黑樺牛 (已結業)

近排天氣又凍咗少少，梗係要食返個火鍋暖吓身，尖沙咀呢間黑樺牛有個熊本A5黑樺和牛放題，冇理由唔獎勵自己一餐正嘅☺️湯底方面叫咗野生竹笙松茸鍋，真心好唔錯，湯底清甜，而且松茸味好濃郁突出，份外吸引，唔想食太濃味嘅湯底，呢款都係唔錯嘅選擇😚中意食牛嘅人有福啦，我地叫咗精選、盛合、層架，總共有超過10款牛以上，有後腰肉、千本筋、牛小排等等，多到數唔晒，食到我地超級開心🥳個人最鍾意牛前胸，口感少少爽，而且牛香味重，唔會太過油膩，啱晒打邊爐😚除咗肉以外，海鮮都非常高質，有大大粒爽口嘅帶子、新鮮肥美嘅蠔同埋鮮甜嘅大蝦，個人最鍾意個帶子，超級jumbo勁多肉❤️其他嘢食方面都多樣，服飾方面叫咗麻辣&椒鹽雞軟骨、麻辣魚皮，雞軟骨好正，脆身惹味☺️蔬菜叫咗唐生菜、金菇，爽脆辣鮮，中和食肉嘅膩感一流🤩飲品攞咗佢地自家製嘅白桃烏龍，清香微甘；雪糕就攞咗榴連味，勁級濃郁，好味道啊😍餐廳環境裝埋都好有心思，整體明亮，衛生程度都相當好，而且值得一讚嘅位係上菜非常快，食得好滿足👍🏻

位於尖沙咀鬧市間的一家樓上日本和牛火鍋店，餐廳門口及前台位置都放滿了黑樺和牛照片、擺設及證書，而且整個環境散發著濃香牛肉味。座位不算太多，但是每枱也很寬敞，枱面大，有二至三個爐頭，並有空間可放置很多盤子。特色火鍋湯底：黑樺祕製酸辣魚鍋一整鍋滿滿的食材，除了魚片外，還有大量配菜，蓮藕片、酸菜、蔬菜、雲耳、粉絲。湯底滾得越久，酸辣味道越出眾，不用蘸火鍋調味料也可。食材浸一浸已經吸收其精華及湯汁。魚肉薄片，很滑溜，待湯滾熟後，就可以享用，不然魚肉會散成細碎。入座禮物：北海道大元貝牡蠣海鮮拼盤附送的拼盤是供2人同行及預先已訂座的客人，海鮮分別有大海蝦、大元貝及牡蠣，放在鐵鑊上面燒，店員期間會確保海鮮燒的情況，並淋上玫瑰酒，令海鮮陷入火焰之中。元貝及牡蠣大大一顆，肉質飽滿多汁。入座禮物：黑樺牧場精選層架侍應端上了一個精緻的層架，鳥籠設計，分別放上和牛花、肩胛梅花、水豚梅花肉以及各款手打丸子。黑樺和牛每一碟的份量都不少，新鮮又高質素的和牛，各具特色，有多個部位選擇，有些更加是稀有部位，如千本筋，取自和牛腿腱位置，帶有筋位，所以口感爽彈。肩胛梅花則是油脂較豐腴，肉質亦相對其他部位更加粉嫩，輕涮十秒已

朋友想打個邊爐，上網搵到好地方，就立即訂檯同朋友開餐！120分鐘可以慢慢歎A5黑樺和牛！湯式有好多選擇，有辣有唔辣，有啲仲好有特色。今次試花雕日本薩摩雞藥膳鍋，湯頭清甜中有藥材味，建議打邊爐前先飲返碗，而雞肉煮完都唔會韌，仲好有雞味！◽️ 必食黑樺和牛有唔同嘅部位揀，無論係油香重啲、肉味濃啲、食落有口感啲，一應俱全，包括：特上霜降小排、牛小排、上肩胛肉、肩胛梅花、牛前胸、牛頸脊，全部都各有特色。玉子後腰肉相當打卡，加上蛋黃更滑溜；更我喜歡的牛胸爽，款式多多，保證滿足到牛魔王。◽️ 配料由丸類、餃子、蔬菜等等，仲有多款小食，極豐富，心多多人士一定滿意！提提大家，坐低店員就有入座禮物，包括黑樺牧場精選層架，有手工丸子、豬肉和牛肉，丸子有雞肉、牛丸等，粒粒好味。另外，由於提早訂位，2人同行有海鮮拼盤，北海道大元貝、牡蠣及蝦，店員加入少少酒再蒸，鮮甜中帶陣陣酒香。最後，記得飲埋佢哋自家冷泡茶，解膩一流；而雪糕都有好多選擇，捧腹而回！

