Hami Harmony (已結業)

放假瞓到黃朝百晏，最鐘意食#alldaybreakfast 🍳 做#brunch。坐係cafe聽住歌慢慢食，已經好 #relax。#Alldaybreakfast牛角包🥐細細粒，酥脆酥脆，中心罐滿左濃郁龍蝦🦞湯。好特別。仲有一條焦糖香蕉🍌 當食埋甜品。#香煎比目魚配香草忌廉汁 香煎比目魚賣相不錯，比目魚既香味撲鼻，魚皮煎得香脆，食落有一股魚油滲出，魚肉超級滑，調味岩岩好，碟邊仲有沙律醬調味！伴碟有薯蓉，同埋新鮮沙律菜。

呢排需要樹窿揀間方便又唔太嘈既cafe是好重要的👄👉🏻甜蕃薯條❤️好開心朋友同自己一樣中意愛薯條更愛甜蕃薯條🤤呢款熱食真係好正但凍左硬哂係另一回事😌👉🏻芝士蔥油餅上碟時熱辣辣可以做到拉絲效果感覺唔太油膩及滯但多人一齊share會好啲 兩個人食每人有3塊就多左少少添🤐👉🏻軟殼蟹黑松露意粉意粉份量好足軟殼蟹炸得岩岩好個醬調得ok der❤️今晚人唔太多 可以安心吹水兩個鐘下次會想試埋啲甜品🤤

是日一行二人經Openrice 訂位，完全唔洗等直接入得，去到都有多吉位，但同樣地都係被人book左，有人walk-in 店員都會話有人book左而冇位俾人入，所以想食記住要book位。因為唔係第一次食，睇左陣餐牌決定叫之前冇食過既野黎叫，叫左意式海鮮配龍蝦汁意大利粉同煙三文魚飛魚子意大利飯黎share，餐飲揀左黑加侖子薄荷熱情果梳打。先講杯野飲黑加侖子薄荷熱情果梳打，熱情果味就冇咩只有淡淡，但黑加侖子同薄荷味都幾重，幾好飲。果意式海鮮配龍蝦汁意大利粉，海鮮都唔係重點，普通啦～ 最緊要果龍蝦汁好濃味，意粉軟硬度適中，夠哂掛汁。而果煙三文魚飛魚子意大利飯，好食，果飯好creamy，而且芝士夠會有啲拉絲，有埋啲飛魚子令成件事好有口感，層次更豐富，好食。整體黎講，食左幾次都唔厭，食極都仲會想黎食，服務又唔錯，期待下次再黎試埋其他。

昨晚平安夜到了Hami Harmony食聖誕大餐🎅🏻🥳聖誕大餐$358+10%一位，有餐湯，冷盤，前菜，主菜，甜品同飲品！除了餐湯同甜品外，每個course都有三款食物可以選擇！我們一行4人，基本上叫晒每個course的食物一起吃！當日餐湯是布列塔尼魚湯，這個湯味道超讚，個個讚不絕口👍🏻👍🏻而冷盤我們點了兩款不同的沙律，包括Caesar Salad同八爪魚仔意式田園沙津🥙！兩個沙律份量都超大，完全不似是一人份量！另外兩份我們點了意式野菌香烤法包！由於現時懷孕中，前菜我只吃了這個！平常我都不太喜好吃菇類！但這個法包真的太好味了😋！我還一口氣吃了兩個！🥖🤪至於前菜我們點了炸墨西哥玉米片，好味😌😌還有芝士焗蠔，及菠菜芝士烤菇！吃到這裡我們已經有點飽了，份量真的很多！接著，就是上主菜了！兩份14安士肉眼扒配薯條，及兩份波士頓龍蝦意大利飯！這個意大利飯有點黑椒的味道，而且有很多龍蝦肉🦞，很美味！I like it so much🥰最後，我們上甜品及飲品！甜品是粉紅色的cheese cake ， 又是很美味！芝士味不算太濃，但又有點甜甜的味道，整體是很match很美味！不錯的🥳🥳

支持 #黃色經濟圈 💛聖誕情侶閨蜜的約會好去處，位處旺角鬧市的Hami Harmony別樹一幟，裝潢以木色和白色為主，桌面還有澳門有名的藍白瓷磚，感覺很warm很cozy❤️ 食物也做得精緻，煙三文魚茄醬意大利飯面層有芝士片，味道很香很開胃🍅煎鯖魚柳外脆內軟，配菜薯蓉入口幼滑，香草忌廉汁比沙律醬味道更rich更香🌿最喜歡最後的甜品－無麵粉特濃朱古力蛋糕🍫口感很像brownie，朱古力味道超濃但不會太甜膩～面層的紅桑子醬與朱古力很配，切開會慢慢流下來，感覺非常浪漫🌹

