GAIJIN

营业中

休息中

之前听朋友介紹話銅鑼灣有間高質日式加法式fusion，今日趁住岀糧食好西。佢係喺time square 附近永光中心，好彩book左8點，唔係應該無位，入面無論環境同格調都好適合情侶撐枱腳。值得一讚係每位服務員都好有禮貌，service 好好。我要左five course menu。首先會送上超好食既餐包，係牛角酥同芝士軟包，熱辣辣，仲可refill! 頭盤係日本怪物蠔，賣相好美艷，生蠔飽滿肥美，配上酸甜青蘋果同檸檬汁，更帶岀蠔既鮮甜。之後有紅蝦他他，賣相超靚，新鮮太平洋紅蝦配上三文魚子，份量剛好，鮮味濃濃。再有日本岩燒鮑魚，大大隻鮮鮑配上清酒牛油汁，好味！主菜要左新鮮銀鱈魚配上青口忌廉汁，下有日本靈芝菇作配菜。最後以甜品作結，好滿足，呢款又係好有驚喜，紅石榴檸檬撻，味道酸酸甜甜，消除飽膩感。