FLIPPER'S (已結業)

要搵食，當然要去爆紅班戟店FLIPPER’S尋找這份奇蹟啦！喺呢個冬天，FLIPPER’S除了有一般的草莓、朱古力味班戟外、仲帶嚟期間限定嘅南瓜口味！ 南瓜嘅甜品多數都畀人好溫暖嘅感覺，有呢款新口味，一定就係想畀到好Warm既感覺渡過呢個冬天！南瓜班戟同其他班戟，都係即叫即整，要等約20-30分鐘時間，香噴噴、暖呼呼的南瓜班戟送到我面前了。 南瓜不嬲都係健康又好味的食材，南瓜與充滿空氣感嘅班戟配搭比較少見，亦都因為咁好想試，充滿著期待！南瓜班戟一嚟到，賣相已經留下很正面嘅印象啦！班戟夠晒鬆軟，頗有蛋香的，南瓜忌廉同黑加倫子醬香氣四溢，呢個甜品配搭又唔會太過甜，吃起來份外滋味。（雖然中意食甜品，但太甜我都頂唔順！呢個就剛剛好啦！）FLIPPER'S既班戟有很多選擇，不論你口味如何，一定有一款啱你！ 茉香珍珠奶茶，承惠$26店家推出了珍珠奶茶系列，店內採用鮮奶，我倒覺得FLIPPER'S的茶和奶比例拿捏得幾好，喝的時候有茶香的同時又有鮮奶的醇口味，因為茉香奶茶的關係，還有一股淡淡的茉香，感覺相當幸福，而且入面的黑糖珍珠煙韌Q彈，深得我心。 Overall今次既南瓜班戟同茉香珍珠奶茶都令我滿

平日下午兩點半左右到達前面有大約二十人、等位等左大約半個鐘可以接受入到去坐低、睇完餐牌，自己去收銀點餐等多十幾分鐘之後、pancake 就送黎喇三塊厚班戟、thick and fluffy，食完都唔會好似食左浸風咁；好香蛋味，唔錯；加埋 cream 一齊食，大滿足原味九十幾蚊呢啲水果貴廿蚊下次要試綠茶紅豆 pancake另外，叫左苿香珍珠奶茶少甜，香濃！但珍珠中間較硬、口感唔煙韌，可惜不過佢唔係台式飲品店，係咪唔應該對珍珠要求太高😂

FLIPPER'S新推出既南瓜班戟真係唔寫唔得，因為真係超Surprise呀！話說FLIPPER'S多人就大家都知，因為公司同事同D客基本上已經Holiday Mood，我地返工都勁輕鬆，秘書又話老闆開完會唔會返，所以真係名正言順等6pm夠鐘就即閃啦！放工後去左希慎買野，經過見到FLIPPER'S 竟然唔洗排隊，見到佢地新推出既南瓜班戟真係超吸引，還掂等Friends放工都仲有一段時間，呢個咁好既時機就梗係搵個位坐低一邊食、一邊等啦！ 我覺得呢個南瓜忌廉真係無敵，沾咩野食都係勁Match，雲尼拿雪糕插上酥皮批，加埋隔離既南瓜忌廉完全冇問題！將南瓜忌廉加上超鬆軟既Pancake上又係冇違和感，真係夠晒心思！上面仲加上焦糖醬同炒果仁，呢個甜品完全冇得輸！雖然佢地已經加左配料，但我自己中意食南瓜，都想係Pancake上加返一兩舊南瓜食下Haha（唔知FLIPPER'S 可唔可以加呢～）鬆軟既Pancake好食之餘，南瓜忌廉都超加分呢！ 平時都會去附近既誠品買天仁奶茶飲，不過原來FLIPPER'S都有珍珠奶茶，懶得周圍走，索性FLIPPER'S order埋！擁有味道香濃既茶味，鮮奶既味道都好

過江龍班戟店襲港，剛開業時已經大受歡迎，FLIPPER’S香港店基本與日本無咩大分別，鋪面簡潔，更定期推出限定產品，吸引不少食客光顧，如果冇時間去日本走一轉既，嚟希慎嘅FLIPPER'S食個Pancake都一解思念日本之愁啊！亦都因為咁超受歡迎，到而家都仲要排長龍，所以想食嘅真係要預留多D時間！咁我而家就分享下我食左D咩啦～ 咸味班戟 - 奇蹟之粟米牛油果班戟$11911月底首度推出粟米牛油果班戟，我係一個最喜歡試新野既人，呢一款當然唔可以錯過啦！咸點Pancake雖然不及甜點Pancake既空氣感，但係依然留有FLIPPER'S Pancake的蛋香，咸點班戟做得比較薄身，口感似熱香餅多D，軟綿綿的質感俘虜不少食客的心， 而最吸引我既地方就係有原條粟米，非常香甜之外，係Pancake上淋上粟米汁，微甜而不油膩，令味道更加豐富。加埋新鮮沙律菜和牛油果，整體帶來清新健康的感覺。 珍珠奶茶系列 - 芒果珍珠奶$26芒果珍珠奶絕對為我帶來驚喜，店家將芒果與鮮奶混成一體，並加入QQ的黑糖珍珠，口感豐富，酸甜適中，奶味夠香，在每喝一口也是滿滿香味濃郁的芒果，是一道不錯的飲品，一定要試試呀！ 排隊

