FLIPPER'S (已結業)

Flipper’s 仍然係香港我最愛的班戟店～😋😋😋 Flipper’s 原來係香港已經開左1年了～今次黎試 宇治抹茶班戟 😍😍😍 呢個soufflés pancakes用左日本京都的宇治抹茶，抹茶味濃郁，配上抹茶大福、綠茶雪糕及軟心朱古力做點綴。另外再叫多個原味梳乎厘班戟，也是秒速KO!事隔1年，flipper’s pancakes仍保持著水準，沒有退步，所以到現在平日還是週末都係大排長龍！

同姊妹喺附近食完串燒，講起食甜品，靈機一觸，見21:15就即刻沖去排隊，結果我哋一排就有個Staff截龍啦!真係好好彩呀！等左三個字就有得入，即刻order左兩個pancake四杯嘢飲，唔使5分鐘嘢食就到啦！影完一張相之後，唔使5分鐘我哋就食哂lu！一路食一路話好味，唔怪之平時排成兩個鐘啊！今次真係好彩半個鐘就食到啦！下次encore都只會9點幾去

Flipper’s 都光顧好幾次，平日下午、晚上時段，反而平日下午好多人，大部分是大陸人，想食還是平日晚上時段。26/7 ，本來想食桃，但原來未有就試試抹茶紅豆，原來好好味，抹茶味濃郁之餘，個cream又勁滑，不過份量有點小，紅豆又不太甜。香蕉 souffle pancake 相對下有少少甜，但味道一樣好！最近一次是9 Aug，主要想食桃及抹茶限定，還以為平日下午較少人，誰不知比平日晚上更多，等了1小時，平日夜晚半小時而已。沒有抹茶限定，原來早上時段供應。我落單後個士多啤梨香蕉pancake幾分鐘就到，但睇得出唔係即製，扁左好多，今次有少少失望，不過個cream是焦糖味是不錯。最期待桃味出場了，個桃真係幾甜，個souffle pancake當然好食，之前幫襯過幾次，依家質感比之前厚實左少少少，但繼續是美味，值得繼續encore。這間香港店暫時在我心目中是No.1因為質感似在日本同類食店品嚐，但本人未試過日本店，希望好快有機會去日本試下。

吃過k11 那邊的 pancake 又想試試這個，聽說也是超人氣，一定要看看，不過每次都大排長龍，都不會排了。今次平日放假就來碰下運氣，剛巧晚飯時間所以少啲人，但都有10幾個好釆輪得快。坐下來便叫了一個原味的，因為原味最好試到真確。大約等20分鐘，叫了一杯cold press apple juice , 果然新鮮好味終於pancake到了，三件厚厚的，切落去都軟綿綿，應該都好好味。入口很香蛋味，Pancake質感鬆軟，不過第二口就沒有蛋味了，始終都是日本好吃😋不過如果未試過，不妨一試

之前見到人氣Flipper’s出左個好吸引既《奇蹟之白桃班戟》😍，今日終於可以嚟試到la😍~~排長龍一等就個半鐘😵😣，不過為左食好野等下都絕對值得！😅💪🏻落左單等左約20mins pancake終於嚟到😍，一食落口心𥚃面不禁叫左一聲: 點解咁好味架！😱pancake用左日本直送既新鮮白桃🍑，鮮甜多汁，pancake勁鬆軟🤤，有空氣感得嚟又好有蛋香；👍🏻配上清新既蜜桃醬同非常軟滑既乳酪忌廉，真係超好味！🤤❤️每食一啖都令我感覺好幸福同好滿足！☺️💓好快就俾我秒殺ko哂成碟 la!😝呢間既pancake肯定係我响香港暫時食過最好食嘅一間！🏆🤩佢哋另外仲有個限定版嘅綠茶味☘️，可惜今日已經賣晒（每日限量30-40份），下次一定要試吓先！😛😍唯一吾好嘅地方就真係要排隊排好耐😣，所以睇嚟下次我要試吓好早就去先！😆

首先要多謝Fd子們，因為屋企有啲事遲到，Fd子們就去排定Flipper's等我，我去到大約再等左十幾分鐘就可以入座。我地叫左3款班戟，首先密瓜班戟先送到，班戟上面有成6，7件日本蜜瓜，仲有蜜瓜味忌廉，蜜瓜超級香甜，班戟軟綿綿輕飄飄，配上忌廉一齊食，就好似食緊蜜爪味嘅雲同棉花咁，另外仲有1小杯蜜瓜味雪葩，凍冰冰超清甜，如果大杯啲就好啦！士多啤梨藍莓香蕉班戟，士多啤梨好新鮮，而且份量都唔少，忌廉個味好似有啲楓糖嘅甜味，士多啤梨加忌廉同班戟一齊放晒入口，酸酸甜甜超好味道!榛子朱古力焦糖香蕉班戟上面有半條焦糖香蕉，配上朱古力雪糕同榛子醬，朱古力雪糕帶有苦味，而個榛子醬就好似金莎嘅味道。條焦糖香蕉我個人黎講覺得麻麻地，個味我唔鍾意，所以我用班戟加雪糕同榛子醬一齊食，味道啱啱好，好夾。食完真係回味無窮，每款口味都各有特色，難怪每次經過都總有人龍，一定要再食，下次要試埋其他味!

