Darci by Aldou (已結業)

朋友又失戀，唉，唔通真係情若無花不結果? 無計朋友都比女飛咗，決意將失戀化食量。朋友住Yoho，得知這間西餐大名，決定來一試。我地揀咗一個餐廳暗角孤獨而坐，費事比人睇到個頹樣，望到檯上的蠟燭燈，燈光又咁暗，好有情調。我吃著的香茅大蜆，蜆多肉，味鮮無沙，加上有香茅湯汁伴住，估唔到香茅同蜆肉味咁㚒!  是日餐湯係南瓜湯，甜甜又creamy，都幾好配這扁身包，唔知咩包，食落無咩牛油味，麵粉味重一點無咁鬆軟。虎蝦冬蔭飯，汁醬有濃郁冬蔭公味，蝦烤過，好大隻，好鮮甜，個飯唔會太多汁漿實晒，口感好，冬蔭味很出。望到桌上有1842 island beer 供應，立即叫了一支，中間嗰隻字bitter 真係好應棍。黑嗥味道好苦，回甘由淺入深，有重麥味，頓時對失戀有所啟發。

今晚老友約咗我嚟你間西餐廳到晚餐，因為好耐冇見，所以想搵一間可以坐得耐嘅餐廳嚟食吓飯吹下水，順便聚下舊，呢間餐廳氣氛唔錯，係坐低食嘢傾計嘅好地方。先來佢哋餐廳有名嘅南瓜忌廉湯，南瓜味非常足，係用了充足，加上忌廉零口感香滑，飲落去非常開胃，仲有側邊嘅彼得餅，可以用意大利粗礪點嚟食，食落更加開胃。頭盤係香煎手打蝦餅，由於係用手打自制，所以咬落口感係夠晒彈牙肉質豐厚，而蝦肉味非常新鮮，加埋泰式嘅甜辣醬，比某快餐廳嘅雞食落更加好味惹味。主菜之一就係鰻魚配意粉，鰻魚食落新鮮而且口感夠滑，加埋意粉確係匹配，非常好食。跟住係澳洲西冷扒，煎得非常唔錯，咬落口感軟滑，食得出用料新鮮，肉汁豐富，加上配上嘅燒汁，確係一件有質素嘅西冷扒。最後就食埋甜品，係餐廳自製嘅蘋果批，睇得出係用新鮮蘋果製造，而且非常多，食落少少酸戴上甜味，係佢哋獨有嘅飯後甜品。

今日約咗朋友嚟元朗呢間小店度食飯，因為佢話之前試過都唔錯，所以黎你度收咗工食嘢，即管試一試。首先為佢哋嘅南瓜湯，南瓜味濃郁，食得出用了係唔馬夫，而且口感香滑，加埋佢哋送嘅麵包，麵包質感外邊而裡邊軟林林，係有質素嘅前菜。第一道菜係香炸蝦餅，蝦餅佢用嘅粉唔會厚，所以炸出嚟唔會一嚿嚿，跟住裏面嘅蝦肉同香料混合，令到口味非常惹味，炸到金黃色之外，加上泰式辣醬，令味道層次更加豐富。跟住第二樣要食嘅就係鰻魚意粉，呢樣係有西式與日式嘅混合風味，鰻魚同佢哋獨家自製嘅鰻魚汁帶出濃厚嘅日式風味，而意粉就用咗鰻魚汁黎煮，所以未到帶嚟驚喜，食落唔錯，係其他地方食唔到嘅意粉。最後點左嘅就係安格斯西冷牛扒，由於係用咗佢哋餐廳獨有嘅煮法，所以食落好香口，生熟度剛剛好，肉汁收埋晒喺裏面一次先留咗出嚟，加上碟嘅芥辣，係有英式嘅風味，仲有用牛肉汁煮成嘅醬汁，加埋一齊食就更好味，整體來講係唔錯嘅質素。

大埔呢個地點唔算就腳，又唔算偏僻，今次就特登為左食呢間西餐而入左黎，呢個決定係絕對無錯嘅！咁首先個門面已經好靚，雖然地方唔大，但好有氣氛。今次同男朋友share個2人餐，黎左嘢飲先，芒果菠蘿冰茶好解渴，我就飲四季青鐵觀音，就算係西餐，中式茶都好出色，係有回甘味㗎～餐湯係椰菜花湯，好香濃，加上清甜蔬菜原味，配薄脆麵包。好，終於去到食物環節，紅松葉蟹腳海鮮凍盤！有齊生蠔、蟹腳、花甲、翡翠螺同熟蝦，每一樣都係新鮮貨，個人最鐘意花甲同蟹腳，蟹鉗仲要已經幫客人事先整開左個殻，勁細心。跟住係香煎孖寶虎蝦咸香蛋黃忌廉意大利飯，唔知個意念係咪來自黃金蝦呢？總之又係一佳作，油香配上煙韌意大利飯，真係一大享受。澳洲西冷扒8安士，好得呀！七成熟無多無少，鮮嫩可口。

