黑樺牛 (已結業)

真係好耐冇食過啲咁優質嘅放題！今次嚟到位於尖沙咀嘅黑樺牛，呢一間餐廳有啲唔起眼，位於格蘭中心隔離嘅。餐廳新裝修，不過服務依然超卓，侍應都好好態度，讚！我哋叫咗佢主打嘅日本黑样牛火鍋放題，大人每位成為$398 ，不過覺得呢口價超值！原因？跟住你就會知！一嚟到，我哋就喺收銀處揀咗想要嘅鍋底：🔥火焰麻辣雞煲🍲本身諗咗好耐要芝士定還是麻辣雞煲，好彩最後都揀咗麻辣雞煲，完全冇令我失望🫶呢度嘅侍應會喺雞煲上灑上酒精，再用火點燃，令到呢一個雞煲經過火炙，釋放出雞嘅香味😗而且，佢嘅雞件十分之多，亦都唔會全部都係骨，啱晒我呢個食肉獸！餐廳真係好豪爽， $398裏便竟然仲包括埋一人一份嘅海鮮拼盤：生蠔、帶子、蝦前面兩款海鮮都非常之鮮甜、而且生蠔食得出好新鮮！不過依個海鮮拼盤並唔係刺身用，佢會用煎煮嘅形式，放喺鐵板燒10分鐘，時間一度起蓋就可以食得啦！我想特別提一提服務員會勁好咁幫你料理，各位客棺完全唔使擔心！呢一間餐廳開宗明義就係食靚牛肉！我哋梗係唔執輸，嗌咗好多超好食嘅牛肉部位！個人最推介就係牛胸爽呢一個菜式唔係好多地方都會提供到，感覺就好似食緊$1好爽口、有嘴勁嘅白色脂肪，食落去喺喉嚨之間畫過，一片真

最近成日喺社交平台睇到介紹呢一間火鍋放題。見到個樣都幾靚仔，心郁郁走去試吓。值得讚嘅係現實同埋相都好似。但係除咗呢樣嘢之外，冇一個地方值得讚。首先服務員嘅態度非常之差。一入到去攞位，已經好似欠佢好多錢咁。都無所謂，又唔係啲咩特別高級嘅地方，冇遇到佢有特別好嘅服務。當時人唔多，只有一台客。所以應該唔係因為忙而心情差。之後慢慢有其他客陸續入嚟。喺醬料區嗰度整咗一碗醬料，拎返枱嗰度食。牛肉沾左啲醬料就食啦。感覺同味道都正常嘅。但係呢個時候突然發現醬料入邊有啲嘢郁緊。望真啲原來係一條大概1cm長，大概一支牙籤粗幼嘅蟲激烈咁掙扎緊。顏色似麥皮蟲。忍唔住大叫。侍應聽到，即刻走過來問吓發生咩事。話俾佢聽有蟲，佢仲唔信，佢望住碗嘢都話冇。但係好快就收走咗，所以冇機會影相。之後佢強調可能係啲蔬菜嘅蟲。我都明白到有時餐廳啲菜洗唔乾淨係會有啲菜蟲嘅。雖然感覺唔好但都算。因為我哋整嘅係混醬，我真係唔知道條蟲係啲芫荽度走出嚟定係喺啲蔥嗰度走出嚟。之後見到佢哋收走晒醬料區嘅嘢，應該換晒掛。佢哋冇通知其他已經攞咗醬料嘅客人。希望其他人冇食到蟲啦。其實之後諗返，菜重唔係綠色嘅咩？不過可能我見識淺，可能有啲菜蟲好似麥皮

