麻辣風雲 (荃碧大廈) (已結業)

早幾日有一晚突然間好想好想食辣嘢，於是就去了呢間我想食好耐嘅麻辣風雲刺激下味蕾。這天是平日夜晚，我哋大概7:30入座都已經接近滿座，但值得一讚的是枱與枱之間相隔甚遠，空間感及私隱度極高，適合朋友相聚傾談嘅好地方。樓底高通風系統設備足夠，即使每一台都在食辣東西，完全唔覺得有好大陣味，就算離開餐廳之後外套都沒有沾上麻辣味，抵讚！ 炸饅頭 $58店員熱心地推介一定要試炸饅頭。果然先上菜的炸饅頭是非一般的，架勢堂的乘着由諸葛亮領軍的「麻辣風雲號」氣勢登場。即叫即炸嘅炸饅頭，外皮炸到金黃鬆脆熱辣辣，內裏包嘅質地非常軟熟，點一點煉奶，入口外脆內軟帶一點甜，正呀！ 酸菜魚 $268超級大盤，分量十足。先喝一口湯，魚湯酸味濃郁帶有魚的鮮甜味，不油膩之餘又刺激食慾。好多好多無骨生魚片，魚肉爽滑，大量大量酸菜，加上紅椒、花椒、萵筍、豆卜、菇、大豆芽等配料，湯底仲有寬粉，整盤酸菜魚有齊「甜」、「酸」、「麻」、「辣」的口感，是出色的，食到停唔到手。 紅油抄手 $78呢個雲吞絕對係冇得頂！分量多之餘，佢唔係一般嘅紅油抄手，除咗加了辣油之外，還加了麻醬，整個口感頓時不一樣！麻醬帶出香味，口感一流，雲吞餡肉豐富，係

身為麻辣嘅愛好者 今日同朋友過嚟麻辣風雲食下 睇吓係咪真係咁真材實料先 一上到樓已經聞到陣陣嘅酸菜麻辣味 呢度嘅座位好闊落 裝修都好有古典風格！嚟到呢度一定要食酸菜魚啦 呢款川菜份量都唔少 我哋叫咗小辣 魚肉嫩滑無骨 食落口啖啖肉 雖然薄切但係份量好多 仲有大量嘅酸菜、芽菜同埋寬粉 寬粉好好食 好煙韌 軟硬度適中 吸收左湯既精華 好惹味！炸饅頭真係呢度嘅打卡熱點 個架船一上枱好型🤣 爆滿左半張枱但係裏面剩係得六個饅頭😂 好多煙出 要即刻影相如果唔係啲乾冰就冇晒 炸饅頭熱辣辣 仲好脆口 金黃色嘅外皮 外脆內軟，煉奶配炸饅頭不嬲都係無敵 甜甜地唔錯！

因為朋友都好鍾意食辣 所以推介左我去一間專食辣嘢嘅專門店 嗰度除咗酸菜魚之外 亦都會有好多唔同嘅小食 唔食得辣嘅真係可能唔太鐘意 不過對我來講真係好滿足😍我哋叫咗份酸菜魚 份量都唔少 魚肉嫩滑無骨 仲有大量嘅酸菜、芽菜同埋寬粉 寬粉好好食 好煙韌 軟硬度適中 吸收左湯既精華 好惹味！餐廳嘅風格都係行古式 好特別 我見每一枱都會點酸菜魚 真心覺得唔錯！酸菜魚啲肉都好嫩 好重口味🤣份量好多 所以唔怕唔夠食 如果想食辣野或者酸菜魚 都推介你哋嚟食🤣除此之外我哋仲叫咗蝦球同糍粑 呢啲小食都好開胃 食到好飽都係人均$100左右 真係好抵食！

