Catee (已結業)

荃灣高質素西餐廳楊屋道街市附近，成日經過一間西餐廳好似幾有情調，今晚終於可以同朋友一齊試啦。七點鐘去到嘅時候，我哋成為餐廳嘅第一台客。入到去覺得環境幾特別，裝修好有心思，牆上仲有由餐廳名字砌成的發光燈泡裝飾。餐廳嘅一邊係一排沙發座椅，每張桌子上都有在水中懸浮的蠟燭，昏黄的燈光映照着餐廳嘅環境，真係格外有情調。店員殷勤又親切有禮地為我地介紹唔同嘅晚餐，餐牌嘅設計幾特別，最欣賞每一個主菜都可以加＄50轉為一個晚餐，就可以包括一個餐湯，餐包，甜品同飲品。鷹嘴豆湯+藜麥雜菜沙律起初以為跟套餐嘅湯同埋沙律一定十分馬虎，點知喜出望外。鷹嘴豆營養豐富，而且仲有止瀉、解毒和強身嘅作用，更加係低糖食物，所以聽到鷹嘴豆湯，梗係一定要試啦。濃稠鷹嘴豆湯有別於一般中國式的味道，鷹嘴豆蓉融合在湯中，對於不吃豆類的我也不會感到抗拒，非常易入口。藜麥沙律藜麥對健康嘅益處真係不需多講，佢嘅健康功效非常多，仲可以減肥添，所以有啲人認為藜麥係米嘅最佳代替品呢。除咗藜麥之外，雜菜都非常新鮮，配上沙律醋，非常醒胃。烤大蝦龍蝦汁意大利飯$148餐廳十分細心，大蝦經烤焗後再剝殻才放在飯上，即使拍拖約會也不用擔心吃得狼狽不堪，哈哈

Catee位置好方便，好近荃灣西地鐵站。內裏好有情調，又有蠟燭，好適合情侶去。我地叫咗帶子配黑魚子、parma ham配哈蜜瓜做前菜。廚師煎帶子煎到好香，配合清新爽口既黑魚子，好可口鹹味Parma ham配合甜蜜蜜既哈蜜瓜味道好特別main course我地叫咗黑毛豬，脂肪比例適中，好適合宜家追求健康嘅香港人。飲品方面有happy hour買一送一既優惠，好抵飲。我地叫咗virgin colada and mango milkshake全程侍應經常refill杯凍青瓜水，好開胃同好好服務！

餐廳的環境裝潢是昏昏暗暗的，有一種神秘感，配合以貓做主題，干添浪漫感覺。打頭陣當然是前菜吧！前菜有包和沙律。包是較為硬身的，加上欖油。很捧先說小食拼盤。小食拼盤大同小異，而呢間餐廳嘅小食拼盤，看似平平無奇，但其實內裡有驚喜喔！小食拼盤包括有炸雞翼、炸洋蔥圈、炸芝士及炸薯條。炸雞翼皮脆內嫩，好多時皮脆都會好乾的，但裡面肉汁好滿，真心正的！而洋蔥圈亦很大，入面真係有好多洋蔥嫁！最驚喜就是炸芝士啦，皮很脆但芝士好軟淋淋，而且非常濃味，真係好正嫁！而主菜是威爾頓三文魚扒。聽說是餐廳的招牌菜，而且店員說是有別於其他的做法，一於試下是何方神聖吧！卷皮是酥皮，很脆很薄，但味道煎香香的，而內裡有威靈頓厚三文魚，三文魚多汁而厚身，而且除了三文魚外，亦有鵝肝，所以口感非常豐富。最後就是甜品了。今天的甜品是紅豆配綠茶應該是最為合拍了，確是這個蛋糕很甜，不會很膩。而且一層層的賣相感觀也很好。

