Cocolo Tokyo Cake Factory (利東街) (已結業)

行完寵物節 要搵啲甜品慰勞下雙腿入到商場見到呢間甜品店未關門入去望一望原來係好多甜品都係由日本運送過嚟香港非常吸引重點係價錢唔貴除左蛋糕 仲有批類對於今日體力勞動左咁耐買一件蛋糕加一個批都唔係太過分丫平日仲可以叫埋飲品有日本汽水類或咖啡 過一個好chill嘅下午見到佢蘋果批係用青森蘋果 人手製作當然要一試 招牌貨 估唔到貨錢仲比其他批平幾蚊表面金黃色 批係立體高高地 唔係扁平嘅切開食 內裡見到片片蘋果蘋果好濃味 少少酸 多多甜 酸酸甜甜咁批好脆身 一路食會一路跌啲碎碎批皮有啖啖牛油味 無完全俾蘋果蓉餡蓋過呢件係紅茶奶油蛋糕 黑色一點點 相信係紅茶籽 所以一食落去 好香紅茶味絕對比坊間嘅茶類甜品更出色 更濃茶味兩件甜品都好滿意 補償到疲累嘅身體

今日去左灣仔利東街果邊，經過一間蛋糕店，俾佢嘅香味吸引咗入去。原來傳出嚟既香味係來自店內既蘋果批！🍎我即刻買左個蘋果批加蛋糕拎走～1.日本直送蘋果批 $33 🍏🍏🍏返到屋企叮熱返嚟食，好味！😍😍餡料係現烤吉士達奶油，再加埋日本青森縣嘅粒粒蘋果～甜度適中👍🏻由日本人手製造，再搭飛機運送黎香港，超級加分！💯店入面除咗有最熱賣嘅蘋果批，仲有日本甜薯批、杏仁朱古力批同埋檸檬忌廉芝士批。下次黎呢間店要再買黎食😆店入面仲有限定優惠，買四個蘋果批會送嘢飲，買五個蘋果批會送其他口味嘅批一件🤩難怪我見到好多客人買咗五件蘋果批🤤2.焦糖堅果奶油蛋糕 $25 我自己鍾意食唔會過甜嘅蛋糕🍰呢間店既蛋糕超級啱我口味～焦糖奶油好軟滑☺️焦糖cream一陣甜香味🥰蛋糕上面有堅果，食落去嘅口感再豐富啲。個蛋糕我係外賣返屋企先食，同屋企人一齊分享，佢哋都話好好味，叫我下次經過要再買多幾件唔同味嘅蛋糕返屋企😂😂強烈推薦呢間日本蛋糕店！我覺得佢嘅質素比大型連鎖嘅餅店高🤣佢嘅性價比值超級強！下次同朋友嘅聚會，我會買唔同嘅批同埋蛋糕黎晏客🤩🤩

朋友喺灣仔返工，佢話有一間蛋糕店性價比好高好好味，強烈推薦我試🤩今日我終於嚟灣仔利東街試咗～果然正！✨TOKYO CAKE FACTORY ✨🍎日本直送青森蘋果批 $33店入面有枱，所以可以趁蘋果批熱辣辣嘅時候喺店入面食～蘋果批係喺日本人手製造，係日本直送過嚟香港😍蘋果批嘅外皮好鬆脆，咬落去係啖啖既吉士醬包埋無添加嘅蘋果肉～店家係選用日本青森縣既蘋果，唔怪得咁清甜🤤！賣$33一個，仲要係由日本直送過嚟香港，絕對要支持🙌🏻🍫純朱古力蛋糕 $25蛋糕嘅口感係好實淨，唔會係似食空氣嗰種蛋糕🤣濕潤度好適中～好好味～蛋糕中間包住三層朱古力cream🍫朱古力味好濃厚，好香滑～好驚訝呢個蛋糕竟然只賣$25，仲要喺灣仔呢啲高物價嘅地區～性價比真係要俾夠11粒星🌟🌟🌟🌟🌟咁好嘅蛋糕店，價錢又合理相宜。希望會有多啲人知道呢間店既存在😍我以後經過灣仔一定會係呢間店買多幾件甜品番屋企☺️

平時喺灣仔返工都唔知原來附近有間日式甜品店。近排心情唔係幾好，所以放工就嚟買下甜品食下。批類都有好幾款，今次買咗個最正路嘅青森蘋果批($33)試下先。見到佢寫由日本直送，應該會幾好食。餅櫃入面個蘋果批個個都漲卜卜，而且好香呀，成間店都散發對住吉士同酥皮嘅香味。蘋果批個外皮又薄又脆，切開入面見到分層，食落都唔太肥膩。入面有薄薄嘅青森蘋果片，係青甜嘅，同埋佢唔係好爽口，係自己鍾意嘅口感。如果再多d果肉就好啦。除咗批類，佢地都仲有其他甜品揀，好似係蛋糕同慕絲杯。草莓鮮芝士蛋糕($25)價錢嚟講唔算好貴，而且賣相都唔錯。草莓慕絲部分，酸酸甜甜，有入口即溶嘅感覺，食落唔會好滯。而下面嘅海綿蛋糕都夠軟身同moist, 整體來講唔錯。

