麻辣風雲 (荃碧大廈) (已結業)

麻辣風雲係出名食川菜嘅店舖，酸菜魚水煮鍋同鑊氣小菜都係佢哋嘅招牌菜！每道菜都用足心機去煮，所以味道先可以咁出色今日就是其中一道招牌菜-酸菜魚，酸辣嘅味道好正，魚肉好多😱底下仲有寬粉，三到四個人食都唔過分，魚肉滑口，仲一啲骨都冇，好有驚喜！鑊氣小菜我哋就叫咗秘製麻辣炒薯粉，鑊氣十足所以食落特別香口，薯粉充滿麻辣香口感煙韌，連同山菜一齊食口感好豐富另外仲叫咗個霸王蝦球，每隻蝦都好大隻，果然霸王蝦球呢個名唔係浪得虛明🤩蝦肉好新鮮唔會霉爛，口感彈牙，微微薄脆重點係超香口！

真係好開心今日可以拉埋男朋友同我一齊食呢一間四川菜😍講咗咁耐終於可以約到一日時間嚟食啦！水煮牛肩肉 $268麻辣味超香，麻辣味好足，就連牛肩肉嘅份量都唔少，仲有豆卜，豆卜吸收咗湯嘅精華，食嘅時候都真係要好小心，咪好容易嗆到😆要讚吓佢哋嘅牛肩肉牛味好出，厚度剛好，唔會難咬👍🏼水煮過嘅牛肩肉入味又嫩口，必試🤤秘製麻辣炒薯粉 $88冇諗過炒嘅薯粉都可以咁入味，麻辣味好香，立美來講都算易入口，仲有蔬菜可以食下增加口感，不錯😌火爆魷魚鬚 $158一上枱已經聞到好香，仲用咗唔少材料一齊炒，顏色豐富連口感都好豐富，魷魚彈牙有咬口，味道仲越食越上癮停唔到口🤩

✨✨惹味十足嘅麻辣湯底✨✨約左朋友喺荃灣行街，朋友話想食麻辣米線，我帶左佢嚟呢間麻辣風雲，之前食過一次，環境好，唔使同人迫😆😆⭐️小鍋米線唔使加餸，入面都有好多配料，仲有好多豬肉碎，感覺好抵😂😂個湯底酸酸辣辣，我揀小辣，都覺得好辣😂😂⭐️小鍋米線配鴨血，豚肉，萵筍呢碗揀左中辣，真係辣到飛起，如果唔係好食得辣嘅人，千祈唔好試呀！🥵🥵鴨血好滑，好入味好好食！豚肉得兩塊，多d就好d喇😅⭐️葱油雞配白飯呢個好好食呀，d雞好滑！👍🏻👍🏻葱油撈飯好香！雞份量都好多，好抵食👍🏻👍🏻

同閨蜜行街嘅時候，閨蜜突然話呢一間店舖聽講好唔錯，所以就決定行到肚餓嘅時候去試吓呢間店舖因為我哋得兩個女仔，食嘅嘢唔多，又怕食唔晒，所以淨係叫咗兩道菜同一個甜品秘製麻辣炒薯粉 $88望落分量唔算好多，但食下食下發現原來都好多薯粉😳，薯粉煮過味道好入味，再連同蔬菜同辣椒一齊炒，令薯粉更香口，每一啖都食到麻辣嘅味道，但辣味拿捏得剛好，唔係食到好辛苦嘅辣酸菜炒肥腸 $98超鍾意呢道菜，肥腸好惹味，每嚿肥腸都住得好林淋好入味，加一酸酸辣辣嘅味道食到停唔到口🤩另外叫咗個白飯，因為呢度菜送飯一流🤤糍粑 $58食完主菜就梗係要食返啲甜嘢啦！😍口感煙煙韌韌，面頭嘅黑糖粉同黑糖醬好正，仲有7-8條咗多🥰一定要食！

