Darci by Aldou (已結業)

琴日要去元朗拎嘢，一早知要去元朗塭食，早一星期已經喺Openrice 睇食評，見到呢間評分好高，boyfriend 話成日行過見到餐廳裡面環境好正咁，所以我喺一星期前就book 定呢間Darci by Aldou餐廳啦。😍😚琴日六點準時到達，餐廳環境果然夠晒浪漫，用不同特色的吊燈，再加上牆上掛了幅絢爛紙花掛畫，仲播住英文歌，每張枱上都放咗小蠟燭🕯️，感覺好舒服😌同好浪漫🌹。好啦，睇下餐牌有咩食先，見到有三款二人海鮮餐，有388， $528 同$578, 但$388就已經包咗頭盤，主菜兩款，甜品或飲品，唔係咁抵吖嘛？？好，決定試一試！😏😏是日餐湯係南瓜忌廉濃湯🎃🍵，好香南瓜味。餐包是好似中東口袋麵包咁，配埋黑醋橄欖油，好好味，想再食多兩塊！🌮🌮頭盤係香煎手打煎蝦餅，蝦餅好彈牙，有蝦味，炸得香脆，有泰式味道，good！👍🦐跟住係香煎孖寶虎蝦鹹香蛋黃忌廉意大利飯🦐🦐，意大利飯烹調適中，配上而家最hit的鹹蛋黃好野味！🥚🥚😋😋主菜揀咗係蜜糖焗德國豬手配燒菠蘿，豬手勁大隻，🐷🐷d 豬肉軟淋淋，豬皮咬落鬆脆，絕對係推介，配上燒菠蘿🍍🍍，可以解膩，醒一醒味蕾。最後配上凍芒果菠蘿茶🍍🍹🍹，清新解渴消暑，

星期六午餐想飲咖啡，於是到Darci by Aldou，大約十二時半到逹，還好不用等位。點了一份weekend brunch。1. 粟米湯: 是日餐湯，有豐富的粟米碎，甜度剛好，又不會"漏"，好好飲。2. 餐包: 微暖，幾好食。3. 蟹肉咸香蛋黃忌廉意大利飯: 算是中西fusion吧，忌廉汁和咸蛋黃味道其實不是太配合，不過味道又不差，而且蟹肉都幾多，可以一試。4. Ginger Latte (跟餐加$12): 咖啡香濃，薑汁味剛好，不會太搶咖啡風頭。

見環境唔差去試下，入到去坐低先話無飯供應，menu上有差不多一半都無。咁叫個魚柳啦，點知又突然話個魚柳轉左做春雞。。。咁究竟個menu要黎做咩！！再黎佢既餐飲只有指定飲品，菠蘿芒果茶/鐵觀音/汽水。去間cafe 想飲杯即磨咖啡都要加$12 ，非常失望。性價比超低！咁就試吓佢個菠蘿芒果茶啦，點知淡到好似飲水咁，完全無味。食個漢堡，唔係牛肉餡，係用雞肉。唔好食。比較正常係個手撕雞意粉。味道唔錯，不過＄68連杯普通咖啡都冇，性價比超低。最重點係個肥仔侍應，態度超差 ，講嘢冇尾音，完全冇服務可言。。。另外，外面寫可以碌卡，但個肥仔侍應話只收現金。無下次。完。

元朗多嘢食就係人都知，除咗大型商場外，附近嘅小街窄巷有臥虎藏龍嘅高質餐廳今次就俾我發現佢門面裝飾的寧靜環境舒服情調感覺，門口仲放咗用 黑板寫上優惠，就係咁我被吸引咗入去坐。坐底全間餐廳都係用咗柔和嘅燈光,除牆身外天花仲放咗唔同嘅乾花，坐底待應先放2杯水後先再送上餐牌，未睇餐牌前我就想試$78蚊個優惠先，當仲有半打新鮮生蠔外仲有2杯酒，我就揀咗白酒因為食海鮮配白酒做小食簡直係絕配生蠔係日本嚟嘅又甜又有海水味但唔會太咸，之後我哋再揀個知set食，個set一人有一個湯，前菜就係白酒煮蜆，個蜆都好好味，由於太好味個汁我仲當湯咁飲，主菜就食咗個豬手配燒菠蘿，嚟到隻豬手好大隻，個皮面搽咗蜜糖之後再攞去焗，我第一啖就先食個皮，有種蜜糖嘅清香再咬落去仲有好多骨膠原，有D肥膩感覺都好個肉就咸咗少少但配埋菠蘿一齊食味道係絕配，係咁靚環境底下食一餐豐富晚飯簡直係人間樂事，食埋件 Raspberry cheesecake飽到一個點。最緊要間餐廳各樣都好連價錢都相當合理好過好多餐廳。

