影片
更多
2008-02-12
6 浏览
係大約聖誕節o既時候,已經有朋友book左大年初三來lee度團拜, 之前睇食評都覺得應該ok, 但係一試就覺得唔多掂。先講冷盤:-沙律款式有4種, 但係款款味道都差唔多, 另外有自助salad, 不過提供o既食物都係得生菜, cherry 茄, 粟米, lee d 係普通餐廳o既salad bar都會有o既野。仲有幾款冷海鮮有小龍蝦, 生蠔,魚生(有三文魚同"魚立"魚),青口& 中蝦。味道一般, 無咩鮮味。同另外有中西湯各一款。至於熱盤:-燒味- 一開始切左一盤出來, 但係經過一輪俾人"洗禮"之後就好似食剩咁,一直都無人理。粉面- 有廚師即場煮包心丸粉面, 包心丸有兩款, 無其他材料, 另外亦有廚師煮意粉, 我見一般都係白汁, 有d 煙肉碎同磨菇做配料, 個汁十分"杰", 但無咩味。羊架, 香腸& 薄燒牛肉- lee個都係有廚師為你服務o既counter, 先講羊架, 肥膏同肉o既比例係一比一, 我覺得太肥, 而且係無咩味, 但係有人會話正。至於香腸有司華力腸同一款瘦長o既豬肉腸, 味道偏咸, 都ok啦。至於牛肉, 我無試, 所以no comment。其他熱盤有- 蒸魚-太老, 一出埸
先講冷盤:-
沙律款式有4種, 但係款款味道都差唔多, 另外有自助salad, 不過提供o既食物都係得生菜, cherry 茄, 粟米, lee d 係普通餐廳o既salad bar都會有o既野。
仲有幾款冷海鮮有小龍蝦, 生蠔,魚生(有三文魚同"魚立"魚),青口& 中蝦。味道一般, 無咩鮮味。
同另外有中西湯各一款。
至於熱盤:-
燒味- 一開始切左一盤出來, 但係經過一輪俾人"洗禮"之後就好似食剩咁,一直都無人理。
粉面- 有廚師即場煮包心丸粉面, 包心丸有兩款, 無其他材料, 另外亦有廚師煮意粉, 我見一般都係白汁, 有d 煙肉碎同磨菇做配料, 個汁十分"杰", 但無咩味。
羊架, 香腸& 薄燒牛肉- lee個都係有廚師為你服務o既counter, 先講羊架, 肥膏同肉o既比例係一比一, 我覺得太肥, 而且係無咩味, 但係有人會話正。至於香腸有司華力腸同一款瘦長o既豬肉腸, 味道偏咸, 都ok啦。至於牛肉, 我無試, 所以no comment。
其他熱盤有- 蒸魚-太老, 一出埸就俾人毀容; 鴨-幾淋, 味道ok啦; 咖哩牛腩-賣相好差,& 無咩人食; 薯仔煎薯仔-香口,食出好多油...
至於甜品- 最可取o既係so called mini"燕窩"旦撻, 都搵到一絲燕窩, 餅皮幾鬆軟, 甜度o岩o岩好; 其他大路甜品有mini fruit tart, jelly, pancake, waffle, cheese cake (有兩款, 一款入面有朱古力旦糕)(cheese幾滑, 芝士味幾香), ice-cream (好似牛奶公司o既),tiramisu (好淡), chocolate cake (有香濃朱古力味, 幾滑)。
食完成餐飯就只"ok 啦, 幾好, 唔太差", lee d "一般" o既comment, 因為lee度可能係價錢o既問題, 所以唔可以有太高o既要求。不過如果話lee個dinner buffet 抵食, 我就覺得紅墈都會海逸酒店o既tea buffet仲抵食, 因為我覺得食物o既款式數量同lee度差唔多, 但係食物o既質素同埋個view都好好多。
张贴