GAIJIN

营业中

休息中

Value for money lunch set spotted in cwbLove the Thai basil steam fish Portion is hugeThe fish is fresh and full of umamiUser friendly for who can’t pick bones as well$178 including pastries, appetiser , dessert and drinkPastries are superbCheese dough is soft and moistPerfect to pair with the soft cremeCoffee is surprisingly goodWith Strong flavour of smoky beans Yuzu cake is also quite refreshing Not too sourMaking it a perfect ending to balance out the heavy meal

一間法國日本fusion ge餐廳🍽是日沙律係酸甜汁雞絲沙律酸甜汁清新味道非常醒胃牛油果惹菌忌廉酥皮盒已經賣晒所以店員轉左🍽北海道帶子刺身薄片帶子夠鮮甜加上三文魚子配埋佢個橙gel 一齊食令到帶子嘅鮮味更加突出🍽迷你餐包牛角包好鬆軟芝士包好香芝士味仲可以refill🍽美國頂級封門柳$268燒到五成熟內裏仲保持到肉質幼嫩切成一件件方便進食😛🍽鹿兒島白豚豬扒$188上枱都聞到陣炭燒香味豬扒都已經切好晒一件件肉汁仲係鎖住喺入面好好食😋2份肉都係配黑松露燒汁餐碟邊仲有海鹽🍽香橙朱古力慕絲炸彈配冧酒雪糕 $68炸彈外層係朱古力脆皮內裏係香橙慕絲蛋糕朱古力味非常濃郁而且唔會太甜炸彈個底係爆炸糖幾特別🍽奇異果蛋糕配金莎雪糕$68 朱古力脆皮入面係慕絲蛋糕仲有一層奇異果啫喱味道味道酸酸甜甜消除飽膩感💬餐廳所有嘅擺盤都好精緻好適合打卡而且店員會好細心咁講解食物同食材好有禮貌環境同格調都好適合同男女朋友、閨蜜一齊去

第二次食呢間既lunch set，鍾意佢食物質素很有水準，難得保持到，連朋友都話好唔錯😆Lunch set包餐包+餐湯/沙律/前菜+主菜+飲品我地簡左一個chef special——慢煮雞卷配牛油果野菌忌廉酥皮盒，另一款就美國頂級封門柳配是日沙律餐包熱辣辣，同牛油香味濃！牛油果野菌忌廉酥皮盒牛油果熟度岩岩好，入口即融，味道又refreshing，中和忌廉酥皮既油膩是日沙律唔好諗住沙律就好普通，佢用左兩款蕃茄，當中有好少有既黃色品種，味道相當清甜，好令人驚喜慢煮雞卷估下雞卷出面層綠色係咩？係炸羽衣甘藍！相當特別，當然好香脆，配埋鮮嫩多汁既雞卷，口感好豐富，中間有一塊黃色既炸物，其實係炸雞皮，食落有淡淡既雞香，好欣賞廚師用料既心思美國頂級封門柳朋友都好鍾意呢款，我試左一舊牛肉，五成熟相當嫩滑同juicy，另外好驚喜既位係啲配菜，都係精緻好食，特別係個芝士薯蓉，香滑惹味

之前听朋友介紹話銅鑼灣有間高質日式加法式fusion，今日趁住岀糧食好西。佢係喺time square 附近永光中心，好彩book左8點，唔係應該無位，入面無論環境同格調都好適合情侶撐枱腳。值得一讚係每位服務員都好有禮貌，service 好好。我要左five course menu。首先會送上超好食既餐包，係牛角酥同芝士軟包，熱辣辣，仲可refill! 頭盤係日本怪物蠔，賣相好美艷，生蠔飽滿肥美，配上酸甜青蘋果同檸檬汁，更帶岀蠔既鮮甜。之後有紅蝦他他，賣相超靚，新鮮太平洋紅蝦配上三文魚子，份量剛好，鮮味濃濃。再有日本岩燒鮑魚，大大隻鮮鮑配上清酒牛油汁，好味！主菜要左新鮮銀鱈魚配上青口忌廉汁，下有日本靈芝菇作配菜。最後以甜品作結，好滿足，呢款又係好有驚喜，紅石榴檸檬撻，味道酸酸甜甜，消除飽膩感。