來自日本嘅甜品而家疫情冇得去旅行，就開始掛住日本啲甜品，行過利東街發現商場有一間蛋糕店 Cocolo Tokyo Cake Factory，原來佢哋入面嘅批同埋蛋糕都係日本送過嚟嘅!! 批四款，佢哋主打嘅就係日本甜品大師手工製作吉士撻奶油青森蘋果批，今次揀咗日本甜薯批，蘋果批就下次再食啦!甜薯批一拎到手都仲係熱辣辣，咬落去外脆內軟，有好香嘅甜薯味，鍾意食日本甜薯嘅朋友一定唔可以錯過，正!蛋糕款式都好多，望落都好正，今次就食咗三層抹茶蛋糕，蛋糕質地好軟熟，抹茶味都好足，甜而不膩，啱啱好，正呀。下次一定會再嚟利東街嘅Cocolo Tokyo Cake Factory食其他口味，期待！

呢排做嘢真係好忙，４月終於有少少時間出嚟港島食下呢間甜品！呢間舖頭係位於利東街地下商場，佢地係主打新鮮空運到港嘅甜品，都係日本製作！可以彌補下無得去日本旅遊嘅心情~~首先推薦佢地主打嘅青森蘋果批，當日見有啲批都賣得七七八八！真係要快手去買，蘋果批外皮好脆，蘋果餡配搭埋吉士醬真係好夾，食起上嚟口感鬆脆得嚟味道既豐富又平衡。另外亦都叫多咗件蛋糕，叫咗件焦糖堅果奶油蛋糕，味道唔錯，唔會太甜，口感配搭上堅果食起上嚟好豐富，而且價錢實惠，整體嚟講價得一試！

去開利東街買嘢，見到有間寫住係日本嘅甜品舖，好掛住日本，所以買來試吓店裏面除咗有青森蘋果批，仲有甜薯批、檸檬批等等，當然係試吓出名嘅蘋果批啦，外皮鬆脆，裏便有好清爽嘅蘋果粒，再加上吉士，配搭清新美味除咗批之外，仲有好多款蛋糕，好易有選擇困難症，揀咗個Mocha 蛋糕，賣相幾靚，蛋糕鬆軟，加上Mocha 味香濃，忌廉唔會太溜其實仲有其他款式都想試，不過今日quota夠了，好似芒果蛋糕、特濃朱古力蛋糕都出名店裏面仲有好多日本飲品，例如波子汽水、鹽味汽水、兒童啤酒，款式都幾特別，可以試下

晚飯過後，我的另一個胃在呼喚我，吃點甜品吧😻🤤經過利東街這地庫商場時，琳琅滿目的甜品吸引着我，我選了這家以青森蘋果為主打的蛋糕店🍮🤭檸檬批這一件是取回家與老公分享的，打開時本來不抱期望，經過時間的洗禮後，想不到竟然非常酥脆🤔吃起來和現場吃一樣美味！非常意想不到！加上有忌廉芝士檸檬做餡料，感覺清新👍🏼梳乎里芝士蛋糕軟綿綿、輕飄飄的芝士蛋糕最令我心動，這裏的梳乎厘芝士蛋糕合我的心意。芝士蛋糕軟綿綿，有輕芝士的味道，加上梳乎厘的質感，整件蛋糕吃起來感覺非常幸福呢。還可以配上不同的飲品和咖啡等等，最貼心的服務是，這裏提供免費充電，實在非常合適食客門邊等邊叉電，好好享受這休閒的時光。❤️❤️

今天收工，行過利東街，發現有間日本甜品舖 ，於是就行入去睇下， 發覺原來係東京好出名嘅甜品舖。 於是就忍唔住買咗個批， 加一個蛋糕。入到去見到有不同種類嘅批， 價錢非常之合理， 三十幾蚊就可以買到一個批 ，我覺得好抵。 仲見到佢做緊7折， 好抵買。蛋糕也有不同種類嘅蛋糕， 我見到都流曬口水。 眼花繚亂， 好想每一件蛋糕都買返屋企食。呢間舖頭，仲有賣咖啡 ，抹茶。 可以一試，日本風味嘅蛋糕再加咖啡 ，綠茶， 簡直人間美味。我點咗一件奶油堅果蛋糕， 味道好正， 我好鍾意呢款蛋糕嘅味道， 唔會太甜， 蛋糕配上堅果，好有口感 ，食得出好有層次，軟硬合體，正。我另外點了一件檸檬批， 因為個批新鮮出爐 ，所以非常之香脆鬆軟。外賣蛋糕嘅盒都好靚， 睇落好高貴大方。

嗰日途經利東街地庫去灣仔地鐵站嘅時候，俾我發現到一間日式小店 Cocolo Tokyo Cake Factory品牌原來自日本，除了有賣芝士蛋糕，店中亦有售藍莓批、栗子批和日式蛋糕，全由日本直送當然大家不可以錯過這裡的招牌貨～青森蘋果批，睇見都覺得好好味焗起來嘅蘋果批個個金黃色，外賣回家品嚐時再用焗爐暖一䁔，外層酥皮薄而香脆，內餡有滿滿嘅青森縣蘋果粒粒，味道清甜又開胃梳乎厘和芝士蛋糕平時吃得多，而軟綿綿梳乎厘同香滑芝士整成嘅蛋糕就第一次吃回家放入雪櫃後吃也沒有改變口感，口感比一般芝士蛋糕鬆軟，入口即溶，濃厚的忌廉芝士香味，濕潤之餘又唔會太甜膩。一次過可以享受到芝士鹹香嘅味道同梳乎厘軟綿綿嘅口感 Cocolo Tokyo Cake Factory原來仲有一間分店係西貢、下次去西貢遊玩時就可以再吃了？期待.....