一個人經過荃灣想搵間舖頭坐低食吓嘢，就咁啱俾我見到呢一間麻辣風雲，睇個餐牌看似好唔錯，加上今日特別想食辣，所以就一於上去試吓我分別叫咗三樣嘢，霸王蝦球、酸菜炒肥腸同炸饅頭，食物一上枱已經見到好邪惡😆先係霸王蝦球，炸過嘅蝦球好香脆，相信連同辣椒再炒埋一齊，令炸過嘅蝦球表面沾到辣椒嘅味道，辣辣地都幾正☺️聞到酸菜炒肥腸嘅酸味已經流晒口水，肥腸煮得軟林林，仲有酸菜洋蔥同蒜頭，極惹味😋最後仲有人人都鍾意嘅炸饅頭，店員揸住一隻小船行過嚟，初頭仲以為係咩嚟，原來係我點嘅炸饅頭😂用船裝住嘅炸饅頭特別威風，食起上嚟都特別有風味，炸饅頭即叫即炸上枱嘅時候仲熱辣辣，外皮脆卜卜配搭住凍嘅煉奶一齊食，口感味道都好豐富❗️！

個人真係超鍾意呢一間川菜店，一個月要食兩三次先滿足！因為佢哋嘅食物真係好出色，有夠辣，款式仲好多😋水煮牛肩肉呢個簡直係我嘅至愛！睇到咁多辣椒有種治癒嘅感覺😆辣度可以揀，唔食得辣嘅人可以揀冇咁辣嘅辣度，同樣可以食到佢嘅香👍🏼麻辣嘅味道好出色，夠麻又夠辣，牛肩肉仲好大塊又嫩口！必食之選🥰秘製麻辣炒薯粉 相信唔係好多人都食過炒薯粉呢道菜，極力推介大家一定要嚟試，夠鑊氣之餘唔會好乾身，每條薯粉都沾滿麻辣味，超正！炸饅頭同樣係必食嘅之選，用一間木船裝住嘅饅頭，霸氣十足打卡一流😆仲要好睇又好食！炸到脆卜卜！食落仲好香 讚👍🏼糍粑 呢款黑糖味嘅糍粑，煙煙韌韌唔會黐牙，黑糖味道好夠😍食完啲辣辣鹹鹹嘅野再食呢個真係絕配

今日同哥哥嚟食呢一間四川菜，店舖用嘅餐具好有特色，全部係用竹林風味用具，就連店舖嘅顏色都以紅色為主，感覺好地道我哋叫咗店舖嘅招牌酸菜魚同水煮魚牛肉，呢兩款對我哋來講實在太吸引，所以先會得兩個人都叫兩款主食😆酸菜魚份量比想像中多，魚片鋪滿整個表面，底部仲有寬粉同芽菜，食極都食唔完咁🙈，佢哋嘅魚片夠厚同嫩滑，寬粉煙韌，所有嘢都煮得好入味😋睇到面頭咁多辣椒嘅水煮牛肩肉真係話一嘩聲，不過好彩我哋叫咗小辣，尚算接受到😙牛肩肉厚實但唔韌，仲吸收晒整個麻辣湯嘅精華，超正🤩另外我哋仲叫咗一個火爆魷魚鬚🤣魷魚都係我哋嘅最愛，所以一定要叫嚟試吓，每條魷魚都好大條，味道濃郁好惹味🤤最後因為食唔晒袋所以打包左返屋企比屋企人食，屋企人都讚不絕口😍

Lunch忍唔到口，又又又去咗食酸菜魚喇！😂😂一個月到底要食幾多餐酸菜魚？歡迎搵我試食酸菜魚😂-🔸酸菜魚客飯$88就算喺lunch set，但一啲都唔馬虎😉個酸菜魚嘅賣相似模似樣喎～好！食落口試下！魚肉夠滑又冇骨👍🏽讚！湯底夠辣又夠酸👍🏽讚！配料又多又好食👍🏽讚！睇嚟$88都食到晚市質素嘅酸菜魚喎，真喺好難得🥹麻辣風雲地點一啲都唔難搵，因為佢有大大個招牌！需要行樓梯上去，地方好闊落，一個人都可以坐4人卡位 👍🏽 可以比我慢慢食同埋佢落單係用QR code🤣啱哂我哩啲選擇困難症嘅食客，可以慢慢睇慢慢落單🫣唔怕比人催

