FireBird

营业中

休息中

經常在銅鑼灣區出入，很多時經過這間位於邊寧頓街地下的Firebird，一間日式烤肉串燒居酒屋，今晚放工後終於可跟朋友到這裡relax一下。餐廳中央是開放式廚房，客人可看到廚師烹調美食，亦對食物有一定的信心及保證。餐牌有着各適其適的美食，大家正想著如何選擇，看到今天的㕑師推介，就這樣便決定了今天的主食。厚切牛舌串燒（2串）先來一個串燒，這款串燒是我每次必選的，而Firebird也燒得非常出色。厚切的牛舌灑上岩鹽已十分美味，入口彈牙爽口！日本霜降A4和牛燒我們order這款和牛燒時，店員禮貌地提示我們一般二人份量會是大約150-200克和牛（$2/克）。因朋友愛吃和牛，於是我們要了約200克，不久店員拿著電子磅，在客人面前展示確定，才拿到廚房準備。傾談間店員已奉上和牛燒，脂肪比例平均，五成熟的肉質嫩滑多汁，牛味濃郁，有入口即溶的感覺。火焰原隻雞腿差不多每枱客人都有order這款招牌菜，店員會在客人面前點火，待火焰熄滅後便再替客人把雞腿肉切開。肉質鮮嫩香滑，熱騰騰的，味道香濃。最後要了Lychee Frozen，湖水藍色的十分吸引，有着淡淡的荔枝清甜味道。朋友的Berry Kisses是草莓

朋友話請我去 Firebird 食晚餐, 我聽見餐廳名字, 就已經開心,  有點期待.因為 Firebird , 一定有我平日最鍾意食的雞.  步入餐廳, 氣氛高漲,  客人圍著吧檯座,   觀看爐端燒,  我也最喜歡.一班年青的師傅,  好有活力, 店裏沒有油煙及燒烤的味道, 通風系統做得不錯.餐廳裝修, 望落去好輕鬆.  餐牌送到  LET'S ENJOY OUR FOOD.一齊細看餐牌. 先開開胃 我點了一杯  Lychee Frozen 高高的杯, 海藍色的特飲, 帶香香的荔枝味, 少少酸, 很出色.朋友點 Berry Kisses   有清酒香, 酒味不太重, 沿杯邊是糖粒, 內有草莓, 感覺好清新, 好好飲.油甘魚刺身.  每件刺身都係厚切.肉質晶瑩剔透, 新鮮好有魚香味,  肉質鮮甜柔軟.長蔥雞肉串, 長蔥好嫩燒得香,  夾著雞肉, 口感好平均, 雞肉嫩滑, 有雞味, yummy!愛吃雞的我們, 不會錯過  FireBird名物 重量級火焰原隻雞腿,    份量不少, 看見已想食, 店員話打火了, 準備手機影相.點火後, 不一會兒,  火光紅紅, 先來個視覺享受.   E

今日朋友請食飯，請我去試呢間日式居酒屋，外表睇落有D似西餐廳，呢度除咗有日式食物之外，都有好多唔同嘅特飲。首先我地點左兩杯特飲Mango bar de mocktail 同Lava flow。兩杯特飲各有不同，芒果mocktail 味道似將個芒果煮溶咁，而杯邊仲有條芒果雪條，口感十分芒果味重😋 另一杯以鮮士多啤梨同菠蘿混有焦糖奶，菠蘿味較特出。手握壽司盛合 - 至愛超大三文魚丶鰻魚壽司、甜蝦同海膽壽司，夠鮮甜。明太子半玉子燒 - 大量明太子鋪面配合厚燒玉子，口感十足。雞肉串燒盛合 - 一次過試到不同雞肉部分，嫩滑肥瘦適中。火山熔岩鮭魚卷 - 將鮭魚卷先炸，後加上溶芝士同埋炸洋蔥，🤤味道有少許辣，未試過食炸壽司，非常惹味。雞肉伴明太子濃汁烏冬 - 湯帶微甜，明太子混入後味道好夾。多謝朋友帶我食好嘢☺️