平時經過以為只有蘋果批同其他飽肚pastry。今次同事派餅搵我幫手，先發現原來呢間有好多選擇，咸甜都有，啱晒有啲唔食甜嘅同事我當然揀咗招牌蘋果批一盒入面每個都有個紙袋仔裝住，唔會跌碎跌到周圍都係蘋果批外面金黃，入面果肉嘅份量剛好，另外配有不會太甜嘅吉士醬，出奇地不會膩，連平時唔食吉士醬嘅我都覺得正另一位同事揀咗朱古力蛋糕，我食咗一啖，朱古力味濃郁，蛋糕濕潤，不錯而且每個都有獨立包裝嘅盒仔，派餅真係一流

之前行完山，去到西貢經過一間甜品店，聞到好香嘅蘋果批味，真係一試難忘， 十分酥脆！今日喺灣仔利東街商場，竟然見到呢間蘋果批既分店！即刻停低買咗兩件甜品食下。上次已經試咗招牌清心蘋果批，今日媽媽話想試新野最後揀咗檸檬忌廉芝士批$35外層嘅酥皮真係超級鬆脆，面頭搽咗啲蜜糖，所以甜甜地，中間有吉士醬混合檸檬醬，帶有微酸，亦有少少少少果肉，好好食！😋另外都見佢有多款蛋糕，揀咗🍓草莓鮮芝士蛋糕🍰$25識落有好香嘅士多啤梨同濃郁嘅芝士味，有少少士多啤梨醬，餅底有海綿蛋糕，蛋糕唔會好甜，芝士亦唔會膩，好食！呢度仲有飲品賣，如果喺附近返工買杯嘢飲食件蛋糕都唔錯飲品都係來自日本的。

前排有間日本嘅過江龍餅店黎左香港開鋪🇯🇵除咗西貢本店之外原來喺利東街都有分店今日咁啱去開灣仔附近做野就把握機會放工去買🤓.櫥窗展示左好多款式嘅甜品🍰不過去到嘅時候最出名嘅蘋果酥🍎竟然賣晒😭😭😭唯有試下其他口味先 下次再買過😛.🌟草莓鮮芝士蛋糕 （$25）原來呢個係灣仔店嘅限定蛋糕草莓嘅酸甜味令到呢個芝士蛋糕唔會膩🍓厚厚嘅草莓芝士一層過而且仲好綿滑🧀面頭仲有士多啤梨果醬　提升味道嘅層次餐廳仲會附送餐具 好細心！.🌟檸檬忌廉芝士批 （$35）酥皮好香牛油味　將佢由紙袋拎出黎已經聞到香噴噴🧈切開仲見到有好多層酥皮檸檬嘅酸味中和左芝士嘅甜膩🍋拎返屋企再加熱會更加好味🤤.呢度嘅批分量比想像中大 而且食材都係由日本空運到港所以都幾符合佢嘅價錢店員亦都好有耐心向我解說有咩特別嘅款式同推介大家不妨買黎試下🤗

今日到利東街看到這間主打日本直送蘋果批的日式甜品店，身為甜品控的我立即試一試批類都有很多選擇，身為甜薯控的我給日本甜薯批吸引到除了批類甜品，店內還有蛋糕可供選擇，朋友喜愛芝士，所以便選了梳乎厘芝士蛋糕日本甜薯批 - 暖乎乎的，手掌的大小，作飯後甜品剛好外層酥皮真的非常鬆化，內裏的甜薯蓉滿滿的，而且不是死甜，甜度剛好梳乎厘芝士蛋糕 - 賣相非常吸引梳乎厘的口感不會太空氣，非常鬆軟，吃下帶出微微的芝士味，不會很膩這間甜品店酥皮批類甜品非常出色，下次要試一試其他口味

最近轉職到灣仔返工，放工經過囍帖街，想食下甜品，見到地下街既商場有間來自日本的蘋果批，買返兩件回家，做個孝順女，同娘親一試！新品上市粟蓉批，批係香脆薄薄的，以盒形包著不會太甜的粟子蓉，一口咬下的感覺鬆脆而不溜，手掌心的大小，最適合飯前小食或飯後甜品，幫你開胃口又得，食飽了再想食甜品又得。雙層鮮奶芝士蛋糕，唔好以為細細件，其實芝士味出眾，係清甜香軟的口感，入口慢慢細味。高級的日本餅店，下次可以試吓由日本直送的蘋果批，作為散水餅一流呀。