Hami Harmony (已結業)

太子休閒Cafe @hamiharmony ❤️平日lunch time都唔難搵位。流心牛角英式早餐 $98包熱飲或餐湯☕️🍵 主角流心芝士牛角包🥐熱辣辣上碟，滿滿嘅芝士一咬就流哂出嚟，如果可以鬆脆啲就滿分💯黑松露炒蛋都幾香，沙律菜配上黑醋好開胃👍甜品嘅焦糖香蕉表面嘅焦糖脆卜卜，perfect ending😋#hamiharmony #hkfoodie #food #hkholidayjengz #foodpic #foodporn #foodaholic #igfood #hkigfood #sharefood #hkfoodblogger #followforfood #hkrestaurant #hkblogger #手機食先 #相機食先 #不簡單的簡單 #簡單的美好 #吃貨 #美食                            

太子輕鬆朋友聚一聚 因為好耐無齊腳 所以想試間好野 朋友仔話呢間個食評唔錯 不如去試下 咁我地幾位勇者 就決定試下 基於每人口味都唔同 我只係發表我自己既 個人意見拿拿拿！好有趣既龍蝦湯新食法 龍有龍味 蝦有蝦味 總之好味大大啖 啖啖肉 芝士菇 岩晒芝士控+菇控既你 （我其實對姑姑無乜情意結 我又唔係過兒😂）一口鵝肝多士 其實多個一口 有成兩口 個口油香真係 回味無窮黑松露太子 呢個真係值得一試 個菇香味真係唔錯最尾幾得試杯哈密瓜波羅梳打 試完 你地話返我知好唔好飲

一開始只係因為俾佢既田園風裝修吸引，同好姊妹傾計就good fit喇👍小小既餐廳，用上木製傢私，天花有白色木柵吊住不同蔬果裝飾，非常有田園氣氛，木枱還加入特色瓷磚做點綴，很有味道！小食拼盤🥙$138 有4款小食：🧀芝士條，bbq雞翼，🍠炸蕃薯條，芝士蔥餅。蕃薯條係大愛😍，外面金黃，內裡香軟，好食到停唔到口。bbq雞翼炸得唔乾，雞肉仍然嫩滑。芝士蔥餅好傢墨西哥薄餅，入面夾住d芝士，都唔錯。芝士條就太乾身，𡁻到個口有d攰😞原隻開邊虎蝦配自製蕃茄寬麵 🍝$128虎蝦好大隻🦐，厚肉爽口，開左邊好易食👍蕃茄汁好足夠，酸酸甜甜好開胃，寬條麵既麵質幾好，有咬口又唔會太硬，而且好掛汁。

同朋友行完花墟 發現後街有間cafe鋪頭細細但裝修得好舒服，好適合同朋友坐底食飯傾計！個甜品menu好吸引😍每款都好想試，下次要叫多幾個人試唒佢地呢😝小食拼盤 ($138)有芝士條，bbq雞翼，甜薯條，芝士蔥餅，依個小食拼盤全部都係我地中意食既野啊！芝士條新鮮炸起好脆，入面芝士拉絲🥳芝士控既大愛！甜薯條由薯條製成，甜甜地好新鮮，比薯條更好食！另外芝士蔥餅好有驚喜啊～好似夾餅咁帶少少蔥香，芝士又帶點咸味，吾會太漏！蟹肉芝士焗大啡菇 ($85/2件)焗啡菇定價偏高，不過真係好足料，啖啖蟹肉，大啡菇好厚肉又有菇汁好juicy 😝蒜香醬燒一口和牛粒 ($85)依份小食相對扺食，好似細細份，但食極都有剩🤣和牛粒口感軟熟有肉汁，配上蒜片同洋蔥，好正😇d醬好香，直頭可以撈到一碗白飯🤣🤣🤣原隻開邊虎蝦配自製鮮茄寬麵 ($128)我地得三個女仔，食完咁多小食share一個意粉就剛剛好👍🏻寬麵沾著滿滿既鮮茄醬，帶點微辣，有不少車厘茄好清新～寬麵 吾會淋patpat漿住個口咁，係我地中意既口感啊！好味😍本身真係好想食伯爵焦糖布甸同拖肥香蕉撻 但真係太飽😥😭

