FireBird

营业中

休息中

早2日路經銅鑼灣利園附近發現有間型格餐廳，本以為是一間酒吧，最後發現竟然是一間日式餐廳，於是立即相約好友一起試試看。餐廳地方雖然不太大，但有一個型格開放式酒吧位置，非常奪目，而且廚房也採用開放式設計，可以看到師傅烹煮食物。餐牌選擇多樣化，而且仲有期間限定，廚師推介menu,任勻選擇。本來一心打算試試春鯛刺身，點知今日已經全部售完，超傷心喔，唯有下次再試試吧！現在夜晚推出了一個special drink + seafood set menu , $378 - 包1支sake /2杯飲品，再自選ABC 海鮮set 。Lychee Frozen 荔枝味香甜，入口清新，果香味濃郁。蟹味噌甲羅燒先將蟹籽，大蔥絲跟蟹味噌拌勻，入口香濃，鮮味十足。明太子伴玉子燒第一次看到放湯的玉子燒，玉子燒吸收了湯汁之後，味道更加清甜濕潤，伴上味道香濃的明太子，更添滋味。鹽燒赤魚魚肉鮮嫩甜美，魚油豐富，而且師傅燒得恰到好處。軟殼蟹牛油果壽司卷份量十足，軟殼蟹入口微微溫暖，青瓜絲爽脆清甜，好吃！紅豆鯛魚燒伴抹茶雪糕鯛魚燒外皮烤到脆卜卜，紅豆饀料不太甜，伴上抹茶雪糕紅豆醬同吃，超正呀！

今日同男朋友黎到Firebird慶祝拍拖紀念日～～由於我地一早喺openrice訂左位，所以完全唔使排隊，仲有九折優惠添！餐廳內座位唔多，我地被安排坐喺bar枱位，可以望住師傅準備燒物，睇到流曬口水！我地點左幾樣食物，睇落唔係好多，但都幾夠飽。1. 明太子伴玉子燒玉子燒口感嫩滑鬆軟，唔甜，帶有魚高湯嘅味道，配合埋面頭嘅明太子非常惹味！2. 蟹味增甲羅燒香濃嘅蟹味增撈埋蟹籽，蔥等等，食落更香口！3. 炙燒魔鬼魚翅呢個黎到嘅時候我有啲驚訝，因為我原本以為呢個菜式係燒魚～但食落有驚喜，佢帶有濃濃嘅魚味，香口，又唔會un！4. 軟殼蟹牛油果壽司卷卷物嘅size幾大，而且十分足料，頭尾嗰兩件可以見到曬軟腳蟹嘅腳，相信用左成隻蟹去整！5. Firebird雞肉串燒盛合呢個小食比較遲黎，係唔同雞部位嘅串燒，全部都好好食！而我個人比較推薦雞腿串燒同免治雞肉串，前者嫩滑，後者juicy！呢間價錢適中，食物質素高，下次再黎試其他食物！

Firebird 位於銅鑼灣，早前同朋友食過一次。早排見轉左新的春天menu去食多次！地方位於邊寧頓街，轉角就到，離地鐵站大約五分鐘的路程。餐廳行日式居酒屋風，有吧枱有高櫈，都見唔少附近上班的人在happy hour 真是一樂也。可見酒的選擇也五花八門，想摸下酒杯底傾下計確是不錯。明太子伴玉子燒軟綿綿的玉子燒，配上香辣的明太子和蘿蔔蓉，非常容易入口，每一啖都有湯汁。叫得居酒屋，又點可以唔試吓出名的串燒呢！見好多人都點了串燒拼盤，不過因為在座的朋有友不吃雞，所以skip了！燒牛舌有兩串都令人幾驚喜，燒得恰到好處，肉質鮮嫩又彈牙！免治雞肉棒即叫即燒，配上雞肉和切碎的雞軟骨，很有咬感。點上蛋黃之後很美味！鯛魚薄切春天時令食鯛魚，配上柚子醋、辣蘿蔔蓉及香蔥，店家切上薄切，魚味淡淡的不搶鏡，每一片都新鮮可口！不愧是飛機貨！本來想食埋數量限定的燒魚頭，不過可惜已經賣光了。鯛魚櫻花蝦飯最後老人家要少少飯先夠飽，叫了這個釜飯。幾片鯛魚，煮熟之後肉質仍然保持彈牙，配上櫻花蝦的香味，飯加上蘿蔔絲增加口感。Firebird 長期保持客似雲來，原來都係有原因，除咗環境舒適之外，食物也在水準之上，尤其建議給一些