是日一行二人經openrice 訂位食飯，黎到完全唔洗等，直接入得，入到去本來坐滿哂人，但甘岩有人走，所以都影到下內部啲環境。建議一定要book位，見到即使訂座既人未到有吉位，有人walk-in問，店員都會覆今日full哂唔俾人入，所以一定要book位，唔係會摸門釘，而且呢間係真係好旺下。去到睇左下餐牌，因為只有兩個人，所以都冇點太多野，只點左香辣意式茄醬蟹肉長通粉配松葉蟹棒，炸甜薯條同粉紅石榴香檸檬梳打。先講杯野飲啦，真係好普通，而且只飲到檸檬味，冇飲到石榴味，較為失望。然後到果小食，炸甜薯條，講真上次食完我已經深深愛上呢個炸甜薯條，因為佢唔係出邊普通啲薯條，佢特別在佢係番薯條黎，所以食落會甜甜地，而且炸等夠脆，凍左啲食都係好脆，超好食。再黎到果香辣意式茄醬蟹肉長通粉配松葉蟹棒，松葉蟹棒其實冇咩特別，但好食在果醬汁，好夠辣同惹味，加埋啲長通粉甘掛汁，兩者真係好夾，下次黎都會再點呢個長通粉。整體黎講，食物水準高，難怪成日都甘旺場。服務都正常，會主動幫手加水，見你點薯條又會問洗唔洗要茄汁。唯獨美中不足係因為太旺啦，食到甘上下有其他客人黎就會叫你交枱，冇得坐耐啲傾計。同埋呢到需要加一。

本來一心歡和太太去慶祝結婚紀念，太太喜歡西餐所以話去試下。到左門囗等左一陣冇人理都算。入到去如空氣一樣，完全無人理會。坐下5分鐘叫人才有一個餐牌，落完單再等幾分鐘才拎水和餐具。店面並不繁忙，只見店員一直背向廳面。根本無法叫到侍應。點餐時，大部份午餐都已售罄/無材料(當時只是中午1330左右，已餐牌供應時間為1100-1700)最後逼於無奈下散叫了2份帶子黑松露雜菌意大利飯(不過冇帶子，最後要換成煙三文魚🙄)，食物質素個人而言只能算一般，冇叫餐飲冇叫湯。2人結帳共$319,如此服務+質素，完全不值。😡😡😡😡😡第一次，同樣係最後一次。

服務差！！入到去冇人理！2個侍應完全好似見唔到人咁！！對啲客毫無笑容都算啦！仲要hea下hea 下~我睇你唔到我睇你唔到~！永遠都係背對住啲客12時至5時的午市套餐叫3款都冇！！我叫嘅時候2時都未夠咯！究竟係未做生意咖？？？？？環境狹窄，隔離個啲人講嘢又大聲，我同老公講句嘢斯文啲都唔得！！！！完全唔明點解仲有咁多like~食物又唔係好食，普普通通，但價錢貴！！！連單叫Menu嘅嘢都冇，仲要轉！食到我同老公都一肚氣

今午在太子附近經過想吃西式午餐，見餐廳門面甚有歐陸風情，推門後見到有位便進去試試。餐枱較細，走廊較窄，剛巧坐在最近廚房的座位，店員進出在身後都感覺到，以致舒適度一般。午市套餐選擇廣，有牛、魚、海鮮及素菜等。巴馬火腿蘆筍忌廉汁意大利粉 $83色彩柔和，巴馬火腿新鮮不太鹹，忌廉汁意大利粉熱騰騰，是清淡調味。餐飲兩杯   熱檸檬水餐具有趣，貓貓匙羹造型可愛，與富色彩的餐枱構成美麗的圖畫。香煎比目魚配香草忌廉汁 $98賣相不錯，聞到比目魚的香味，在比目魚下有薯蓉，另有新鮮沙律菜。比目魚魚皮煎得香脆，有魚油滲出，魚肉滑，調味同樣清淡，而旁邊的沙律醬調味則是非常清淡。主菜及飲品放滿餐枱上更覺狹窄，但都明白寸金尺土這因素，幸好食物質素不錯，為愛清淡口味的食客帶來口福。因為這次午饍較趕，以致未能選擇其他小食品嚐。下次再來嘆杯喜愛的熱朱古力和甜品，甜蜜一下!