Hami Harmony佢地嘅野食都係即叫即整，可能係要等得耐少少，但係會感受到佢地嘅用心製作。。新鮮好吃😋招牌醬燒豬仔骨拼特脆薯條～肉身都嫩滑多汁⋯咬落啖啖肉，醬汁/調味非常濃郁，一咬就離骨，肉質超級軟腍😍😍加上炸粗薯條炸出黎好乾身，食落唔會覺得油，咬落去亦都夠鬆軟，食落薯仔味都好夠，單計薯條嘅話其實真係相當唔錯！薯條質素好好，咬落亦都夠鬆軟(⁎⁍̴̛ᴗ⁍̴̛⁎)波菜意大利飯，醬汁/調味非常濃郁，食物份量都幾大，口感有少少似，入口酸酸甜甜，唔會太膩，性價比極高飲品：玫瑰拿鐵☕️，打卡一流，味道很好👍🏻紅酒🍷：Les Jamelles -Merlot

今次第二次黎食，再帶朋友黎食好西！我地各自叫一個主食，同沙律share食。凱撒沙律 $78加$10有煙三文魚，有二大片，如果多2片會更好。沙律菜好爽脆，有麵包脆粒、芝士同炸煙肉粒，係開胃既，岩晒女士們。帶子黑松露什菌意大利飯 $145我揀左哩道，因為帶子同黑松露都好吸引。黑松露沾上每粒飯啖啖都好香。而且飯粒軟硬度剛好。落左什菌同兩款瓜好多蔬菜，食落唔漏，好食。帶子有點細粒，而且煎得少少過熟，有改善空間。香辣意式茄醬蟹肉長通粉配松葉蟹棒 $108面頭既蟹棒超吸引！長通粉好掛汁，個茄汁落左辣椒仔所以帶微辣，更加開胃。我額外叫左杯mocha, 香甜朱古力味，劃上是日晚餐句號。我覺得哩度環境幾靚，特別係哩道牆！

今日一行四個女仔聚一聚舊，去了花墟附近一間餐廳, 雖然空間細小, 但環境好cozy, 亦好彩有book位, 晚飯七時多完全座無虛席。我哋叫咗蟹肉芝士焗大啡菇, 蒜香醬燒一口和牛粒 和 小食併盤做前菜😂 主菜就叫咗招牌醬燒豬仔骨拼特脆薯條和原隻開邊虎蝦配自家鮮茄寛面。四個女仔黎講份量都足夠, 而最欣賞係蟹肉芝士焗大啡菇, 估唔到真係食到蟹肉嘅鮮味, 好juicy。另外和牛粒雖然細細碟, 但和牛的份量絕對吾少, 好有牛汁, 味道恰到好處, 值得推薦。其他食物的份量不少, 亦好好味。

今日同同學放學之後就落太子睇吓晚餐有咩選擇。經過見到呢間西餐好似唔錯就入咗去食啦，食完覺得呢間值得推介俾大家一試。我同朋友一行四人叫咗一個小食拼盤，帶子黑松露雜菌意大利飯，牛肝菌意大利粉，焗大啡菇同埋一個香蕉拖肥批。餐廳環境坐落舒服，侍應亦都幾好禮貌。上菜速度亦都算快唔需要等太耐。先講下小食拼盤，每樣食物都唔錯，個人來講就幾鍾意個芝士薄餅，配埋個醬汁真係幾好食。意大利飯係咁多樣嘢之中最好食。意大利飯煮得唔錯，做到軟中大眼嘅口感。另外調味方面控制得好好，味道香濃但唔會太鹹，係食過嘅意大利飯之中算高水平。意大利粉同大啡菇都算幾好，大啡菇睇落都好大隻，加埋妖入去焗真係好香好好食。甜品方面個香蕉批做得好好，識落淡淡香蕉果肉，仲有好濃嘅拖肥味。正