上一次黎已經係超過一年前喇 印象中佢唔差 今次係因為一個老朋友生日所以佢話要黎食飯預先book咗所以一入黎就有位 但就算講到明係生日都係要搭枱同坐門口位 咁雖然各有各傾計個環境又唔係好靜好尷尬個啲所以都算啦 🤷🏻‍♀️ 左邊係明太子自家製免治雞肉棒($38) 唔錯 明太子都幾多 入面有少許軟骨右邊係Cocktail - Fuji Mountain ($78) 其實即係荔枝沙冰 極少酒味 溶既時候就會滿瀉 所以個侍應都俾左另一隻杯我減啲過去鹽燒油甘魚鮫（大）$230 俾侍應說服左叫呢個”當日番貨”既油甘魚鮫 當日只有大份選擇燒得唔會太生或太老 魚腩部分唔腥174g 日本產霜降A4和牛燒 侍應會預先拎塊牛同個磅係你面前量幾重 $2/gram佢話有3種食法 配蒜片，WASABI或者粗鹽鮭魚茶蹟飯 平平無奇 純粹有啲澱粉質入吓口過左$500就會送生日甜品 呢日係芒果雪糕整體不過不失啦

辛苦左一年,終於等到今日出花紅,見到花紅咁豐厚,忍唔住搵朋友一齊食飯慶祝!!既然慶祝一定食好d!我們選擇了人氣高企的日式居酒屋!!餐廳位於銅鑼灣利苑附近,距離地鐵站只有10分鐘的路程,非常方便!這裡的裝潢包含了日式居酒屋元素,還滲透了西方風格,加上燈光調較得剛剛好,唔會太光或太暗,坐得十分舒服!餐牌實在太多選擇,有日本水產祭的限定料理,沙律,前菜,刺身,壽司,炸物,燒物,串燒和鍋料理,還有各式各樣的飲料都很吸引!經過一輪苦惱的選擇,我們決定要6款料理和1杯Mocktail!<軟殼蟹牛油果壽司卷> 壽司卷外面沾滿脆卜卜的蟹籽,內裡包住炸得金黃香脆,但不油膩的軟殼蟹!內裡放滿了軟綿綿又清新的牛油果,健康開胃又好味!<火山熔岩鮭魚卷> 鮭魚卷堆砌出與火山一樣的賣相十分吸精!山頂鋪滿了炸到脆身的蘿蔔絲,木魚和薑絲!!再淋上超多的芝士沙律醬,營造出熔岩的效果!!每件的鮭魚卷都帶一點點辣味,中和了沙律醬的甜膩感覺!無論在視覺和味覺上都十分吸引!<琉球風日本產海鮮他他> 這是琉球風的特色料理,材料都肥美新鮮,全部帶有海鮮的甜味!鯛魚,油甘魚和帆立貝切粒

日本菜向來都深受香港人喜歡，位於銅鑼灣的邊寧頓街FireBird 長期佈滿食客！今日一嘗果然令人回味。餐廳沒有像居酒屋一樣有充滿日本風情的裝橫！裝修反而更像是西餐廳的設計，落地玻璃令餐廳設計充滿時尚感。大拖羅刺身：拖羅是矜貴的刺身，這款拖羅豐腴細滑，肉質鮮嫩更有豐富的魚香！魚味濃郁清甜。重量級火焰原隻雞腿：餐牌寫著這個火焰原隻雞腿是餐廳的名物！既是名物就沒有不點的道理。店員先燃點火焰，等火焰熄滅後再將雞腿剪成塊狀，方便食用。雞腿外皮燒至微脆，鷄肉嫩滑多汁。加上餐廳在調味中加入了七味粉和辣粉，故十分惹味！如果怕太辣的朋友可以包上卷心菜食用。壽司盛日本產季節：這個壽司盛是按日本季節的食材而定，這次就有油甘魚，帆立貝和鰤魚壽司。全部食材都非常新鮮，各有千秋。帆立貝和油甘魚肉質彈性，油甘魚油較滑而且很甘甜。鰤魚味道淡泊清新。自家製面治鷄肉棒（配蛋黃）：餐廳的面治鷄肉棒是自製的，而且即叫即燒，沾上蛋黃十分美味。熱辣辣的鷄肉棒肉質豐富，啖啖有肉加上鷄肉棒内有切碎的雞軟骨，更添咬感！我地食完都忍唔住叫多幾串。Strawberry Yakult Cocktail：呢杯 Cocktail好大杯，裏面更有