安排極差，Facebook page又冇寫明期間限定商品限幾多份同埋幾點出，店員又咩都唔知，下次唔會再嚟。為咗佢期間限定嘅白桃pancake，去嘅前一日特登打去問幾點出，店員話2:30至3點出。於是今日同朋友2點15分排隊等。以防萬一再問一次店員幾點出，店員話大概3點。心諗排隊都係等，3點應該都食到啩。等咗唔係好耐，2點40分左右就入到去。入到去之後未夠鐘，又費事乾等，就同朋友叫咗綠茶紅豆pancake食住先，差唔多3點鐘就送到上枱。橫掂都3點鐘，落完order都要等30分鐘到先食得，而家食完綠茶紅豆再食白桃，時間咪啱啱好囉。到咗3點5分都仲未見佢出白桃，就問店員有未。佢地又話未有，要我哋再等多一陣。去到3點15分都仲未見，又再問另一個店員，都係答未出。去到4點鐘都仲未出，有個店員而家先行埋嚟講話6點先出，仲話如果今晚食嘅話，可以留個籌俾我地。大佬我地等咗咁耐，竟然同我地講6點先出，中間浪費哂時間，間舖又唔係隨時都可以walk-in，嚟到又係要等，個個都咁得閒哂半日時間係到等咩， pancake又唔係話好食到值得哂咁多時間等，下次唔會再嚟！

平日晏晝兩點剛喺St. Paul 出院，本身打算趕去試週年限定宇治抹茶班戟，去到人頭湧湧。抹茶班戟已賣晒。我都照排隊，諗住試期間限定白桃班戟。等左半個鐘，條30人嘅隊未郁過，其實樓面仲有好多'吉' 位，只不過前面係幾批大 Group 人。因為我得一個人，我問店員有幾個單個'吉' 位，可唔可以比我坐低。佢話唔得，就算有獨立'吉' 位，我都唔可以入。心諗 '喂，大佬呀！其實有吉位就比人入啦！前面有幾班大 Group人，佢地唔啱，我啱！' 完全覺得呢間嘢立心不良，根本想形造好似人潮湧湧嘅感覺！😤😤仲有呀，前面有 Group 人一直都係得 5個人，等左半個鐘，突然有兩個人 join入去，想點？間嘢安排好唔掂，與其閒閒地要人等一個鐘以上，不如整部㩒飛機比人㩒飛啦！仲有條長龍霸住好多公眾地方，攪到隔離間 Monster 啲空間比人霸占晒！做生意都應該做得有品啲！我最後選擇外賣檸檬芝士班戟，完全唔掂！Size 好細，半隻手掌咁大，完全無檸檬味，無芝士味，上層同下層係拿破侖。班戟完全比拿破侖搶晒風頭！🙈我覺得真係唔值 $32😅我諗我唔會再幫襯呢間餐廳！

想食左好耐好耐嘅奇蹟之班戟，開左一年有多人氣依然不減，再加上遊客潮聖，好多次有意無意經過路過，都被長長人龍嚇怕。近日見有朋友分享期間限定嘅白桃班戟，又心生興趣。仲好英勇選擇週六到訪，到達時已11:45am，隊伍再次排到後樓梯。今次把心一橫，一定要試下排到一半開始登記人數，我順道一問，店員表示白桃班戟要到下午大概三點先會有，賣哂抹茶班戟先會供應，確實失望，都唔知幾時再咁好心機做排隊黨，希望9月底供應期完結前可以再訪一遍自行點單，由店員送餐，不收服務費，提供清水。餐牌供應6款固定班戟，有甜有鹹，期間限定除左宇治抹茶班戟，就係我想食但又食唔到嘅白桃班戟喇，定價$99-$159。另有飲品如咖啡、果汁等，定價$26-39，每人最低消費一個項目。士多啤梨藍莓香蕉班戟 $119班戟即時製作，約等候20分鐘，餓左成個鐘先食到，秒變美食。睇過不少照片，FLIPPER'S出品穩定冇走樣，班戟實物果然同圖片一樣。一份三件，撒上糖霜，加上士多啤梨、香蕉、藍莓。班戟鬆而軟綿，空氣感唔高，唔會過於濕潤或乾燥，最值得一讚蛋香濃郁，平價班戟不能相提並論。點左兩份，一共六塊，件件如是。忌廉香滑到不得了，縱然士多啤梨微酸