我諗鍾意食酸菜魚嘅人一定會聽過呢個大名 佢哋出名平價好食！呢度嘅餐具都充滿中國風 同埋佢哋好多菜式嘅選擇 鍾意食酸菜魚同重口味人士必去！炸饅頭個架船一上枱好型🤣 好多煙出 不過影左幾秒就無晒🥲🥲炸饅頭熱辣辣 佢會配埋四款醬你地點 有煉奶、朱古力醬、抹茶醬同埋花生醬🙈煉奶配炸饅頭不嬲都係無敵 不過我覺得點朱古力醬都幾有驚喜！！我見每枱都有點 呢個十級推薦 必叫！雞翼尖嘅份量都好多 充滿麻香味 唔算太辣 好惹味既小食！酸菜炒肥腸炒到好香口 朋友好鍾意食豬腸 所以一定要叫呢個 估唔到酸菜同肥腸係咁夾 肥腸好厚身 份量都好多 裏面仲有洋蔥、辣椒、青椒做配搭 真係好惹味！我哋叫咗三樣嘢買單都人均不過係$50左右 仲可以食到好飽😆真係超級推薦啊！

呢間位於荃灣嘅麻辣風雲 相信鍾意食酸菜魚嘅人一定聽過 佢哋除咗酸菜魚之外 仲有好多麻辣嘅特色小菜 鍾意食辣嘅人一定啱晒🥰 因為之前食過酸菜魚啦 所以今日就叫咗其他款式試吓😍黑松露煙燻糖心蛋一份有四粒半邊型嘅糖心蛋 黑松露味好出 用咗煙燻製造 所以糖心蛋都總會有少少流心嘅效果 外皮蛋白好香 成個味道好夾！我鍾意食呢個😆真係必叫霸王蝦球雖然個價錢唔算平 但係味道真係10分出色！蝦球有好多粒 粒粒都炸到金黃酥脆 味道有啲麻辣 不過以香為主 真係食唔停口 好想再食多幾粒😋水煮牛肩肉呢個真係啱晒鍾意食辣嘅人 滿滿既辣椒 令到牛肉好入味 佢嘅湯底都好辣 可以揀大中小辣 牛肉好軟嫩 雖然細細塊好薄切 但係真係好重口味 好正🥰

💛黃店推介💛tonick主音恆仔間川菜館越開越多分店仲要遍佈港島、九龍同新界啱哂一班麻辣愛好者😜招牌酸菜魚（$268）酸菜魚係餐廳嘅招牌主打💁🏻‍♀️份量適合二至三人辣度分為大中小辣 可以自由選擇 湯底用上三款唔同種類嘅辣椒酸味同辣味嘅平衡拿捏得好平均主角魚塊肉質夠嫩滑 食落鮮甜 唔鞋口🤤另外仲加入大量配料 萵筍、酸菜、芽菜、菇仲有食落好QQ彈牙嘅水晶寬粉 好足料🧏🏻‍♀️炸饅頭（$58）黎到想試吓啲特色小食就一定要叫炸饅頭上枱夠霸氣又有氣派用上大型諸葛亮木船 船隻底部以乾冰不斷噴煙船上仲有一塊寫住餐廳名「 麻辣風雲 」嘅旗幟 啱晒打卡📷📷六個饅頭都炸到金黃色 點埋煉奶 一啖咬落去 外層鬆脆 內層又軟熟 👍🏻火爆魷魚鬚🦑 （$158）每條魷魚鬚都好大條 炒得有鑊氣 香口又惹味😋麻辣粗炒（$88）麵食嘅種類有好多款 今次揀咗炒粗😝同樣大碟抵食 辣味十足而且唔油膩 唔會太乾身😳👍🏻

*酸菜魚(小辣) $268*嚟到呢度就緊係要試下佢個酸菜魚啦, 當食物一上枱, 花椒八角嘅香味已經飄緊出嚟, 非常吸引, 而且SIZE喺超大盤, 魚片嘅份量相當多, 佢個酸菜湯底係好濃好夠味道, 小辣程度容易入口, 而且酸味十足, 酸酸辣辣相當開胃, 另外配料加左豆卜, 吸收晒啲湯汁精華, 超正*炸饅頭 $58*佢用左一個好特別嘅出場方式, 一碟六個嘅炸饅頭放喺一隻大船上面, 配上乾冰出煙嘅效果超有氣勢, 用呢打卡一流, 可惜呢個時刻一瞬即逝, 當時掛住食酸菜魚無影到相😂 炸饅頭加煉奶冇得輸啦*京蔥牛肉 $128*滿滿嘅牛肉片加京蔥加洋蔥一齊炒, 洋蔥同京蔥都吸收晒啲汁, 而且牛肉片好淋口, 味道方面就正正常常, 喺略嫌欠缺鑊氣*燒豆卜 $12*兩粒對半切既豆卜串成一串, 加上孜然粉嘅味道, 微脆口*鹽燒黑豚腩 $18*兩塊黑豚腩都有一定嘅厚量, 食落有口感, 有油香味而且唔會乾身, 幾好食*串你羊腿肉串 $18*呢個就燒得略嫌有啲乾身, 羊嘅羶味唔算好重, 不過不失

