FLIPPER'S (已結業)

岩岩五點幾自食完榮式雞扒，近六點又來到呢度試pancake.假日除左食都仲係食😂😂😂😂😂。每次經過Flipper’s都見到好多人排緊隊，好好奇點解咁多人排隊食🤔，所以就想搵日試一試佢。今日有時間，所以可以試下。來到見到條隊排到去廁所位，感覺已經想放棄，但由於岩食飽唔會太肚餓，所以可以等下。見到條長龍，預計要排一個鐘頭以上，點知比預期中快，排了三十分鐘可以入去。因為唔肚餓既關係，我地只叫左一個士多啤梨藍莓pancake同一杯茉香珍珠奶茶。Pancake既賣相好靚，見到就好想食。pancake係原味的，水果只是加在上面而已（pancake 不是有士多啤梨藍莓味，別誤會）。pancake 中間食落去入口即溶咁，香香的pancake味，再點埋啲cream 一齊食就更加好味，好好味。底面感覺似一層皮，韌韌地，幾好味。茉香珍珠奶茶，茶味都頗濃，但珍珠比較硬，唔夠煙韌,但呢度來講算平。

.眾所週知flipper’s 受歡迎嘅程度係輕則排半個鐘，耐起上黎要排成個鐘嘅！所以一路好想去食都比門口嗰條人龍嚇到打退堂鼓。不過為左試下有幾好食，點都去下啦！今次係星期日去，由一點半開始排，等左近一個鐘先入去，可以用「不經一番寒徹骨，焉得梅花撲鼻香」嚟形容。.榛子朱古力焦糖香蕉班戟 • 講番食物，pancake算係幾有份量，厚得嚟唔實，而係好綿密嘅感覺，蛋香味好重。同前幾個post過嘅pancake比較，可以話係最好食！Pancake上面嘅榛子焗到好香脆，係個小小嘅bonus，榛子、香蕉同朱古力有幾夾就唔洗多講啦！整體來說係好好食嘅，之但係值唔值得排咁耐就見人見志喇。.餐名: 榛子朱古力焦糖香蕉班戟價錢: $119評分: 9/10餐廳: FLIPPER'S (銅鑼灣)地址: 銅鑼灣軒尼斯道500號希慎廣場6樓i.t blue block

去親銅鑼灣食甜品，我都好希望身邊嘅友人願意陪我去食flipper’s! 但係往往佢地聽到呢呢間餐廳名都同我講「唔想排隊」！冇錯！即時呢間餐廳開業左咁耐，佢嘅人流係從來未減退！而我發現要食呢間野，就最好係佢一開門嘅時候排隊！又或者可以選擇星期一至五12鐘嘅時候，有陣時都只係排10幾分鐘就入到！入番正題先！其實食flipper’s, 我最鍾意食嘅係原味班戟！因為食原味你先食到佢嘅真味！當然有陣時佢嘅期間限定班戟都相當吸引，但如果你第一次是我一定會介紹你食原味的！唔知大家食班戟的時候會唔會都同我有相同嘅感覺呢？食flipper’s班戟係越食越上癮！同埋當你食哂佢嘅時候，會好似冇食到咁！所以個感覺好得意！！！

基本上每一次經過呢間鋪頭都會係見到佢條人龍排到去廁所，無論係假日定係平日都係咁樣咁好啦我以為依家銅鑼灣開咗另一間日本開過嚟嘅Souffle Pancake 鋪，呢間就會少人啲啦，係錯嘅諗多咗。用咗大約一個鐘頭排隊，排兩個人一定係快過三四個人。其實基本上每枱嘅人都係會食頂盡20零30分鐘就會走㗎啦。咁所以其實turnover 都好快只不過最慢嘅係等上菜。嘉欣其實你可以入去楚嘅時候先會俾你睇餐牌同埋叫，叫咗先開始準備整咁其實真係等到天光。又排隊嗰一刻到呢嗰份鬆餅真係去到你面前係一個半鐘！天呀，差少少都飛到去沖繩啦！我嚴重地覺得間鋪頭係特登要人等咁耐，等人地係咁排隊可以營造到一個好受歡迎嘅影像。好啦咁食咗個榛子朱古力香蕉鬆餅，又真係好鬆化嘅，啲榛子係好脆口好香。但老實唔係食完會天外飛仙咁識飛囉，更加唔值得要等個半鐘虛耗光陰。如果真係咁想食嘅話就要還神今早10點半去到銅鑼灣攞籌。

