Essence

营业中

休息中

呢間酒店我當日shopping 行到累走入去試下，午餐自助餐二百幾咁樣質素真係趕客。食物選擇少不特只，質素更加係差。首先沙律菜唔新鮮，唔知點解出晒水，刺身細舊同明顯唔新鮮，壽司賣相散修修，壽司飯原來係硬身既。件燒牛肉接受唔到因為好硬身，明顯overcooked.熟食仲有即煮長通粉，長通粉唔夠淋，上面只配上用茄汁煮成既醬，並無其他配料。甜品諗住食最穩陣既tiramisu, 點知個底係濕晒，個酒味超重，最後食一啖已經唔想再食。

雖然平。但真的失望。壽司飯硬。燒牛肉更硬。凱撒沙律汁味道不對。只有個肉骨茶湯，醬油炒麵，姐姐即做墨汁意粉係不錯。其他所有食物味道係正常以下。人手不夠。叫左埋單15分鐘都仲未比到錢。$25X 1位下次寧可選擇其他餐廳。這裡都應該唔會再有下次

前日媽咪臨時話第二日有息休，話想食自助餐，咁我即晚打電話book，打左十幾次都冇人聽，叫媽咪打一打就聽 第二日我地準時12點開始，就望左有咩飲同食先，凍櫃個邊師父係咁切3文魚刺身！熟食冇乜特別，有即製意粉同中式粉面，冇咩炸野食，有燒雞件，焗魚，炒飯面冷盆，沙律款式算多，有青口同海虾，刺身得3文魚（添得快），立魚同彷鮑魚片，壽司有3-4款甜品，有即製waffle同pancake，有6款杯杯奶凍，蛋糕，minipuff，黑同白朱古力噴泉埋單加埋1，每位170，如果要求5太高，食魚生同鐘意甜品，不妨帶老人家小朋友食下，d位都算舒服！有下次

上完昂平360，一直都知呢間自助餐好抵！落山時見到，即刻打電話去訂！居然仲有位！而且而家做7折，價錢好抵！所以三大三小浩浩蕩蕩去到，佢原先比長枱我哋，我哋怕小朋友坐唔定，餐廳好好咁轉咗張圓卡位比我哋！開始出去攞食物，食物種類選擇雖然唔多，但質素都唔錯，我哋由沙律食到甜品，都無覺得有差嘅地方！而且難得在飲品任飲，咖啡奶茶自助式，味道唔差！沙律爽脆新鮮好味！海鮮類種類唔多，唔會有生蠔！蟹腳及蝦唔錯，魚生只有大路嘢，不過刺身師傅好爽手，切好多！質素都唔錯！扒類唔會嚡，尤其羊扒，湯係羅宋湯，配麵包好味，即煮意粉煙韌好味！甜品雖然係大路嘢，不過味道唔錯，雪榚係牛記，味道都算多！店員好有禮，收碟又勤快！食物區嘅店員都一樣！平靚正嘅自助餐！

收在新假期FB張帖。知道東薈城酒店有下午茶自助餐任食馬卡龍。優惠期由24/5 - 26/7.只限星期六及日有下午茶自助餐。所以馬上乘港鐵至東涌東薈城酒店。有好多野食。有中餐同西餐。馬卡龍可以任食。日式菜有冷麵，車仔麵。中菜有叉燒包。湯有南瓜湯。有牛肉粥。甜品有菓凍同乳酪，有雪糕。飲品有蕃茄汁、菓汁同埋咖啡。D野食好正。馬卡龍好食，有好多款味可以品嚐。個南瓜湯帶有酸味。都好飲。甜品有菓凍同乳酪我本人食咗好多。好食。日式菜冷麵好彈牙。但無雞蛋做配菜。埋單要$138 + 10% = $151.8大人細路都啱食。

