Cocolo Tokyo Cake Factory (利東街) (已結業)

早幾日同事升職請我哋食Cocolo Tokyo Cake Factory嘅蘋果批，超級好食，所以今日忍唔住要去買呢間嘅其他甜品試下。除咗最出名嘅蘋果批，其實呢度仲有其他酥皮批同蛋糕，啲樣都幾吸引。職員介紹話純朱古力蛋糕、梳乎厘芝士蛋糕同草莓鮮芝士蛋糕都係新品，咁梗係要揀返件啦草莓鮮芝士蛋糕　$25呢款Rare cheesecake上層嘅芝士口感輕盈順滑，餅底嘅海綿蛋糕蓬鬆柔軟；濃郁嘅芝味入面又帶有士多啤梨嘅酸甜，味道層次豐富，廿零蚊好抵食。檸檬忌廉芝士批　$35酥皮批真係Cocolo Tokyo Cake Factory嘅強項，呢個檸檬忌廉芝士批嘅酥皮酥脆鬆軟，牛油味香濃，食後齒頰留香；餡料唔算好多，檸檬味清香突出，唔會太甜膩，每一啖都係簡單清新嘅美味。暫時喺呢間試過嘅酥皮批同蛋糕都冇令我失望，下次再食埋其他款先

今日決定甜品當午餐。店子小小，有座位提供，還可差電。但疫情關係都是選擇外買吧。青森蘋果批，$33。之前去日本排長龍沒吃到，終於有幾會品嘗。好彩回到家還是熱的。外皮仍然鬆脆，咬一兩啖果肉就爆出來，清甜而不膩，好正👍。青森蘋果批是這裏的招牌，但還有其他批都好吸引。但我不想吃兩個批，見蛋糕都好吸引，就不作他選。草莓鮮芝士蛋糕，$25。雖然賣相簡約，但草莓和芝士味配搭剛好，芝士味不會蓋過了草莓味，感覺清新，質感軟滑👍。這裏還有飲品發售。疫情過後，希望有機會坐低慢慢歎。

今日放假約左朋友去灣仔飲嘢，走個時經過利東街聞到好香焗酥餅既味道，即刻去揾下到底邊間鋪頭，原來係呢間主打青森蘋果批既餅店，有好野一定要買返屋企慢慢歎下門面簡單但入面好寬闊，裝修貼切日本風味，好似去左日本咁入到去見到兩個蛋糕櫃，左邊係批款，右邊係蛋糕款，全部都好吸引，每樣都好想試於是我就決定揀一個批款同一件蛋糕試下既然蘋果批係主打，唔使諗就揀左佢，其他幾款批都好想食，下次經過我一定唔會放過佢蛋糕款都好多，最後揀左梳乎厘芝士蛋糕，我最愛既芝士味蛋糕價錢唔貴又靚，下次可以買生日蛋糕同朋友慶祝揀完店員幫我包裝好，個盒都好靚，係日本式精緻包裝一返到屋企即開餐，蘋果批個皮好酥脆好香好鬆化，味道無得彈，仲會見到批皮一層層咁，批皮真係好食到唔想停，配埋又甜又香又軟既蘋果肉，呑左係口入面都仲有個陣香味，點解我衣家先知有呢間好野蘋果批太好食，唔夠十分鐘已經食晒，之後就食梳乎厘芝士蛋糕🍰，蛋糕鬆軟幼滑唔黐牙，芝士味香濃又唔會膩，甜度適中，蛋糕都好有驚喜舖頭仲有飲品賣，下次要試埋先得

食完晏晝返行行吓發現有間蘋果批專門店，所以就到咗入去買飯後甜品！去到鋪頭都幾多人買緊，所以都要等一陣呀呢個係青森蘋果批，外面嘅酥皮就夠晒香脆，入面嘅蘋果餡料有蘋果醬同埋蘋果粒，好香又好食！同埋份量都幾大件，自己一個食晒都夠晒邪惡 除咗蘋果批之外，仲買咗一件Tiramisu 估唔到除咗蘋果批，佢嘅蛋糕都一樣咁好食蛋糕唔會太甜，有淡淡地嘅咖啡味，唔會好膩不過相比之下我覺得蘋果批出色啲，果然係日本蘋果批專門店

喺利東街行街行到攰，諗住搵間Cafe坐下食件cake chill下，先第一次發現原來利東街有地庫商場😂入面有呢間cake shop，店內有一個小小嘅座位可供客人坐低享用蛋糕🤤咁岩去到有不少批類食品啱啱出爐，可以即刻享用，唔使外賣拎到返屋企先食得☺️栗子蒙布朗🌰~見到呢個栗子蒙布朗就一見鍾情💘大量嘅栗子蓉鋪在蛋糕面上，呈現一條條絲狀賣相很是討好😝切落去發現內層夾心係雪糕質地，食落去同栗子蓉融為一體，味道亦不太甜，整體很配搭~朱古力杏仁批🍫~去到就見到啱啱新鮮熱辣出爐，切嘅時候仍然保持微溫，杏仁呈顆粒狀，混合在朱古力中，配合鬆化的批邊，層次豐富🤤整體甜度控制得宜，係下午茶之選~