特飲餐198Berry kisses很少喝cocktail，這款甜甜的有藍莓果甜，顯得酒亦易入口，適合女生喔！日本宮城生蠔2隻生蠔咀嚼感清脆，肉質肥美，而蠔味不過不失，沒有吃到不完美的碎殻。雞翼串28金黃可口，外皮脆卜卜，入面不失肉汁，掩得入味。溫泉蛋慢煮日本雞肉凱撒沙律伴黑松露沙律醬98 賣相漂亮，沙律🥗菜爽口，刺破溫泉蛋一起吃更添滑嫩，雞扒肉質細緻，火喉恰當。日本產雞肉伴明太子濃汁烏冬88烏冬富彈性，又有口感，明太子的咸鮮，令雞肉食味大大提升，整個面食的汁醬能均勻掛面，明太子味濃郁。日本產霜降A4和牛燒2元/1g 這份234雪花美美的牛肉塊，要了5成熟去享用，肉味十足，入口即溶，牛脂味道芳香。明太子芝士椰菜燒餅68芝迷一見拉芝，實在大爲傾心，椰菜絲細心被切得幼身，加了玉子更令明太子咸香突出，大板燒醬那邊則惹味，重口味人仕會喜歡呀！意大利風芒果雪糕48質素高，吃時具有雪芭口感，芒香四濺，又不過甜，都不捨得分甘同味。食後感：過了愉快的一夜，談心拍拖皆宜，因為環境蠻不錯。

🐂 即燒！日本霜降A4和牛燒 ( $2/g , 100g起 )今次收咗工同朋友嚟到呢間位於邊寧頓街地舖嘅日式居酒屋，店內食物款式都幾多，而首先登場嘅係呢個店員推介嘅A4和牛燒😍，售價係兩蚊1g,我哋呢塊肉就叫咗175g左右，姐係$350就已經食到，都算抵食。和牛即叫即燒，五成熟同三成熟各半，和牛上枱熱辣辣香噴噴，我只可以講三成熟真係好食太多，入口即溶，點少少岩鹽已經好好食😋黎到必食呀！🔥Firebird火焰海鮮燒盛盒($238)呢個海鮮燒分別有北海道珍寶帆立貝、宮城蠔殻燒同新寶大蝦。一上枱就點火🔥，非常吸晴😍 海鮮燒得啱啱好，好鮮甜🤤🔥火山熔岩蛙魚卷 ($98)我哋仲叫咗呢個人氣嘅火山熔岩三文魚卷，三文魚卷真係堆到成座山咁高，山頂仲有啲炸到好脆身既夢蔔絲同木魚絲，營造到好似火山爆發咁嘅效果，又幾細心喎！入面嘅三文魚係熟嘅，成個壽司卷係熱辣辣，配上佢哋特調既沙律醬，唔錯👌🏻🦀 蟹味噌甲羅燒 ($68)我哋另外都叫咗呢個甲羅燒，成個蟹蓋裝住蟹膏！好濃陏嘅蟹膏味，有得撈埋飯黎食就perfect 啦🍢 雞肉串燒盛盒 ($138)呢個亦都係餐廳推介之一，串燒拼盤有五種，包括有自家製免治雞肉棒、長

《Firebird 》位於銅鑼灣邊寧頓街，是一間中等級數的日式串燒居食屋，周邊商業大廈林立，餐廳亦推出了Happy Hour時段，最平$48便可享用啤酒一杯，搭配各式串燒，是下班後的一好去處。日本產霜降A4和牛 ($300@$2/g): 和牛按重量逐克計價，$2/g，最少點100g，這裡是150g，足夠2人分享。和牛質素甚佳，脂肪比例雖較多，油花味道突出，肉質幼嫩而富肉汁，但牛味亦夠濃郁，質感與味道的平衡掌控得不錯。Suntory the Premium Malt's Black ($48/happy hour): 優惠時段半Pint@$48，吸引不少白領到來小斟幾杯。黑啤看似苦澀，但味道甘香且偏甜，泡沫綿密，極之幼滑。厚切牛舌 ($68/2串): 牛舌粒以少許鹽和黑椒燒製，爽嫩多汁，牛味香濃可口，是必吃之選。明太子芝士椰菜燒餅 ($68): 燒餅的質感和味道均與章魚小丸子有幾分相似，左邊是明太子醬，而右邊是日式燒汁，中層同樣夾著芝士及椰菜，一款燒餅，兩款味道，蠻有特色。