重量級火焰原隻雞腿賣相非常吸引的火焰原隻雞腿🍗，即場燒雞腿比你睇！店員會係雞肉上倒上少許酒，然後點火，拍照及錄影時候來了！！表面燒度好香，非常香口和能夠鎖住肉汁，配上烤過既椰菜同西椒，正！是我今晚最喜愛的一道菜。厚切牛舌一定要點有我最愛嘅牛舌，煎得非常入味，配上調味料，非常配，味雷到頂點。鮭魚茶蹟飯倒入沸茶再混合壽司飯, 入口有茶香及魚香。Fuji MountainCocktail用上清酒，梳打水稀釋了清酒濃度，配燒肉一流。

每次經過銅鑼灣邊寧頓街間日本餐廳Firebird，見到外面餐牌上的食物好吸引，價錢又可接受，特別是午市套餐好抵食，好想入去試吓。 今天我們心血來潮想食日本嘢，就諗起呢間餐廳，於是就選擇了Firebird，但是今天不是食午餐，而是食晚餐。Firebird 是一間新派的居酒屋，地方不算大，吧枱可以望到廚師細心哋烹調，給人一種放下工作輕鬆一下的感覺。另外還有其他方枱座，適合三五知己飲嘢聊天。今晚是平日，料不到坐無虛席，非常熱鬧，食客則以年輕人居多，我很喜歡這裏的氣氛。日本產季節壽司盛盒（$188）食日本嘢當然要食壽司，仲要食時令的！於是我們就叫了在日本水產祭餐牌中的日本產季節壽司盛盒。盛盒包括有鯛魚壽司、油甘魚壽司和帆立貝壽司，壽司上的刺身十分大塊又肥美，甚有光澤，而且非常鮮甜和爽口。橫濱風A4和牛鍋燒（$298）這道菜不單止是食食物的質素，而且也是食服務。首先侍應會把一個燒鍋燒熱，然後有專人為客人把蔬菜及和牛粒逐一燒熟，再淋上味噌燒汁，之後客人就可以慢慢品嚐。和牛粒有10大粒之多，油脂均勻，外層燒得微焦而內層還呈粉紅色， 火候控制得宜，入口甘香而且軟淋。蔬菜也得燒得剛剛熟，保持維他命之餘，

星期一約了好友下班聚餐，就算平日晚上都很full，在bar位等了一會兒才有舒適corner位。日本產海膽刺身味道清淡帶甘甜，入口完全沒有腥味，配上紫菜，肉質鮮味。每天新鮮日本直送，賣相已經流口水了。日本產油甘魚刺身油甘魚油脂分佈唔錯，口感細滑入口甘香，肥美鮮味十足！大拖羅刺身厚脂肉質鮮甜，魚味同油份恰到好處。中量油脂，魚味鮮甜香濃，忍唔住也想吃掉朋友的份呢！Pineapple lover今晚試了這款酸甜的清酒Pineapple cocktail，不但外觀精𡟹，而且非常開胃!

一行四人，本身諗住普普通通食茶餐廳見門口張貼午餐兩點後八折雖然此餐廳都開了一段時間，但從來都沒有嘗試過，即管入去試一試我們叫左四份午餐特盛燒牛肉丼($98八折)牛肉像牛肉乾一般，上碟時立即試食，是凍的日本的松屋，或者香港的牛肉飯連鎖店都好食過佢，起碼人哋唔會比牛肉乾，同埋係熱嘅隨飯附上沙律、海苔味增湯、小丸子沙律得一啖海苔味增湯=味精湯，真係好味精五分一粒的士多啤梨，配以兩粒完全冇味道的小丸子，請問這是甜品？可唔可以有Heart小小北海道名物！溫泉蛋十勝豚肉丼 ($108八折)普通豬肉飯，佢唔寫十勝豚肉，我當佢普通豬肉來食會開心小小，對面豬扒飯塊豬扒都juice過佢我有D後悔唔過對面食焗豬扒飯接着以下兩個飯，我自己都冇心機再試食鰻魚丼 ($148八折)朋友說鰻魚太少，味道不好牛舌定食 ($98八折)不過不失總括來說，我應該唔會再光顧食完仲要唔夠飽要行過對面街買兩底雞蛋仔