今日去左呢間感覺小清新既餐廳食飯，門面望入去已經覺得好舒服好企理，好大自然既感覺。入到餐廳內既佈置都好有心思，除左有鼓勵人既字句，仲掛住吾同既裝飾，感覺好簡單舒服，座位亦好闊落，吾會有種迫既感覺。叫左個二人餐食。餐湯應該是南瓜湯，十分濃郁喔，一碗飲晒。頭盤選擇了燒和牛，覺得呢碟既牛燒得好，食落去既肉都吾會太實，又入味。主菜就可以選兩款，分別選了青口白汁意粉，我覺得呢碟煮既青口同個白汁混得好配襯。而且分量又不會太少，兩個人食，都可以每人食幾隻青口，讚。至於另一主食是煙三文魚魚籽 熷意大利飯。我老婆就好中意呢碟，佢話個意飯煮個米煮得好，吾會太過”潔身”,但又吾會太散，時間控制拿捏得好好喔。餐飲方面，我地點左杯凍檸茶同百香果菠蘿梳打汽水。百香果既配撘係無得輸。最後上既甜品，我地點了一個不用加錢既草莓奶凍同另一款加18元的香蕉拖肥。先講奶凍，我同老婆推一致覺得呢個奶凍十分足料，因為奶味好重，同時又無遮蓋草莓口味，非常好吃。而香蕉拖肥，製作亦見好用心，有拖肥，香蕉，忌簾，一層層，仲有面層鋪上杏桃，不俗！幾特別的一個甜品！

前幾日去開太子，同朋友見呢間餐廳望落去幾靚，就決定入去試一試啦小食拼盤小食拼盤裏面嘅芝士條係熱嘅時候都做到微微拉絲嘅效果，而BBQ雞翼酸酸甜甜咁都好開胃，芝士蔥餅食完令我呢個芝士控好滿足，甜薯條食落好特別，終於唔使淨係食普通嘅薯條🥳🥳日本帶子雜菌黑松露意大利飯真係要大讚呢款黑松露意大利飯，除咗黑松露味好香之餘，意大利既軟硬度都做到好適中，帶子亦都煎得好香，夠曬鮮甜！美國安格斯牛扒呢款牛扒份量超大份，覺得兩至三個人share都可以，而且作為配菜嘅燒薯亦都有好多粒，所以超抵食！

 餐廳空間雖小 ，但布置陳設路線係清新自然帶點法國設計，搭配精緻既餐桌同椅子，感覺好舒服! 好適合一班女仔聚會打卡影相! 蟹肉芝士焗大啡菇巨型大啡菇釀入蟹肉後烤焗，芝士焗到完全融化! 菇味濃郁加上蟹肉鮮味，而且菇肉厚而多汁，好有鋸扒既質感呀! 白酒忌廉青口一份大概有8-10隻青口，白酒忌廉煮得夠滑，入口有鮮味兼白酒香，味道好配合! 餐廳好細心，已準備一個碗仔作「骨碟」之用，比客人掉青口既殼。 北海道軟殼蟹黑松露意粉原隻軟殼蟹放係意粉之上，一口咬落去，脆脆口感!視覺上或調味上既表現都唔錯!而意粉硬度拿捏得剛剛好，配上香濃既黑松露醬汁，滋味非常，絕唔會失望! 焦糖拿鐵鮮果士多啤梨檸檬薄荷梳打飲品方面中規中矩，士多啤梨梳打味道極似瑞士糖既士多啤梨味! 小朋友同女士們會好喜歡!

