Essence

营业中

休息中

依間野得個平字我最唔明點解要0的客就番個waiter永遠要個客將0的碟放佢0地隻手度仲有好鬼串lor我在位上話少野食有個waiter話「百幾蚊係咁少野食ka la」關佢咩事呢???唯一可取的係甜品lor尤其谷蛋仲有的係扮墨魚麵的湯麵lor魚生同生豪勁唔得lor

今天和男朋友一起吃了午餐，沙律很好吃，不过青口就小的可怜，其他热菜的选择也不是很多，肉方面羊扒还可以，鸡扒和牛扒猪扒就很一般。甜点是真的很好吃，平时是不喜欢吃甜品的男朋友也吃了很多而且赞不绝口，尤其是泡芙，牛油面包布丁和芒果布丁。很饱，很满足！！！！！

琴晚同男友兩個人特登入黎食buffet雖然之前搭錯車搞到心情麻麻但之後黎到outlet行行行都有收獲最重要既係食到呢餐咁正既buffet!有d人話一分錢一分貨但我覺得呢間正過香港萬麗喎d生蠔冇咁大隻不過好鮮仲要不斷refill唔使怕食唔到!d湯一般而我男友就覺得佢既鱷魚"斤"好味至於佢既牛扒都好味沙律好多款而佢既即整意粉都好有誠意而且佢d甜品好多款tiramusu真係好香酒味而我男友就最鍾意食佢既唔知乜野朱古力cake唯一要彈就係佢既壽司麻麻款唔係少不過好似冇樣得加上d飯太實所以我只係食左半舊就放棄左牛而煙三文魚就好香口服務方面都比想像中好不停幫你收野整野食o個d人都好有禮貌始終係酒店真係唔同d~總括黎講我下次一定會再去!

因為遠, 所以平, 市區好難食的都會比這裡貴。所有食物都好平均, 沒有難吃的, 但不致於很好。品種齊, 但不夠多, 有點唔夠喉。> 煙三文魚-- 竟然質素頗高> 沙律, 凍切肉-- 幾好> 魚生-- OK 啦!> 生蠔-- 爽口,新鮮,但不鮮甜。> 羊扒-- 算幾好, 不過沒羊的鮮香> 炆牛腩& 咖哩牛腩-- 很不錯> 甜品-- 較求其> 紅酒-- $60 很平, 但質素就....太遠, 見識過就算了!

尋晚係我同老公一週年既日子...o係網上見到好多人都讚呢間buffet又抵食又正...所以早o係大半個月前就book定位...去到門口既o個一刻..都仲好有期待..點知...行左一圈...發覺食物款式好少...而且普通到不能再普通...咖哩牛腩..炒銀針粉..等等...一d都唔吸引..味道亦唔係特別好...至於生蠔..更加唔想講..供應量少..個盤經常係空既..久不久個侍應就會倒幾隻出黎..眨下眼就俾人搶晒啦...唉...其實唔止生蠔..炒蟹都有咁既情況..盤內經常都係剩底d手手腳腳..好耐無人refill..唉...俾人感覺間酒店好小家囉..而最大問題係...佢d生蠔有沙!!!!食第一隻既時候..諗住咁岩呢隻係咁je..點知再食多一兩隻..都係成口沙...諗起都想嘔...湯方面..竟然紅白湯都無...得兩種奇怪又難飲既湯...飲左一啖已經叫人收左佢啦...甜品方面...食左兩種唔知啫喱定布丁..嘩..俾佢地個賣相呃左...食一啖既吐..藥水味既...唯一可取既係o個度既窩夫同埋cheese cake....另外..個羊架都叫做ok...d服務員除左制服古怪d之外...態度都幾友善..