叫咗三個小菜1.招牌菜水煮魚2.辣子田雞3.炸饅頭（個碟有個中咗輻射嘅人企咗喺度）水寫魚份量都算正算，叫咗小辣，麻辣都唔算好重，怕辣嘅人都可以食。辣子田雞確實係辣椒乾比田雞多，比較重口味，比較咸。有少少失望，叫水煮田雞鮮味可能會重。最後叫左炸饅頭，點一點煉奶，剛好中和麻辣味，整餐晚飯就完滿了。

终于可以六个人吃饭了，一家人來吃晚餐。早早定了位置，店家给了我们一个包间。不大，刚好能做下，有电视，空气净化机，还有独立厕所，环境干净。以前吃过午餐的酸菜鱼，觉得又酸又麻，辣度可以选大中小辣，味道正宗，这次带家人来试试。分量没有比午餐多太多，还是午餐性价比高。不是很能吃辣，叫中小辣刚刚好。看了不少人推荐炸馒头，叫了一份，热油炸得刚好。之前在别的地方试过，一口咬下去都是油，回去还肚子疼。这次不但好吃，卖相也是打卡的必备。还叫了辣子鸡，辣子田鸡，鸡丝粉皮，担担面，京葱牛肉，夫妻肺片，粗炒。味道真心好吃，份量也是少的可怜。一次半次解解馋还好，不是我买的单，也知道不抵，$2000左右。

😋酸辣、開胃嘅食物總令人停不下來，第N次食酸菜魚啦，依然很喜歡，雖然唔食得太辣，但就令人越食越上癮！📸「麻辣風雲」嘅川菜出名好食又正宗，環境闊落坐得舒服，食物種類多，打卡仲好特式，有辣同唔辣任君選擇！🐟招牌酸菜魚（$268）魚片厚薄均勻，寸寸入味，魚肉嫩滑無骨，湯底微辣有勁，將所有酸菜嘅味道都帶出，風味十足！配料仲有萵筍、薯粉、芽菜，各種層次的酸辣在嘴裡綻放。🚢炸饅頭（$58）金黃酥脆的饅頭吃起來一點都不油膩，點上煉乳甜鹹交融的滋味，簡直無懈可擊！（用上噴煙的乾冰船乘載而上，要記得把握打卡黃金機會！）👅京蔥牛肉（$98）牛肉新鮮惹味夠曬鑊氣，爆炒到蔥香四溢，保持到肉質嫩滑，厚薄適中而且份量好足，入味又不太鹹，超好食呀！👏🏻涼拌雞絲粉皮（$68）以特製花生芝麻醬而成，舖滿雞絲和青瓜，口感清涼爽口，不油不膩！（多醬就是大滿足！）🌼自家制菊花蜜（$48）用上古代酒埕一壺而上，非常適合打卡，武俠feel出曬黎，味道清甜解膩，小小一杯，感覺可以飲幾百個回合！