記得之前呢間餐廳係要排好耐隊先可以食到，除左價錢平，百幾蚊之外，大家都話質素好好。時至今日我先食到，但價錢已經去到$250一個人。對比其他酒店4、5百蚊黎講，依然十分相宜。所以尋晚就一行22人去食。由於食物令我比較失望，我連相都無影，麻煩大家自我幻想一下。凍盤方面有煙三文魚（還可以）、凍肉、沙津、沙津菜（有點苦）、刺身等。熱盤方面有咖喱牛（乾）、豬頸肉（食完之發現係雞。。。）、蒸魚（必鞋）、羊架（我無食，但見出面仲有成座山，應該都麻麻）、燒牛肉（咬擦較）、炒飯（濕的）、魚蛋米（唔錯，我靠呢個飽肚）甜品有各式好醜樣既小杯甜品同生果，仲有pancake and waffle ，聽同事講呢兩樣都唔錯。搭配雀巢雪糕。當然，論食物質素我覺得$200都唔值，但以酒店環境，可能還是不少人的選擇。

時光飛逝，人事變遷。看看openrice, 對上一次寫食評已是2011年，這幾年錯誤的投放時間，沒有好好珍惜應該珍惜的人和事。現在學會珍惜，好好利用時間，做一些令自己開心的事情，看回以前的食評，感覺也很快樂。希望能從記憶之中寫回這幾年珍貴的開飯回憶。先從最近寫起，慢慢再補回以前吧。昂坪360+大澳一天遊尾站，閒逛東薈城，接近晩上七時，不知不覺走到了諾富特東薈城酒店，同屋企人講不如食自助餐，即興walk in, 接待員說full 了，等7位，有點失望，想著機會不大，但也留電話一試。跟小朋友到洗手間後，收到電話說有位，喜出望外入座。餐廳很大，可以容納很多人，我們3人被安排到一個近似偏廳，很多小朋友，有點吵，但慣了忍耐的我，是可以接受的。原先小朋友等位時見到白朱古力噴泉，入座後沒有了，好像要維修，有點小失望。取食物，講到食物:刺身類:有3款，三文魚,立魚，仿鮑魚，太少選擇了。冷海鮮: 凍蝦，青口，長腳蟹，也不斷供應，新鮮度只是一般。熱食物: 羊架，鮮嫩多肉汁，偶爾供應斷缺，但接近完場還是有剩的。燒牛肉，屋企人話有牛味，不會太老，幾好味。其他還有，苦瓜炒牛肉，炒麵，炒飯，香草蝦餅……沒有特式的

星期日食午市自助餐，每位$214大家唔洗山長水遠入去食，因為午市自助餐麻麻海鮮:不停refill蝦:部分有沙, 細細隻，都幾鮮甜三文魚: 有D腥，食太多超"濟"青口: 無特別沙津:沙津醬選揀唔多沙津菜都新鮮煙三文魚太鹹，唔新鮮(可以話難食)烤羊肉片: ok, 每次攞都要排隊，由廚司切俾你牛肉: 超難咬開,攞左一次已經唔想食,每次攞都要排隊，由廚司切俾你泰式烤雞: 好食，味道超好燒賣:同叮叮冇分別豬柳:難食白切雞:好食，但冇特別燒鵝: 好食，但唔夠熱甜品冇咩特別，款式唔多雪糕: 得3隻口味(vanilla, mango, chocolate) 仲要係雀巢生果得西瓜, 大樹菠蘿, 罐頭菠蘿cake: ok 正常，冇特別慕士杯: 有士多啤梨,chocolate,焦糖布丁, 都好甜朱古力噴泉: 有白同黑揀, 可用麵包條同綿花糖點朱古力有呢Dpancake整，廚司即叫即整,好食仲有格仔餅可以自己整有得即叫即整意粉，但太飽冇食燒鵝瀨都有冇果汁，得茶,咖啡有麵包，都幾靚，但冇試杏仁霜都幾好食羅宋湯好飲，夠味夠料員工服務好，有禮，收碟快refill也快真心麻麻，下次唔會來