晚上去荃灣購買寵物用品，正好在寵物店附近發現一間名叫Catee的西餐廳，作為貓奴的我當然被吸引了，於是買完東西後進去吃晚餐⋯Catee的環境充滿情調，店內裝橫及氣氛很浪漫，一進店就是一個長長的酒吧，有著各式美酒，而名字叫Catee，的而且確內裡有著不少關於貓貓的掛畫及擺設，店員帶我們到一角安座，牆上還掛滿貓貓的圖片，其中一幅貓貓的神情很像我家的Table，Nosir說整餐晚飯都好像被Table看著一樣，有貓貓陪著吃飯，當然是一件美事⋯看看餐牌，有Dinner Set，有湯、沙律、Main Course、甜品和飲品，是豐富的6道菜，所以我們都沒有考慮，直接點Dinner Set⋯店員先為我們送來餐包，香軟美味，還有黑醋和橄欖沾包吃⋯餐飲我們點了凍奶茶和凍咖啡，奶茶的茶味很香，我喜歡茶味重的奶茶，Catee的茶味香得來沒有澀味，可以說是茶香奶滑，而凍咖啡的咖啡味道亦很香濃﹗是日餐湯：南瓜忌廉湯，南瓜味很濃，而且本身的甜味好出，打得非常香滑～跟餐沙律是滿驚喜的，因為全部都是高營養的超級食物，除了常用的沙律菜外，還有鷹咀豆、羽衣甘藍等，令到沙律不單營養豐富，還充滿不同口感和層次，西餐向來以肉為

食飯中途有個侍應俾左碟炸銀魚 話係免費俾我地試食 咁我地當然好開心啦 味道又不錯 話咁快食晒到埋單時掛住傾計無check單 咪照簽俾佢返到屋企睇返先知原來碟所謂「免費」銀魚收左$62 大家食完緊記睇單！！費事俾人收多錢啦！！同埋喺門口拎左定張印花卡俾佢埋單蓋印因為第一次幫襯佢淨係會俾張空白印花卡你 唔會蓋印佢預你第2次先會蓋印for第3次用 咁我今次消費唔算數？十級無奈😑😑😑咁講返句公道說話 食物質素同環境不錯 係經營手法好似...

環遊南美返香港後嘅第一個大餐就貢獻左俾呢餐慶生飯特登揀左壽星女最鍾意嘅貓貓主題餐廳，燈光裝修餐具全部都好有格調。兩個女仔一人一個dinner set，包飲品、沙律、主菜同甜品，另外好奇叫多左個小食，超級飽！小食-雙影帶子配黑魚子啫係兩隻煎香嘅帶子同兩隻生帶子。終於到戲玉！威靈頓三文魚-唔沾沙律醬會微腥，但鍾意食魚嘅壽星女好鍾意！全晚最推薦嘅就係呢個德國脆皮豬手！店員俾我地相機食完先攞去切，呃like必點食到飽一飽仲有甜品！係濃濃嘅芝士蛋糕。服務周到，食材新鮮，上菜速度好快，埋單每人350有找，不過想食三文魚鵝肝魚子豬手呢啲貴價野就絕對值回票價~ 拍拖撐檯腳慶生紀念日會再黎過

朋友介紹左我佢屋企附近一間新開既餐廳，我地book左位，6點幾仲去左食，因為唔想晚飯時間太多人～去到真係覺得餐廳唔錯，地方好乾淨整齊，裝修係用貓貓主題，有好多貓既掛畫，燈光暗暗地，有埋蠟燭同埋播英文歌，氣氛好好～我地叫左兩個dinner set同一個小食，大家share食～dinner set包法國餐包，沙津，湯，主菜，餐飲同甜品～今日既湯係粟米周打湯，入面好多料，西芹，紅蘿白...等等，好好飲～黑松露野菌意大利飯，松露味好重～好多菇～落足料落單時侍應會問飯既軟硬度，好細心，咁鐘意食軟身少少既可以同佢講呀～我地仲叫左餐飲菠蘿汁，小紅莓汁，夏天解解渴～另一個set既主菜，你威靈頓三文魚扒（伴刁草忌廉汁）真係必食，酥皮薄好鬆脆，包住三文魚扒，魚扒煎到岩岩好一d都唔會乾，好juicy，肉質好嫩好滑～真係好好味刁草忌廉汁，就淡香味，唔會搶左三文魚味，不過我鐘意乜都唔點，食原汁原味～仲有好有心機既伴碟，有小蕃茄，秋葵，菜瓜～真係好用心～另外小食我地叫左炸芝士條拌酸忌廉～因為我地超鐘意食芝士，就叫左呢個，熱辣辣送到黎，食一半，係拉哂長絲，芝士迷一定會心心眼～點左酸忌廉食落無咁'膩'！到最後既甜品喇

