Cocolo Tokyo Cake Factory (利東街) (已結業)

你有沒有覺得日本來的甜點特別好吃？Cocolo Tokyo Cake Factory 灣仔這間分店除了可以吃到招牌青森蘋果批，還有新推出的各種酥餅和特色小蛋糕，配埋日本直送飲品一套最開心。Cocolo Tokyo Cake Factory 在灣仔利東街地庫商場，搭地鐵去灣仔站 D 出口一出就到，非常方便就腳。店內招牌當然係青森蘋果批，不過最近發現多左好多新款酥餅，全部都好吸引喎！真係叫人眼花瞭亂！除了青森蘋果餡，還有杏仁朱古力、甜薯和栗蓉等，優惠價HK$120/4件。除了酥餅也可以找到一系列日本小蛋糕，口味和賣相都好迷人喎，細細件無咁罪疚感。慕絲蛋糕杯是新到產品，隔離的芝士蛋糕和朱古力蛋糕都係招牌之一。雪櫃有各種日本直送飲品，以各種口味的波子汽水為主。無酒精兒童啤酒和無酒精威士忌味飲品都幾有趣。檸檬忌廉芝士批 HK$35驚太甜的話選這個酸酸甜甜一定合胃口，酥皮又厚又鬆又脆，入口即化係幾有水準。餡料唔會塞到滿滿，味道適中，口感綿密，整個非常有驚喜值得推薦。特濃雙層朱古力蛋糕 (4.5cm) HK$35本來想食下一層那些切件蛋糕，但見到這個雙重朱古力好似真係幾濃厚又忍唔住想試下。蛋糕口感軟

星期六去灣仔行街，回家時見到一間東京蛋糕店，好耐冇得「番鄉下」既我地，即刻比佢吸引住，諗住買番一兩件蛋糕，以解下思鄉之愁.依間野主打蘋果批，真係見到都流晒口水，除左蘋果批之後，仲有其他唔同既蛋糕比客人選擇. 亦都可以揀堂食定外賣，依個時候，當然就係選擇打包攞番屋企慢慢嘆啦.我地今次就揀左兩款蛋糕，一款係蘋果批，另一款係草莓蒙布朗蛋糕. 真係急不及待想即衝番屋企試食.蘋果批果然冇令人失望，有一種清新既感覺，而且唔會太甜，岩晒我依啲平時唔係好食甜野既人. 食一個真係完全唔夠喉.而另一款草莓蒙布朗蛋糕亦都唔輸蝕，多層次既蛋糕架構令到每一啖食落去都覺得口感豐富. 個人最中意一面食蛋糕一面送一杯香滑既奶茶，真係好正！今次依間日式蛋糕店真係值得推薦！！！

利東街下便個商場，就開左呢間裝修清新簡單既小店。嗰日喺灣仔食完飯，就俾佢嘅櫥櫃深深吸引。日本甜番薯批 ($35)店員推介左呢個日本甜番薯批，喺日本空運直送過嚟，再喺香港返焗。長條型嘅外表，外型吸引。咬落去酥皮鬆脆，又唔會太散，微熱係品嘗既最好時候。中間嘅甜番薯茸份量適中，比較硬身，不過味道同酥皮十分配搭。紅茶奶油蛋糕 ($20)外型小巧吸引，充滿清新嘅感覺。一啖咬落去，清新嘅茶味濃郁，雖然有少少奶油忌廉，但係唔會覺得太肥。性價比高，喜歡茶味蛋糕朋友可以一試。抹茶蒙布朗蛋糕 ($28)蛋糕上邊嘅抹茶茸，口感似栗子蓉，飽肚感十足。抹茶茸下面係奶油忌廉，配埋鬆軟嘅海綿蛋糕，層次豐富。Conclusion: 外型精致小巧得體，作為散水餅適合之選。