豬大人又大一歲喇!!青蛙早就在個多月前,在''Essence'' BOOK了檯為他慶生。當日放學後立即趕到東涌會合豬大人Family,齊齊等開餐、擦餐勁。我們一行五人被安坐於一張便於取食物的長卡位上,感覺闊落、舒適、方便。青蛙又一如以往, 先巡視一下環境 ^^有海鮮﹑刺身﹑壽司﹑沙律等等~一於先來冷盤!!凍蝦: 肉質爽口、新鮮;三文魚刺身: 肥美沒有筋;鮑片: 鮮甜可口。燒鵝脾: 充滿油香、肉質尚可不韌。中湯: 清甜﹑足料, 不是有味水。西湯: 那是豬大人的, 所以青蛙沒有試。這裡比較特別的是, 飲品是自助式的咖啡或茶,自行加糖加奶, 其實都非常方便~再來就是黑椒牛扒,青蛙試了一口, 覺得挺多肉汁, 不俗。即煮自選配料意粉,青蛙怕飽肚的原故,所以每款只試了一口。但味道被其外表出賣了,青蛙覺得不夠味呢......不得不試芝士薯仔,微咸的芝士多到把薯仔淹沒, 正!!!楊枝金露: 偏甜﹑只有少量芒果肉, 但柚子肉側很多。西瓜則不及蜜瓜甜.....自製海撒沙律, 無得輸 ^^最後一人來一杯雪糕, 滿足﹑收手, 停口了 ^0^ 

對這類餐廳真不懂怎樣俾分！先以價錢定位，我老實亦沒有麼期望，因此，絕對沒失望，但評價是住在附近的話，行過來吃個餐止止咳（buffet 癮）都未常不是好事。否則車費時間都貴過這餐飯的價值。地方幾大，取食物區都好闊落，個場咁多客人都不會太要排隧取食物，算幾好。平價位的餐，某些食物算是不錯，沙律算是最高分的食物，款式多，味度都很突出，最讚有個麻辣粉皮，好吃。第二讚是有個湯粉，好特別，像卷埋一塊手巾，廚師一灼就熟，看起來好像好快索哂湯水，漲哂淋哂咁，但吃起來口感超特別，好有米糊香，入口即溶，真係要俾個like 佢。但唔記得幫佢拍張寫真但除左上述说的，其它食物就讚不了過去，雞，鴨普通燒味店質素，燒牛肉完全無味，羊也沒有羊味先最利害，秋刀魚唔得，三文魚普通，勝在任夾，唔使等廚師分配。有，炒粉，炒飯，意粉，湯粉實食得飽。甜品一般水準到一般，中西湯像餐廳例湯，咖啡，茶是任飲。以這價位對食物，算合理，我覺得都合格。另外補充，因為餐廳供應下午茶buffet, 一點半就要你埋單先，而且會跟你說2：30就要離場加埋這點，我有理由說它是一像個食堂！！

本來打算係迪士尼樂園食飯，最後因為趕唔切樂園酒店啲buffet，所以決定出來東涌食返呢間以前有「平靚正」美譽嘅Essence。由於今日係平日，只係開左2/3個場，好鬆動~ 而今季嘅主題係：中東首先，各位真係要留意，呢度除左熱飲外，汽水廿蚊罐可謂明買明賣，唔好諗住最後有餐飲送啊~ 係無架~!!! 到冷盤了，呢度最出面係二百幾蚊個人，就可以提供翡翠螺、魚生等冷盤，可惜的是.... 螺係夠大隻，但係有好多沙....沙律方面其實選擇都好多，算係okay~ 炒什菜真係好清淡....不過賣相真係靚，而且起碼唔老呢個焗薯仔還可以，因為佢有放到啲煙肉一齊落去焗~ 也有些香草~ 呢2碟pasta真係okay，不過本人推介大家吃墨魚麵多過其他，因為墨魚麵真係香濃~ 配忌廉汁更好~ 呢個檸檬雞真係可怕，除左個汁係有少少檸檬味，啲汁完全入唔到啲肉，啲肉好「鞋」口，同煲完湯嘅雞差唔多。同普通串燒一樣，不過佢特別左燒焦，但無燒焦嘅香味，而且微溫唔熱...裡面有洋蔥、魷魚、青口同西椒，食左一串唔會令人想食第二串。初頭我見到佢個名真係好好奇，因為未食過小麥係乜野，點知....係似啲米切碎左咁，好奇怪，而且明明係同雜菜