呢間荃灣嘅川菜店，食物質素好高，一開始入到舖頭嘅時候見到大大隻掂嘅字牌，食完之後果然覺得唔係浪得虛名🤣既然嚟食川菜，又點可以唔叫招牌嘅酸菜魚呢！酸菜魚一嚟到眼前一亮，魚片鋪滿整個表面，份量極足，以前食開嘅酸菜魚店都冇咁多，分量多到淨係食酸菜魚兩個人食都差啲食唔晒😳酸辣嘅味道好正，辣味好出，魚片好嫩口，越食越正！另外叫咗一份霸王蝦球，蝦球一般係用打碎嘅魚肉搓成一團再去炸，但呢間嘅店舖好唔同，係用一大隻剝殼嘅蝦再拎去炸，炸到金黃色，配搭左滿滿嘅辣椒、蔥同蒜頭，聞到已經好惹味🤩蝦嘅表面鹹鹹地，肉質彈牙，份量都唔少，滿意滿意！等遲吓疫情好啲一定要拉埋一大班朋友過嚟一齊食更多唔同嘅菜式🥳

呢間出名食四川菜嘅店舖，之前已經食過好幾次，還原真實四川菜嘅味道好高，對於咁鍾意食辣嘅我嚟講，辣度越高越正！正正呢一間嘅辣度啱晒我口味👍🏼🥩水煮牛肩肉 $268淨係見到表面咁多嘅辣椒已經流晒口水😆嗰種麻辣嘅感覺一聞到已經急不及待！唔知有冇人同我一樣都係咁鍾意聞到嗰種辣嘅味道🤣佢哋嘅牛肩肉好大塊，唔會太過厚切，食起上嚟一啲都唔韌，麻辣味同牛味好夾！🐔麻辣雞翼尖 $48原本辣嘅雞翼尖已經好正，呢款仲要係麻辣味，係你食細小嘅雞翼尖肉嘅時候個種麻辣香會不斷喺你個口入面徘徊🤩食完一份真係好想叫多份🤤🍤霸王蝦球 $228先要讚一讚呢份雞球，選用左好大蝦去製作，連同咗好多辣椒一齊去炒，令整個蝦味有所提升，肉質有咬口蝦味夠出，呢個份量來講都唔錯🙌🏿

今日帶同屋企人一齊嚟荃灣呢間麻辣風雲食川菜，店舖嘅座位好多空間闊落，座位同座位之間都有足夠距離，環境舒適酸菜魚我哋三個人食呢一碟酸菜魚，份量剛好，我哋叫咗小辣，辣味剛好同酸味好夾，魚肉煮得好入味，又嫩口，底部仲有寬粉同芽菜相當豐富，另外啲湯拎嚟撈飯真係一流！火爆魷魚鬚大大條嘅魷魚鬚，用咗青椒、紅椒、辣椒及紫洋蔥炒成一碟，味道辣辣地都幾正，魷魚新鮮又彈牙，必食！炸饅頭六件炸饅頭放咗喺一㗎木船上面，上面仲掛住一支寫住麻辣風雲嘅期，相當有特色，饅頭炸到外脆內軟，連埋煉奶一齊食冇得彈！屋企人食完之後都大贊，話下次一定要再嚟試吓其他食物

講到食川菜呢一間就係必食不可❗️若然你好鍾意充滿辣椒嘅菜式，呢一間就超級推薦要去食吓👍🏼水煮牛肩肉，川菜必食嘅一道菜，滿佈辣椒、芝麻同花椒，呢度菜仲可以揀選辣度，既然食得川菜辣味一定唔可以弱🤣所以呢碗野一上枱嗰陣麻辣嘅香味陣陣飄出，咁先係真正嘅川菜❗️牛肩肉嘅紋路好靚，肉質嫩口牛味出！超正🥳麻辣雞翼尖，大大隻嘅雞翼尖肉量都唔少，而且煮得好入味，每一隻雞翼尖都充滿着麻辣嘅香，食得好過癮😋火爆魷魚鬚，即叫即炒熱辣辣上枱，魷魚香味撲鼻而來☺️辣味唔會強到搶咗魷魚嘅香味👍🏼魷魚好新鮮，咬落煙韌有咬口，值得一試！個人極力推介呢間餐廳，無論質素定份量都好好，食過真係返唔到轉頭🤤

