FLIPPER'S (已結業)

週末得閒無事，同愛人食個afternoon tea乃是指定動作。我估呢間pancake個歷史，我唔洗多講，所以有咁多人排隊，都見怪不怪。排隊排左差唔多一個鐘，終於入得，阿叔個肚真係餓到打曬鼓。諗都唔諗，就叫左個榛子朱古力，一個原味。pancake黎到，同人地share既一樣，識震既。食落口，口感松軟，有融化既感覺，亦好香蛋味。點埋d凍cream食，冷熱分明既感覺真係好特別。不過兩個比，我比較鐘意原味，因為佢既蛋味唔會比d cream搶左，兩者配合得恰到好處。不過以呢個價錢，同要排咁耐隊，值唔值真係見人見致喇

朋友想食呢間好耐，見sem break未完就一齊食下😆都知間舖不嬲都排長龍，不過冇估到連閒日唔係rush hour去都要排成個鐘，好誇張呀😕最平既pancake已經係呢個99蚊既原味pancake,其實都真係好貴，不過諗住咁多人食會好好食啦，頭幾啖都真係幾好食既，但係食多幾啖之後就覺得好漏啦😕最後食唔晒😕建議同朋友share一份呀😕

久違了的二人約會，上年實在太忙了，不是在公司無間做就是宅在家休息，新的一年，年頭終於冇咁忙，相約Aeris行街食飯聚下，12月之星+1月之星的飯聚呢~太好了~聚下relax! 先到銅記一試東京最具人氣的奇蹟之班戟，星期六，4點多去到，已經大排長龍，但好想一試，決定照排了，約一小時後入座。 內堂是簡約的設計。 menu，每份班戟袋製作約20分鐘，要耐心等耐。 茉香珍硃奶茶，$26，珍珠份量不太多，有淡淡的茉香味，不會太甜。 士多啤梨藍莓香蕉班戟，$119。 賣相十分吸引，有3件厚身的班戟，班戟質感十分鬆軟有空氣感，蛋味濃郁，甜度適中，果然好味，配上軟滑的cream食味道份外香甜，有士多啤梨藍莓及香蕉作伴，添上一份清新。 榛子朱古力焦糖香蕉班戟，$119，試了一點焦糖香蕉，香甜好味呀。 果然是好味的班戟，雖然貴了點，但值得一試，有機要試下鹹的班戟呀。 已經好耐冇試過為了食等待一小時，證明真的太想食了XD，幸好在旁是好友，吹下水不知不覺就時間過了，下次再約出來聚下呀~~~!

終於食到聞名的 Flipper’s 叫左兩款食，每一款都有三件pancakes 加不同既配料😍士多啤梨同藍莓唔酸，但未算好甜（依家士多啤梨當做，唔係應該甜咩🤔），食呢個pancake 有個重點，就係要趁熱食‼️，熱辣辣pancake 配埋個cream 係好好味😍🤤，個人平時唔食cream，但佢呢隻cream 連我都覺得好味，個pancakes 有蛋味，好軟滑同滿滿空氣感。另一隻係焦糖香蕉榛子朱古力，配上左朱古力cream 加上朱古力醬， 香蕉面有一層焦糖，本人覺焦糖厚d 更好，而個cream 係甜d ，唔鐘意咁甜就可能唔岩喇 P.S 可能熱潮過左，等左15分鐘到就有位，食完7點幾竟然係 唔 駛 等，可能冇人似我地甜品當正餐食🤪😅

I’ve heard so many good things about the soufflé pancakes here! I’m glad to know that they have lived up to my expectations. The pancakes were soft, delicate and just the right amount of sweetness. Service was quick, to the point and friendly. Although the waiting time was a little irritating, it was really worth the wait. Highly recommend!

