英國名菜之一，佢嘅秘密材料就係啤酒🍻，一般炸漿好似唔駛落啤酒，但喺英國嘅炸漿一定一定要有啤酒，炸出嚟特別鬆脆！皮脆肉滑嘅炸魚柳令人食到欲罷不能🤣Chips嘅部分就加咗$10要蕃薯條！健康d之餘~減低邪惡感🤗西班牙黑毛豬朳亦非常有驚喜！雖然只係普通香煎，西班牙黑毛豬本身肉味濃郁，食落不感油膩，肉質鮮嫩入口juicy ，配搭埋薯菜，食過之後更令人回味無窮。因為無食lunch有d餓，所以叫多客香辣意式茄醬蟹肉長通粉配松葉蟹棒，原本諗住瘦身中飽肚野就留俾另一半獨享啦。但...我錯了！佢上枱已經色香味俱全。辣味同茄醬嘅酸甜意外地match! 長通粉掛醬後配埋撕碎咗嘅蟹棒食，真係好好味！推介🧡估晤到呢間咁近屋企附近嘅小店咁高質，有相逢恨晚嘅感覺😸相信會成為新食堂👏🏻

餐廳裝修格調淺色，走小清新路線，主要女性顧客居多。👉👉餐廳座位唔多，小妹幫襯個晚座無虛席，建議先訂枱喔。👩🏻‍💼👩🏻‍💼👩🏻‍💼三人晚餐👩🏻‍💼👩🏻‍💼👩🏻‍💼.前菜🍴白汁忌廉煮青口青口係藍青口，食落新鮮，足絲徹底拔除，醬汁調味剛好🤗👍.主菜🍴美國14oz安格斯有骨肉眼扒14oz確實幾大塊，一個人吃會有點多，只係略嫌煎得熟左啲，牛扒的肥瘦比不平均，食落韌左少少。.🍴智利藍青口忌廉汁意大利粉青口剛才已經提及過就不再多說，忌廉汁配海鮮或者意粉都係非常之match👯‍♀️ .🍴黑松露帶子雜菌意大利飯帶子用刺身用帶子煎到半熟，食落好juicy😻黑松露汁好多，味道好濃郁，配上意大利飯索晒啲汁再加埋菇菇，棒棒的👍👍.甜品🍴士多啤梨奶凍奶凍的口感很好，柔滑又有彈性，甜味剛好🤗