其實行過幾次都見到呢間野幾多人排隊今次點都要打去book定時間先所以去到可以望以一隊人排隊自己就施施然行入去 =P不過對上一次係尖咀某餐廳試鹹既班戟印象唔係幾好 -3-今次叫之後都諗左陣好無轉返甜但煙三文魚呢幾個字係有吸引力同埋咁多人排，唔係都有伏掛另外要多左杯原味珍珠奶茶杯珍珠奶茶算唔錯唔會入口好似飲糖水咁先有淡淡既奶味，不過有部份珍珠煮唔好少少失望主食三文魚牛油果班戟算唔錯牛油果幾大份，仲多過圖片只供參考既圖片 XD隔離D 沙律菜加埋個醬汁好易入口就咁食會比較酸煙三文魚都好大塊下，同埋好食(重點)班戟本身都煎得好好有足夠空氣，入口鬆軟加埋楓蜜，甜甜地，食完都唔會覺得好heavy = ]另加：賣鑊鏟的小男孩 =D

Flippers風襲港一時，每次行過都大排長龍， 所以今日趁平日放假無咁多人特登去食，即刻去朝聖下啦！嘆番個美好的下午茶先座位超舒服，人流今日唔算太多menu 有鹹點同甜點選擇！見到個menu有好多款班戟，心大心細下，叫咗個南瓜焦糖班戟嘆下班戟即叫即整架，所以需時熱辣辣超鬆軟呀！一份有三件，內裏軟綿綿，好有蛋香味，溝埋南瓜焦糖醬， 配一小球雲呢拿雪糕，冷熱口感交錯！正！成塊都可以自己食曬！ 班戟上面仲有個酥皮脆脆。叫多一杯珍珠奶茶飲完滿了！

今次是第一次來到Flipper’s，早在七月開業時一直已經想來朝聖，奈何我很怕排隊，所以等待熱情冷卻一點才來吧。 晚上八點多來到希慎，仍然可見長長的人龍，大概10多人，還好等了一會就能夠入座。 餐廳已開始佈置得充滿聖誕氣氛，每張枱上面都有紅紅的聖誕花。 開放式廚房可看到廚師製作各款班戟，一坐下店員就好細心地提供水給我們。 店內座位寬敞，而且有插頭可供客人叉電。除了甜味的班戟，原來還有鹹味供應呢。 奇蹟之南瓜焦糖班戟 $129是期間限定的之物，這個配搭好特別，所以就點來試試。 南瓜忌廉加雲呢拿味雪糕和酥皮批，再以香脆糖炒果仁和南瓜籽配上岩鹽味焦糖醬，賣相非常吸引。 軟綿綿的班戟入口充滿空氣咁，沾上南瓜忌廉及果仁味道更加香甜，再搭上一口雪糕，幼滑而不膩。 酥皮批亦好脆口，味道不會過於甜膩，一個小女子都能吃掉整碟， 十分滿足。 茉香珍珠奶茶 $26茶味香濃，而且奶味不重，入口感覺香甜，黑糖珍珠彈牙，配上甜甜的班戟亦好夾。原來不用去到日本，都能品嚐那甜甜的幸福感，難怪這麼多人來排隊。

Pancake 熱潮一直在香港有增無減，銅鑼灣的「奇跡之班戟」FLIPPER'S更是人氣高企，適逢年尾清假，避開人潮來吃個下午茶。 餐廳在IT店入面，環境開揚。 除了甜味原來最近新出了鹹食，有粟米牛油果班戟、三文魚牛油果班戟和煙肉煎蛋班戟三款。 粟米牛油果班戟賣相非常精緻，於是被新推出的鹹食吸引著。這款鹹食的特別之處是用用日本全粒麥粉製成，吃下去充滿濃郁的麥味，口感沒有其他班戟般鬆軟，但多了一份結實的感覺。整體感覺好健康，沒有cream，沒有糖漿，反而選用了粟米汁去帶出清甜的感覺，配上烤過的栗米及牛油果，清新怡人，但如果粟米汁的份量加多一點會更好。配菜是灑滿煙肉碎的新鮮的沙律菜，增加口感，吃畢竟有飽肚感而且感覺健康，即使要減肥的人來吃都完全沒有罪惡感。 飲品同時新推出Bubble Tea ，三種口味，分別是珍珠奶茶、芒果珍珠奶和茉莉珍珠奶茶。珍珠數量不少而且口感煙韌，奶茶中帶有陣陣茉莉花香的確不錯。沒想到粟米牛油果班戟如此令人驚喜， 而且此店不斷有新品推出，期待著下次的期間限定。