遠處都聞到新鮮出爐嘅烘焙味道。原本期望都唔大，因為都係食麥當勞嘅蘋果批長大🤣🤷🏻‍♂️ 不過其實就算係外貌主義協會，都會睇到呢度嘅蘋果批唔係老麥果d cancer skin😏 而係靚嘅酥皮🙂 可能我食呢個唔係最新鮮出爐，又唔會辣親個咀，溫度啱啱好，暖粒粒。不過，咬開之後酥皮黐住咗喉嚨，有啲濁親😂🤣 可能因為酥皮整得真係太薄👍🏻 有一種千層酥係感覺。蘋果蓉整得幾有果肉粒，又可以係輕鬆咬開，唔會過分甜。反而係外面嘅酥皮嘅牛油味強啲。所以都可以話係內外夾擊🙌🏻 分量來講，一個男人拳頭大少少，當下午茶就啱啱好。不過，綠茶Brownie 嘅味道就一般😅 味道有啲偏甜，未必食到綠茶嘅味道。同埋brownie嘅部份，未必係香港人食開口味😂餐廳其實另外都仲有好多嘢食最正嘅係有得充電🔋 both physically and mobile-ly speaking 😂

位於利東街嘅一間甜品店，主打日本青森蘋果批🍏由日本直送，人手製造，粒粒果肉無添加🈚️不過蘋果批通常都會配上肉桂，所以就唔係我杯茶🧐今次就試下佢嘅甜薯批同榛子摩卡蛋糕🍰·<甜薯批> ʜᴋᴅ 35批皮非香酥脆鬆化，肉眼可見嘅分層，入口即化🥐中間嘅餡料唔係單純嘅番薯蓉，似係加入糖煮製而成，甜薯味道分明🍠唔知大家有冇食過甜薯味嘅百力滋呢?我就覺得好似嗰隻味🤪·<榛子摩卡蛋糕> ʜᴋᴅ 25細細件蛋糕完全無負擔感😎見到蛋糕色水咁深色都知佢咖啡味幾濃☕️夾層嘅cream都係有調味嘅榛子cream🌰蛋糕甜而不膩，配上cream令佢更濕潤🍰·店面比較細，主要做外賣生意🥡不過都有兩張枱你供食客即場食用，可以食到暖暖哋嘅批，唔怕拎到返屋企會凍晒啦😙

早排屋企人生日，但全家都唔好食甜嘅，媽媽又好鍾意食蘋果喎😂諗咗諗，不如就買件蛋糕仔加批啦～利東街翻新咗都好耐，逢近新年聖誕其實都幾靚架，附近環境又乾淨，好似係異國小鎮咁。而出利東街個出口呢，就次次都會路過呢間香噴噴蘋果批鋪，聞到都覺吸引💕💕今次就試試蘋果批同埋紅茶奶油蛋糕～蘋果批係好香蘋果甜味同埋好脆，個都香幻油味，呢個價位幾抵買，剛好一人份量媽媽表示好好食呀😂😂💕一向都好喜歡茶味蛋糕，最怕就係啲忌廉cover晒茶味呢款我都幾欣賞，絕對冇過甜又食得出茶香，簡簡單單咁，如果有長輩同場，都唔怕長輩食一啖就話唔要呀🤣下次路過會想試埋咖啡加個蛋糕，應該會好chill😂飲品選擇好多呢～計落地理位置又方便，又抵買，推介推介

網上睇見cocolo tokyo cake factory除左蘋果批之外，仲推出左幾款新口味既批🤣分別有檸檬忌廉芝士批、日本甜薯批、杏仁朱古力批同埋栗蓉批，個個份量同蘋果批差不多，價錢$35一個，仲有快閃價$120任選4個批☺️除左熱辣辣既批之外，仲有多款蛋糕，淨係蒙布朗都有近5款選擇👍🏻新春限定$100可以揀4款蒙布朗，款款都幾吸引－－－－－－1. 日本甜薯批 $35長形狀甜薯批，攞上手微熱，外型不錯，咬落去非常酥化，鬆身但不會太散，表面搽左少少糖漿，不過有點痴牙，同埋有部分位置比較硬🙈中間甜薯蓉唔算好多，香氣同味道都唔太突出2. 朱古力蒙布朗 $28外層濃濃朱古力，味道偏甜，入面就係幼滑既忌廉😋仲有朱古力蛋糕做底，感覺都比較膩，下次會試其他味道

