麻辣風雲 (荃碧大廈) (已結業)

呢間荃灣嘅川菜店，食物質素好高，一開始入到舖頭嘅時候見到大大隻掂嘅字牌，食完之後果然覺得唔係浪得虛名🤣既然嚟食川菜，又點可以唔叫招牌嘅酸菜魚呢！酸菜魚一嚟到眼前一亮，魚片鋪滿整個表面，份量極足，以前食開嘅酸菜魚店都冇咁多，分量多到淨係食酸菜魚兩個人食都差啲食唔晒😳酸辣嘅味道好正，辣味好出，魚片好嫩口，越食越正！另外叫咗一份霸王蝦球，蝦球一般係用打碎嘅魚肉搓成一團再去炸，但呢間嘅店舖好唔同，係用一大隻剝殼嘅蝦再拎去炸，炸到金黃色，配搭左滿滿嘅辣椒、蔥同蒜頭，聞到已經好惹味🤩蝦嘅表面鹹鹹地，肉質彈牙，份量都唔少，滿意滿意！等遲吓疫情好啲一定要拉埋一大班朋友過嚟一齊食更多唔同嘅菜式🥳