跟大人拍拖紀念日搵間浪漫嘅餐廳去食，等佢唔駛成日話我無心思，原本佢佢講落元朗食佢有少少扁嘴，點知去到間餐廳門口佢就開始有笑容。依間set dinner係2人份量嘅，啱灑我有選擇困難嘅人，先嚟個周打蜆湯配個比德包幾特別，前菜就係香茅白酒煮鮮蜆，味道蜆唔會太熟食落口仲有陣陣嘅香茅味份量都細ok，揀咗個泰式虎蝦冬蔭功risotto,依個超級驚喜，估唔到咁好食個飯煮得剛剛好唔會太淋又唔會太硬，個飯又唔有一層辣油係面，但就食到少少辣冬蔭功咪又好濃連大人都讚不絕口，因為佢平日唔食飯，個虎蝦夠大隻，另一主菜就揀咗蜜糖德國豬手，隻豬手比起出面食到嘅較大隻，需然個豬手唔係脆面，但係個皮食落去唔會漏，豬手底係薯仔沙律成件事配搭得好好，當然隻豬手我食最多，多到甜品我只食到少少，其他都被大人食灑，下次再有咩慶祝我都會揀嚟依度食。

雖然得一個人食飯都要對自己好啲其實早早就比呢間嘅裝修吸引左今日突然諗起就去食啦真係幾鍾意佢入邊簡約得來帶文青風嘅裝修好有舒適嘅感覺我覺得情侶你或者同朋友傾計都好適合燈光好適合坐喺度慢慢傾計relax下係一個放慢腳步行的空間主菜款式選擇都幾多而且仲有手工啤酒飲我就叫咗個意粉佢係連埋個餐湯個湯都幾creamy淡淡奶香味個蒜蓉包仲有芝士係上邊極度邪惡但係極度美味芝士香濃麵包鬆軟香脆太香了！個意粉10分有驚喜個擺盆已經好吸引估唔到小店都有咁嘅質素！上邊有火箭菜parma ham等等個意粉嘅硬度剛剛好而且食落味道好香！Parma ham 芳香得來有鹹香如果份量可以多少少就好啦個餐會跟埋餐飲同埋嘢飲唔好講笑佢杯檸檬茶都沖得唔錯味道唔會太澀為晚餐畫上一個完美的句號

我一向都好鍾意食西餐，所以我同朋友都會物色唔同嘅西餐廳食飯，今日揀咗一間位於元朗西鐵站附近嘅西餐廳。由元朗西鐵站出發，行大約10分鐘，就會到達餐廳。餐廳佈置好精緻，燈光運用得好好，營造到浪漫嘅氣氛，都適合情侶去食晚飯。餐廳提供二人套餐，套餐裏面有好多不同選擇，總有一款啱食。前菜：炸蝦餅蝦餅用新鮮蝦肉整成，所以非常鮮味彈牙，而且味道好入味，炸得亦非常香口，外脆內彈牙，再加上泰式辣醬，一流。餐湯: 粟米湯呢碗係非一般既粟米湯，打得非常之滑，同埋粟米味勁香濃，又好甜，勁好味餐包用薄餅代替包，而且仲有橄欖油同黑醋點，黑醋香濃，薄餅點湯同點黑醋一樣咁好味和風燒鰻魚靈芝菇意粉呢一個fushion 菜式非常特別，和風燒鰻魚配意粉，鰻魚好鮮甜，啖啖肉，鰻魚汁味道濃郁，加上木魚片，非常日式西冷牛扒配燒汁西冷扒好多肉汁，牛肉味好濃，加上特製燒汁，冇得頂。伴碟既薯蓉都絕對不能錯過，好滑好香。整體餐廳質素高，環境舒適，食物質素高，味道亦非常好味，值得推介

印像中都有成年無嚟呢間餐廳喇，猶記得上次嗰個冬陰功risotto 令我耳目一新，今日再嚟，就像一切，從未變。時令生蠔海鮮凍盤，只係208蚊就有齊四隻即開生蠔，兩隻翡翠螺，四隻新鮮花甲同埋四隻南非熟蝦，生蠔海水味濃，餘韻悠長；翡翠螺肉質鮮甜，口感軟嫩；花甲隻隻都好飽滿，脹卜卜咁；南非熟蝦蝦頭蘊藏住大量嘅蝦膏，非常好味。餐湯係南瓜湯，配上令人驚喜嘅百吉包，喺其他西餐廳配餐湯嘅通常都係普通餐包，但係呢度用到百吉包，認真特別，百吉包口感煙靭，伴隨著淡淡南瓜味嘅南瓜湯，好襯。鴨胸冬陰功飯，由於十分掛住佢嗰個冬陰功飯，但係又唔想嗌返同上次完全一樣，所以今次揀左轉一轉啲餸，鴨胸極度亂滑，滑到有如雞肉一般，冬陰功飯保持著一貫嘅水準，酸味同辣味都拿捏得十分準確。