看到媒體的介紹，來試試黑樺牛，反正已有一段時間沒有吃火鍋了。餐廳地方尚算寬躺，也很整潔，這方面絕對加分！服務員的態度很好，都是年輕男生，工作細心而且盡責！我們是第一次來，非常有驚喜！首先來個火焰海鮮，在客人面前先表演一下。我們選了一個每日限量供應的台灣麻辣火山煱，也很有特色，麻辣香味濃郁！至於火煱配料方面，他們的黑樺牛有多種不同部位選擇，肉質嫩滑味道各有千秋。每一塊牛肉切工細緻整齊排列，賣相很不錯，看得出餐廳老闆的高要求和員工認真的工作態度！除了黑樺牛，當然亦有台灣小吃和其他火煱配料，食物質素甚高！另外每一枱也有一個三層金雀籠火煱配料set, 有特色又給人高檔次的感受！吃過了火鍋，當然不少得吃甜品。我選擇獨立包裝的雪糕球和榴槤雪條，味道好衛生又不太甜。這次用餐體驗非常滿意！

忙住湊囡兩個月,今日點都要出關.朋友極力介紹呢間開業不久的黑樺牛 @kurohanagyu.hk 絕對適合我呢個大胃牛魔王,而且地點喺尖沙咀,絕對就腳.揀咗一個$398放題套餐,A5和牛任吃之餘,仲有日本佐賀名水豚,手工鍋物,火鍋配料,蔬菜及小食類無限任叫. 自助區亦提供沙冰,雪糕,自家飲品無限添加.未選湯底之前,店員先送我一個海鮮拼盤.有生蠔海蝦元貝,鮮味十足.湯底選擇了每日限定的台灣麻辣火山鍋,用一整個冬瓜墊底,再鋪上A5和牛,配菜方面有鴨血蓮藕雲耳及其他蔬菜,辣味十足,湯底鮮甜惹味.店員亦非常貼心,每個牛的部位也送上一碟,桌面上亦有簡介,知道每個部位大概烹調多久,牛肉味道濃郁,脂肪分佈平均,簡直是牛魔王的福音.小食方面今次亦選擇了幾款,最讚的是椒鹽牡丹蝦,的確是比較少見,蝦頭鮮味濃郁,蝦肉彈牙,值得encore.人均消費💰 ： ＄ 398總結✍ ： A5和牛吸引.其他小食亦出色.

Seafood appetiser & Japanese wagyu海鮮頭盤、多款日本和牛🥩食火鍋之前有個好正嘅燒海鮮appetiser，入面有新鮮嘅蠔🦪、帶子同爽口大蝦🦐，牛肉方便都有大概八款選擇，包括有肩胛梅花、牛頸脊、牛小排、手工後腰肉等，全部都係來自日本自家農場🇯🇵，高質軟嫩，有信心保證啊！Hokkaido tofu and cheese hotpot 🏵北海道豆乳玫瑰拉絲芝士鍋Lunch 放題有五款湯底可以揀，好似有台灣麻辣火山鍋同埋秘製酸辣魚鍋，今次揀咗每日限量供應嘅北海道玫瑰豆乳芝士鍋 🫕，玫瑰花形狀嘅芝士豆腐影相好靚，幾特別成個湯底又好creamy 😋Hotpot ingredients 丸類、蔬菜、其他火鍋配料 🌿🍗火鍋配料嘅選擇都好多，除咗有餐廳homemade嘅幾種爽口彈牙丸類之外，仲有呢度獨有嘅炸紫菜響鈴卷、手工餃子、手打蝦滑😍，同個特色豆腐火鍋一齊食好match 嫁Beverages 樽裝、自家製飲品 🍹餐廳有多款飲品用嚟配火鍋，好似有自家製嘅四款茶、罐裝汽水🥤、每日唔同嘅新鮮沙冰🍧，仲有兩三款雪條揀，食埋dessert 之後更加滿足👍🏻

喂喂‼️有好嘢介紹呀🤤尖沙咀日本過江龍黑樺牛牧場歷史悠久🤩高質黑樺和牛火鍋放題都係$398咋👏🏻👏🏻點可以唔試😙有8款特色湯底，每款都好吸引😍今次試花雕日本薩摩雞藥膳鍋，老人家要補補佢🤭先有3層架嘅頭盤，有牛、豬、丸另外放題有8款唔同嘅A5和牛，梗係要試晒啦‼️有玉子後腰肉、牛頸脊、上肩胛肉、肩胛梅花、牛前胸、特上霜降牛小排、牛小排、千本筋😉我特別鍾愛千本筋、特上霜降牛小排同玉子後腰肉❤️✨千本筋肉味濃郁，有好多細細嘅牛筋，但口感好嫩滑👍🏻✨特上霜降牛小排油香十足，油花分布均勻，唔洗講都知正🤭✨玉子後腰肉蘸滿日本卵汁嘅後腰肉，肉質潤透，順潤不滯👍🏻⚠️2人同行提前2日訂位會送海鮮拼盤👏🏻有北海道大元貝、日本自家養殖牡蠣🦪同蝦有專人幫手處理，等食就得喇🤭海鮮夠鮮甜，非常對味🤤其他放題食物種類都有好多真係啱晒有黑洞嘅朋友我無能為力試晒咁多食物😅留返下次再試💪🏻