🤍黑樺牛🖤尖沙咀堪富利士道6-6A號爵寓1樓📍知道最近黑樺牛做緊A5熊本黑樺和牛火鍋放題，全日都係$398！喺出邊食兩三碟都已經唔止呢個價錢，所以一於訂位同朋友試吓！🥘入到去首先揀咗鍋底，種類選擇極多，有麻辣雞煲、酸菜魚煲、豆乳芝士鍋等等，由於一陣都食和牛，我哋揀咗健康清新少少嘅花雕日本蕯摩雞藥膳鍋，湯底非常重藥膳味，加埋嫩滑嘅花雕醉雞夠晒養生。🥓店員好快手就俾咗張QR code紙我哋自己落單，呢度嘅A5熊本黑樺和牛，所有部位都係任食！包括特上霜降小排、和牛牛小排、上肩胛肉、肩胛梅花、牛前胸、玉子後腰肉、牛頸脊等。估唔到可以有咁多和牛部位任食，確保可以回本！！🥩每款和牛質素都極佳，最推薦嘅係特上霜降小排同上肩胛肉，霜降油花分布勻稱，肉質軟嫩，淥咗大約5秒就可以食，放入口即化。🦪由於我哋提前訂座，餐廳送咗一份北海道大元貝牡蠣海鮮拼盤，店員會喺我哋面前用火槍燒起，再焗10分鐘。當中牡蠣大隻鮮甜，海水味濃郁！另外仲有一個精選三層架，會有啲肉類同埋丸類俾我哋打卡🥟配料方面呢度都非常出色，有唔少嘅特別產品，例如和牛餃子、即炸嘅紫菜響鈴、手打金鑽太極蝦滑、鴨血等等，除咗冷泡茶同台式韓式飲料之外，仲

黑樺牛 試左你就黑了 你就谷樺氣了 你男朋可能變左隻牛 你女朋友可能西足你隻樺牛成世！警世文一篇：） 嘩 A5和牛呀 咦 仲係放題 不如試下啦 仲要新開 新開險中求 求到伏樺牛 ⚠️自家農場圈養牛牛 一入門見到可愛黑毛牛牛🐮 裝修乾淨企理 原來想食好西 係絕對唔可以有想食好西既邪念！先講booking 樺牛有自己風格 假若你係經whatsapp booking 都會遇上信號接收不良 一日覆一次 個人建議早三至四日進行booking香港人分秒必爭 枱既空位當然同演唱會門票一樣 下一秒8點有位 再下多幾秒就8:30架喇當然唔似搶mirror飛咁 下一秒 哈 位你都冇落order樺牛sysetem相當先進 當然 在尖沙咀要站穩陣腳 當然要與同業睇齊 Qr code 落order 尖沙咀核心地帶 原來都存在好多盲點 你點餐恐怕要給予耐性 想修心養性 做個内心四平八穩既人 性急的人 恐怕你配唔起入樺門用膳 圈圈⭕️在介面長留你心中多枱性急的顧客 按奈不住 人類原始既慾望要出來了 我們渴望與人有交流 ！！唔該 我地落左啲可愛樺牛 我啲蟹柳 我的訴求係食A5樺牛 可以追追嗎 媽 你真好追！ 一心向向彿既

早前IG見到有媒體介紹依間新開和牛火鍋，即刻share俾fd睇，夾好時間就book位食7半黎到先order湯底，已經冇晒招牌個豆乳玫瑰芝士鍋，傷心，打算食清少少就揀左個黑松露野生竹笙松茸鍋湯底都好足料，幾有黑松露味，符合食清少少嘅目標上得最快嘅其實唔係湯底，而係以下嘅太極墨魚滑同雞滑(見唔多地方有就試下)，墨魚滑好足料，啖啖香濃墨魚味~!雞滑就黏性唔夠重，會比較容易散，唔太特別，下次再黎唔會叫然後就係主角A5和牛，有成7,8款，第一round就試過晒先啦，但有D唔記得左影相，試完結論係，要重牛味就要牛頸脊，而無限encore嘅就一定係特上霜降牛小排，又有肉味又有油香，依家講起都想再食本身expect入座即送嘅海鮮拼盤同配料拼盤應該一早到，但反而係食完第一輪先上海鮮，仲要蒸3個字，質素亦比唔上和牛，帆立貝同蠔都還好，蝦肉係不堪配料拼盤更加食完半餐先上，亦冇咩太特別嘅地方用餐有order過豚肉但冇上過，想試都冇得試但又冇話係賣晒，月見後腰肉就入座叫都已經賣晒，應該真係好好食(?)蝦滑叫左2盤都俾我食晒，真係好足料好好食，其他配料都冇叫太多，但友人叫左份枝竹好似幾好食幾滑身總結，如果價錢同質

訂枱既原意請問係做咩？有得訂枱但等佐二個鐘，都未入到，請問九點半我仲要比四百人頭入黎食？重點係九點半都未比到枱 門口位待應佢話裏面啲客唔起身佢都冇辦法 原來做生意是不停話十分鐘有枱 等我哋一路等而且地方好細 望落一千尺包括水吧 而沙冰區待應不停加水 雪櫃既飲品係吉既 醬料區係吉既