同事知我中意食雞，介紹我黎呢間餐廳食著火既雞，佢話上次食過覺得幾好食。平日的晚上，估唔到餐廳都坐無虛席，好在已經book左位!餐廳已高枱為主，播著輕快的音樂。餐牌上都有幾多款式選擇，而我跟朋友都點了不少款式試試。Lychee Frozen($68)，只是看顏色已經被吸引住了，是我最愛的海洋藍色，有淡淡的荔枝味，帶有少少酸，很解膩的感覺。Shake Sangria($88)，跟西班牙水果酒差不多，內裡有很多生果，配上紅酒，很適合女孩飲用。日本產霜降A4和牛燒($2/克)，友人很喜歡吃牛，見這裡的和牛有點吸引，於是點了試試。因這款和牛是每克收費，問過店員後，建議我們2人可點150克來試試。店員切好一塊牛之後，會在你面前磅一磅又幾重，然後再詢問需要幾成熟再幫我們烹調。我們點了5成熟，上菜時牛肉沒有燒得過火。牛肉油脂分配非常平均，入口即溶，而且好重牛肉味!牛肉面頭還有醃製過的蒜片可以一齊食用，碟旁還有鹽和芥末，一起食份外惹味!牛油果加洲卷($88)，這款加洲卷牛油果不是夾在中間的，而是放在上面的，所以入口就是牛油果，加上這款卷物清清地，是一個不錯的選擇。FireBird雞肉串燒盛合($138)

日本產霜降A4和牛燒.接重量計算價錢 $2/克 這塊大約是230克 兩個人都夠吃了! 牛扒部位沒記錯可選肉眼或西冷 店員先會請端出牛扒和一個重量磅 確認好重量之後 就問想要什麼生熟程度 我們想要燒至五成熟! 肉質粉嫩 油份爆發 咬下無筋 有入口即融之感😋 不用外加調味已夠味～串燒.試了幾款串燒 當中最喜歡免治雞肉棒配雞蛋！雞肉棒燒至香口 內裏juicy 混入了雞軟骨 所以也有爽爽的口感😚軟殻蟹牛油果壽司卷.壽司卷一客六件 每件都頗足料大件 軟殻蟹炸得不算油膩 配上牛油果青瓜等 都不錯😉

今日約了朋友食日本菜，從外面大櫥窗看，感覺不太像吃日本料理，像西式酒吧。座位與座位之間雖然空間不大，但坐得舒服。餐廳整個氣氛令人感覺是Happy Friday，很放鬆。點了A4和牛燒，事前先把重量告知食客。燒完很嫩滑，已經很夠味，不用蘸鹽或芥末醬亦可。壽司盛合很豐盛，而且長切，美輪美奐。最喜歡當然是海膽，軟滑香口，而帶子亦是我最愛。雞烏冬用的是日本雞，滑而不膩，配明太子濃汁。來居酒屋當然要點燒物了，雞腿串味道剛好，不鹹。而雞翼則相對濃味，配strawberry smoothie，又甜又鹹更滋味。

環境5分：日式居酒屋同西式餐廳嘅混合體設計，有個開放式廚房可以望住廚師喺度燒串燒，可以畀五分。衛生5分：張枱有個櫃桶放Ｄ餐巾紙，非常周到同方便。放筷子嘅鯨魚仔尤其得意。抽油煙方面做得幾好，食完件衫冇油煙味，一樣五分。服務5分： 服務員快手快腳，態度好，唔囉唆，滿分。味道4分：1)      日本產鯛刺身同壽司，有十片刺身同兩嚿壽司，魚生片鮮甜新鮮，點Ｄ醋加wasabi就更加開胃。2)      厚切牛脷串燒，一個order有兩串，燒完之後都非常之淋，牛味都算濃。3)      餐廳寫到明用日本產元氣雞，所以叫左個串燒拼盤同雞翼。雞翼燒到啱啱好，外脆內嫩。可能係日本產關係，覺得好食過平時Ｄ雞翼。4)      串燒拼盤有五條串燒，最好食果串自家製免治雞肉捧十分之脆嫩，加埋另上隻鮮蛋黃就特別滑。串長蔥雞肉Ｄ肉好爽好甜。雞尾七里香串就最最最野味。雞胸呢就有Ｄ鞋，所以要扣一分。秋葵濕濕地都好爽脆。5)      三代目軟殼蟹沙律除左軟殼蟹，仲有羅馬菜，紫椰菜，蛋，芝士，紅椒，黃椒，牛油果，蘋果同青瓜，清爽豐富。6)      醬油燒飯團，豉油味濃但又唔係好鹹，食完舊飯團就非常之飽啦！抵食4分：