今日難得去灣仔利東街附近食飯，喺利東街地庫行街時見到呢間日式甜品店，甜品款式多價錢又實惠，就買咗一個批同一件蛋糕返屋企試下😋-朱古力杏仁批 $35朱古力批外皮非常酥脆可口，裡面朱古力餡料好足料，有少少脆脆口感，食到停唔到口呀😆 連朋友試完都大讚好食😋-榛子摩卡蛋糕 $25作為榛子愛好者當然要試下呢款蛋糕，蛋糕體濕潤有彈性，食落好輕盈，味道唔會太甜，好易入口😋 另外，呢個價錢真係非常抵食，下次買返office同同事分享下都唔錯👍🏻

之前喺西貢食開嗰間蘋果批，原來開到嚟灣仔都有分店，記得嗰陣特登入去西貢食，都去咗三四次，最後一次的確有少少失望嘅，今次開到嚟灣仔，就決定再試多次啦！灣仔嘅分店位置利東街嘅地庫，比西貢嗰邊方便好多，可以喺地鐵站直接行隧道過嚟，完全唔需要上行人路。門面都幾靚，不過我諗主要俾人買外賣，堂食嘅bar枱位置比較少，只有兩張。照舊要咗一個招牌嘅青森蘋果批，另外見到蛋糕都好吸引，就要咗一個甜薯蒙布朗蛋糕。蘋果批比之前有進步，雖然而家人流比疫情之前少，但係嗰蘋果批依然係會keep住新鮮出爐，拎到上手依然暖笠笠，而且蘋果餡料都唔少，keep到開店時嘅水準。蛋糕就真係第一次試，見蒙布朗系列新出就試咗呢款。切開見到係由甜薯蓉，忌廉同朱古力蛋糕組成，甜薯蓉夠滑又夠甜，的確驚喜，搞到我想試埋另外果幾款味添。

行過利東利，掛滿好有新年氣氛嘅燈籠同蝴蝶，唔知點解咁樣就令大胃好肚餓，同埋胃妹一齊走入地庫搵吓食行行吓就聞到好香嘅烘焙味，走入去睇睇咩究竟原來陣味係來自呢間好出名嘅蘋果批，蘋果取自青森，青森蘋果食過，但整成批又會係咩味道呢？睇佢個樣脹卜卜，就知係好脆口，但留意會辣口，因為裡面爆晒啲蘋果蓉出嚟，滿滿蘋果肉香，你唔會想再食返金拱門嘅蘋果批囉除咗批，佢地仲有賣蛋糕，大胃見有個cheesecake相當特別，鋪滿晒橙片，好靚，但又食唔晒成餅蛋糕喎原來佢有切件買嘅，食落真係好香橙味，味道好清新，解咗少少凍再食仲好味啲𠻹連包裝都咁靚，賞味又悅目呀

CoColo青森蘋果批在西貢的名氣毋庸置疑。上次入西貢一試後，更令我對蘋果批改觀。衝出新界來到港島區已一段時間，終於有機會一試。甜品店位於利東街地庫，鄰近灣仔站，人流不斷。但我很久没搭港鐵了，所以近地鐵站對我來說不是什麼優點。由地面落電梯，見到hallmark對面便是。還有大型蘋果批燈箱，很易找。樽裝飲品放在店面，比西貢店更自助形式。除了招牌蘋果批，還有朱古力、甜薯、栗蓉批等，會跟隨時節轉口味。蛋糕款式好像比西貢店多些呢。除了切餅，還有法式蒙布朗蛋糕 (Mont Blanc)。八女抹茶蒙布朗蛋糕 $28一貫日本甜品的做法，把自家風味加到法國甜品中。以抹茶代替傳統栗子蓉，包裹著輕盈的cream，讓濃厚抹茶剛好平衡cream的甜膩口感。招牌青森蘋果批 $336點後無堂食的關係，惟有take out吧。回家後稍為焗暖，香氣依然四溢。切開，還是非常酥脆呢。蘋果吉士醬甜甜的，帶點果肉，夠足料。配上香脆的千層酥皮，果然是令人一試難忘的招牌甜品。以後想食蘋果批，不用山長水遠入西貢了。餐廳資料：Cocolo Tokyo Cake Factory    地址: 灣仔皇后大道東200號利東街地庫1樓B36

