影片
更多
2021-05-11
73 浏览
上兩個禮拜book咗呢間日式fusion菜餐廳諗住同女朋友慶祝生日，好彩今日唔洗OT，可以準時到。入座之後侍應哥哥已經好周到，同我地介紹menu，咁我同女朋友就分別揀咗一個set dinner同一個five-course dinner嘅。1.法式餐包🥐9/10有精緻嘅牛角包同圓碌碌切開一半嘅芝士包。牛角包個酥皮好香牛油味，芝士包熱辣辣，入邊芝士濕潤濃厚，再點埋extra嘅牛油同橄欖油，味覺上好豐富。2.牛油果野菌酥皮盒🥑7.5/10酥皮鬆化，內有粒粒分明嘅野菌粒，淋係面頭嘅牛油果白汁奶味濃郁，同酥皮盒好夾。3.法式龍蝦湯🦞7/10呢度嘅龍蝦湯同出邊慣常做法嘅龍蝦湯好唔同，焦香味更加出，混入嘅薯蓉唔多，龍蝦湯入口creamy又順滑4.澳洲M5和牛肉眼🥩8.5/10塊牛好有份量，切開係粉紅色，仲有肉汁噴射出黎添🤤佢表面燒到焦香之餘，內裡都保持到肉質柔嫩，肉味濃郁得黎咬口程度都岩岩好。配菜嘅番茄仔燒得好正，咬一啖啲酸酸甜甜汁液就爆晒出黎，配埋焗薯真心冇得頂，再有侍應哥哥主動問要唔要嘅yellow mustard，撈埋焗薯上面嘅cream好好滋味5.抹茶雲尼拿撻🥧8/10抹茶同雲尼拿cream
入座之後侍應哥哥已經好周到，同我地介紹menu，咁我同女朋友就分別揀咗一個set dinner同一個five-course dinner嘅。
1.法式餐包🥐9/10
有精緻嘅牛角包同圓碌碌切開一半嘅芝士包。牛角包個酥皮好香牛油味，芝士包熱辣辣，入邊芝士濕潤濃厚，再點埋extra嘅牛油同橄欖油，味覺上好豐富。
2.牛油果野菌酥皮盒🥑7.5/10
酥皮鬆化，內有粒粒分明嘅野菌粒，淋係面頭嘅牛油果白汁奶味濃郁，同酥皮盒好夾。
3.法式龍蝦湯🦞7/10
呢度嘅龍蝦湯同出邊慣常做法嘅龍蝦湯好唔同，焦香味更加出，混入嘅薯蓉唔多，龍蝦湯入口creamy又順滑
4.澳洲M5和牛肉眼🥩8.5/10
塊牛好有份量，切開係粉紅色，仲有肉汁噴射出黎添🤤佢表面燒到焦香之餘，內裡都保持到肉質柔嫩，肉味濃郁得黎咬口程度都岩岩好。配菜嘅番茄仔燒得好正，咬一啖啲酸酸甜甜汁液就爆晒出黎，配埋焗薯真心冇得頂，再有侍應哥哥主動問要唔要嘅yellow mustard，撈埋焗薯上面嘅cream好好滋味
5.抹茶雲尼拿撻🥧8/10
抹茶同雲尼拿cream打發細緻，食落好輕盈，唔會好滯，餅皮酥脆，令人回味無窮。
女朋友個five-course dinner望落都相當有誠意，我試咗佢個海膽銀鱈魚，最鍾意個鱈魚皮。啲野食賣相亦都靚，成餐飯見女朋友不斷影相打卡
最後埋單千零蚊，銅鑼灣黎講，CP值真心算幾高，裝修環境亦都舒服，岩晒情侶黎撐檯腳👍
张贴