特上霜降小排、牛小排、肩胛梅花、牛前胸、上肩胛肉玉子、後腰肉、牛頸脊or千本筋呢？我講緊嘅係黑樺和牛放題啊可以120分鐘任食真係有排揀呀今次叫咗酸菜魚湯底鍾意佢夠晒麻辣而且一啲都唔馬虎入面好足料雪櫃有好多飲品揀咗桃烏龍最健康🤣特別想讚下佢哋嘅炸物全部都係新鮮即刻炸同埋味道唔錯包括有炸蝦炸薯餅炸雞軟骨真係包羅萬有絕對稱得上為出色識得食一定會狂點特上霜降小排佢油脂分泌比較多所以入口即溶真係好正宗嘅日本和牛呀最後仲可以去雪櫃拎雪糕食店員推介我哋食糯米雪條真係唔錯喎

尖沙咀有啲咩放題選擇係高質嘅呢?黑樺和牛可以120分鐘任食由熊本直送嘅A5和牛而且佢嘅部位選擇都10分多啱晒唔同口味嘅你我揀左酸菜魚鍋 酸菜魚鍋入面除咗魚之外仲有好多配菜不過味道就真係比較麻辣 我唔識得辣嘅朋友可能要轉其他鍋底啦入座即送嘅海鮮拼盤每人一份包括生蠔元貝大蝦 加左酒入去 味道很好肩胛梅花係我嘅最愛減緊肥嘅女士們一定要試吓呢一隻牛佢係油脂比較少味道好香濃食咗好多飲品方面可以出去自己斟沙冰有楊枝甘露蜜瓜味同埋荔枝味我就鍾意三樣都溝埋一齊總結：佢嘅性價比好高，唔算貴，味道又好，環境都夠寬躺

尖沙咀最近有間新店主打任食A5和牛火鍋，店名為「黑樺牛」位於尖沙咀堪富利士道6-6A號爵寓1樓。黑樺牧場和牛火鍋放題，由日本黑樺牛牧場直送新鮮和牛，120分鐘任食任飲，每位$398加1服務費。有8款不同部位的A5和牛任君選擇，有特上霜降小排、牛小排、上肩胛肉、玉子後腰肉、肩胛梅花、牛前胸、牛頸脊、千本筋，各具口感，質素極高，仲可以任點任食， 牛魔王一定超愛。湯底都亦有多款選擇，有2款湯底是每日限量供應，「台灣麻辣火山鍋」及「北海道豆乳玫瑰拉絲芝士鍋」，其他湯底不用提早預定。我們選了「台灣麻辣火山鍋」湯底，個火山鍋打卡的確一流，火山是用冬瓜肉做成之後舖上牛肉， 旁邊放了黑木耳、蓮藕及鴨血，之後職員會點火，最後就加上麻辣湯， 極似火山一樣，勁吸引，像真度100分。跟住頭盤來一個海鮮拼盤，職員再度點火，焗20分鐘便可食用。海鮮有生蠔、扇貝、海蝦。全部由日本直送，非常鮮甜。入座後職員會送上黑樺牧場精選層架，第一層是當日最新鮮的黑樺牧場和牛，第二層是日本佐賀名水豚梅花肉，第三層有自家製手打丸，賣相靚火鍋配搭又豐富。主角出場A5和牛上枱，首先「A5熊本黑樺和牛千本筋」千本筋這部位出面不是很多多地方

無意中係openrice見到依間新餐廳，見到價錢唔算貴又全日同一價錢，仲有A5黑樺和牛，仲要係任食!勁吸引！海鮮就得頭盤，帶子整得剛剛好，蠔肥肥的！（可另外加錢再叫）我比較喜歡食霜降牛，牛味濃，入口即溶！好好味～高GP之選！仲有好多其他野食，有豬，手工鍋物，火鍋配料，蔬菜，小食...仲有沙冰飲～楊枝金露係佢地主打，今日仲有蜜瓜沙冰！仲有大支茶，汽水...任飲！！值得再去，誠意推薦！有一樣野唔係咁好，檯比較細，廁所得一格！要去廁所可能要等下！#尖沙咀 #黑樺牛 #尖沙咀美食 #A5和牛任食

放假前book左呢間黑樺和牛火煱,馳名既當然係佢地既和牛肉,各款牛肉都試左,最好味首推牛小排,其他部位如牛肩鉀,牛頸脊都還可以,稍嫌肥油部份太多,所以最後都係擇選食小牛排.佢地送既頭盤牡蠣/大蝦/元貝都大隻好食.最後稍為不大滿意係每次到枱既和牛都雪到實一實,起唔到,等一輪先溶開,好浪費時間.其他食物就叫左個炸蝦及麻辣牛柏頁,但麻辣味不及正宗的四川味道,飲品自助揀左荔枝烏龍茶,都幾好飲.最後叫多轉酒燒元貝,完滿結束.