我好鐘意食意大利菜 有時會打開OpenRice 睇下附近有咩意大利野食 近日比我發現太子地鐵站附近都有好多美食 位於A出口 ，太子警署側邊 呢間係意大利食物為主 好有自己特色 小清新既感覺 其實好有意大利氣氛 無論音樂或者裝飾 坐得又舒服 佢地Menu好懷舊 ，分開甜品 主餐 小食 飲品 非常簡單 易睇 今次選左二人晚餐 可以優惠d 😋前菜選左龍蝦湯 用個透明茶壺裝上 加上蠟燭燃點住可以等佢保溫之餘，情侶或夫妻之間可以慢慢享受整個晚餐 龍蝦會用杯裝住 再倒入龍蝦湯 有啖啖肉 仲好香濃 整個口腔都充滿住龍蝦湯既香味 更加肚餓上來 😂一口牛粒 -煙煙銀銀配上蒜香口感更好味 主菜 係煙肉長通粉 自己煮係好難煮出咁入味通粉另外 喜歡淡天說地 亦都可以叫薯條食 我叫左碟甜薯 即炸 同埋自己切既甜薯非常香口 內軟外脆～～最後，品嚐意大利餐廳一定要叫食甜品

 太子區搵食Hami Harmony西式CAFE 有意粉有小吃,意式菜比較多肉有牛跟黑毛豬扒,醬燒豬仔骨等主打都係意粉我今次試了卡邦尼長通西班牙黑毛豬扒 環境走輕鬆舒適格調,晚市都幾多人 先來一份凱撒沙律放滿芝士碎與麵包脆粒,沙律醬已經預先拌勻直接就可以吃清爽開胃,好食! 果肉特飲,用上新鮮果肉打成比一般用果漿更好飲更清甜解膩 招牌卡折尼長通食過咁多間,呢間都算係出色之一一定會推介比朋友食有爆香詔既煙肉碎等食材,醬汁全部掛在長通食起來濃郁口感加上芝士咸香非常精彩既一款意粉 長通特色,特別掛汁 再來主菜帶骨黑毛豬扒配以沙律菜小番茄,焗新薯份量爆勁,好彩完全未食飯先清得曬加埋特製既肉汁配搭食 肉汁令豬扒食起來味道更豐富不過我想要埋鹽就更好厚身,切開仍然有好多肉汁焗得剛好熟

今日去了始創買床墊，然後上網找了一下附近的食店，發現了這間很精美的意大利菜餐廳，地點很容易找，太子警署地鐵站A出口步行2分鐘就到門口一片雪白色主調，大幅落地玻璃，襯上色彩繽紛的花卉，很吸眼睛。內裡燈光柔和，很多不同的小擺設，內外鮮明對比，環境整潔企理，餐具擺放整齊，適合朋友情侶眾腳一開始點了入龍蝦湯，龍蝦肉放在杯子裡，龍蝦湯用透明的茶壺裝上，下面還放上一個小蠟燭保溫，龍蝦的香氣陣陣釋出，喝下去濃郁嫩滑另外還叫了小食，一口牛柳粒跟bbq雞翼，牛樓粒份量很足，火候控制剛剛好，配上炸蒜粒，十分可口、雞翼很入味，bbq醬汁帶點醋酸，惹味得很，這兩個必點主菜黑松露帶子雜菌意大利飯，這個真的停不了口，配料跟飯的比例完美，配上黑松露提鮮，只是略嫌意大利飯有點偏硬，不過這是個人喜好最後叫了杯自家製的焦糖咖啡跟檸檬芝士蛋糕，咖啡十分香濃不會給焦糖蓋過，蛋糕檸檬味道清新，甜度剛好不膩整體來說這家鋪給我的感覺是很好的，每個細節都看得出很花心思，值得一讚！

夏天天氣炎熱，見餐廳門口頗具特色，並選用安格斯肉眼扒 是我我至愛牛扒之一。決定要入去一試。味道不錯 ，六成熟 ，夠淋滑有肉香。配磨菇湯。整體來說都滿意。加上餐廳內部佈置簡約。令人感到很舒服。下次有空會再試其他食品。