影片
更多
2017-08-20
70 浏览
放工有飯局係開心嘅。知道今晚會去一間以貓做主題嘅餐廳，我呢個貓痴就更開心啦！餐廳個名係Catee。冇做過research，以為係貓cafe。去到先知唔係。雖然唔係，我都好開心，因為牆上掛滿貓嘅相片。重係用相架鑲起，好別緻啊。有夜盲症嘅慎入！講笑啦。咁講係因為店入特意將燈光調暗，枱面放一支假蠟燭，營造一種放鬆嘅感覺，讓客人恍似在吃燭光晚餐一樣。前菜嗌左Hoegaarden啤酒煮蜆，啤酒唔苦反而有酒香，蜆完全唔鯹，蜆肉大小剛好，唔會太細粒，食完好似冇食咁，而係啖啖肉！你以為就咁酒加蜆？咁你就錯啦。重有三色椒同洋蔥，份量多到可以遮住個蜆肉呀。我平時冇飲開酒都忍唔住攞個蜆殼「北」d酒黎飲。因為實在太好味啦！小食嗌左炸三文魚蛋。聽侍應建議連火箭菜一齊食，火箭菜微苦，同微甜嘅三文魚同吃，甜苦交錯，給味覺添上多重層次。軟身嘅火箭菜配上脆口嘅魚蛋，口感豐富！唯一美中不足的是魚蛋脆到有d硬，如果唔炸咁耐應該會好d。烤帶子南瓜長通粉帶子好大粒，好似樽蓋咁大，厚度有一至兩cm咁厚，wow，好抵食呀！帶子有幾大粒，咁形容好似都好虛無。朋友誇張到刀切。你可以想像有幾大粒啦。帶子鮮甜。芝士同南瓜蓉完美融合，南瓜甜
有夜盲症嘅慎入！講笑啦。咁講係因為店入特意將燈光調暗，枱面放一支假蠟燭，營造一種放鬆嘅感覺，讓客人恍似在吃燭光晚餐一樣。
前菜嗌左Hoegaarden啤酒煮蜆，啤酒唔苦反而有酒香，蜆完全唔鯹，蜆肉大小剛好，唔會太細粒，食完好似冇食咁，而係啖啖肉！你以為就咁酒加蜆？咁你就錯啦。重有三色椒同洋蔥，份量多到可以遮住個蜆肉呀。我平時冇飲開酒都忍唔住攞個蜆殼「北」d酒黎飲。因為實在太好味啦！
小食嗌左炸三文魚蛋。聽侍應建議連火箭菜一齊食，火箭菜微苦，同微甜嘅三文魚同吃，甜苦交錯，給味覺添上多重層次。軟身嘅火箭菜配上脆口嘅魚蛋，口感豐富！唯一美中不足的是魚蛋脆到有d硬，如果唔炸咁耐應該會好d。
烤帶子南瓜長通粉帶子好大粒，好似樽蓋咁大，厚度有一至兩cm咁厚，wow，好抵食呀！帶子有幾大粒，咁形容好似都好虛無。朋友誇張到刀切。你可以想像有幾大粒啦。帶子鮮甜。芝士同南瓜蓉完美融合，南瓜甜甜地，好味！配菜有露筍同草菇，露筍新鮮爽脆，草菇切成薄片，滑溜易入口。
Set dinner點左威靈頓三文魚扒伴刁草忌廉汁。三文魚扒共有兩件。用酥皮包住厚厚嘅三文魚扒。酥皮好香，三文魚魚脂一路食一路慢慢滲出，魚脂好香。酥皮配湯就試過，配三文魚扒都係第一次，發覺咁嘅配答都唔錯，不過食完感覺就飽左d。因為我本身鍾意食酥皮啊、撻果d，所以呢味餸好啱我口味。刁草忌廉汁味道似cream cheese，三文魚扒本身已經好好食，點埋刁草忌廉汁令味道更豐富！食完呢味餸，我覺得自己變左隻貓😂。配菜有沙律菜，用上多款沙律菜，以為沙律菜冇咩特別啦，呀！食落係脆架！係脆架！真係好新鮮呀！蕃茄仔有三粒，特別嘅係佢係暖架！重有秋葵同茄子。秋葵係炒過嘅，茄子好似粒波咁，圓碌碌，食落爽脆，本身唔知以為係菇，經好友一講先知係茄子！
隨餐奉送湯、沙律、飲品及甜品。總共送四樣野，好抵呀！餐飲重可以轉飲酒，普通啤酒有，紅酒白酒都有得飲呀，真係抵到爛！
湯係薯蓉湯，入口感覺到薯蓉一粒粒嘅口感，好實在。
餐沙律上嘅時候，留意到有d一粒粒紅色嘅野。好奇問侍應先知係藜麥。侍應好耐心咁解釋，話藜麥可以令到沙律更有口感，而且更健康。真係好有心思呀！
侍應推介左兩隻紅酒比我地飲，其中一隻叫Valparra幾好飲。佢唔苦，好易入口，連我呢個唔係太鍾意飲酒嘅人都忍唔住飲曬！
最後食埋餐甜品。Newyork cheese cake好濃芝士味，鍾意芝士嘅朋友千祺唔好錯過啦！除左芝士味，奶味都好濃郁。同一般芝士蛋糕唔同，普通芝士蛋糕大多都落左好多糖，搞到好甜。呢個cheese cake就唔同啦，食落口唔會覺得太甜之餘，你係食得出芝士嘅味。
张贴