放工近近地過嚟荃灣海壩街覓食，朋友推介晚市充滿人氣的麻辣風雲，一入門口就見到個< 掂 >字，希望大家今年都撈得掂！酸菜魚 $268必食推介！勁正！酸菜魚果然係名不虛傳，招牌酸菜魚的湯頭味道很 balance ，配花椒、辣椒乾、泡椒，酸度同鹹辣味恰到好處。多肉少骨的桂花魚，魚肉嫩滑又唔會散，食到魚嘅鮮甜很有層次。而且酸菜同魚肉份量都好足，也有大豆芽、薯粉墊底，鍾意食酸菜魚嘅朋友一定要試吓。炸饅頭 $58好有誠意的炸饅頭小吃，用一㗎船加上乾冰，賣相排場夠派頭，打卡度極高，非常滿意熱辣辣的炸饅頭，外脆內軟，配上煉奶，滋味無窮！自選干鍋 $68特別推介鍋底，鍋底包括：蓮藕片、椰菜花、萵荀、京蔥；很豐富的蔬菜，自選口味重蒜*辣到適中，麻辣爽口！然後再選配最少5款起的配料，價錢大約 $28-$98；睇吓選什麼肉類或海鮮而定。我就揀咗啲四川風味特別夾嘅配料，最愛的鴨血、五花腩片、特色牛肉餅、牛肉等等。麻辣口味適中，充滿鹹香，肉質鮮味提升，辣得來非常有層次感，值得一試！冰涼椰汁冰 $38食咗咁多辣嘢梗係飲杯冰涼椰汁冰，爽爽一下！

第一次幫襯麻辣風雲，對於唔太食得辣嘅我嚟講，都係叫個小辣嘅太極米線穩陣啲。叫得太極，就係一邊麻辣一邊酸辣，配料除咗座底嘅芽菜，菜脯同豬肉碎外，我仲揀咗魚腐同魚皮餃，另外加 12 蚊叫多款特式牛肉餅。所有配料味道正常，剩係估唔到牛肉餅只比五蚊銀大啲啲，得兩片，唔太抵食😂。成碗嘢我覺得最出色嘅係米線，麵質爽彈，蘸滿湯底啪入口，非常正。湯底以酸辣較佳，味道既濃郁且平衡，又唔算太油膩，可以飲埋。麻辣嗰邊就略嫌唔夠麻，至於辣呢，其實兩邊都好弱，下次可以挑戰中辣。

這次去了一間吃麻辣口味的米線，這間很有名做麻辣大部份菜式也有辣，當然不吃辣的朋友仍有少量選擇，例如蔥油雞等等。午市是米線為主，晚餐有串燒和酸菜魚等，有機會可嘗試一下。我選了一個太極米線另加豆卜及特色牛肉餅，其實就是牛肉壓成餅，豆卜吸入湯底的精神，太極米線適合貪心的食客，一次過吃兩個口味的湯底，麻辣湯底有大中小辣的程度，有麻痹口感，亦不會只有辣。另外一個湯底是酸辣，酸酸的，湯底內有芽菜、豬肉碎、菜莆等等。整體而言，湯底較油但味道彼為惹味，適合重口味人士，價格也是可以的，值得一提是午膳時感覺座位也是很寬闊。

第二次食啦～今次試佢地嘅lunch set！抵食好多，份量都足夠💛〰️〰️〰️〰️〰️〰️〰️〰️〰️〰️〰️〰️〰️〰️〰️〰️酸菜魚$88一個人份量，包薯粉、萵筍、菇等配料🤤揀小辣正常酸，啱啱好可以飲埋啲湯；每樣配料都入味～口水雞連飯$59雞肉唔夠滑，口水汁亦都唔係好夠味，少咗辣嘅香味蒜泥白肉好香蒜味，酸酸甜甜，幾好食同開胃〰️〰️〰️〰️〰️〰️〰️〰️〰️〰️〰️〰️〰️〰️〰️〰️因為個酸菜魚而再黎～

第一次認識呢間川菜係上年某一晚，飯後路過，一位員工姐姐在門口相當落力搵客：「食晚飯未呀？幾位呀？我地啲酸菜魚好靚架！」佢把聲大到我轉左彎都聽到😆後來無意中得知原來老闆係 ToNick 嘅恆仔，嘩，梗係要搵機會試☺️佢地嘅酸菜魚果然如員工姐姐所講好靚！魚片份量好多，不但肉厚鮮甜，湯底的酸辣味道亦層次分明，性價比高👍🏻而且炸饅頭好有驚喜，除左因為上菜嗰份氣勢😂當中有兩個饅頭我係放到最後先食，雖已經凍左但都外脆內軟😳美中不足係辣子雞，我自己覺得雞有啲太大件。最後飲返杯椰汁冰解辣👍🏻(溫馨提示：荃灣呢間分店可以嗌樓下一間叫「串里」嘅串燒)