GAIJIN

营业中

休息中

呢排天氣變化多端，時晴時雨，搞到個人都心情鬱悶晒，咁要解決呢個問題，最有效嘅方法就梗係食好東西啦！醫好我嘅五臟六腑😁揀咗去公司附近呢一間嘅西餐廳，先嚟一個三文魚凱撒沙律，個三文魚會包住整到成個玫瑰花咁，好靚靚喎！最欣賞係佢嘅配菜好多，除咗沙律菜之外，仲有好多小生果！真係開胃一流👍另外主菜我就揀咗呢一個虎蝦龍蝦汁意大利粉，龍蝦汁好Yummy ！ 超級濃，掛滿晒成個意粉，同埋佢哋同蕃茄仔個味道口感都好夾👍 個虎蝦都好大隻，份量十足！ 整體係好滿意嘅一餐👍👍👍

今日慶祝紀念日啊，一於搵個好地方鋸鋸扒❤️❤️❤️我哋嗌咗呢個set for two，有前菜有甜品。 我哋都係食肉獸😂 每人嗌咗一個扒餐，見到個價錢其實都唔貴，原本就以為應該都唔會太大份，點知上到枱真係好驚喜😱先講呢個安格斯肉眼，超級厚身，我自己就揀咗五成熟，佢炭燒嘅火候十足，恰到好處👍另外一個就揀咗呢個慢煮西班牙黑毛豬安配帶子，嘩！真係冇諗過佢係原隻豬安嚟㗎，份量十足，啲配菜同埋帶子都係好大粒！呢個價錢性價比真係好高！ 呢一次嘅體驗超級驚喜，下次都會捉埋屋企人過嚟食，性價比同份量超級高 ！5⭐️⭐️⭐️⭐️⭐️

天氣咁熱，真係冇乜胃口，晏晝都係簡簡單單食嘅意粉就算，今日又嚟到我最愛嘅飯堂！😁揀咗呢個香蒜欖油大蝦意粉， 一個人食份量啱啱好，大蝦好多，最鍾意係個意粉，夠晒煙靭！ 另外再叫咗一個沙律 - 溫泉蛋沙律配櫻花蝦，酸酸甜甜。好好味，溫泉蛋夠晒流心，好開胃。係咪做緊唔同嘅優惠喎，我依家係幫襯佢哋既晏晝，可以揀生蠔兩隻或者係印度雜菜咖喱角，都幾吸引喎！我自己就揀咗印度雜菜咖喱角，都幾fusion ！ 熱辣辣都好味👍👍👍

今日嚟一個健康午餐，見完客之後去慣上我嘅食堂食晏先😊頭盤我就揀咗我最愛嘅三文魚沙律，最鍾意係佢個煙三文魚好靚，成個玫瑰花咁，小蕃茄鮮雜菜，清新嘅沙律汁，喺炎炎夏日上面真係好清新解膩主菜就揀咗呢個寶雲酥比目魚配芒果芥末汁。 佢哋嘅份量真係好大，但係最值得一讚嘅係個汁，呢個芒果芥末汁係坊間少有嘅，話就話係芥末，但係一啲都唔辣，甜甜酸酸咁樣，好清新好好味！ 呢個配搭真係好健康，又夠晒低卡路里，啱晒夏天食👍👍👍👍👍

呢一間已經係我嘅食堂啦，因為佢真係好近我公司附近，勁近時代廣場，所以時不時cheat day 都會揀呢間放縱一下羅宋湯一如以往足料，酸酸甜甜好惹味😁😁😁😁👍今日同個同事一齊過嚟食，佢就揀咗呢個香煎帶子蕃茄蓉意粉，佢第一次食㗎，俾我介紹佢過嚟食，個帶子真係好大粒，煎得好香口，難得亦都可以保持到帶子嘅鮮味👍至於我自己呢，就揀咗呢個黑松露牛肝菌意大利飯，個黑松露嘅味真係超級香，最鍾意係佢哋嘅牛肝菌嘅量係好足料，意大利飯又唔會過硬，係我鍾意嘅口感！ 佢哋啲服務都好貼心，啲碟都係暖架！小店值得支持，繼續加油👍