我叫左5course menu。總體嚟講，我覺得個menu設計得幾好，所有食物同醬汁嘅配搭都做得好好。另外，食材好新鮮同優質。岩手縣生蠔配切到細細粒嘅澳洲青蘋果， 青檸雪葩。生蠔好新鮮好大粒，同啲配料好夾。配料好清新，唔會搶走蠔嘅鮮味，但又令到個蠔更易入囗。就算平時唔鐘意食蠔嘅我都覺得呢度菜好好食！紅蝦他他 係由太平洋紅蝦去整， 再加咗醬油漬三文魚子。 擺盤好靚下面有啲綠色一粒粒嘅鹽。 由於三文魚子本身有啲咸咸地，所以唔使加好多綠色嘅鹽，個紅蝦都已經好好食。用清酒牛油汁煮嘅日式岩燒鮑魚。個汁好好味，鮑魚好大隻，食落好林身，好食！主菜有3款：銀鱈魚，頂級西冷牛排或者香煎法國鴨胸。我揀左銀鱈魚。 刺身級銀雪魚配紐西蘭青口，意大利煙肉，日本靈芝菇。面頭淋上 忌廉汁。每食一啖都覺得好滿足，真係好好食，魚肉好嫩滑，煎得剛剛好。個忌廉汁同魚肉青口煙肉菇好襯！

To celebrate, I go to Gaijin for a good dinner. There are two menus, a set dinner and a five-course menu. The five-course menu looks special andyum, therefore I choose the one.1.Oyster with Granny Smith and Lime Sorbet: The oyster is fresh, together with lime sorbet, this is a good dish to start.2.Toyama Bay Shiroebi with Salmon Roe, Granny Smith and Dill: The dish comes with dry ice, igable dish. The combination is match.3.Jumbo Scallop with Salmon Roe, Mussel Cream Sauce: The scallop is perfec

有一段時間沒有去銅鑼灣食晚飯，今日相約朋友聚一聚，我們預訂了登龍街永光中心9樓的GAIJIN，我們之前也有光顧過，感覺很好，所以再來。法式餐包：牛角包、忌廉芝士包，麵包都是一口的大小，溫度微暖，鬆軟有口感。Dinner Menu日本嚴選當造刺身 - 鰹魚刺身，鮮味濃郁，質感鮮嫩，配上特調的果香醬汁配襯，別有一番風味。是日餐湯 - 忌廉南瓜湯，碟好夠熱，南瓜好夠蓉，口感幼滑creamy。紐西蘭BB羊架 $388BB羊架有4件，羊架粉嫩味香濃，配上Rosemary Cream Sauce很夾；還另配上男爵焗薯、野蕃茄仔、長莖西蘭花、磨菇等配菜。甜品金粟Mousse cake，擺盤精緻，甜度適中，十分滿足。

第一次來到Ginjin，本身看過其他評論後想試試午餐，但最後還是選擇在下班後去吃晚餐。一推開門見餐廳坐滿了食客，很受歡迎，幸好預先訂了枱並準時到達。我自己點了一個 5-course menu $727/pax +加一：餐包 - 兩款餐包 ：cream cheese 包及牛角包可添加。一口包吃得方便，微暖新鮮，入口軟熟有牛油香。Oyster - 《令和怪物 真蠔》，配上澳洲青蘋果、青檸雪葩。是近年的新品種，外型巨大。口感是「爽與creamy」之間，味道很平衡，容易叫人愛上。*建議用筷子食用，用銀器會令醬汁變質影響味道*Red Prawn Tartare 《紅蝦他他》混有太平洋紅蝦肉、蕃茄粒及洋蔥粒，味道清新，頂置的醬油漬三文魚籽有爽脆有口感。Abalone 《日式岩燒鮑魚》配清油牛油汁軟稔並彈牙，味道鮮甜，不用調味都可。Japanese code fish 《日本刺身級銀鱈魚》配紐西蘭青口意大利煙肉、日本靈芝菇、青口忌廉汁。首先，碟好夠熱，感覺衛生良好。銀鱈魚夠不是真的像刺身般半生熟，但肉質夠嫩，有肉汁，味道清，配忌廉汁剛好提味。Dessert 甜品《朱古力三重奏》白朱古力、Hazel

依間貴價餐廳想食好耐，但一直都搵唔到藉口去哈哈，今日慶祝520，所以當係節日咁食下大餐。去到見到餐牌先知原來唔係西餐咁簡單，仲要係日本fusion 菜，諗都唔諗叫個主菜menu la,叫咗個肉眼扒，價錢唔算平，未加一都差唔多$500，所以我對佢期望極高。首先餐包一啲都唔馬虎，佢嘅牛角包細細件，但好好食，又脆，好香牛油味，而另外一隻包都好食，所以未食主菜之前已經對佢嘅牛扒有期望。餐湯就加咗$38叫龍蝦湯，龍蝦湯同出邊好唔同，飲得出佢唔係用粉溝出嚟，而且龍蝦味好濃，成件事再令成個餐升華左。牛扒叫咗五成熟，俾大家睇吓，佢煎得好好，肉汁簡直係爆出嚟，而且牛肉味好濃郁，啱晒我依啲鍾意食肉嘅朋友。甜品方面，叫咗朱古力慕絲蛋糕，同樣都係好龍嘅朱古力味，但唔會太甜，總括嚟講雖然呢個價錢比較貴，但慶祝吓節日都真係一個唔錯嘅選擇