人氣食店Flipper's自開業以來一直人龍不絕，每每在經過的時候，都因望到長長的人龍而放棄。今晚巧合地經過這裡，平日的晚上八點半，排隊的人不多，終於等到吃的機會。餐廳位於銅鑼灣地標之一希慎廣場內，裝修簡潔。由於餐廳地方有限，坐位也未算太多。餐廳主打日式梳乎厘班戟和珍珠奶茶。粟米牛油果班戟 $119期間限定的食物，賣相非常吸引。熱香餅上有新鮮牛油果及大量黃色粟米汁，加上燒粟米，沙律菜，感覺非常健康。熱香餅即叫即做，粟米汁夠多又香甜，一口熱香餅接一口粟米感覺一流，又或者可以熱香餅配牛油果同樣滋味。珍珠奶茶 $26奶茶水準唔錯，有茶香，唔會好甜。底部都有好多珍珠，而且夠彈牙。起初抱著吃甜點的心態來到，卻選了一個咸點，在錯有錯着的情況之下帶來驚喜。食物配合出來的味道討好，加上出色的賣相，令本來對這沒多好感的我，在咸甜的交錯之間也戀上了。

奇蹟之班戟，短短時間飛越到香港，進駐希慎6樓i.t！銅鑼灣一直都是人山人海的地方，同女朋友排隊至少要等45分鐘時間，唯有爬去書店睇下，最後我地終於可以入座。 之前我地係FACEBOOK見到推出了最新咸味班戟 - 粟米牛油果班戟($119)，我地覺得1人1份好似太多，但2個人share 1份就剛剛好，女朋友仲話想試下飲珍珠奶茶($26)，好吧！這家食材主張新鮮及無添加，聽落去都叫人放心。班戟每份製作等20分鐘，大家都係落完order傾下計，20分鐘好快就過！咸味班戟有粟米牛油果、三文魚牛油果或者煙肉煎蛋嘅選擇，我地最尾都係揀左健康為主嘅粟米牛油果全麥班戟！講左份班戟先啦，睇落去真係非常吸引，熱辣辣超級新鮮，女朋友見到好開心，頓時減輕了不耐煩的感覺！切開軟綿綿的班戟，蛋味濃郁，而且口感軟熟又煙韌。原條粟米同埋牛油果營養豐富，估唔到同班戟都幾夾，班戟仲淋上粟米汁，食嘅時候都唔會太dry！真係幾好食！我地兩個好快清盤了，原來一齊食1份係唔夠架，不過小食多滋味，下次再黎食過啦！另外，我地點嘅珍珠奶茶夠茶味，比起出面一般既珍珠奶茶較有奶香味，而入面嘅珍珠係有黑糖甜味，好飲！

去年係日本食過一次Flipper's，一試難忘，當我知道希慎i.t開左新店，趁平日DAY OFF當然要去朝聖。聽說香港Flipper's於星期六日排隊至少1小時，有得喺閒日嚟梗係選擇平日光顧啦！正值減肥的我點叫了Pancake及飲品，食完都幾有罪惡感，不過唔食又點有氣力減肥，都係食完先算啦！因為上次食過甜點啦，今次決定轉戰咸點！班戟同樣都係即叫即製，剛出爐暖呼呼的班戟香噴噴，20分鐘等待我覺得是值得的。三文魚牛油果班戟($129)新推出咸味班戟賣相很吸引，三文魚與牛油果伴著新鮮沙律菜，既健康，口感又豐富，班戟不油膩，帶有陣陣的蛋香，外表微脆，口感綿密軟熟，配以蜜糖更加好味添！ 茉香珍珠奶茶($26)雖然我都好中意飲珍珠奶茶，但係我中意淡香一點既奶味，茉香珍珠奶茶比較濃香茶底，加入細滑鮮奶，味道剛好，加上黑糖珍珠的煙韌口感，更勝一籌。食完之後好滿足呀，冬天真係好難鼓起勇氣減肥呀…希望打完呢篇可以比到我之後做運動既力量啦！