炎炎夏日，冇乜胃口最啱食西餐，聽日做完嘢就喺時代廣場附近搵嘢食，呢間地點好方便，時代廣場行過去都唔使5分鐘！ 一個人食，前菜就揀咗呢個櫻花蝦溫泉蛋沙律，溫泉蛋好留心，好開胃，再配埋胡麻沙律醋汁，酸酸甜甜好惹味！真係一個合適嘅前菜👍👍👍自己不嬲都好鍾意食直通粉，呢個直通粉煮得好yingying韌韌，個煙三文魚又靚，成個玫瑰花形咁樣，打卡一流👍 食物嘅質素唔錯，配埋餐飲，都唔使百零蚊！都幾抵食另外最欣賞係佢哋個服務質素，服務時常帶着微笑，好有禮貌，呢個服務質素喺香港今時今日都比較少見👍

好難得約到許久未見的朋友，朋友選了這間我常來的法國西餐Gaijin，感覺唔錯！西餐廳嘅位置好方便，是正銅鑼灣中心地帶，永光商業中心9樓就係啦。 自己搵食，嗌咗個頭盤再加意大利粉，頭盤就揀咗呢個天婦羅炸雜菜，配料好足，有南瓜，秋葵等等，最欣賞嘅係佢哋炸得好脆，唔會好厚粉👍個帶子蕃茄蓉意大利粉都好驚喜！ 百零蚊咋，但係帶子超大粒，蕃茄蓉酸酸甜甜，好開胃！ 佢哋嘅擺盤都好靚，啱晒打卡！同埋佢哋嘅服務都特別好，例如會同我核對Booking啦，又會主動提出有折扣優惠，服務好好，值得欣賞👍👍👍下次一定還會再來!

今日出咗銅鑼灣食個晏晝，呢間環境好優美，性價比都好高，忍唔住要幫佢出個食評😆😆😆 🥗佢哋嘅前菜選擇得好多，沙律都有好多種，但係最後我就揀咗呢個天婦羅炸雜菜，口痕想食啲炸嘢邪惡嘢🤣 難得啲炸粉一啲都唔油膩，火候控制得好好。 🍝 主菜，我就揀咗呢個香蒜欖油大蝦意粉，真心有驚喜！ 意粉好煙靭，蝦既數量都好多，配埋蒜香味，一啲都唔覺得好油膩！反而食完仲想食多啲碟添😆 第一次嚟幫襯，佢哋個Menu都幾多選擇，見到有個龍蝦餐，網上面都好推介呢個，下次一於夜晚捉埋屋企人過嚟幫襯吓先😁

今日係我最愛嘅🐢蜜生日🎂呀！係咁重要嘅大日子，梗係要揀一間好嘅餐廳，同🐢蜜慶祝生日都可以好有情調㗎，咁啱我哋喺銅鑼灣行街，買完嘢之後就去咗呢間餐廳食晚飯喇！ 頭盤我哋揀咗個煙三文魚沙律share食，個煙三文魚又靚靚嘅玫瑰花型㗎！😍😍😍主菜揀咗呢個西班牙烤乳豬！呢個真係萬物錯過，超好食！我哋兩個都係第一次食西班牙烤乳豬，同中式嗰啲好唔同，冇油膩感，個皮係好脆㗎！最欣賞係佢哋仲要係好大份，超抵食！ 另外我哋仲揀咗呢一個虎蝦龍蝦汁意大利粉，個虎蝦好大隻，唔會煎得過濃，而我最鍾意嘅就係佢哋嗰個龍蝦汁，真係好Yummy！掛滿晒啲意粉度👍👍甜品梗係要食心太軟啦，見到啲朱古力流晒心，襯埋雪糕食！超級滿足❤️❤️❤️

今日難得過慶祝紀念日，一於要揀呢一間餐廳，我Mark咗好耐㗎啦！佢位於永光9樓，夠晒就腳，一入到去已經俾佢啲擺設吸引住，有流星機啦同埋好多關於酒嘅擺設，好有情調喎！ 我哋頭盤就揀咗呢個蒜頭法包，第一次食，感覺都唔錯，好香蒜味，又夠熱！ 主菜就梗係要呢個澳洲龍蝦啦，佢係原條上㗎，係真係成隻龍蝦，超誇張！ 半隻都有成隻手咁大㗎，個賣相擺設都好靚！ 甜品就要揀呢個甜甜蜜蜜嘅疏乎厘，充滿着招香，仲要鋪住我鍾意食嘅士多啤梨！ ❤️呢間都幾高質素，整體都唔錯👍