終於食到Flippers 啦！三點半去到呢啲時間都有好多人要排隊不過大概等左半個鐘就入到去嚕巧感動啊~~~😂-士多啤梨藍莓香蕉班戟🥞梳乎厘班戟好鬆軟 又有空氣感仲有濃濃既蛋香加上士多啤梨藍莓香蕉🍓🍌賣相同埋味道都一流啊💓綠茶紅豆班戟🍵梳乎厘班戟蛋香濃郁亦都好鬆軟同充滿空氣感🥞配上濃濃既綠茶忌廉同甜度啱啱好既紅豆蓉簡直係perfect match啊💚抹茶控 食完表示大滿足喔~難怪任何時候都咁多人排隊啦🙈

我們中午到等候不太久門口接待就帶入座，在後方的座位冷氣口太強，點第一份鬆餅覺得很不錯雖然等候蠻久，再加點一份，但可能是等候客人多，做的速度變快，舒芙蕾根本沒熟，請員工看也是拿走後沒說聲抱歉，再換一盤後還是沒有熟，再請員工來說這本來就是這樣，但我們吃第一盤根本沒有這樣還看到生麵粉，說是正常說不通，加點後反而變失望，雖然等候時間久，至少值得而不是因為等候客人多影響用餐客人，這樣的價格跟招牌不應有此品質！

士多啤梨藍莓香蕉班戟：Flipper's班戟同西式班戟有好大分別，一上到枱，個班戟望落軟棉棉咁，如果輕輕郁下碟邊，班戟都會有少少郁動。口感方便，我覺得班戟口感較為軟熟，一入口好似入口即溶咁。而整體味道都有驚喜，班戟有濃濃既蛋香味。配合埋旁邊既既生果，食落去會有更豐富既味覺享受，生果既酸甜味，同班戟既蛋香味好夾。值得一讚就係，生果份量都幾多。整體：雖然依間既食物價錢較貴，但食物水平質素不錯，可以一試。但因為即叫即整，所以要預番上餐時間會比較耐。

這是我第一次寫食評呢(~^^~)希望多多包涵我和朋友於8月23日周四下午4.30到達餐廳。想不到平日下午,餐廳外仍有這麼多人排隊,我和朋友足足等了一小時才可入座。原本想試季節限定的宇治抹茶班戟拼大福,可惜早已售罄。於是我和朋友各自點了一份綠茶紅豆班戟和白桃班戟,飲品選凍薄荷朱古力和凍抹茶牛奶拿鐵。由於食品是即叫即製的,故等了二十分鐘才有得吃。綠茶紅豆班戟班戟足足幾厘米厚,充滿空氣感。用刀切開後,蛋香撲鼻,鬆軟如綿花糖,入口微甜,充滿蛋香,不枉我們排隊足足一小時。香桃班戟朋友的香桃班戟我沒有試吃,也沒有拍下,價錢約$150。凍薄荷朱古力凍薄荷朱古力值得一讚,不攪勻飲用為佳。香香的薄荷與濃郁的朱古力相遇,甜度恰到好處。凍抹茶牛奶拿鐵比起凍薄荷朱古力,凍抹茶牛奶拿鐵便比較失色了。

小編終於有機會試到FLIPPER’S班戟，平下午依然大排長龍，都要45分鐘先入到！就講下士多啤梨藍莓香蕉班戟啦！🍓🍌🥞其實小編都幾欣賞佢做到件件size一樣，品質可以保持到確實好難得👍🏻👏🏻同樣地，Pancake口感非常鬆軟綿滑，充滿蛋香。面層既cream同原味班戟有點唔同，這個帶點香蕉味🍌🤨，無左原味cream既奶香，小編就唔太喜愛了。水果份量都非常多，士多啤梨都尚算甜，食完都增添飽足感了😗