本身訂左枱同朋友一齊試下見新開，點知啲間野係咁差完全唔值得去食，我地訂左8:30，諗住會準時有得入座頂盡比佢10-15分鐘汁枱，點知我地等到9:00都未入得去食，仲要叫我地繼續等位，期間有問過幾次幾點可以入座，佢答返我地叫左枱客走係佢地唔走都無辦法，仲話帶我地去果枱到趕走佢既客，第一次有餐廳會咁樣同我地講野！！！第一：叫客走係你地間店既責任，無理由要我地同你去趕走佢地囉！第二：啲間野就算你地訂左枱都廢，要你地等好耐都未必入到座，咁請問訂枱有咩用呢？！第三： 就算未入座眼見無人refill調味料同飲品，已經清得7788整體來講啲間野超級差👎🏻👎🏻👎🏻👎🏻👎🏻真的不想有人好似我地咁遇到咁既遭遇🙏🏻

日本熊本縣的黑樺牛牧場強勢登陸香港🇯🇵「黑樺牛」宜家仲有得食120分鐘日本黑樺牛火鍋放題🤩.台灣麻辣火山鍋🍲冬瓜上鋪滿和牛😝🌋配以蓮藕、木耳、鴨血🦆湯底都幾辣🌶略嫌偏油🥺北海道大元貝牡蠣海鮮拼盤🌊有日本直送牡蠣🦪海蝦🦐淋上玫瑰酒🌹🍾製造出火焰海鮮😜海鮮鮮味十足又大隻😗.原片A5熊本黑樺和牛肉眼🥩勁大塊🤩肉眼充滿油香，口感嫩滑，入口即溶🤤.黑樺牧場精選層架🔱有黑樺牧場A5和牛花🐂肩胛梅花🐖日本佐賀名水豚梅花和手打丸🍢各式各樣又高質👍🏻.A5熊本黑樺和牛🐄有千本筋、牛頸脊、肩胛梅花、特上霜降小排🐮牛小排、上肩胛肉😍6款和牛嘅雪花紋都超靚❄️肉味香濃，肉質幼嫩😋.火鍋配料🧆有黑樺和牛餃子、黑樺麻辣和牛餃子🥟現炸紫菜響鈴、蟹柳🦀.小食🥢麻辣牛筋入味😙火灸爆芝拉絲蝦餅Pizza🍕邪惡濃郁芝士🧀但餅底偏乾硬🥺椒鹽牡丹蝦同椒鹽炸魚皮香口惹味🍤🐟.甜品🍮多款雪條、雪糕🍦🍨🫘🍪.飲品，有收費黑啤🍺唔同汽水🥤果汁🥭自家製冷泡茶🍵自家製樽裝絲襪奶茶🧋仲有3款沙冰🥥🍈🥛

book左檯，上時段幾台客人不願走，埋左單繼續食食食，職員態度有善，卻無能為力，沒有解決問題，一等再等，等左九個字，等到無胃口走左。不會推薦，沒有下次。有關問題需改善。

見到介紹，於是試吓新嘢，比想像中好，食最早果輪5點3，坐張非常大既枱 兩個爐，一邊食海鮮，二人以上送，有生蠔扇貝同蝦，都非常新鮮，一邊打邊爐，一開始點咗好多款牛肉，見到質素都非常好，到個爐一上，個湯底非常之有特色，麻辣火鍋山，中間有個冬瓜整到成個火山口咁 ，D湯一滾就好似火山爆發咁，另外牛肉質素高，嘢飲野食都多選擇！仲有沙冰，整體質素非常好，可惜環境唔太大，好快就坐滿，如果二人枱真係比較窄，放唔到太多野，建議可以早少少上黎食

今日同朋友過嚟食傳說中嘅A5和牛，超級滿足，落咗單之後店員就好快將全部黃牛送到你面前，每一疊肥瘦都好均勻，而且值得一讚嘅係霜降雪花黃牛，只需要滾兩三秒放落口，入口即溶😍忍唔住一個人食咗兩碟值得推介！其他牛肉每一個部位都有唔同嘅味道，給不同的口感，一次過食到咁多款唔同嘅和牛好開心好滿足值得一讚嘅係佢嘅火焰海鮮拼盤，佢嘅號係即場開，而且好肥美好鮮甜，海鮮裏面仲加入酒，好味😋另外亦都有好多好特別嘅小食，例如有尖椒皮蛋，夫妻肺片，亦都會有pizza食而且飲品亦都有好多種類我最鍾意飲蜜瓜沙冰$398一位抵食，下一次會再嚟。