今日嚟到銅鑼灣搵嘢食，見完個客，就食一個light lunch sin 😁網上面見到呢間西餐廳做緊折頭，梗係唔可以錯過啦😁 我就揀咗呢個香蒜欖油大蝦意粉，再配一個櫻花蝦溫泉蛋襯胡麻沙律醋汁。 以前食過一啲欖油意粉會好油膩，但係呢度呢個意粉一啲都唔油膩，充滿着意粉香，面頭仲鋪滿大蝦，個沙律都係好好味，溫泉蛋好流心，再配埋我最愛嘅櫻花蝦，開胃一流😁👍👍👍雖然係第一次幫襯，但係佢哋啲服務態度同埋食物嘅性價比都幾高，我見到佢哋仲有一啲龍蝦餐，感覺都唔錯，下次一於帶埋屋企人過嚟試❤️

銅鑼灣簡單西式lunch set，同朋友聚會好去處~🍝帶子茄茸意粉Scallops tomato puree spaghetti帶子飽滿，晶瑩可口，食落仲可以keep到肉質的嫩滑，配上🍅番茄茸整嘅意粉，酸甜開胃。🥩紐西蘭西冷配紅酒燒汁Grilled NZ Sirloin steak with red wine sauce西冷都幾大塊，🍷紅酒燒汁帶上微微的粉紅色，酒香配上肉香，寫意滿足。#causewaybay #銅鑼灣美食

以人均計，服務態度同澳牛無誤但價錢貴十倍！呢間餐廳係朋友見網上推薦慶生，話性價比唔錯想試點知出事。第一個到，竟然俾大門對出最開揚的枱我，枱與枱距離好窄，傾偈好應聲。遠處廚房都聽到男人賭馬，對話有粗口，令你置身於地道大排檔感覺。頭盤主菜味道正常，但傳菜急，食到好趕時間咁，職員全程西面冇笑容，凍飲啲冰大到鐵達尼號撞冰山未溶咁，set dinner 得知一個心太軟，埋單仲精彩，問佢計咗優惠未，佢黑面秒回咪計咗！走果陣個女侍應出奇地推哂門歡送我地都無補於事，西面男侍應已經抹煞我哋全晚嘅心情。請自行解讀咁既價錢茶餐廳質素，我就真係冇下次！

一個人原來都可以盡興😆今日難得喺平日放假，梗係食返個靚lunch享受吓難得嘅me time🤭去完銅鑼灣shopping，買完要買嘅嘢，見到網上面呢間都做緊折扣，所以忍唔住就揀咗佢啦！入到去，出奇地覺得個環境氣氛好好，格調好高，但係見到個價錢其實好抵，人均都係百零蚊！😆先叫咗個沙律：櫻花蝦溫泉蛋配胡麻沙律醋汁，沙律菜好多，最重要係個溫泉蛋好流心，配埋胡麻醋汁，酸酸甜甜好好味！ 另外，揀咗一個香煎帶子蕃茄蓉意大利粉，帶子好大份！意大利粉亦都係好煙韌，配埋蕃茄蓉，簡直絕配👍同埋佢哋嘅服務好細心，見到隔籬枱應該係有人慶祝緊生日，甜品仲可以寫上Happy birthday既字眼，擺盤好靚！所以下次如果有慶祝生日等等嘅飯局嘅時候，我諗我首選應該係呢間！😆

假期前夕，同朋友坐𨋢去錯樓層，亂打亂撞吓去咗銅鑼灣一間樓上舖食西餐。😋第一次嚟呢間餐廳，已經比佢嘅情調吸引到，雖然係樓上鋪，但氣氛和格調都好高雅，絕對係傾密偈的好地方。👍我哋叫咗一個二人餐，分量十足，味道可達星級水準！（絕對冇誇張）😍帶子暖暖地嘅，配埋清甜嘅蕃茄同沙律菜，胃口大開😄香煎鵝肝蟹肉意大利粉鵝肝好大塊😱 淨係個鵝肝已經值回票價😆 蟹肉又多，意粉都好煙靭，呢個係我嘅最愛首選😍😍炭燒美國頂級安格斯肉眼配紅酒燒汁呢個味道都好好，我哋揀咗七成熟，牛味好香，配埋紅酒燒汁，食完大滿足😋雖然係第一次食，但係整個體驗都係好好！無論份量，價錢，擺盤同服務，全部都好有水準！👍 一定會約朋友再來。😋