上星期情人節，同男友去左呢間慶祝情人節晚餐，環境都算唔錯，都幾大幾多位，一見到咁多位就知會有搶食既情況，點知只係有小小失控，都算相當守跌序。等我逐樣野評論:-前菜︰-生蠔–都算大隻，但味道唔濃郁，同埋色澤太暗淡喇冷盤–煙三文魚、沙律、火腿，都唔會有太多特別，只係得好少款可以揀，無咩選擇刺身–嘩…嚇死人咩，D顏色十分古怪，好似放左好耐，尤以三文魚十分嚴重，我食左八爪魚好UN呀,完全咬唔開！叫人點食呀麪包–太多款，唔知以為食緊早餐buffet，不過最後都無食到熱葷︰–蒸魚–只吃一口都無咩特別鴨胸–本來去燒牛肉檔拎，但師傅話無，咁又幢個牌出黎? 仲指我去第二個鍋拎，都係無，最係去左熱葷欄個鍋拎，結果又乾又鞋墨汁意粉–用白汁即炒，完全無味道，麪又硬，配料都無得揀，太差喇粉麪 –湯底淡而無味，芝心丸都ok甜品︰-金薄桂花糕–都算咁多野食之最好食燕窩蛋撻–ok生果盤–普通類都齊，不過竟然有芒果??紅豆芝士餅–太甜，唔好食雪糕–得3款選擇，仲係唔知咩牌，無食正所謂一分錢一分貨，呢間都係絶對唔會再去D STAFF既UNIFORM咁古怪既? 快餐店都型過佢地喎泊車個度又唔指示清楚，等我地仲泊左入商場後話

係大約聖誕節o既時候,已經有朋友book左大年初三來lee度團拜, 之前睇食評都覺得應該ok, 但係一試就覺得唔多掂。先講冷盤:-沙律款式有4種, 但係款款味道都差唔多, 另外有自助salad, 不過提供o既食物都係得生菜, cherry 茄, 粟米, lee d 係普通餐廳o既salad bar都會有o既野。仲有幾款冷海鮮有小龍蝦, 生蠔,魚生(有三文魚同"魚立"魚),青口& 中蝦。味道一般, 無咩鮮味。同另外有中西湯各一款。至於熱盤:-燒味- 一開始切左一盤出來, 但係經過一輪俾人"洗禮"之後就好似食剩咁,一直都無人理。粉面- 有廚師即場煮包心丸粉面, 包心丸有兩款, 無其他材料, 另外亦有廚師煮意粉, 我見一般都係白汁, 有d 煙肉碎同磨菇做配料, 個汁十分"杰", 但無咩味。羊架, 香腸& 薄燒牛肉- lee個都係有廚師為你服務o既counter, 先講羊架, 肥膏同肉o既比例係一比一, 我覺得太肥, 而且係無咩味, 但係有人會話正。至於香腸有司華力腸同一款瘦長o既豬肉腸, 味道偏咸, 都ok啦。至於牛肉, 我無試, 所以no comment。其他熱盤有- 蒸魚-太老, 一出埸

這次是由woody介紹而來．．自助晚餐．．只是１８５元．．聽來很吸引呢！．我們坐了二人桌．環境不錯．只是剛好附近的一桌（約二十多人？！）太嘈了．．他們又抽獎，又玩遊戲，真的有點兒破壞氣氛！另一破壞氣氛的是侍應！不是他們的服務態度差，而是他們的制服有點奇異！剛說過環境，現便說說食物了．．種類不多，也沒有一些特別好吃．但抵吃！這裡有:-羊扒（吃了．．５塊？！）．-魚生．生蠔-小龍蝦（跟那次在宜家吃的一樣．我吃了３件啊）-壽司（吃了數件．但沒有吃完整件飯啊．否則很濟啊）-數款沙律（六至八款？！但我不吃的）．-甜品（十多二十款？！全都試過了．）．-新鮮製造窩夫（吃了兩件．．挺好啊．有很多醬和配料）-湯（有兩款．只試了一款．很難飲　）-自沖熱檸茶，奶茶，咖啡（飲了兩杯熱檸茶．希望可消濟啊）-雪糕（回家後．才發現忘了吃．）-即煮意粉（我們吃了白汁煙肉波菜意粉？！挺好吃!）-朱古力火鍋（一般，因為我相信他是採用劣質朱古力．）-牛扒．青口．蝦．法國甜品（班戟）．煙三文魚-冷麵．燒味．還有十多款熟食和其他食物．不能詳述有機會，會再吃的!