如果下午冇工開，就真係會想舒舒服服食一餐好東西獎勵下自己，亦都係一種放鬆嘅方法🙈其實呢個價錢食個晏都真係唔算好貴，最重要係食到有質素嘅食物！好欣賞佢個餐包係鬆軟熱辣辣嘅彼得包，而且係配黑醋醬加橄欖油，冇牛油嘅肥膩感，仲多一份清新👍🏻我地一個點左手打牛肉漢堡、一個點左虎蝦肉扁意粉，漢煲比我想像中足料，成3寸厚，味道係唔錯嘅，不過個手打牛漢堡就好似「鞋」口左dd!反而比配菜嘅薯條搶左風頭。個意粉就真係唔錯，蝦肉實淨，意粉唔會太「林」，有好香嘅蒜味，清新之選。值得一提嘅加$14有得轉沙冰，仲有我最愛嘅牛油果🥑沙冰tin!P.S.係食完個油煙味勁左dd lo

今日又去左元朗，係元朗揾野食，絕對冇難度既，因為越來越多唔同類別既食肆。鐘意西餐既我，係兒時成長地揾到呢間對我黎講係「新野」既餐廳我地坐係窗口位我地揀左2個SET，有餐湯同指定飲品/雪糕餐湯係南瓜湯，香氣撲鼻又濃郁，質感唔會太稀太稠。餐包微暖帶D脆，點湯或點個醋都OK。蟹肉咸香蛋黃忌廉RISOTTO：份量OK，不過一般RISOTTO比較飽肚，蛋黃味唔太重，反而係有陣香味，蟹肉都幾多，加埋有蟹子，口感多D層次。RISOTTO整體唔差，幾CREAMY 唔會乾身。蜆肉意粉，D蜆幾鮮又大隻，調味簡簡單單已經好好食。加埋檸檬汁就帶出另一個感覺，比較FRESH。最後我揀左雪糕原本以為係一球or現成既雪糕杯，點知係有小心思既雪糕，濃濃既朱古力寫上今餐既句號。

愛人今日早放工，帶我入元朗食浪漫二人餐，離開Yoho mall 唔遠，舖頭細細間，侍應好有禮貌，枱面有埋小蠟燭，好sweet sweet💘紅松葉蟹腳海鮮凍盤，有紅松葉蟹腳兩隻，即開生蠔兩隻，翡翠螺兩隻，鮮花甲四隻及南非熟蝦四隻，非常豐富，本身對螺無乜興趣，但呢隻螺就令我改觀，正因食到鮮、甜、爽；椰菜花湯，食完冷盤，飲返啖棉棉嘅熱湯，感覺一流；香煎孖寶虎蝦鹹香蛋黃忌廉意大利飯，虎蝦煎得好香，食落好爽又有蝦味，個意大利飯係減肥者嘅公敵，食左一啖就俾哂我愛人食👅蜜糖焗德國豬手配燒鮮菠蘿，豬手夠大隻，切開好多肉，皮唔係脆嗰種，係食落煙煙韌韌好多骨膠原嗰隻，配幾片超香＋甜菠蘿，必食；芒果菠蘿茶，有啲似檸檬茶，飲得出係自己沖製，茶味濃中有芒果及菠蘿嘅清香味。

又一個happy Sunday ！訓到中午先醒，一條友去嘆個brunch 先，呢間餐廳已食過幾次，食物水準高之餘，成間餐廳的感覺仲好舒服😌，好岩朋友傾計，或者一個人享受下。座位滿佈cushion 環境舒適，簡單有情調，好鐘意雲石台面，好文青。餐牌上有多款brunch 可以揀，唔小得all day breakfast 🍳 還有set ，有餐湯有野飲，價錢由$72-$118，不算太貴，今次試下個漢堡先☺️椰菜花湯，香滑忌廉味，椰菜花味濃軟軟的麵包微暖，配搭橄欖油，點著吃，很健康牛肉野菌漢堡配薯條伴以沙律薯菜$82厚切的薯條新鮮炸起，薯仔味濃，香脆可口，不用點茄汁也很夠薯味😋。漢堡包很巨型，不能一口咬，餡料亦非常豐富😍，有蕃茄片和新鮮生菜，增加口感，微溶的芝士片，厚厚的漢堡肉嫩，咬落好juicy😋，再配有沙律醬，美味而不會好「漏」的感覺。食完整個漢堡再食沙律菜，感覺無咁「罪惡感」😉，沙律菜亦很新鮮爽口，可以去除食完漢堡的油膩感。漢堡包配可樂絕對一流配搭👍🏻好滿足😍值得再試