潮聖之選😋成日經過希慎都想試flipper’s，但次次見到水蛇春o既人龍就馬上打消念頭😂難得今日閒日放假，條龍冇咁長就緊係試下啦！叫左二樣野淺嘗一下：士多啤梨班戟～ 賣相一流🙂第一口食落去好似冇食過野咁，入口即溶，軟綿綿，有淡淡既蛋香，食完唔會好滯👍但要$12x 一份，略嫌貴價抹茶拿鐵～ 個人幾喜歡呢間d味道，唔會太苦澀同太多冰，而且好似3-4x就有交易啦總括黎講：味道係唔錯架，賣相都一流，呃like之選，性價比就還好啦😂

每一次經過呢度，都見到排晒長龍，一定有原因；今次同個 friend經過，居然唔使排隊，即刻入去試試。因為指定每人一定要選一款甜品/飲品，所以我們點了原味pancake和士多啤梨藍梅香蕉pancake; 一份有3大件，好鬆好軟，混埋啲cream食好正；我覺得原味已經好好食，要有生果的貴$20, 我個人覺得唔值。唔使10分鐘我哋已食完，呢個甜品都幾貴！

今天興致勃勃來到銅鑼灣食大名鼎鼎的Flippers，這間口碑聽說不錯，時常排長龍，我這次便在平日的下午3時去碰運氣。怎料，還是要排半個多小時才能入座。入座後發現店面不大，有空位，但卻不知為何沒有安排客人入座，可能店員不知道如何可以因應人數去填滿座位吧。我一坐下，就看到周圍的人都點chocolate 或 strawberries 口味，但我和朋友偏愛chocolate便點了chocolate 及一杯冰抹茶。Kiseki Pancake - Hazelnut Chocolate $119這個pancake質感柔軟，像空氣一樣，入口即溶，不會太甜，加上上面的chocolate cream、焦糖香蕉及脆脆nuts，真的一流！值得一試！遺憾的是，沒有pancake配雪糕這個選擇，因為我個人喜歡pancake配雪糕Green Tea Latte (Iced) $39這杯抹茶苦中一點甜，不愛喝太甜的人可以一試，吃完甜甜的pancake配這杯greentea剛剛好！

甜品控出動啦！曾經好幾次經過這家甜品店都沒有吃成功要罷等候人龍太長要罷已經折龍了今天突然心血來潮 排一下雖然仍然有人龍 但很快 就可以入去食啦班戟有幾款選擇 我和男友很快就揀了榛子朱古力焦糖香蕉班戟ᴴᴷ$119甜品樣子真的很漂亮 ❤️❤️ 厚厚的三塊班戟質感很蓬鬆 不會太甜 配上脆脆焦糖香蕉和香烤過的榛子果仁甜度剛剛好 口感也更豐富了 兩個人食份量剛剛好呢😋😋原本想叫冷壓果汁🍹 不過已經售罄店員推介Flipper's punch 顏色很繽紛 漸變色 味道酸酸的 又冰凍☺️剛好中和甜品的甜度 排隊食也是值得的 一定會再encore

一直都想試下呢間日本開過黎嘅人氣pancake,但又怕要排隊排一兩個鐘，所以等到而家先去食我同朋友約左星期日12:30pm去等位，一去到見條隊都係十幾人，又唔算好多喎！我地等左大約四個字就有位啦！原來間鋪唔係好大間，我地坐卡位, 原來有珍珠奶茶飲，我地叫左杯熱嘅，咪道OK,不過再少dd甜就更好，最近會有個限定呢大福綠茶pancake!綠茶控嘅朋友一定要叫呢個，好好咪，仲有個綠茶雪糕架！另外我地仲叫左份士多啤梨香蕉pancake,d生果好新鮮，配埋個pancake咁食唔會好漏！不過今次係我第一次食呢種pancake,原來口感係咁有趣

同朋友食完lunch之後，仲想食甜點，見flippers 今日咁少人排隊，所以馬上衝左入去四個人叫左兩個，士多啤梨藍莓香蕉班戟 及 榛子朱古力焦糖香蕉班戟等上菜都等左最少二十分鐘，上到後見到真係好qq，好fluffy，搖下個碟就見到個班戟旦下旦下一碟分量都好多，一碟有三個班戟，料又多，但味道黎講我只會比 3.5/5，如果係之前排咁長先食到就有d誇張Overall 我地都幾enjoy既，我地四個一張枱，坐都ok 唔逼，d食物影相又靚，係打卡好地方！