今日收工收得好夜，係荃灣收工後，簡單食餐好既就返屋企大覺訓😴搵左個住荃灣既朋友，佢話黎過呢間幾舒服，所以就一齊入左去食~燈光暗暗地，配上背景柔和既音樂，加上各樣裝飾，同大大個燈箱"catee"，入去第一個印象唔錯唔錯。睇完哂坐低後，梗係即刻拎個餐牌睇😂😂佢dinner set選擇幾多，有成10幾款，價錢100幾至200幾，最後我地叫左3樣野香辣雞翼炸得唔錯，唔油膩，裏面肉汁鎖住到。而且$58有成6隻，幾扺食！而香辣醬甜而帶辣，就算唔太食辣既人都應該食到，幾惹味！烤大蝦龍蝦汁意粉兩隻大蝦肉質結實，配上蘑菇同醬汁，加上大量既雜椒雜菜，感覺味濃得黎，又健康炸魚薯條他他醬薯條脆，魚柳外面睇以為好厚又油，點知外皮都算薄，而魚柳亦白滑，雖然偏淡，不過如果點返他他醬就岩岩好最後要杯fruitpunch, 為晚餐做一個甜蜜的點綴最後2個人食下食下，埋單3百幾，不過環境舒服，加上食物都唔錯，的確為疲勞的晚上作一點休息同充電👍🏼

自從老公來到荃灣區工作，所以放工時間多了在這區出沒，今次就來試試楊屋道的Catee。昏黃的燈光映照下，瀰漫著浪漫情調，非常適合情侶來撐枱腳。店面面積不大，二人位亦坐得有點擠擁。幸好這天早來了，weekday 晚上都全場滿座，所以最好事先book 定枱。牆上掛著很多趣緻的貓貓掛畫，因為Catee其實是以魚為重點食材的餐廳，在這裡我們都變成愛吃魚的貓 XDDinner set亦有不少款式。我們就點了兩個晚餐和兩個小食。跟餐飲品也有很多選擇。餐包點菜後，店員都會奉上餐包，不過稍嫌只是微暖，不太夠熱。粟米周打湯湯頭質感夠creamy，入口香滑又滿有甘甜的粟米味。而且材料亦很豐富，有很多薯仔粒、洋蔥碎等蔬菜配料。藜麥沙律藜麥含有高膳食纖維，吃起來更有咬口，拌上新鮮爽口的沙律菜，健康又開胃。意式炸銀魚 $62這道小食炸得金黃酥脆，不過炸漿似乎多了點，加上調味比較濃，主角銀魚的味道也被掩蓋了。炸芝士條伴酸忌廉 $68假如你是芝士控，必定會愛上這碟炸得外脆內軟的芝士條，點上酸忌廉，邪惡又美味。加熱後的芝士柔軟煙韌，融化之後更有拉力和彈性，可以做出拉絲啊！烤西班牙黑毛豬扒伴芥末籽醬及燒汁 $198雖然這

晏就入左荃灣幫人補習，之後就順便左兩個住係荃灣附近既朋友食晚飯朋友佢地話食乜都無所謂，而我就好想食下西餐之後朋友K就話附近有間開左無耐既西餐廳一直都未去試，不如就今晚同我地一齊去試下我地行左陣街，六點幾七點到就入左去，所以都唔洗等位就入得，呢度既燈光都比較柔和偏暗，岩晒情侶去撐下檯腳喺我地睇緊meun既期間，店員都好主動咁同我地介紹餐廳既菜式店員仲話我地知，呢度係想打造成為一間以"魚"做主打菜既西餐廳，都幾特別啵唔怪之得餐廳既四周都掛滿唔少貓貓既畫像啦既然想以魚做主打菜，咁我地當然要點下啲魚既菜式黎試下啦~我地total叫左兩個dinnet set再散叫左啲前菜小食一齊share-點完食物之後，店員就好快為我地送上麵包籃同跟餐既沙律同餐湯之後我地所點既沙律：“牛油果帶子沙律”HKd$88+10%；兩款前菜：“煙三文魚蟹肉波波”HKd$98+10%同“雙影帶子配黑魚子”HKd$108+10%；小食“Catee炸三文魚蛋”HKd$68+10%都逐一送上當中自己就最中意個"煙三文魚蟹肉波波"~一啖一粒，又香又鮮味，我仲獨吞左兩粒添雙影帶子都好鮮嫩，而炸三文魚蛋香口得黎都幾特別，仲好重三文魚味

