麻辣風雲 (荃碧大廈) (已結業)

行開荃灣見到呢間川菜店舖，睇咗幾眼餐牌好似相當唔錯，所以就決定試一試我哋分別叫咗一份酸菜魚一份水煮牛肩肉一份黑松露煙燻糖心蛋。酸菜魚嚟講賣相滿分，分量亦滿分💯第一時間先試下個湯底，酸辣味道均勻，湯底唔會好油膩👍🏼魚片大大片，唔會有骨，肉質嫩滑爽口，香料嘅味道亦好正！呢道水煮牛肉好適合好食得辣嘅人嘗試，用咗好多條辣椒同花椒去製作，麻辣味強勁，牛肩肉掛滿左麻辣湯嘅汁，每食一啖到辣得好爽😆但同樣食到牛肩肉同湯底嘅惹味，唔會剩係得死辣👍🏼第一次嘗試有黑松露嘅糖心蛋，黑松露嘅味道好香，更能吊出蛋味，滑口嘅感覺令人好滿足🤤