銅鑼灣希慎廣場的FLIPPER’S開業接近四個月，窩夫與蝦子餅一直怕了它的長龍而沒有機會光顧，早前終於在一個星期一的晚上去試了。FLIPPER’S的招牌是KISEKI PANCAKE，即是即叫即做的日式梳乎厘班戟。每位顧客要點一份班戟或一杯飲品，窩夫與蝦子餅便點了一客士多啤梨藍莓香蕉班戟($119)和一杯FLIPPER’S PUNCH($49)。落單和付款後，拿著號碼牌回到座位去，店員會把班戟和飲品送過來。FLIPPER’S PUNCH($49)其實是一杯雜果賓治，味道不錯。主角士多啤梨藍莓香蕉班戟($119)來了，單憑眼睛已經感覺到班戟的輕盈。窩夫與蝦子餅依照餐牌上的指示，用兩隻叉來吃班戟，用上來自日本農場的雞蛋，怪不得班戟的蛋香特別濃郁，質地不會輕得像一陣風，個人認為比同樣來自日本、位於尖沙咀K11的PAN de PAIN Pancakes & Sweets做得更加出色。

終於都試到「傳說中」的奇蹟之班戟！仲要好好彩，人唔係太多，唔使點等位就食到！可能因為係Dinner Time，所以少啲人去食。Luckky～～～見到有出新嘢，估唔到係全新既「珍珠奶茶系列」！有三款，分別係茉香珍珠、芒果珍珠以及一日火味的珍珠奶茶。今次，我就點返杯原味的！用上阿薩母紅茶調配，茶香及奶味適中，珍珠係用上黑糖甜味的，比較特別喎！見到出咗新款的「咸味班戟」當然要試！今次點咗其中一款的「粟米牛油果班戟」，賣相就夠晒一流啦～～有三班班戟咁序！仲可以揀高纖麥味濃郁的全麥班戟或是充滿牛油香的熱香餅。我就揀返熱香餅，我見四圍都仲有人揀全麥班戟呢～～ 個汁絕對係靈魂之作！粟米香濃芳郁，計我話揀熱香餅係無錯！因為可以吸收到更多的粟米汁，食起上黎，啖啖粟米香，好正！當然，熱香餅會易淋啲，所以食既時候要快手啊！相機食先都唔好搞咁耐！而個條粟米都有牛油香，微微炭烤過，同樣好正！黎到呢度，又點可以唔食原味的奇蹟之班戟！名不虛傳的有著空氣感與蛋香！如果Dinner唔想食咁多，黎呢度又唔錯喎！

Do not think the money worths. It was my first time going since this restaurant is so popular. The souffle was good but the price is way too high for this. I also tried the bubble milk tea and the jasmine bubble milk tea, the jasmine one tasted like water.

朋友好想食，就一齊去排隊。我好少肯排隊，但大家講下講下就排隊排咗九個字，對我嚟講都夠耐又攰，排隊地方又窄又無乜空氣。終於等到啦！我好心急！點知坐得一d都唔舒服，四個人坐得分開幾遠環境又唔係適合慢慢坐地方。我地決定食乜之後原來係self service自己去俾錢先。本來話要等20分鐘，但其實10分鐘就有得食。我地叫左原味，朱古力香蕉，栗子同雜莓。講真，係ok，但係唔知點解每碟個sauce 好少，食完1.5塊 pancake 就無sauce & cream 好似要乾食。配料又少，佢俾左少少jam另上，好唔好味下。因為坐得唔舒服，好快就走，排隊時間仲長哈哈

等左成半個鐘先入得入到去仲要無啦啦整個最低消費侷人叫多啲 排隊唔見有食 入到去唔講去到俾錢先老屈都算 有最低消費唔係問題 起碼都一早有個牌寫啦原味pancake 牛油味 算鬆軟不過個pancake d 士多啤梨又酸又乾又老敗筆

港人遊日的飲食主題也總是離不開甜點，而當中又以鬆軟的pancake最受港人的追捧。別以為港人只是在麻木追捧，其實日人更熱愛Pancake，愛吃的程度及至網站會進行票選，按每年名店的受歡迎程度選出十大人氣班戟。日本的班戟熱店要排隊是常識吧，要把時間花在排隊上確是不值，但每次總是都會入鄉隨俗，挑一、兩間班戟名店朝聖去。FLIPPER'S是來自東京的人氣班戟店，而能把自家班戟命名為「KISEKI PANCAKE」奇蹟之班戟自是對出品信心十足。由潮牌IT引入成為海外第一分店，選址就在銅鑼灣希慎廣場IT之內，Shopping後吃班戟不就是港人遊日的指定動作嗎？早就聽聞過在東京有極高的人氣，如今開在香港要朝聖就更加方便了。FLIPPER'S的餐牌上有6款班戟，當中有兩款咸食可作正餐，而且不時會推出期間限定班戟，換言之鬆綿的班戟就是主角吧！奇蹟の南瓜焦糖班戟($129)是聖誕期間限定口味，金黃色的南瓜焦糖班戟充滿冬日暖意，把南瓜的香甜融入班戟當中確是個「奇蹟」。三片班戟有如梳乎厘的輕軟鬆綿，用上日本雞蛋吃起來蛋香極濃。南瓜忌廉細滑帶淡淡的甜香，面層的南瓜籽、果仁、酥皮批鬆脆可口，更喜歡那焦糖醬的濃甜