星期日逛完元朗yoho mall，行出黎就見到呢間門面好寫意的餐廳，可以舒舒服服享受午餐😌。假日brunch set價錢抵食又有位，就入去食！𥚃面播放住英文歌，又有電視睇，裝修簡約，雲石枱配時尚木櫈，雅緻得黎坐得又舒服😌。枱與枱之間又有好大空間，唔使迫埋一齊坐。如果吸煙或放狗人仕可以坐戶外，可以滿足不同客人。點左個意大利飯，個餐有指定湯同指定飲品。今日係椰菜花忌廉湯，濃濃既忌廉帶有椰菜花既香，一d都唔覺得漏，仲好好飲。配埋個包好軟熟，點醋及olive oil食，簡直一流。而個蟹肉咸香蛋黃忌廉意大利飯，好多蟹肉舖面，仲配有蟹籽，食落有d黏，蛋黃夠香，啖啖美味！凍芒果菠蘿茶，雖然芒果味蓋過菠蘿，飲到有菠蘿絲，唔會太甜，啱哂炎炎夏日👍🏻消暑一流。$88 加一埋單都係$96.8。

最近想搵一間浪漫既西餐廳同女朋友慶祝生日, 朋友推薦之下, 黎左元朗呢間darci by aldou 試下~餐廳座位唔算多, 有outdoor 同indoor既位, 不過天氣實在太熱, 都係坐indoor~~店內裝修 走簡約浪漫路線, 都幾適合couple黎食飯。兩人餐配搭都幾多, 我地最後揀左蟹腳海鮮盤嗰一個, 好期待。第一樣先到既係餐湯同餐包~ 呢個餐湯係椰菜花忌廉湯, 係香港西餐比較少有, 第一次品嚐, 知唔到我都好中意佢個質感同味道~ fresh 得黎唔會太鹹, 開始帶起食慾飲完湯~海鮮盤就上枱啦~~有蟹腳, 海蝦, 翡翠螺, 生蠔, 花甲, 每樣都超新鮮, 而且處理得好乾淨, 當中最好食係蠔同翡翠螺, 要知道處理乾淨係幾花功夫同重要, 而且食落仲留有少少鮮甜味係口中。所以再黎會一定再嗌!之後上枱既係虎蝦蛋黃意大利飯, 淨係賣相已經一流, 食落有好濃既忌廉味, 再加上蛋黃, 好creamy, 正!再上枱既係澳洲西冷, 我地叫7成熟。而煮得亦岩岩好, 唔會太生岩岩收左血水, 切落亦無根, 啖啖肉啊～配菜更係我中意既薯蓉。飲品方面, 我地嗌左菠蘿茶而女友叫鐵觀音~~菠蘿茶唔會太甜,

喺元朗嚟左呢間西餐廳食晚飯，雖然餐廳面積不大，但係門前裝修一啲都唔馬虎，串串燈加埋小植物同埋周邊燈光比較暗嘅關係，出來嘅效果好靚，遠遠見到已經比佢吸睛行過嚟。裡面裝修又另一風格，土色系列顏色另人感到放鬆舒適呢。食左個紅松葉蟹腳海鮮凍盆，個presentation 好有外國feel，銀盆上有冰碎，再放上美味嘅海鮮，當中當然有紅松葉蟹腳，剪開蟹腳之後成條蟹腳肉輕易就攞到出嚟，成條美味嘅＂真正蟹柳＂(唔係超市買嗰隻吖)就咁放入口，雖然有醬汁提供，但係鐘意海鮮原味嘅我冇點任何醬汁，嘩，好美味。話明海鮮凍盆，當然仲有其他美味海產，有即開新鮮生𧐢，鮮美。翡翠螺丶鮮花甲凍食都唔錯。同埋南非熟蝦，眼珠凸凸好特意。每樣海鮮都好食，特別喺即開即食嘅生𧐢，冇得輸。

那晚約了朋友元朗共聚，姐妹共聚，原來也可以好浪漫，好有情調。元朗的一間路邊小餐館，名字是法文定意大利文?入內昏黃燈光，高高的樓底，沒有侷促感，我們桌上有燭台燈，好有情調。餐湯是南瓜湯，好濃的南瓜微粉甜，入口滑溜;餐包是百吉包，沒牛油焗，有獨特的麥香，吃時帶有韌性，如果你不愛牛油的話，定會愛上百吉包。主菜是蜜糖豬手配鮮菠籮，份量十足烤豬手，叫人垂涎三尺，皮脆肉嫩，夾雜香草的味道，內層好Juicy帶少少膠質，越吃越香口，配上鮮甜少少酸菠籮，令肉味更吊出，也相當開胃，比配酸菜更好吃，再喝冰凍果茶，妙不可言。大蝦冬蔭飯，虎蝦烤過，好香好鮮甜又大隻，冬蔭飯的酸辣，很醒胃，飯不是太濕的，反而更好吃。我倆奉行慢漫食主義，即浪漫+慢食，三小時一頓晚餐，享受人生又如何?