銅鑼灣有好多樓上嘅居酒屋，今次黎左一間地舖，位於唔太熱鬧嘅邊靈頓街，如果唔係朋友提議都唔知呢度有間日式餐廳。有啲幾抵嘅海鮮加飲品套餐，可惜我地揀唔啱！北海道帆立貝刺身 ($98)係珍寶尺寸嘅帆立貝，一粒切成三大塊，質感嫩滑柔軟，清甜可口。就算唔鍾意食生野嘅人都應該接受到。日本產霜降A4和牛燒 ($2@gram)見檯檯都叫呢款肉，我地都唔執輸叫左黎試下！即叫即燒所以上枱仲係熱辣辣，油脂豐富，入口即溶！點岩鹽更能帶出牛肉味！雞腿串 ($28)因著店員嘅細心提醒，一上枱趁着熱辣辣我哋就食咗，雞果然係呢度嘅招牌菜，非常入味而且保留嫩滑嘅口感，下次一於叫個雞肉串燒拼盤試吓。特上手握壽司盛合 ($298)手握嘅壽司飯果然特別綿糯，大細稍微小巧，但係上面嘅魚生一啲都唔細，例如鰻魚仲係原條上，多「餸」少飯嘅感覺真好！牡丹蝦啖啖肉特別鮮甜。Lychee Frozen ($68)呢款沙冰唔會死甜，有荔枝同檸檬嘅清香，最適合同朋友share！

下班想在鬧市找間居酒屋開懷吃喝，選擇越來越多。是夜與太座找到此處用膳。這裏環境熱鬧，座位間尚算寬敞，侍者服務到位，令區區印象不錯。先點了雞胸凱撒沙律。雞肉以慢煮處理，保持鮮嫩。沙律菜爽脆，醬汁份量剛好，十分討好。特上壽司拼盤，用料新鮮，魚生給得大方，且刺身主要都是貴價種類。三文魚異常肥美，拖羅入口即化，有驚喜。即燒A4和牛肉味濃郁，表面微焦香脆，中間鮮紅部份鮮嫩，伴隨著一點脂肪風味豐腴。最後以澱粉質作結。燒餅中間有大量椰菜，中和半溶芝士的膩，加上明太子醬，令人滿足。

如果話銅鑼灣最好味嘅居酒屋，我首選一定係呢間firebird❤️店舖好細，但勝在氣氛環境都好好，比起樓上舖果d所謂嘅日本居酒屋有feel好多～雖然鋪頭比較細，但係坐得都舒服，而且重點係基本唔需要排隊，就算禮拜五都可以walkin～每次黎都會叫距地嘅和牛壽喜燒～牛肉真係好嫩滑，加碗白飯，簡直絕配！大蔥雞肉串都係必點！香甜嘅大蔥配埋雞肉，配啤酒一流火山卷都唔錯，三文魚卷炸完之後特別香口～裝飾用嘅渣牛蒡都好甘香好好食

餐廳環境好好，座位都舒服！餐廳最近有春の鯛限定餐牌，若不是我朋友唔食刺身，我會嗌鯛魚刺身～見到餐牌有「即燒！日本產霜降A4和牛燒」，$2/g 店員會係你面前磅，然後師傅再跟據生熟程度幫你燒。我呢塊173g！油脂好足，重牛肉味配菜既蒜片漬都幾特別明太子伴玉子燒本來以為係平時食開既蛋卷但呢度有驚喜！係湯浸住既滑滑玉子燒件，上面有明太子，咸鮮味加上淡淡蛋香....脆炸日本產超甜有機蕃薯條沾蜜糖食食得出好新鮮既蕃薯，即炸士多啤梨沙冰好大杯呀！又香又香滑！

身為銅鑼灣的常客，邊寧頓街的隆堡栢靈頓酒店對我來說不陌生，酒店內的餐廳都試過啦，唯獨是地面的 Firebird 今晚方才光顧。 居酒屋的格局，氣氛熱鬧，但開陽不擠迫。 來這裏，正因為看中這兩款優質食材：日本產霜降和牛及元氣雞。 亦見有期間限定的春之鯛，同樣不能放過。 人未齊，二人先點特選飲物海鮮拼，$378包括兩杯飲品及海鮮拼盤。 兩杯雞尾酒皆色彩繽紛，我的 Tiffany Sour，成份有 Blue liquor、sake 、Yakut 及pineapple juice，味道香甜帶點酸，又剛好被酒精中和，層次豐富，而又不會過度濃郁。 同伴的 Pineapple Lover，成份包括 Sake、pineapple juice、lemon juice、 fresh pineapple，比較簡單沒有層次，酒精濃度不高，喜歡菠蘿冰的會喜歡。 大拖羅刺身五件拼北海道帆立貝刺身 最開心就是吃拖羅，見到比較淺的粉嫩顏色，可見脂肪含量豐富，表面有點筋，但入口卻完全溶化；厚切的帆立貝刺身新鮮肉厚，吃這個刺身拼盤會感到完全滿足。 日本產霜降A4和牛壽喜燒 $278 加一份80克A