星期六去行東涌, 我地一早已訂了酒店食dinner buffet, 好耐冇食過酒店buffet了, 所以呢晚係好期待~我地6:30pm入場坐低, 環境優美, 我倆已急不及待即去夾野食, 印象唔錯兼好味既食物如下:所有沙律是王道 - essence有成十幾款沙律. 每次放4-6款出來, 咸牛肉暮仔沙律啲薯仔軟硬適中, 咸肉粒又厚又濃味配薯仔一流; 蘆荀野菌沙律又係十分美味, 用橄欖油撈落啲蔬菜度更顯光澤及可口; 黑芝麻豆腐沙律啲豆腐好入味同脆口, 沙律只有豆腐感覺都唔錯~~剌身都ok, 大量三文魚, 煙三文魚, 其他白肉魚都源源不絕咁供應, 我最愛的鮑片很美味, 可大口咁食真係過癮~~白汁芝士焗薯粒 - 同沙律一樣, 啲薯仔粒焗既時間岩岩好, 半熔既芝士配入哂白汁芝士味既薯仔口感一流, 真心食左3次, 好正~~韓式燴豬柳 - 醬汁好惹味同醒胃, 豬柳炆得好入味, 醬汁中食得出有泡菜獨有的辣味, 呢個菜式不失有深度~羊肉雜菜湯 - 好飲! 唔係加牛而加羊肉及羊骨酥香可口(當然唔食羊既朋友係唔會鍾意此湯的)~自助任配order燴意粉 - 我地只試左茄汁雜菜燴螺絲粉, 茄汁超多/濃, 螺絲粉彈

原本諗住訂位食essence自助餐，但假日冇位，知道在3樓有另一中式自助餐，心想都是同一間酒店，食物應該不會差太遠，於是便訂位嘗試。在3樓同一位置以前曾做過燒烤自助餐，吃過一次，覺得不錯，好可惜今次完全中伏！我們被安排坐在靠泳池的座位，食物方面有10樣熱盤，2種湯，五樣冷盤及3樣甜品。食物的質素，應和超市taste的熟食差不多，當中有一味炒雞肶菇，竟然是一陣濃烈的酸宿味，跟侍應反映了，他說跟廚房師傅溝通過，這種菇就是這種味！到吃炒伊面的時候，面食中竟然有一條尼龍繩！想不到東涌諾富特酒店會推出如此差劣的自助餐, 價錢是比essence便宜，你可8以提供便宜的食材，但絕對不可提供已變壞和不衛生的食材！這自助餐對對是打爛招牌之作！差劣！

今日無無聊聊到東薈城行Outlet,個肚突然發出聲响，系時候補充一下，行經諾富特酒店見到Essence的餐牌，自助午餐$158加一，看看餐廳環很寬敞，於是一試；一般食物齊全，三文魚,燒味,凍蝦,甜品,烤牛肉及羊肉都有,不過D烤羊肉完全無味，要不斷加燒汁;剛巧餐廳主題是(四川)，有水煮牛肉但略為行貨，只是很多辣椒在鍋内加D肥牛，D餃子又是加D辣椒油就當四川菜！不過如要求唔太高，以價錢，食物供應加上餐廳環境,這處都算是好選擇，坐下坐下我覺得張櫈坐得很舒服，有D唔想走！原來食得太飽……哈哈

12月29日，聖誕後的星期天， 我跟太太到東涌東薈城走走，經過NOVOTEL，想起朋友評價不俗，傳說中的NOVOTEL自助餐 (地點離家太遠)，在酒店門口看到星期天有下午茶供應每位(星期六日$138，公眾假期$158)，好奇地想去試試，結果喇?不滿! 不滿! 超不滿! 各位先參考照片。水果，有西瓜、西瓜、和西瓜。菠蘿只有幾塊，拿不到就沒有，所以不算進去。吃了一個小時，看見BBQ鐵板在煎牛肉，煎好的有十多塊，還有十多塊在準備煎，我拿了盤子去問服務員，後來，受打擊了。她說：“這不是給自助餐吃的。” repeat: "這不是給自助餐吃的。" 既然這不是給自助餐吃的，為什麼要在食客面前煎呢？