😲好驚喜，荃灣有間咁有水準而且環境咁好既西餐廳！🌙環境好浪漫，裝潢同貓貓有關，好特別啊！👍🏻💫員工服務友善，成晚過得好舒服好開心🌹💥食物好新鮮，即嗌即煮，制作需時，品質有保證，絕對唔係整定，每樣出品都熱辣辣架🔥👅香辣雞翼。$58共6隻，雞翼炸得外脆內軟，雞肉唔止肉汁鎖得住，而且仲好嫩滑，配埋個香辣醬，好惹味！🌝👅Catee炸三文魚蛋。$68有4粒，好豐富的三文魚肉，雖然係炸，但係唔會乾，亦唔鬆散👅炸洋蔥圈伴他他汁。$48好正既炸洋蔥圈，雖然係熱氣D，但真係無敵，洋蔥圈炸得非常香脆，配他他醬，真係好好食👅威靈頓三文魚。$268威靈頓牛柳食得多，但威靈頓三文魚第一次食，原來係咁好食，三文魚滑，烹調時間掌握得宜係剛剛熟的，魚肉入味，酥皮三文魚配上刁草忌廉汁，真回味又難忘，高質就是這種跟餐有沙律、餐飲、餐湯、餐包、甜品🌙鷹咀豆沙律好特別，口感大增🌙檸水，如需要糖係方糖，好少見👍🏻🌙今晚係蕃茄湯，好濃厚既蕃茄湯好香好好味🌙餐廳特製好多自家醬汁，包括沾餐包的香醋，當中有黑椒、辣椒，沾餐包食好開胃，幾特別！🌙芒果慕思芝士蛋糕，完全唔膩，好清甜，以呢個甜品做完結，美好極了！🤗

又黎Catee la!餐廳開業不久，我已經黎過好幾次啦，因為無論食物質素、環境同服務，各樣野都好好值得表揚！晚餐時間，餐廳的燈光很醉人，營造很浪漫嘅氣氛，好適合情侶來啊！周圍都有貓貓畫，睇得出裝修好有心思食物都好出色除咗食物方面好抵讚之外，更加要講，老闆同埋員工服務態度都好好，好細心主動幫客人收拾同加水(插: 其實我地有玩到catee fb 遊戲，中咗獎！so so so lucky所以咸豬手同三文魚free 咗，雖然係送，但份量係full size! 同我地之前食嘅份量係一樣嘅，十分有誠意！老闆仲好好人，多送咗沙律餐飲同埋甜品添,原來呢個世上真係有免費晚餐！)今晚真係飲飽食醉！僅得一提的是，餐廳夜晚有真人鋼琴伴奏，好有氣氛令人回味喵，我們會再來的！

今日得閒就同朋友黎到荃灣行街，由於行得太晏嘅關係， 所以就諗住喺附近搵一間好啲嘅餐廳食飯，又咁啱難得遇上貓貓日，見到catee呢個名又幾心動下，就決定入去食飯。呢一度嘅環境雖然暗暗地， 但係就有啲浪漫嘅氣氛，亦都有一種寧靜同舒適嘅感覺。其實我幾鍾意佢嘅佈置， 呢度嘅佈置都係有關貓既，非常有特色。而最令我覺得意外嘅就係佢有嗰一張將世界地圖同貓連起來嘅圖畫。講番食物先，雖然我同朋友係兩個人，但係我哋都叫咗幾多嘢食，因為實在係太肚餓同太好奇喇，咩都想試啲，所以就咁樣啦。我哋叫咗兩個晚餐set。晚餐set嘅前菜有沙律同埋餐湯，佢嘅餐湯係蜆湯。而佢落嘅材料絕對唔吝嗇，因為蜆湯嘅底部係有好多蜆，兼且唔會有沙嘅存在。而當中亦都有好多薯仔粒同洋蔥粒，非常好飲好食。以佢嘅沙律就係藜麥沙律， 其實我都唔知咩嘢係藜麥， 但係佢嘅口感非常好配上沙律我落去卜卜聲，脆脆地，幾得意。而我哋嗌嘅兩個dinner set分別係：蒜辣鮮蝦意大利粉；同埋威靈頓三文魚。先講咗蒜辣鮮蝦意大利粉，其實佢唔係好難嘅 但係配上蒜茸嘅味道，成功增加味道，但係亦都唔會咁濃味。講到啲蝦，我覺得啲蝦都幾大隻加上新鮮爽口，所以呢一個晚餐，雖然