🍴澳洲M5和牛肉眼 $498要煮一個好嘅菜式，最重要一定係食材，呢度用上最頂級嘅肉眼，非常重量級，廚師亦都烹製得非常好，煎得好香，啱啱好，肉汁仍然鎖住喺入面，啖啖肉嘅享受真係好好。🍴嚴選當造刺身今晚嘅當做刺身係日本深海池魚，上面加咗少少醬汁同埋橄欖油，同埋小小嘅柚子長，食落口除咗有魚嘅香氣，仲有少少橄欖味同埋酸味，令到件事好Fresh好開胃🍴 龍蝦湯龍蝦湯用好多嘅龍蝦殼熬製而成，飲得出完全唔係用粉開，或者現成嘅龍蝦湯，質地比較稀少少，但係龍蝦鮮味遠超平時出邊飲開嘅龍蝦湯，非常鮮美。🍴青檸慕絲蛋糕首先造型非常可愛，而且亦都睇得出廚師設計餐牌係有心思，食咗咁多嘢，就整一個比較清新嘅甜品，青檸味一啲都唔假，酸度亦都啱啱好，配上質地輕盈嘅慕絲蛋糕，就好似飲緊青檸雪葩咁。

今日朋友生日,所以訂了位食晚餐位於銅鑼灣登龍街法日Fusion菜,餐廳環境好舒服.服務好細心每一度菜都細心解釋,食物方面好新鮮美味.菜式方面點一個晚市Dinner Menus套餐由$298起，另一個點了Five Course Menus晚餐$728位.開始每位先送上牛角酥及忌廉包,牛角酥質感酥脆,忌廉包美味.精選時令生蠔⭐️⭐️⭐️⭐️⭐️當日係岩手怪物蠔新鮮大隻又肥美,店員好細心叫我地要用筷子食，先唔會影響味道.日本油甘魚刺身⭐️⭐️⭐️⭐️新鮮.味道清新開胃.龍蝦湯(+$38)⭐️⭐️⭐️朋友覺得有點苦.店員解釋龍蝦殼打碎後炒香煮湯帶點焦香，飲起來可能會不慣覺得苦.和牛他他(+$80)⭐️⭐️⭐️和牛混合了蕃茄,洋葱等,再配上脆卜卜嘅多士.配搭美味.日式岩燒鮑魚⭐️⭐️⭐️⭐️鮑魚新鮮.清酒的甜配上牛油香味海膽三文魚籽意大利飯⭐️⭐️⭐️⭐️⭐️絕對要試 味道完全一流,海膽新鮮,意大利飯味濃軟硬適中日本刺身級銀鱈魚⭐️⭐️⭐️⭐️魚肉軟滑及青口美味軟甜品精選⭐️⭐️⭐️⭐️兩款都特別美味梅酒(+$78)買一送一⭐️⭐️⭐️一杯鹽味及一杯桃味埋單$1,2xx.00用OpenRice 訂位有8折優惠，回味指數⭐️⭐️⭐️⭐️下次來一定要試埋其他，店員好細心介紹好

#銅鑼灣美食 #小蓮星呑食銅鑼灣🔻 GAIJIN 銅鑼灣登龍街28號永光中心9樓/🍽Five Course Menu $728🧃嚴選時令生蠔日本令和怪物配澳洲青蘋果、青檸雪葩、青檸爆珠。令和怪物好大隻，好砌肉，入口好似牛奶咁濃厚，又不失蠔味，配上入口爆開嘅青檸爆珠，有雙重口感享受，青檸嘅清新味道亦都好醒胃/🧃紅蝦他他用一個罐仔裝住，賣相精緻特別，內裏係太平洋紅蝦配醬油漬三文魚籽，紅蝦非常新鮮，入口彈牙鮮味，醬油漬三文魚子吊味，令到呢個前菜更鮮味。/🧃日式岩燒鮑魚整得啱啱好，唔會韌，但係又保持到有𡁻口嘅口感，鮑魚亦都非常鮮味，配上濃郁嘅清酒牛油汁，好好食！/🧃日本刺身級銀鱈魚好食，銀雪魚本身肉質鮮嫩，配上味道好搶，好鮮味嘅紐西蘭青口同青口忌廉汁，已經好正，仲要加埋有香口嘅意大利煙肉同重味日本靈芝菇，竟然出奇地夾，連個汁都飲晒咁滯。/🧃柑桔柚子慕絲蛋糕好可愛嘅手袋仔造型，食咗咁多嘢，最後來一個好清新輕盈嘅慕絲蛋糕，完美作結。#food #foodie #hkfood #hkfoodie #foodporn #foodstagram #hkfoodblogger #foodblogger #