近排工作上好沮喪好大壓力，想搵返啲甜嘢安慰下自己💔 所以食完飯就去左利東街呢間Cocolo Tokyo Cake Factory🙂 其實之前經過已經有興趣，但通常已經食飽左就無買，今次正餐特登食少啲😂批同蛋糕選擇都唔少！仲有啲新出嘅蛋糕🍰 😍 最後批同蛋糕都揀左一款食😜🥢 日本甜薯批雖則呢度嘅蘋果批出名，但因為我自己係蕃薯控，我就比佢嘅甜薯批吸引～😍 即刻食嘅關係係熱嘅😝 個批啲酥皮好正🤩 又脆又咁鬆，望都望到好多層！夾埋甜薯味，甜得嚟又唔會過甜，好食😋🥢 草莓鮮芝士蛋糕店員話有3款新蛋糕，我就揀咗呢款～ 中文雖然無寫，但我見日本/英文有寫係甜王哦😏🥰 味道清香，有陣士多啤梨香味，食起上嚟唔會漏，very good😌仲有得叉電添👍🏻

難得戲院開返，第一時間約朋友放工去睇戲啦！又唔想搵間餐廳食快餐，本來打算買個麵包算，但經過COCOLO TOKYO FACTORY即係改變主意，一於入去試下。呢間舖就係灣仔D出口行一陣就到，店面細細但綠白色裝修都好易睇到，外面仲擺咗張食物嘅大相，都幾易吸引到行經嘅途人。呢間店主打青森蘋果批，係日本空運過嚟，原汁原味。另外仲有好幾款批、不過太好賣賣晒啦。但我覺得既然大大隻字寫住「青森蘋果批」，冇理由唔試招牌款啫～「青森蘋果批」 一件$33， 有手掌心大小，拎試手時仲暖笠笠，一口咬下酥皮非常鬆脆、牛油香氣撲鼻，入口的蘋果粒粒非常清新，完全食得出係Made in Japan，吉士醬都好香滑另外都買咗件雙層特濃朱古力蛋糕(細版)、都係招牌貨，一件要$35，本來覺得有少少貴，但食完係想買個大版返屋企食囉！超超超超超正啊！！！蛋糕入口軟綿順滑，最上一層朱古力很濃郁，中間兩層好creamy，朱古力海綿蛋糕做底，朱古力味道豐富口感分明，以朱古力控嚟講絕對係必食之選！！大推！！下次再嚟灣仔會encore(帶定冰袋)，同埋想試下嗰個檸檬忌廉芝士批、蒙布朗蛋糕睇落都幾好食，一於寫入To Eat List先！

係灣仔食完lunch之後，經過利東街下面既商場，見到呢間cocolo tokyo cake factory賣唔同批同蛋糕🤩都有幾多人買，一於入去買個拎走，當做下午茶食🤤批既選擇有幾款，最出名應該係蘋果批，另外仲有栗子批 甜薯批 杏仁朱古力批，身為薯控既我就選左甜薯批🤩$35一個，都幾大個，因為外賣拎走食，所以食之前我都叮左下。甜薯批係長條形的，外皮好酥脆，叮熱食熱辣辣好食d，蕃薯好足料，而且蕃薯好甜，同酥皮好夾，下次可以試下佢最出名既蘋果批！另外佢仲有賣d小蛋糕，價錢都係廿幾蚊件，性價比高，我就叫左一個紅茶蛋糕，雖然睇落去好似好多忌廉咁，但其實食落你一d都唔會膩，茶味都幾重，不知不覺就食哂成件，推介比鍾意食茶味蛋糕既人！

利東街最近開咗好多新嘅食店，喺網上面見到呢一間舖頭有好出名嘅蘋果批所以特別來試一試。環境方面⭐️⭐️⭐️⭐️成個店舖嘅設計一目了然，好清晰咁樣見到分別有批同埋蛋糕比大家選擇。而且成個舖頭嘅感覺俾人覺得好乾淨， 所以對於佢嘅食物第一觀感都唔錯！食物⭐️⭐️⭐️⭐️今次特別試咗一款唔係蘋果批嘅，朱古力批做得好鬆脆，入面基本上係朱古力同埋榛子醬嘅混合，食落都唔會話好甜。另外留意到佢有蛋糕賣，而家嘅蛋糕價錢亦都唔算貴，由$20至到$28不等。今次揀咗呢一款係摩卡蛋糕，識落有濃香嘅咖啡同埋朱古力味，價錢都只係$25一件。性價比都算高！