今日同太太慶祝生日， 去咗元朗雞地嘅呢間《Darci by Aldou》， 在Openrice見到好多人推介， 說這間小店環境好，食物質素佳， 結果亦令人相當滿意。呢間小店有一張戶外座， 旁邊放了些綠色植物， 令人感覺休閒寫意。至於餐廳裝飾甚有藝術感， 牆上掛著摺紙裝飾以及掛畫， 感覺時尚高雅。今天點了這個海鮮二人套餐， 價錢478元， 有齊海鮮拼盤，餐湯，兩個主菜以及甜品，價錢可謂相當超值。先介紹一下這個海鮮拼盤，有即開生蠔四隻，翡翠螺2隻，鮮花甲4隻， 以及南非熟蝦4隻， 分量來說一點都不少。即開生蠔品質佳， 蠔肉入口爽甜，帶有海水鹹味，夠新鮮，一點都不會腥。南非熟蝦亦非常鮮甜，肉質彈牙。 至於翡翠螺肉亦大大粒， 咬落彈牙爽口， 點買cocktail醬汁最match。是日餐湯是番茄蓉忌廉湯，茄味濃郁，吃得出用新鮮番茄製成，茄蓉打得夠滑溜， 酸味十足， 非常開胃。另外餐湯還伴著熱辣辣，脆卜卜的彼得包。 彼得包外脆內軟， 平時甚少機會吃到。主菜之一，香煎虎蝦比目魚配牛油忌廉汁， 比目魚扒有一吋厚， 肉質相當之新鮮。魚皮煎得非常香脆， 金黃色的魚皮滲出魚油的香氣。 牛油忌廉汁混和墊底的麵

前菜 |芫茜甜酒煮大蜆|原本對前菜沒有抱著太大期望，始終酒煮大蜆都係一啲普通西餐廳嘅菜色。不過事實上這次Darci的這道芫茜甜酒煮大蜆郤令我同朋友都當驚喜！碎芫荽點綴嘅酒煮大蜆一上桌便散發著酒向，而且大蜆的size十分夠份量；味道方面亦相當驚喜，大蜆夠新鮮食落彈牙，加上甜酒湯底入味，不消十分鐘已全數清枱！主菜 |北海道刺身帶子配墨汁意粉|正如前菜所講，墨汁意粉都係普通菜式，但出奇地呢道北海道刺身帶子配墨汁意粉無論口感同味道都同平時食開嘅墨汁意粉好唔同！首先北海道帶子刺身煎得啱啱好，亦唔會有雪藏味，至於意粉口感彈牙，調味亦幾特別，大家食過就明！主菜 |蜜糖燒豬手拼波蘿|相當欣賞它們的擺盤，完全唔馬虎！食物方面燒豬手份量同樣十足，而且豬手燒得好味又甜滋滋，豬手肉一啲都唔鞋口，食落又唔太停膩，YUMMY！甜品 |Creme Brulee|最後餐廳有Cheese cake/ Blueberry cheese cake及Creme Brulee三款甜品選擇，最尾選了Creme Brulee，經典口味，味道都同樣咁有水準！

一早在Openrice booking , 兩個女仔吃晚餐可能是星期一的關係，所以不是很多人，我們叫了一個二人套餐，$378/2人 真是十分抵食～首先是Openrice booking 優惠，+$78就有六隻即開生蠔，兩個小啤酒(Stella),生蠔味道鮮甜！之後就到餐湯，好似係椰菜花湯？味道一般～+$128就可以將頭盤升級做海鮮拼盤，不得不讚魷魚很軟很爽！好好味～不過焗蠔的醬就略為酸，內面蠔就半生熟，口感都可以，不好酸的我將兩隻都俾哂朋友食龍蝦味道一般！另外左邊個四塊辣蝦餅好似越南蝦餅，實在有點格格不入主菜係大蝦🍤魚🐟 魚不夠味，但夠滑！下面的粒粒好似意粉類（唔記名）記好夠味有趙口！呢款我只吃了兩啖，不太好吃，煮得有點求其！好似只用醬撈埋麵就上碟另外店內裝潢簡潔！談天說地好地方！服務也很細心