I remember bookmarking Hami Harmony some time ago, but then removed the bookmark as I thought it’s quite ordinary and didn’t worth a try. But since a newly met friend suggested it for a Sunday dinner, I gave it a try, and it was disappointing as expected, especially when the food was overpriced.The Snack Platter was very ordinary at best. The most disappointing part was the chicken wings. They were fried chicken wings dipped with some sauce, the sauce wasn’t even enough to cover the whole chicke

黎到太子，不忘要去一去支持一下受影響嘅小店。去到西洋菜北街，好似去左第二個世界，係寧舍靜。白色嘅小屋入到去食客想講乜就講乜，好隨意（依家唔知點解講嘢都要睇咩場合講）。俾大家參考下佢午餐有咩食。我選擇左坐近窗口，好似可以有啲嘢望下，呢邊呢個鐘數比較少人，又唔怕好多人路過。流心牛角英式早餐，98元。同平時食嘅有小小唔一樣，首先係迷你流心牛角包，芝士幾濃，我唔係第一樣食佢，所以已經無咁暖。之後係黑松露炒蛋，唔錯，蛋幾滑，黑松露好夠，食落口好正。煙三文魚腸仔正常，唔係伏。要介紹係焦糖香蕉，呢個我未食過，上面一層焦糖，脆脆地，配香蕉係好味（當然係邪惡）。肥威，配餐半價18元，不過不失。回應番題目，勁驚喜，好多連豬！！店主仲有一間hami bakery，係整馬卡龍㗎，店係觀塘，唔知好唔好味，食過就留言話我知。

前兩天到這閒餐廳和好朋友吃晚飯，本身很喜愛吃意大利飯，但這間的食物真是一般，本身睇環境諗住都ok,睇埋餐牌重覺得ok（因為有點貴），誰不知上餐時才發覺中伏！沒有賣相，簡直和茶餐廳的楊州炒飯一樣，味道一般，另外飯在上枱時不夠熱，自己去過另外筲箕灣有一間平民扒房，環境比這間餐廳好很多，不單是味道好，食物賣相好，而且價錢又比這間便宜，別人一個餐只是佰多元，包餐湯、餐包、正餐及餐飲！這間每款分開價錢來收，本人想真的不值推介。

由我公司過嚟食個lunch要來回行一個鐘㗎💁🏻‍♀️不過為咗支持真·良心·香港·黃色小店! 行吓當做運動當消化吓啦😌平時我唔鍾意all day breakfast有煙肉同茄汁豆🤭呢個<<流心牛角英式早餐>>($98)就啱晒我!店員仲提醒我要襯熱食嗰兩個流心芝士牛角包但要小心流出嚟 佢堅流心，仲好香牛油味!芝士份量剛好~ 唔會太腬👍🏻 食煙三文魚同牛仔腸時，夾埋中間嘅什菜沙律...即刻冇晒罪惡感!黑醋中和咗本身腸仔有嘅油膩感😌黑松露炒蛋好滑好香! 相信係加入咗鮮奶一齊炒😋最特別係嗰條一開二嘅焦糖香蕉😀燒到個面脆一脆!完全係提升咗香蕉嘅口感!達到一個前所未有嘅層次😂😂😂😂好可惜要趕住返工繼續工作...嗰度好舒服好文青好悠閒嘅感覺~~真係好想慢慢嘆我杯<<Americano>>

今次嚟到太子就試吓意式手工菜 餐廳感覺優雅 食物方面 軟殼蟹炸得夠香脆 自家製香蕉拖肥批 香濃拖肥味配上奶油 一個字正！ 味道：👍🏻👍🏻👍🏻 服務：👍🏻👍🏻 環境：👍🏻👍🏻👍🏻 價錢：👍🏻👍🏻👍🏻

星期五約咗好耐冇見嘅朋友上OpenRice查吓太子有咩好食第一間就pop up咗Hami Harmony原來佢哋星期五中午都係開12點(但OpenRice話佢哋星期五開11:30)當日我早左到幾分鐘到，出邊大熱天時我問餐廳職員可唔可以俾我入去等開舖，佢哋OK當日我同朋友叫咗兩個set lunch一個係忌廉汁parma ham意粉，另一個係肉眼扒講真兩個分量相當之細，只係適合女士，大食少少嘅男士肯定唔夠飽成個set lunch餐牌都有好多選擇，全部價錢都係$100以下。呢個價錢+呢個質素，我覺得比返呢個份量都算合理先講下意粉味道尚算唔錯反而我想推介嘅係佢既肉眼扒，佢真係一塊肉眼扒！唔似出邊好多餐廳都只係係取巧。呢度嘅肉眼扒真係會有一舊圓形嘅肥係中間，而且肉質相當之嫩滑，但唔係似花園餐廳嗰種，相當有驚喜，強烈推介！PS 唔好意思今次食評無影相