好耐都冇試過食貴既西餐，因為唔捨得，不過有時都要對下自己好d既，今日放工去左依間好多人都讚既fusion菜，抱住期待同開心既心情😍叫左個5course set,價錢都唔平架，但好彩佢質素夠高Oyster有青蘋果同青檸汁加持，將成個蠔味昇華哂🥰🥰蠔都好新鮮，想一食再食！紅蝦他他擺盤已經贏晒！上面仲有超多三文魚子，成件事好高級，而且份量啱啱好，新鮮得來唔會過分多，令你之後仲要肚食下一味餸岩燒鮑魚冇食過咁冧同浸咁香嘅鮑魚，因為之前食過嘅鮑魚都係偏韌，所以我一路以嚟都唔係好鍾意食鮑魚，但依到切片鮑魚每一口都好冧，加上清酒牛油汁亦都好襯。主菜叫咗銀雪魚佢仲有其他海鮮，例如青口，靈芝菇，煙肉，令到銀雪魚唔會太dry,配埋青口汁食個魚好鮮味🤩🤩甜品就係芒果慕絲，好fresh, 又唔會太甜，作為一餐嘅完結就啱啱好啦

今日同朋友慶祝，我地叫去左間fusion餐廳。我同朋友分別叫左5 course同埋 dinner course。餐包好有心思，唔係平時西餐廳既牛油餐包！個牛角包好鬆軟！因為無生蠔，所以轉左燒鮑魚！佢個牛油汁好濃，d鮑魚好彈牙。日本白海老刺身。呢個dish充滿仙氣，打卡一流。佢用左日本富山灣白海老，配醬油漬三文魚籽。佢d海老鮮味十足，再配埋個青蘋果醬同蒔蘿酸甜好正！香煎日本帶子。青口忌廉汁真係第一次試！佢呢個汁令到個帶子好rich好fresh，配埋d魚籽口感好豐富！主食方面，我叫左個香煎日本銀鱈魚。佢個鱈魚好滑，有入口即溶既感覺，廚師好有心思，係鱈魚旁邊加左海膽，勁鮮甜勁好味，上面仲有d牛蒡條，橙色系令成個dish好igable！甜品係朱古力脆皮蛋糕配熱情果雪糕。個蛋糕朱古力味濃而唔甜，加埋熱情果酸酸地刺激味蕾，好滿足！

上兩個禮拜book咗呢間日式fusion菜餐廳諗住同女朋友慶祝生日，好彩今日唔洗OT，可以準時到。入座之後侍應哥哥已經好周到，同我地介紹menu，咁我同女朋友就分別揀咗一個set dinner同一個five-course dinner嘅。1.法式餐包🥐9/10有精緻嘅牛角包同圓碌碌切開一半嘅芝士包。牛角包個酥皮好香牛油味，芝士包熱辣辣，入邊芝士濕潤濃厚，再點埋extra嘅牛油同橄欖油，味覺上好豐富。2.牛油果野菌酥皮盒🥑7.5/10酥皮鬆化，內有粒粒分明嘅野菌粒，淋係面頭嘅牛油果白汁奶味濃郁，同酥皮盒好夾。3.法式龍蝦湯🦞7/10呢度嘅龍蝦湯同出邊慣常做法嘅龍蝦湯好唔同，焦香味更加出，混入嘅薯蓉唔多，龍蝦湯入口creamy又順滑4.澳洲M5和牛肉眼🥩8.5/10塊牛好有份量，切開係粉紅色，仲有肉汁噴射出黎添🤤佢表面燒到焦香之餘，內裡都保持到肉質柔嫩，肉味濃郁得黎咬口程度都岩岩好。配菜嘅番茄仔燒得好正，咬一啖啲酸酸甜甜汁液就爆晒出黎，配埋焗薯真心冇得頂，再有侍應哥哥主動問要唔要嘅yellow mustard，撈埋焗薯上面嘅cream好好滋味5.抹茶雲尼拿撻🥧8/10抹茶同雲尼拿cream