元朗出名多餐廳，今日去咗元朗搵野食，鳳攸街出名係條食街，見呢間Darci by Aldou裝修好有閒適感覺，啱曬我放假心情。睇埋個餐牌，西餐嚟講，價錢都唔貴，就呢度食啦。入到去見裝修好清雅， 有一邊有梳化位坐，都幾舒服。出面仲有露天茶座， 其實都有瓦遮頭㗎，唔會太曬，落雨都唔驚濕，感覺真係好悠閒。見到有人拖埋狗仔嚟食嘢，就坐喺出面茶座，幾貼心喎。睇埋飲品menu, 有各類的咖啡呢！ 食西餐唔少得有杯咖啡。揀咗午餐：香蒜手撕雞蒜油白酒意粉$68。是日餐湯是蕃茄湯， 估唔到餐具都咁講究 ,湯碗幾何形狀，很有時尚感。蕃茄湯味道很濃郁， 見到湯的質地很濃稠，用料充足，番茄的酸酸甜甜味，喝完湯非常開胃！餐包很特別，不是平時的茶餐廳餐包，而是1/4 塊鬆軟薄餅包，像印度菜的薄餅呢！上桌時還是熱辣辣的，口感非常鬆軟，點著橄欖油和黑醋吃更加開胃！意粉到啦，手撕雞撕成細細碎碎的鋪在上面， 意粉打圈的方式放在中間，下面還墊有蘑菇和蒜蓉。賣相很精緻哦！意粉質地不會太淋，很爽口有彈性。拌了白酒蒜蓉，吃落又香又滑，滿口蒜蓉味！連雞絲一起吃，雞絲也吸收了蒜蓉白酒的味道，非常香，還灑上少許芝麻，增添香口感覺，看似簡

今日探朋友，山長水又遠去元朗雞地嗰邊搵野食啦。個樣都四正, 門口又大大塊板寫住個set 特價,咁就睇下呢間掂唔掂先..凍盤海鮮係新鮮嘅, 蝦鮮甜 蜆無沙, 螺肉都有甜味而且唔韌。生蠔就唔係肥啫啫嗰種, 淡味左D, 係我初入門食生蠔嗰啲就好啱。感覺都好豐富。跟住上餐湯南瓜忌廉湯,好甜好甜嗰種,佢呢度係意大利包配橄欖油黑醋,好好味,好過點湯黎食。主菜可以二選一意粉或飯,主菜就四選一個但有兩個要加錢嘅。我先揀咗帶子墨魚麵,帶子寫係用刺身做, 表面煎香脆, 裡面都好軟熟,完全冇韌嘅感覺。墨魚麵麵就適中味道剛剛好又唔會過咸,仲有少少黏口, 係推介!另外豬手係我好少食到豬手入面係仲有肉汁嘅, 淋身, 佢唔係燒到脆卜卜皮,反而係用蜜糖焗 所以感覺仲好juice, 個皮係少少焦糖香嗰種, 仲有四片光菠蘿 , 可以減低飽濟感, 所以兩個人都可以食到尾, 食得曬。最後有個可選餐飲 或餐甜,我揀左甜品蛋糕, 係藍莓cheese cake, 好好食, 唔酸 仲比較甜嘅, 個餅底就加左焦糖味, 幾特別。竟然誤打誤撞都搵到間 好味西餐廳, 第日過時過節又可以再黎喇。

這晚與男友慶祝生日到呢間餐廳，咁啱餐廳近yohomall附近，於是行完商場就㨂呢間食西餐，餐廳門外有一張台，文青的我比較鐘意坐外面十分寫意餐牌推出芝士火煱限定，非常豐富的，而且价錢合理餐包以黑松露香醋，配答熱烘烘的法包非常特式主角當然芝士火煱，火煱有煙三文魚，厚薯條，雞尾腸，蕃茄，西蘭花等，待芝士溶透就任你點芝士燒春雞係主角，大大隻配薄餅，非常香口意大利粉配prama ham ，火腿是２４個月的，好滿足是日甜品藍莓士多啤利cheese cake 不會太甜，藍莓溶在心的感覺呢

我和朋友經常相約在元朗聚餐, 所以這區的餐廳幾乎都試過。以介紹這間算是在這區我較為喜愛之一。這間 darci 位於一條寧靜的街道, 附近都是些茶餐廳, 從外觀一下子就會看到, 雖然不大, 但相較旁邊的餐廳, 佈置得很有氣氛。到餐廳主要都是吃飯, 這裡的菜式當然也很出色。我和朋友最愛就是這個二人餐, 頭盤有附近很難找的芝士火鍋。芝士火鍋十分豐富, 以小食為主, 薯條, 三文魚, 面包, 蔬菜, 把小食沾了香濃的芝士咬下去, 濃濃的芝士味在嘴裡散發, 那種滋味令人欲罷不能。跟住上的湯每次都不同, 這次吃的是黑松露磨菇湯, 黑松露味香濃, 湯很濃不烯, 絕對用料十足。主菜的燒春雞火喉剛好, 肉質嫩滑,巴馬火腿乾菌意粉則十分惹味,咸咸香香。最後甜品紅莓蛋糕外碎內軟, 不太甜和膩,配搭果醬吃,口感一流。