入到黎元朗，有好多唔同嘅餐廳，其中一間我老友推薦，就係呢一間西餐廳，因為價錢便宜但質素好高，所以特別推薦你一間餐廳俾我。餐廳有分室外同室內，如果食煙嘅朋友可以坐室外，室內環境舒適，座位寬敞，適合三五知己相聚。侍應有禮地介紹：近排推出夏日東南亞海鮮二人餐，有好多選擇同配撘，咁一於點一個二人餐。炸蝦餅個炸蝦餅賣相吸引，廚師用新鮮蝦肉砌成，而且外層炸到非常香脆，而入面非常彈牙，配上泰式辣醬，好惹味，做開胃前菜啱哂。忌廉粟米湯呢一碗粟米湯係㕑師用心泡製，打爛新鮮粟米製成，再隔渣，所以非常香滑，香濃粟米香味加上忌廉，更加香滑日式鰻魚意粉呢一個fushion 菜非常有特色，而且味道一流。鰻魚好滑好入味，鰻魚汁配意粉，味道好夾，加上木魚片，賣相既吸引，味道又好，不錯。呢間餐廳食物用心製作，而且環境好舒服，絕對值得去食!

上回講到Happy Friday同女友入元朗吃好的早前女友Marked話呢間野食好吸引飲完珍奶一於黎食返餐好先！呢度環境企理裝修簡約燈光同餐桌擺設都幾有氣氛而呢度野食都望到十分吸引有埋我最愛既泰式海鮮最後叫左個夏日系列東南亞海鮮二人餐！包括燒泰式海鮮盤, 北海道帶子魷魚筒墨汁意粉同埋鮮蜆加洲鱸魚配牛油忌廉粒粒薩丁麵餐前先黎前菜餐湯同埋比特包餐湯係南瓜忌廉湯有微微南瓜香忌廉奶味亦香濃灑上香草亦增添香氣而比特包焗得夠香香脆脆配黑醋一齊食亦夠哂開胃燒泰式海鮮盤賣相十分吸引流哂口水海鮮包括燒魷魚筒, 燒阿根廷紅蝦, 芝士焗蠔, 泰式魚餅同埋燒菠蘿每款都各有特色必食！北海道帶子魷魚筒墨汁意粉意粉煮得十分入味濃郁有濃香墨汁同蒜香將全黑意粉香味昇華而帶子魷魚燒得剛剛好唔會過熟乾哂水灑上蟹籽亦增添口感鮮蜆加洲鱸魚配牛油忌廉粒粒薩丁麵粒粒薩丁麵第一次食口感好QQ彈牙而且同牛油忌廉十分Creamy !蜆帶點清酒味十分香熟度剛剛好食落幾滑亦唔會好老鱸魚亦煎得剛剛好食落香滑得黎帶點鹽香肉質夠實淨唔會散開必食！

元朗出名多好野食，趁著開心星期五放工就入左元朗Yoho附近食西餐來到了位於鳳攸南街的Darci by Aldou，餐廳裝潢別緻，樓底極高，具空間感！餐廳主打西餐和海鮮拼盤我同朋友點了夏日系列東南亞海鮮二人套餐先黎既係餐湯南瓜忌廉湯好香滑，啖啖南瓜蓉！Pita bread微溫，沾上黑醋油就是好吃！也可以用來點湯吃啊燒泰式海鮮盤內裡有汁燒魷魚筒、阿根廷紅蝦、泰式魚餅、焗蠔等等，每款都燒得好香口，岩哂海鮮控！個人最喜愛的是魚餅，味香濃且微辣，很好吃！旁邊的燒菠蘿更能清新一下味蕾飯麵類選擇了北海道帶子、魷魚圈墨汁意粉意粉Al Dente且炒得非常香口！帶子輕煎得香口嫩滑主菜則選了加州鱸魚，鮮蜆配粒粒薩丁麵，鱸魚厚肉且嫩滑蜆肉大大粒，冇沙夠鮮甜粒粒薩丁麵既外型同口感都非常特別，好吃得我一粒也沒有吃剩最後還有甜品雲呢拿雪糕，奶味香濃，為晚餐畫上完美的句號