女仔總係鐘意甜品當正餐，但作為男仔硬係覺得正餐要食鹹食。今次又要陪人食班戟，本來諗住陪佢食完之後自己去食個雲吞麵，點知有驚喜。FLIPPER'S係班戟專門店，即叫即整，所以都要等一陣。就係呢個餐牌，當D女仔望住上面個栗子班戟既時候，我見到竟然有煙肉煎蛋班戟，絕對係我救星。充滿牛油味的既熱香餅上面有隻太陽蛋，仲有塊唔太油膩既煙肉。刺穿蛋汁再加埋蜜糖，味道層次幾豐富。食食下覺得膩可以食下旁邊既紫椰菜同新鮮沙律菜，酸酸甜甜，好開胃。飲品有三種口味，我一定係叫芒果珍珠奶，煙韌既珍珠加埋濃濃既芒果味，好似飲緊奶昔咁。今晚終於唔使食個雲吞麵先返屋企啦。

平時經過希慎6樓，都會見到呢間鋪好多人排隊，一直都想試下。今日經常，發現只有10個人排隊，所以就去試下。原本以為只有10個人會好快到我地，點知，差唔多10分8分鐘先放一人或兩人入去。唔知咩事，有人出呢都唔放人入去。去看看，明明有空枱都唔放人入去，我小。終於等左35分鐘入到去，點左個士多啤梨pancake,,又等多25分鐘，真係咩食慾都冇曬。結果就係，等左一個鐘，食左5分鐘。係咪儍架，大佬！食左又覺得冇咩特別，仲好像有啲晤熟。啲cream化曬。其實唔至於唔好食，家庭水準。但等左咁耐換呢咁既食物，唔多抵

旅行癮又發作..唯有去香港FLIPPER'S 班戟店🥞尋找一下日本既味道! 吸引我來的是這個震滕滕原味班戟~看看餐牌..見到推出左多款新口味及珍珠奶茶， 一於就先點一款鹹班戟作正餐， 再食原味班戟作甜品..XD鹹味班戟可選擇要全麥餅或熱香餅 ，就嘗嘗 三文魚牛油果班戟，配上全麥餅健康一點~賣相不錯，跟餐牌廣告相片95 % 相符，對辦!份量挺足..更配上沙律菜均衡飲食，感覺完全是All day breakfast XD牛油果及沙律菜挺新鮮，當中沙律菜加了醋汁，口感清新又開胃~全麥餅口感較為實在，在口中慢慢咀嚼富濃郁麥味~三文魚帶微煙燻香，配上楓葉糖漿，咸咸甜甜味道豐富~也嘗嘗珍珠奶茶，有三款味道選擇，點了一杯茉香珍珠奶茶~杯底有滿滿的珍珠，喝每一口都有珍珠，不過略厭飲管幼了一點, 間時會出現珍珠卡在飲管的情況~珍珠口感煙韌，還帶點微甜，就像橡皮糖般有口感~ 原味班戟質感鬆軟，班戟入口像梳乎厘般，配上面層滑溜的忌廉，在口中柔滑地溶化～食完後滿滿的飽足感，頂一下旅行癮~

有日出銅鑼灣行街，打算搵餐廳食晚飯點知途中經過FLIPPER'S 見唔多人排隊即刻，係即刻行過去排隊晚餐前黎個甜品先😋😋😋士多啤梨藍莓香蕉班戟雖然價錢有d貴，又一d都唔飽肚，但真係勁好味！所以點都要試下！！！如果唔係要去食晚飯我一定會食埋榛子朱古力焦糖香蕉班戟