今天難得和男朋友一起放假，午餐先去食餐好嘅，佢帶咗我哋黎呢間專食日本A5和牛火鍋放題嘅餐廳，和牛質素唔錯。另外，食物又有啲驚喜，適合打卡。鍋底我哋揀咗黑松露野生竹笙松茸菌鍋，貪佢充滿菌香，味道清清地，唔會掩蓋和牛嘅味道。坐下不久，侍應便帶來第一個驚喜，原來每台都送一個海鮮拼盤，有大蝦，生蠔同扇貝，侍應我用火槍做效果俾大家影相，海鮮熟咗之後有專人幫手剝蠔殼同埋扇貝，食得好方便，海鮮係日本直送，都幾新鮮，鮮味十足，有海水味。食完海鮮之後又有第二個驚喜，就係訂座先有的頭盤，用下午茶三層架擺得靚靚，有用牛冧肉砌成的玫瑰花，日本豚肉同埋手打丸，女仔最鍾意，打卡一流。牛冧肉係單點冇得點㗎，肉味頗濃。日本豚肉都幾滑，手打丸有蝦丸，墨魚丸同豬肉丸都幾爽口彈牙。之後我哋點咗勁多熊本黑樺A5和牛，有不同嘅部位選擇，有特上霜降小排、肩胛梅花、上肩胛肉、牛小排、牛頸脊、干本筋同埋牛前胸，我哋每款都試過，每款肉質同埋味道都有所不同。我哋最鍾意特上霜降小排，油脂分布均勻，油花好靚，入口嫩滑，有少少入口即溶嘅感覺，超滿足，我哋專攻呢一款，一定回本。其次喜歡嘅就係牛小排，油脂冇特上霜降小排咁多，但牛小排牛味較濃厚。肩

第一次去新開 所有野做得唔錯 今日第二日去真係差好遠 同上次一樣食17:15 一上到去只有一枱客 但安排我地坐一張二人枱 其實真係唔夠位 已經即時反映其實咁多卡位冇人坐 點解要安排我地坐二人枱 個男人（唔知係咪經理）就話有客request左 最後都係坐張二人枱之後一黎就放盤海鮮上黎 之後上埋果個生肉籃 但你放係到做乜呢？又未開始打爐又阻訂 張枱已經窄 冇乜位 其實隔離果張二人枱都冇人坐 點解唔放過去 我仲要等左個盤野燒10分鐘 裡面D蠔呀 帶子仲係冰 之後我叫佢地拎開快D上雞煲 浪費左我十分鐘時間 個雞煲一上到黎 真係好麻麻 乾煎冇咩汁 仲要超過十件都係雞奕 雪藏雞都預左 但你成煲都係雞奕 不如叫雞奕煲啦D肉同其他野正常 到差唔多七點 都仲有兩張卡位係吉 都真係好唔明點樣安排 既然D客未到又唔係book咁早 點解唔俾早割既客坐左先？劣評我係俾個安排 野食係正常！不過成餐飯真係比第一次爭好遠！第一次有個好好既阿姨 服務好又會講解D食材 今次就換曬一班後生 質素爭好遠

預早2星期預訂，留左豆乳湯底同request 要卡位，對方話會為我盡量預留座位安排，因為卡位比較大，多數要3-4人以上坐的，ok！我表示明白了解，咁盡量安排～謝謝用餐當日630到達，點知最後卡位竟然真係留5到俾我，而我地見到多張卡位都係2人一枱囉🙄🙄🙄卻安排我地坐沙冰機隔位，坐位非常非常狹窄，老實講放左湯底都無乜位可以放野食送左個海鮮簡直完全浪費時間，蒸左一陣我地叫侍應換成直接火鍋就算豆乳湯底正，好靚～湯都飲左半碗食物只能咁樣安放，隔離枱溫馨提示我哋D牛冷藏到結冰勁硬完全夾5到要早D叫定解凍放左幾個字先解凍到😅😅呢個都係店鋪特色架之一，order左成個鐘先有😅😅其實係鋪頭5夠人做野，雖然勁忙勁忙，但所有侍應服務態度非常非常好架，5會因為客多攪5點西面or5理你，呢樣係好欣賞個豆乳湯底好正，會再光顧，但我想揀佢地無咁忙既時候嚟，我想坐梳化位慢慢嘆😂😂