地點唔算就腳地方亦唔算大但星期五黎講 要搵個地方都比較難今次同埋兩位朋友一齊黎試傾計係坐得幾舒服價錢好合理無諗過刺身咁新鮮（海膽、油甘魚、帆立貝）串燒雞都一定要試另外和牛烏冬雖然細細碗不過和平超好食 要彈既話1.甜品叫左 綠茶雪糕配紅豆鯛魚本身想叫蕃薯🍠燒個個 但今日無供應無特別！2. 唔會提供水 野飲偏貴 食完野好口渴☹️3. 卷物就正常啦 無乜驚喜 唔係一定要試總括黎講 我會再黎！另外見到佢有生蠔 今日無試 下次有機會好想試

衛生極度有問題吾講其他，先講衛生問題～生肉準備工作在餐台和熟食碟前面，肉汁有機會沾到。～每個人都好像負責部分廚房工作，也戴膠手套，但 ～生肉，沙拉師父又負責熟食， ～見到師父跌左張單落地，隨手拾返又吾洗手就拿熟食希望食完吾肚痛啦。日本產雞肉拌明太子滑蛋烏冬～ 比較特別的蛋花湯底，幾好味但好咸～雞肉無乜雞味，仲有一兩塊還是有紅點，幾似系血，(吾熟)～烏冬吾算好牛舌燒定食～牛舌比較靱，吾夠熱～溫泉蛋無味，吉野家好100倍。

今天來到銅鑼灣的Firebird，日式居酒屋最適合同朋友仔傾下計，食下飯。食物選擇多，用料優質，而且能給予人煥然一新的感覺。自制免治雞肉棒伴鮮蛋黃經過香烤的鬆軟雞肉，十分惹味。沾上濃厚香甜的蛋黃，簡直係佐酒的一流美食。日本產霜降A5和牛、烏冬壽喜燒和牛色澤嫩紅，脂肪雪白，油花細密。脂香濃厚，一眼已看得到它的脂美。肉質細緻柔嫩，豐富的肉汁，令人回味。牛肉的肉汁令壽喜燒的湯汁更為甜美，為味蕾帶來沖擊。

今日難得收早，就去開銅鑼灣返工，行到咁上下覺得肚仔有啲我就同朋友商討下附近有啲咩好食。就諗諗下附近橋底下面有一間食韓國嘢非常好食就去徒步行過去大概行咗5分鐘到行到咁上下，一坐低店員就比餐牌我哋去睇我哋決定點左10件壽司玉子沙律，一個豚肉鍋，一杯草莓特飲,仲有我至愛嘅雞泡魚同埋串燒所有嘢都煎得好香，而且好入味仲有我最愛嘅牛舌都係煎得非常入味而且配合調味料非常好食。最適合同朋友慢慢坐低慢慢食現場，嘅裝修都好美麗好適合放工之後你放鬆一下而且呢度，嘅服務員態度都好有禮貌，會不停為你添加水而且會為你講解菜式嘅名稱非常難得，嘅一間餐廳嘅服務質素下次一定會再嚟啊。

生日我大曬！冇得去旅行當然要食餐好補償返！選了渣甸街附近的Firebird，店舖面積不大，以高枱高椅設計，開放式廚房可以見到廚師烹調餐牌選擇十分豐富，壽司、刺身、串燒、煮物、主食應有盡有，亦有不同的酒類提供。一坐下就有一杯welcome drinks，微甜中帶有含蓄清酒香，容易入口。Pineapple lover上邊有菠蘿粒，很清香可口。明太子玉子燒軟滑既玉子浸係暖暖地既湯入面，濃郁蛋香，口感好嫩滑上面有一層微辣咸鮮的明太子，搭配在一起，真是恰到好處。五大片厚切大拖羅刺身，每片厚薄適中，油脂分佈均勻，入口即溶！明太子芝士椰菜燒餅，一半明太子醬，另一半燒餅醬燒餅混入芝士、椰菜，還有隻煎雞蛋。柔軟的芝士和香甜的蛋汁包裹著椰菜絲，口感豐富雞肉串燒盛合有5款串燒自製免治雞肉棒口感鬆軟，沾上鮮蛋黃後，不油不膩，肉質鮮嫩。