我同老公搵食搵到去荃灣，因為我要去民豐買水餃，再去楊屋道買肥牛。順路搵食搵到呢間Catee餐廳，初時我以為係以貓為主題，餐廳內會唔會有貓貓呢？原來係以魚為主打食材嘅餐廳。點解？因為貓鍾意食魚囉！餐廳環境好舒適，裝修好有格調，用餐環境偏暗，頗適合情侶約會，呵呵。當日我同老公都好有「食力」，先叫左幾個頭盤：左邊：煙三文魚蟹肉波波（$98）一道精緻嘅冷盤，煙三文魚包住蟹肉，口感豐富。右邊：Catee炸三文魚蛋（$68）第二味頭盤都係魚！用三文魚肉炸成魚蛋，好創新，經理推介用鋪底嘅火箭菜包住炸三文魚蛋食，比淨食更清新。意猶未盡，再叫多個頭盤。右邊：雙影帶子配黑魚子（$108）所謂雙影帶子原來分別係煎帶子及烚帶子然後低溫凍煮。個人鍾意煎帶子，簡單帶出表面金黃，內裏半生狀態嘅口感。我地叫左兩個晚餐，跟餐有餐湯（番茄濃湯）、沙律（鷹嘴豆沙律）、餐包，飲品及甜品。威靈頓三文魚扒（伴刁草忌廉汁）（$268）呢個大推！！！首先，以前只係聽過威靈頓牛扒但未食過，呢道威靈頓三文魚扒係以鵝肝及Parma ham包住三文魚焗而成，外面酥皮酥脆，內裡有幾種層次，三文魚肉質嫩滑，好有驚喜。烤西班牙黑毛豬扒伴芥末籽醬及

放工有飯局係開心嘅。知道今晚會去一間以貓做主題嘅餐廳，我呢個貓痴就更開心啦！餐廳個名係Catee。冇做過research，以為係貓cafe。去到先知唔係。雖然唔係，我都好開心，因為牆上掛滿貓嘅相片。重係用相架鑲起，好別緻啊。有夜盲症嘅慎入！講笑啦。咁講係因為店入特意將燈光調暗，枱面放一支假蠟燭，營造一種放鬆嘅感覺，讓客人恍似在吃燭光晚餐一樣。前菜嗌左Hoegaarden啤酒煮蜆，啤酒唔苦反而有酒香，蜆完全唔鯹，蜆肉大小剛好，唔會太細粒，食完好似冇食咁，而係啖啖肉！你以為就咁酒加蜆？咁你就錯啦。重有三色椒同洋蔥，份量多到可以遮住個蜆肉呀。我平時冇飲開酒都忍唔住攞個蜆殼「北」d酒黎飲。因為實在太好味啦！小食嗌左炸三文魚蛋。聽侍應建議連火箭菜一齊食，火箭菜微苦，同微甜嘅三文魚同吃，甜苦交錯，給味覺添上多重層次。軟身嘅火箭菜配上脆口嘅魚蛋，口感豐富！唯一美中不足的是魚蛋脆到有d硬，如果唔炸咁耐應該會好d。烤帶子南瓜長通粉帶子好大粒，好似樽蓋咁大，厚度有一至兩cm咁厚，wow，好抵食呀！帶子有幾大粒，咁形容好似都好虛無。朋友誇張到刀切。你可以想像有幾大粒啦。帶子鮮甜。芝士同南瓜蓉完美融合，南瓜甜