Hami Harmony (已結業)

今日同朋友行魚街買金魚，行到去太子見肚餓當然要去搵野食啦，知道西洋菜北街食肆林立，有很多選擇，最後決定去了呢間「Hami Harmony」食意大利餐廳，門口裝修都以意大利風作主題，內裡店舖雖然細小，但有很多小擺設，枱櫈都以木為主題，我們坐低服務員馬上送上清涼青檸水，睇咗一陣餐牌，點了西班牙黑毛豬扒，北海道軟殼蟹配黑松露意大利粉和甜品香蕉拖肥批。味道方面，西班牙黑毛豬出名肉厚多汁，食落口啖啖肉，至於軟殼蟹夠淋又煙韌，成隻食落口，甜品香蕉拖肥批是我第一次食，凍食的，軟軟香蕉忌廉裡有一些硬的拖肥糖，幾特別。