好想食酸菜魚，就嚟咗位於荃灣嘅麻辣風雲。佢嘅位置好易搵，大廈外牆已經有一大張banner。今次係七點左右去食，人流都唔算多～但臨走嗰陣時就開始多人啦！〰️〰️〰️〰️〰️〰️〰️〰️〰️〰️〰️〰️〰️〰️🌈酸菜魚 $268一上枱就見到好大份，份量應該都夠兩至三人食～除咗有魚片之外，佢哋加咗大量嘅薯粉，芽菜，萵筍同豆卜。特別係豆卜，佢係吸滿左酸菜魚嘅湯汁，十分入味～佢哋嘅酸菜係自家醃製，咬落爽脆 ！湯底夠酸夠辣，睇到有好多花椒同乾辣椒，係真材實料咁整㗎🐟🌈炸饅頭 $58依個不得不說超級推介，大家記得要趁熱食！佢嘅擺盤唔需要多講，十分有氣勢！炸饅頭更加係外脆內軟，加埋煉奶，一個人食三個都冇問題！我見依個都係台台都會嗌，相信都係佢哋嘅熱門菜式🌈黑糖脆炸糍粑 $58裹滿黑糖嘅糍粑真係幾好食，加埋面頭灑左啲黃豆粉，令到多咗一種味道～不過如果唔食得太甜嘅人，就唔好點咁多黑糖啦～佢啲黑糖真係好夠味😋🌈紅油炒手 $78紅油炒手嘅份量都超級多，唔好睇佢細細碗，都塞滿晒大概都有12～13粒～裏面包住嘅肉應該落咗啲大地魚，所以有種魚嘅鮮味，但係留意番呢個真係越食越辣，相信鍾意食辣嘅朋友一定會食上癮~🌈凍鮮芒椰果玉露 $38一飲落口有

色香味俱全既四川菜😎仲要係黃店💛想介紹俾想解酸辣魚癮既朋友.🌶 酸菜魚 $268酸菜魚叫咗小辣😆 佢地既酸、麻、辣度好平衡呈黃色既湯底唔算太油膩魚肉份量都幾夠～幾滑而且無雪味薯粉厚身食唔停口配菜方面有好多包括大量豆卜、金菇、芽菜、萵筍仲可以加$30追加薯粉～推薦！唔使另外再配白飯啦.🌶 炸饅頭 $58呢隻船簡直係皇牌見到佢就知道呢度係〈麻辣風雲〉炸饅頭熱辣辣外脆內軟💓一客有六件.🌶 手撕包菜 $98手撕包菜屬於湘菜唔係好多餐廳有賣超中意佢地麻辣、鮮香、爽脆、清甜❣️不過俾定少少心理準備大家雖然係炒菜～但做法正常都會偏多油同埋調味料咁先會好味爽脆唔係成日食的話真係不妨一試好快就俾我同RN清左碟💕.🌶 黑糖糍粑 $58有成六七條糍粑非常有驚喜❗️外脆內軟之餘配埋甜甜嘅黑糖漿做甜品好正.🌶 食辣嘢點可以唔點飲品呢有齊基本款包括王老吉、汽水、可樂、啤酒仲有龍眼冰、椰汁冰、茶飲等等.見到經Openrice訂座點酸菜魚的話有折頭～自己上去睇吓啱唔啱使😍食完埋單之後仲有優惠券送記得keep番下次用

行開荃灣見到呢間川菜店舖，睇咗幾眼餐牌好似相當唔錯，所以就決定試一試我哋分別叫咗一份酸菜魚一份水煮牛肩肉一份黑松露煙燻糖心蛋。酸菜魚嚟講賣相滿分，分量亦滿分💯第一時間先試下個湯底，酸辣味道均勻，湯底唔會好油膩👍🏼魚片大大片，唔會有骨，肉質嫩滑爽口，香料嘅味道亦好正！呢道水煮牛肉好適合好食得辣嘅人嘗試，用咗好多條辣椒同花椒去製作，麻辣味強勁，牛肩肉掛滿左麻辣湯嘅汁，每食一啖到辣得好爽😆但同樣食到牛肩肉同湯底嘅惹味，唔會剩係得死辣👍🏼第一次嘗試有黑松露嘅糖心蛋，黑松露嘅味道好香，更能吊出蛋味，滑口嘅感覺令人好滿足🤤