香港開了很多間souffle pancake 店但係個人比較鍾意都係 Flipper's - 所以係開店一週年又去第二次驚訝依然gum多人排隊，差唔多正常來講應該要等差唔多一個鐘 宇治抹茶pancake ($139) - 一週年限定!!!!用左日本京都的宇治抹茶 ＋ 綠茶雪糕及軟心朱古力仲有日本直送的草莓大福 宇治抹茶雪糕有微微的苦澀味souffle pancake 濕潤但仲有空氣感 不過一個人食的話都幾飽女仔應該可以做dinner. 軟心朱古力比較係meltykiss 的口感 上面有薄薄的一層抹茶粉下次想試埋新出的白桃pancake ($159)有興趣的話可以叫 mint mocha frappe ($39)雖然話偏甜 但夏天冰涼的飲品都唔錯我朋友試左chocolate mocha frappe ($39) 會比mint mocha 要rich d， 鍾意朱古力的人應該鍾意!

宇治抹茶梳乎厘pancake 曲奇沙冰 $39抹茶沙冰 $39我終於終於食到Flipper 既梳乎厘pancake 啦😆😆因為keep住都見到要等位所以遲遲都未去試😆聞名不如親身試下最新出左宇治抹茶味既梳乎厘pancake呀😍同之前既抹茶紅豆味唔同架成件梳乎厘pancake都係綠色 食落會有帶點甘香既宇治抹茶味梳乎厘整得剛剛好 動L 動L😍上面重有幾粒抹茶朱古力同抹茶cream食落唔會漏 唔係d cheap cheap 忌廉蛋糕既cream好滑身架咼 一解抹茶癮💚💚前面重有個草莓抹茶大福 唔會太甜 士多啤梨都唔酸🍓🍓第一次食 整體質素幾好咼😎曲奇沙冰都好好飲😆好足料 啖啖曲奇碎架🍪抹茶沙冰我就覺得甜左d 成杯係抹茶kitkat果隻味🤣星期六晚黎到都見到有唔短既人龍 想食就記得預d時間等位啦😆

突然興起想食班戟，之前又未試過flipper’s，見有新嘅宇治抹茶口味，一於就試下。之前食過唔少梳乎厘班戟口感都較厚實，唔夠空氣感，但依個鬆軟得黎唔會扁哂，口感唔錯。忌廉富有濃郁抹茶味，甘苦唔會太甜，口感都幾rich幾軟滑。另外仲加上抹茶軟心朱古力、抹茶雪糕同日本直送嘅抹茶草莓大福，材料夠哂豐富。Oreo沙冰味道濃郁，材料夠，飲落唔會好淡得冰味，就算溶咗oreo味道都保持濃郁，但飲落有啲漏，所以最後都飲唔哂。

係香港來講， flippers嘅soufflé pancake都真係好出色。我前前後後都食過三次，都仲係覺得好好味。由佢開業到而家，每一次都要排隊，而且起碼都要排差唔多成個鐘，呢個位就令人冇乜動力食，同埋部份職員態度好差，但冇辦法，佢又真係幾好食。最近果次去食，佢嘅期間限定味道係peach，但好彩我同朋友揀咗食原味，因為原味嘅cream真係好香。見到隔離枱叫蜜桃味，啲蜜桃整到個pancake濕晒，睇見都唔開胃。

星期日11點21分開始排隊 隊伍已經轉角到廁所叫咗士多啤梨香蕉pancake 食物與實圖一樣 同我想像中都一樣 入口即溶 份量啱啱好值得排咁耐（點解要咁多字 簡而精咪得 逼人打廢話做乜）

好似唔係食緊梳乎厘pancake，真係食緊份幸福同埋奇蹟比起喺日本食仲好味🤤睇相已經想再去食。已經喺希慎食左3次，每次都即叫即整，所以都要排隊，但係值得等待。原味Soufflé Pancake ⭐️⭐️⭐️⭐️⭐️$99鬆軟既pancake，好有蛋香味，D cream好有奶味，原味唔跟糖漿都好好好好食。我試過其他味同佢既期間限定，最愛始終係原味❤️期間限定 日本夕張蜜瓜梳乎厘pancake⭐️⭐️⭐️⭐️⭐️ $1xx價錢好似係$138，唔係好記得。限間限定係會成日轉架，今次個蜜瓜味好好味，食落去蜜瓜好香好甜，連d cream都有陣香甜蜜瓜。但我同朋都係覺得原味更加突出個種奶同蛋香！ 不過蜜瓜味都係5星星有左flippers唔洗再朝思暮想去日本食soufflé pancake ❤️❤️❤️