今日同朋友嚟利園影相 本身其實只係諗住入嚟呢度借廁所 行行下見到呢間甜品店見櫥櫃內蛋糕好吸引 仲要係使用日本青森蘋果 決定同朋友入嚟試下 叫咗一個青森蘋果批同埋焦糖奶油堅果蛋糕嘩 首先個蘋果批非常之酥脆 仲要係暖暖嘅因為佢用個熱櫃暖住 入面嘅蘋果真係與別不同 既甜又清香 好好味 呢種酥脆外皮比起美式嗰種好實蘋果批好味得多以為蘋果批已經夠曬好味㗎喇 點知個蛋糕同樣都咁出色 蛋糕非常之濕潤非常之好味 仲有少少杏仁堅果口感 價錢又實惠 連鎖蛋糕店咁上下嘅價錢完全唔係呢個質素 被比下去 好想試晒所有味道

So my uncle had urged me to try this crispy apple crumble pie for a while now.  And finally, I made the effort to get out of the darkside and go to Wanchai for afternoon tea in Lee Tung Street.  It was also my first down taking the esculator down to the basement in Lee Tung Street, I please so hidden that if this Cocolo store haven't opened I would not have ever visited.  Anyways, getting back to the food... according to the pastry cheif, this crispy apple crumble pie is shipped directly from Ja

疫情之後已經好耐無去旅行啦！究竟幾時先可以重回以前既時光有日番工同事話好掛住日本佢二話不說帶我去位於利東街既一間cake shop呢間店鋪原來係蘋果批既專門店本身個人唔係太鐘意蘋果批不過響同事大力推薦下就叫左一舊試下由於有個暖櫃慶住 所以啲批都keep到熱望落已見到好多層酥皮已經想像到口感會非常酥脆試第一淡已經爆餡除左滿滿既吉士醬之外仲食到一粒粒分明既蘋果粒味道酸味同甜味好平衡我自己覺得食完仲有蘋果既香氣留係口腔估唔到日本既蘋果批係咁好味 好有驚喜其實同店仲有其他款式蛋糕價錢都唔貴 幾適合下午茶或者做散水餅都唔錯我自己就再點左呢款粒粒芝士蛋糕我見佢係用日本材料做 質素應該有番咁上下一淡食落既感覺就係滑！無諗過芝士蛋糕會係呢種質感類似mousses咁 不過再濕潤一啲奶味都幾濃 如果鐘意牛奶甜品既一定會喜歡走之前眼尾見到原來仲有款甜薯批個樣幾好味 下次要試埋先得

今日lunch食完飯同同事喺附近行吓行到利東街見到呢間舖頭幾吸引最後一人買咗兩件甜品開心下😍我哋都睇中左佢嘅signature!!蘋果批!!見到佢一層層嘅酥皮分明 仲係日本蘋果添 真係好吸引😋另外我揀咗焦糖堅果奶油蛋糕好貪心🤪 兩件一齊做飯後甜品真係好飽先講吓個蘋果批先佢話係日本製造㗎 然後直送到港 真係好好食冇得去日本唯有食啲日本製嘅食物滿足下自己啦厚厚嘅酥皮入邊 除咗蘋果之外仲有好香嘅吉士醬 口感好豐富 真係好好食😋堅果奶油蛋糕睇落個賣相普通 不過食落都好正呀😍我好怕太甜嘅蛋糕 但係佢就做得好適中 有焦糖味又有堅果味 唔會話比其中一隻味搶哂 👍🏼👍🏼食個好味嘅甜品真係可以為下晝嘅工作叉足電😚😚