是日初七人日，所以買了兩件小甜點我同老公兩小口食。*檸檬忌廉芝士批（$35）蘋果批是這店的主打，不過下午來到已經賣光了；所以轉為試檸檬忌廉芝士批；因為一般檸檬味的甜品都會偏甜，但這個檸檬忌廉芝士批的甜度剛好；又有淡淡的檸檬香，就算是配忌廉芝士，都不覺得膩；由於外帶回家吃，酥皮凍了所以不太脆口，建議堂食最好。*焦糖堅果奶油蛋糕（$25）焦糖堅果奶油蛋糕比起想像中輕型；奶油和海綿蛋糕都很薄身，配上香口的堅果，一點都不覺肥膩。

冇得去旅行又好掛住日本嘅甜品，好彩灣仔又多咗間過江龍嘅東京直送蛋糕甜品店。舖頭位於灣仔利東街地庫商場，地鐵灣仔站D出口一出就到非常方便。店內招牌主打當然係青森蘋果批，但係睇到佢嘅凍櫃入邊都有好多款精緻嘅小蛋糕俾我哋揀。睇到款款都咁吸引就忍唔住叫咗兩款小蛋糕試吓佢。青森蘋果批王牌果然係王牌冇介紹錯！雖然我係外賣拎返屋企食凍咗少少，但係仍無損佢嘅美味！食落酥皮真係好鬆脆，一啲油益味都冇！內涵除咗滿滿嘅清森蘋果醬仲有香滑嘅吉士醬同埋煮得好琳嘅清心蘋果。清森蘋果酸酸尾尾嘅感覺真係同吉士醬好平衡。Tiramisu蛋糕個人比較鍾意Tiramisu蛋糕多啲，蛋糕體偏濕潤，奶油好creamy奶香十足，加上淡淡嘅咖啡香！配埋杯熱紅茶真係好正！紅茶奶油蛋糕紅茶奶油蛋糕都唔差㗎！食得出佢獨特嘅錫蘭紅茶香配埋香甜嘅奶油真係好夾！

理解需要直送，但是也应在店内解冻，不是叫我回家后解冻。整体味道一般，不太吸引，但是也不是很甜的那种。而且中间的那层是冰，有点吃起来古怪的感觉，不太习惯。未必会考虑第二次购买。

好耐無見大學同學，食完dinner，出到港島緊係買d甜品番屋企同屋企人食👏🏻呢間野最出名食蘋果批，蘋果批係日本直送，全人手製造，不過我麻麻地鍾意食蘋果批，所以叫左另外既批同蛋糕！佢選擇都幾多，仲有呢家大熱既montblanc蒙布朗蛋糕！🔅甜薯批佢一拎起手係熱辣辣好新鮮，酥皮好鬆脆，入面真係落足料有好多蕃薯，而且食落去好香甜！評分: 4.364/5🔅焦糖堅果奶油蛋糕佢呢個蛋糕雖然係有海綿蛋糕，但係佢cream既部分做得好好，同海綿蛋糕一齊食令個蛋糕唔會乾。同埋食落去真係有堅果同焦糖香味，不過我就覺得甜左少少，鍾意食全糖既就唔好錯過🤣評分: 4.243/5整體黎講價錢合理，食物質素幾好！

之前喺西貢食過一次青森蘋果批，原來利東街都有！可惜店入面無位坐，只係有少量企位。好彩我地好早嚟到，仲有唔少蘋果批剩。除咗好出名嘅蘋果批，呢間店舖仲有唔同口味嘅蛋糕，全部都好吸引啊！蘋果批好香口，蘋果蓉好濃，咬到中間仲有一粒粒蘋果粒，好食~ 食完唔會覺得好飽，反而開咗胃口，哈哈今次我地仲試咗伯爵茶味蛋糕。茶香味好出，甜而不膩，非常有驚喜。d cream亦唔似平時嘅蛋糕咁甜，但非常柔軟~食完後，枱下面仲有垃圾桶，自己清理番垃圾~

位於利東街地庫既Cocolo Tokyo Cake Factory專門售出來自日本既蘋果批 重有好多吾同類型既蛋糕🍰味去得日本旅行🧳🇯🇵都吾緊要！嚟呢度食個蛋糕思鄉先啦～🍋🧀檸檬芝士忌廉批 $35🍵🍰抺茶蒙布朗蛋糕 $28檸檬芝士忌廉批入面有好多層夾住檸檬芝士忌廉 我自己就覺得檸檬味可以再出啲再酸啲balance番出番吾同既口感 因為主要既餡係忌廉比較甜 個批好鬆化 好味😋抺茶蒙布朗蛋糕成個都好軟！入口即溶勁中意😍一啲都吾覺得太膩 抺茶味都吾會得甜味咁假 保留到小小苦澀味 讚👍🏻