星期日休息！細佬女朋友經朋友介紹話呢間班戥超好食，講到唔試過會走寶咁，既然講到咁正，好啦！今日就一於試吓有幾好食？好在我係最後到既一個人，唔洗排隊等位，聽屋企人講佢地等左半個鐘頭先有位🤨我地總共點左兩款班戥同兩款飲品，分別係南瓜🎃班戥，士多啤梨班戥，芒果珍珠奶茶，茉香珍珠奶茶。但我想講，我一開始係睇中枱上餐牌既其他味道，就係棒子味同牛油班戥，既然無賣就唔好將餐牌放響枱面啦！😑其實我都唔知道自己究竟係食緊班戥定係梳乎厘？講賣相的確係唔差，味道又無話太難食，中規中矩，只係口感太淋，應該用匙比較適合，價錢方面，我見班戥上幾粒士多啤梨，幾粒藍梅，幾片蕉就賣成舊幾水，個人認為唔值呢個價🤔至於飲品，我飲茉香珍珠奶茶，真心講，同樣既茉香奶茶，我覺得普通賣台式飲品既地方仲好飲過呢度多多聲🤭呢杯飲品好漿口，而且無茉香味，我飲左半杯就唔想再飲喇！總括黎講：唔算太差！但絕唔值得排隊等既輕食店

沒人說過甜品不可做正餐的吧~從東京紅到來香港，當然沒那麽簡單，旺角雖然有平民版的，但人家收這價錢自有原因。放工時間，餐廳裡的人很多，而且人數如果不算特別多，大家要不搭枱，要不就面壁。Pancake熱呼呼的，超級fluffy，蛋香很濃郁，而且裡面用料十足，鬆軟，但中間不會有空虛的感覺，吃兩件已經很有飽足感。上面配的食材也很新鮮，但主角還是pancake。飲料雖然是配角，但一點也不欺場，味道也不錯👍

日本過江龍Flipper’s剛襲港時，那比萬里長城更誇張的人龍，至今仍歷歷在目。最憎排隊的我，當然唔會同人爭先試鬥快報道。 數個月後，熱潮終於稍為冷卻，至少不是無時無刻都有人在等位，我想也差不多時候可以跟朋友來見識下，到底此品牌是堅有料，還是浪得虛名。 平日的下午六點便來到，仍要等候一會，香港人真係癲癲地。 安頓好，便可點餐，一咸一甜，大家分吃，最好不過。遇上手機無電，不打緊，呢度有USB插頭俾你急救下。 粟米牛油果班戟是近期推介，就要呢個。班戟可選擇要熱香餅，不妨一試。熱香餅鬆軟，配上頗杰身的粟米茸，咸食又是幾特別。頂頭的牛油果份量唔嘢少，而且夠熟，口感香軟。旁邊的小半枝粟米，不宜用刀叉吃，直接用手拿起大啖齒，豪邁一點也無妨。 甜的一份係南瓜焦糖班戟，這款就是人氣疏乎厘班戟的版本。成品的確是軟綿綿，十分輕怡，又富蛋香，沾上焦糖漿及南瓜茸等更為好吃。另還會伴上一小球雪糕，教人滿足。 時間緊迫，整多杯芒果珍珠奶，便要急急離開。 希望，枝飲管可以再粗身點，珍珠經常性塞住飲管，好惱人！

打從7月FLIPPER'S在銅鑼灣紮根後一直未有機會潮聖！店舖主打的梳乎厘班戟選用來自日本的新鮮農場雞蛋、新鮮水果、天然奶油及無添加麵粉，看得我牙癢非常！直至最近跟好友提起他也有興趣，那便一於6點去吃這個奇蹟之班戟吧！ 開放式廚房可以一窺製作情況，班戟漿不用模具固定只用大Size雪糕勺預備每塊份量，很快便可得出飽滿鬆軟的班戟！ 我們被安排生於像吧檯的座位，也有背後這種可坐4-5人的檯，整體也算坐得舒適吧！ 而且更有小籃子放手袋和衣物也算一貼心位！ 另一貼心位是現在都市人渴求的USB插頭！ 先來選飲品我點了茉香珍珠奶茶，好友則選上芒果珍珠奶各＄26/杯，大抵飲了是嗎！ 茉香珍珠奶茶內有茉莉花綠茶、鮮奶、練奶及黑糖珍珠，茶底味道幽香甜度恰好，我喜歡它奶味不太重，黑糖珍珠好QQ，但飲管比較幼身吸珍珠時有點困難！ 先來一份期間限定鹹味的粟米牛油果班戟＄119，可選全麥班戟或熱香餅而我們選了後者，配香甜粟米汁、新鮮牛油果、沙律菜及燒粟米！熱香餅很有質感配粟米汁吃挺有特色，牛油果油潤香甜好吃非常，配上清爽沙律菜這個班戟好易令人滿足呢！ 另一款點了南瓜焦糖班戟，金黃色的賣相很耀眼，三大件軟綿富空