見南瓜兄剛為了這裡寫了編食評，就手癢癢補多一編。屋企人到大嶼山郊遊後順道都這裡慶祝聖誕節，餐桌一字排開都有成十多米長，幾位小朋友相聚已有拆天換地之感，但相反亦可樂開懷。這裡價錢不用說是經濟超值，當然你不能期望百多元的價錢就有龍蝦和牛高級刺身血鴨海鮮，但基本而制作食味都不俗的就大有存在。當晚的烤肉烤腸、沙津、甜點、麵食都不錯，尤其是小朋友對甜品窩夫夾餅雪糕…愛不惜手，見到他們嘻嘻哈哈的食相，五百多元一位的高級自助餐廳，難矣…

在大西南的第二天下午,輪到在城中最熱門的自助餐Essence,來個自助午餐會.平日的下午,食客自然不多,沒有衝風陷陣式搶食,亦沒有如排隊拿救劑金的人龍.樂得輕鬆自在.施然去到海鮮吧看,午市一樣有生蠔供應.亦有藍貝,龍蝦仔等等.生蠔細隻,肉質creamy,但味道很腥,當然沒有海水奉送.反而龍蝦仔就不俗.只吃其膏,非常甘香.藍貝近乎沒有味道.餐湯兩味,意大利雜菜湯質感偏杰,材料大堆頭.人參雞湯就夠清淡.再拿些沙律吃,Essence午市的沙律吧.非常豐富,如果你一心來做兔仔,一定滿載而歸.對壽司,日式刺身一點興趣也沒有,其熱盤又是大路貨,提不起興趣.唯有在cooking station,拿些羊架,燒牛扒.羊扒明顯地over-cooked,羊肉沒有如少女面上的紅霞,吃落沒有丁點騷味,連肉骨相連的肥膏,也是沒有味道.牛扒更為不劑,本身已經很難切,入口更沒有肉味,兼肉質極鞋,未吃到一半要放棄.再在意粉counter看,有幾種手造意粉供應,如菠菜麵,蛋麵,蘿蔔麵也有.這次就要個菠菜麵.汁要忌廉汁.手造的貨色,比乾貨更加煙齦,味道更濃.這碟即叫即製意粉,成為整個buffet lunch之中,最佳的一員

尋日1200前去到，竟安排我地坐極窄及偏僻既位，於是即刻調位，個環境ｏｋ，但空調較差。食物質素蠔- 發育不良龍蝦仔- 都算新鮮熱食不提也罷烤羊及牛算唔錯即煮意粉- 極難食甜品算最正既環節- 勁多款，味道唔錯餐茶自助形式，不過只有熱飲。果汁要１８蚊支。

十多年未吃過自助餐,趁今日有Ｄ特別日子,遠赴東涌一試.開始梗係先隊魚生,生蠔,但魚生只得三文魚同泠凍包裝立魚柳,只吃了三文魚,壽司就唔惦,只得咩青瓜卷,玉子卷同一大舊反上面加Ｄ蟹子嘅卷,三文魚立魚壽司,壽司呢part要改善一下.生蠔好細隻,但總好過日航三百幾蚊都冇生蠔食.其他凍虾同龍虾仔ok,青口略細隻.接着 熟食有燒味,意式意粉,中式湯麵,牛扒羊扒等＋多款,羊扒太座話幾好味,自己只食了燒鴨,牛油雜菇,汁燒雞,味道ok,沙律一攔冇興趣食所以不作評論,因今天狀態不佳,再飲多碗酸辣湯已經好飽,可惜尚有多種食品未能品嘗.總括二百元下之自助餐已經很好,環境同服務也不錯,仍會有下次,不過一定要提早預約同達至最好狀態先,逐樣試清楚先得,哈哈.