Book咗8:30，差唔多8:00去到咁去到個黑色衫話要等到8:30先可以入，呢樣明吖，咁我哋book 8:30咁8:30先有得入座係正常！咁問係唔係8:30有枱就會叫我地，佢話係。到我地8:30再問黑色衫 佢話要再等，咁我地問幾時入得，佢又話10分鐘後。10分鐘後問又叫我地等，等到9:00，其實都過曬時，佢可以答我地話因為要俾我哋張枱嗰枱客人仲未走，所以未入得去，但係其實寫明120分鐘，咁嗰枱客人唔走，佢哋喺餐廳佢哋要解決㗎嘛，如果枱客人9:30先走10點先走，咁張枱到時10點先比我地？！佢又話可以比其他枱我哋，但係要等個客人走先，要再等耐啲！我真係未見過一間放題會咁樣處理我哋繼續同佢爭論究竟幾時可以入座！個黑色衫勁九唔搭八「佢話啲客有脾氣發喺邊上嚟唔知會點，唔通佢報警咩！」「佢話驚個客發酒瘋？」又唔知做咩無啦啦又話可以請我地食都冇問題「又叫我哋一齊同佢請個枱客人走」呢啲咩答案？我想知幾時入座吖同埋我係客人點解要同佢一齊請另一台客人走我諗其實呢間餐廳係6:30一輪8:30一輪，但係其實我哋8:00去到我哋望到好多枱 都係仲食緊！唔似就要走！另外8:30望到佢哋雪櫃嗰啲茶冇再大半，等咗

⁣🐽 -尖沙咀- 黑樺牛⁣⁣網上見到咁多人大推，即刻同朋友黎試下⁣⁣120分鐘和牛火鍋放題 ⁣💰$398另加一服務費⁣⁣主要有8個湯底可以選擇:⁣1) 火焰麻辣雞煲⁣2) 台灣麻辣火山鍋⁣3) 北海道豆乳玫瑰芝士鍋⁣4) 野生竹笙松茸菌鍋⁣5) 黑松露野生竹笙松茸鍋⁣6) 鰹魚大根昆布鍋⁣7) 黑樺祕製酸辣魚鍋⁣8) 日本薩摩雞花雕藥膳鍋⁣⁣餐廳環境乾淨，座位亦寬敞舒適；⁣另外採用手機落單，環保又方便；⁣我地今次試左火山鍋，一上枱已經覺得個擺盤好靚，然後職員都好有禮貌介紹我地應該要點樣開始食；⁣⁣🥩A5和牛共有8款⁣上肩胛肉、肩胛梅花、牛前胸、牛小排、特上霜降小排、玉⁣子後腰肉、牛頸脊同千本筋⁣⁣一開始會先上牛，接住會上海鮮盤🦪🍤，有生蠔、扇貝及蝦，焗大約20分鐘就可以食，再黎上黑樺牧場層架，除左有肉仲有三款唔同既丸，另外仲有小量小食任食，椒鹽炸魚皮、火炙爆芝拉絲蝦餅Pizza、雞翼、火炙芝士洋蔥炸薯等等；⁣⁣最後唔少得當然係🧃野飲任飲仲有少量款式既🍦雪糕任食，不得不提佢有樽樽裝奶茶超出色，鍾意飲奶茶既一定要試🫶🏼⁣⁣🌟開業優惠⁣1） 入座即送黑樺牧場精選層架⁣2） 2人同行，即送日本

又要人用qr code 落單落完完全無野黎最後要舉手叫侍應俾野仲要求求其其執幾碟牛俾你去到last order 叫菜先有黎最後差唔多乜都無咩食到一個人仲要398加1你食埋我個份

不明白正評是從哪來，睇落去牛係好靚，但係實際無咩牛味，只有牛小排及上肩胛肉比較好其他食物都普普通通，和牛餃子沒啥特別，楊枝甘露沙冰味道怪怪的，很甜椒鹽牡丹蝦好食，紅茶好飲送的海鮮味道是ok的，蠔好食，蝦及扇目貝正常雖然員工態度很好，但是漏單嚴重，由入座落單，除了一開始的拼盤，第一碟是半個鐘後先有還是要追單先有…之後我再落的單，沒有追，食物就無黎…而且可能因為人手不足，是沒有人收碟的…本來見好評咁多很期待，點知會係咁樣…