15號晚同幾位同事一齊去聽聞抵食嘅BUFFET，其實一個月以已經BOOK定，因為係BOOK WEEK DAY關係，所以先至咁快有位，如果要BOOK WEEKEND的話，當日我哋去食15號已經FULL到四月啦，都幾誇張架！講返食物，唔錯太多款式，但諗吓$178食到一餐DINNER BUFFET的話，咁就OK啦。魚生有三文魚，係專人切嘅，都幾新鮮，雖然係專人切，但唔會薄CHIT CHIT，都幾厚架，我食咗一團就飽左一半啦！仲有凍食嘅龍蝦仔，但我覺得咸咸地，好怪咁，其他熱葷有炒粉、麵、燒味、大路野食，推介係鹽燒秋刀魚，真係好好味；如果想食意粉同水餃等都有，沙律、甜品都齊全，用料雖然唔名貴，但見到係用心之作。尤其係甜品，細細件，可以試多幾款。當晚安排座位係SOFA位，位置幾好，WAITERS 服務唔錯，我哋想影相，又醒醒目目主動幫我哋。

之前有朋友介紹過呢度既buffet 好抵食,咁啱個日去開東涌,雖然無book 到,但即管試下walk in 睇下有冇位,咁又真係有位喎,真係好彩呀!個度d 野食其實唔係好多款.冷盤麻麻地,幾款沙律都加左青椒黃椒紅椒,唔鍾意食椒就覺得唔好食囉.刺身得三文魚同埋立魚,款少不過好好味!! 生蠔同埋龍蝦仔都新鮮,好過美麗華地下個間"Todai",人地賣點係日本野同海鮮,不過就完全唔新鮮囉!另外羊扒都好味,不過d 水準有少少唔穩定,第一round 食就超鬆,第二round 再食就略嫌"鞋"左d, 不過d 味都ok. 而泰式燒雞就超掂,肉質好滑,食完要encore 呀.仲有即煮意粉都唔錯,可以揀蕃茄麵,墨魚汁麵,蛋麵,波菜麵,白汁/紅汁(我諗係茄汁呱),配d 菇同煙肉,唔錯!不過除左呢個意粉同埋"車仔麵",就得番一個印度飯喇,pasta 類真係唔多.甜品無咩特別,特別d 有燕窩撻既,不過唔好食.其他芝士餅都無芝士味既.仲有d 雪糕要叫人地"不"既,寒酸d 喎.生果都好味既(但其實唔係好關間餐廳事,只要d 生果新鮮同靚就得啦),不過呢度d 生果連皮上既,唔似第二d buffet 切好細細粒方便食,搞

那天飛機誤點5個小時, 我便臨時來了歎午飯. 時維星期天, 但不用訂位, 人也不多, 而且座位極寬敞, 環境優雅樓底高, 景觀開揚(還有露天茶座). 用餐時間為11:00-15:00, 每位$188(+10%), 有餐茶但不包其他飲品.冷盤豐富, 有3-4款火腿(味道頗佳), 3-4款芝士(味道見仁見智), 沙拉, 煙三文魚, 生蠔(較大隻, 鮮味較少), 龍蝦仔(有點怪味), 長蟹腳(水煮得有點過熟), 蝦等.主菜有西冷扒和羊架. 牛扒外層有點過熟, 中間的部分挺佳. 羊扒極香軟, 而且伙計切時毫不吝嗇. 另有多款意粉, 但我沒有一嚐.甜品有多款蛋糕(巧克力, 芝士, tiramisu, etc.), 皆是標準款式, 質素有酒店水準, 非街貨可比.結論: 食物不錯(但選擇可以更多一點), 吃得滋味. 但價錢不算很便宜, 可以再來當吃便飯, 但不值得專程來.