麻辣風雲 (荃碧大廈) (已結業)

為免人多, 提早小小打電話卜位, 果然, 去到時已經有人等位, 不過幾好既就係佢地係門口有放d櫈, 等入座既客人吾洗企得咁辛苦! 今次3個人食, 自問覺得點得有d多, 不過尼2樣野又真係好好食wo!1️⃣酸菜魚 – 魚肉好多, 同埋肉身都好滑, 酸度吾錯, 吾會一面倒死酸或死辣, 整體黎講係香港食既一間好食既酸菜魚, 值得再回頭食~!2️⃣自選干鍋 – 同行既朋友好想食干鍋, 點左5個餸(廣島蠔、肥腸、金菇、豆干、五花腩片)(點干鍋既要求要一定點5個餸先可以叫), 由於本身個鍋已經自帶4個餸, 所以一送上黎時真係好大鍋…份量真心超超超足! 廣島蠔比較細粒左d, 肥腸就好好食, 吾會有臭味, 洗得好乾淨!而豆干就吸哂成個鍋d汁既精華, 所以真係必點呀! 辣度方面叫左小辣, 其實自己食覺得岩岩好, 都已經好夠味~

今日同男朋友兩個去行街 經過荃灣咁啱見到呢間食酸菜魚嘅店舖😋 一於去試吓佢先！呢度嘅座位好寬闊 我哋兩個人去都可以坐到一張好大嘅枱 枱面都好乾淨 唔會癡粒粒 抵讚！佢哋嘅餐具都好有古式風味☺️嚟到呢度一定要叫霸氣炸饅頭 店員拎嗰道小船出嚟 已經非常震撼左我哋 呢首小船打卡一流 雖然剩係得六舊饅頭！炸饅頭炸到金黃酥脆 外脆內軟嘅口感真係唔錯 食完好想再食呀！除此之外 呢度有一個小食一定要叫 霸王蝦球真係好正啊！炸到金黃酥脆 卜卜脆之外仲有辣味 雙重口感 唔好睇個價錢咁貴 因為真係好足料抵食 蝦球系用左新鮮蝦 爽口彈牙 隻隻都有我隻手掌咁大隻呀！

今日朋友介紹我哋去呢間食酸菜魚嘅地方 因為同行呢幾位都非常鍾意食辣🌶 所以滿心期待 睇吓係咪真係咁好食先！餐廳嘅環境好乾淨 座位好闊落 員工都好有禮貌介紹菜式👍🏻我哋今日叫咗三個菜式 第一款係火爆魷魚🦑 魷魚好惹味 烤到非常之入味 魷魚非常之大條 魷魚鬚好彈牙 再加埋青椒紅椒同埋洋蔥 真係味道唔錯！泥到呢啲食川菜嘅地方點樣可以唔食酸菜魚 我哋今日叫咗中辣 都真係唔野少㗎 我哋唔可以睇小佢 因為真係都幾辣下 魚肉好滑 比我想像中更加好食😋魚肉無骨 裏面仲有寬粉同芽菜等 好大碗㗎！可以四個人share都絕對冇問題👍🏻總括而言 呢間嘅味道真係唔錯 香港地好少食到啲咁好食嘅川菜 價錢唔貴又抵食！下次一定再帶其他朋友過嚟

哈哈今日又來到麻辣風雲度食晚餐啦，今次係同我爹哋媽咪同埋家姐一齊嚟食，一早就已經預約好位置上到去我阿媽竟然話呢度非常舒服因為好多卡位梳化位可以坐！我哋叫咗一份酸菜魚，我哋全家都超鍾意食魚㗎！首先呢個酸菜魚酸味唔會遮蓋左辣味，反而兩種味道調製得剛剛好！魚肉好嫩好滑！跟住我哋仲叫咗一份佢哋signature嘅炸饅頭！我見好多人你都會食㗎，原來佢哋係想同隻船打卡，我阿爸阿媽都話好新奇同埋好有趣所以我哋都叫咗一份。最後要介紹我哋今日嘅重頭戲就係黑松露煙燻糖心蛋！黐線㗎呢個糖心蛋真係超級好味因為有我最愛嘅黑松露！家姐話佢嘅煙燻味都好出，好特別！

yeah終於同朋友夾到時間可以嚟麻辣英雄啦！之前一直想食好耐㗎喇，但係同朋友又就唔到時間！我一早已經喺OpenRice嗰度做定資料蒐集到底有啲乜嘢係特別好食嘅決定今日就嗌嗰幾樣啦！首先嘢飲方面我見好多人都嗌椰汁冰所以我都叫咗你試吓，我覺得好香椰子🥥味，清涼而且香甜嘅味道一試難忘。另外我仲叫咗佢哋嘅人氣首選酸菜魚，我見10台有八台都叫咗呢個酸菜魚嚟食㗎 ！一問之下原來店員仲話有得揀幾多成辣！唔食得辣嘅朋友都可以叫嚟試吓㗎 ！最後我仲嗌左基本上大家都要來食嘅炸饅頭，我上網見到好多人都拎住呢架船影相㗎。我都唔執輸梗係要嗌返一份嚟影下啦。原來叫6份饅頭先會有嗰㗎船㗎大家如果想影相嘅話就要留意啦！

人人都叫嘅炸饅頭會用成隻船上枱, 配埋乾冰效果真係好誇張😳饅頭熱辣辣, 外脆內軟再配埋煉奶食真係世一本身想食酸菜魚, 但諗諗下既然呢度叫麻辣風雲, 所以都係叫咗另一樣招牌菜水煮牛肩肉😂因為怕太辣所以保守d 叫咗小麻小辣, 結果唔食得辣嘅我都完全冇問題, 建議食得辣嘅朋友可以試大辣🔥成個菜式入面最好味係d薯粉, 超厚超入味燻蛋好食, 不過加埋黑松露醬就反而掩蓋咗煙燻味，本身淨食蛋反而仲出色麻辣炒薯粉所用嘅薯粉同水煮牛肩肉入面嘅薯粉唔同, 幼身d同埋短d所以口感上就無咁好食, 但味道係惹味嘅菊花蜜外型太得意所以叫咗嚟飲, 跟埋兩個碟仔真係可以扮古人對飲😂唔好睇佢好似好細壺咁, 佢嘅份量係等於其他飲品嘅兩倍所以好抵飲👍🏻紅糖糍粑普普通通， 可以不食

好友生日慶祝，選食麻辣風雲，聽個名我己經好驚我知朋友想食酸菜魚，提前說明只可以食BB辣，朋友開心接受。並說她也不能食太辣店比較小。但裝潢幾有心。BOOK左6點半上到去己經開始多人。前菜 $9/碟一上來就會自動送上枱，最後埋單發現收費$9一碟。麻辣拼盤$178朋友說想食拼盤，點菜時我沒為意是"麻辣"...結果出事，除了青瓜外，其他我只吃了一點。另外三味，我覺得調味都是一樣乾煸四季豆$98都是我見識小，我沒想過四季豆也是如此辣。我前世今生都不是四川人酸菜魚(小辣)$268太好了，對比下來這度是我吃得最多的！因為佢係最不辣的。魚片嫩滑，酸菜味不太夠。下面的粉皮很滑菊花蜜(埕)$48不飲東西我大約會死。所以叫D甜的想平衡一下。用埕上感覺好得意，二個小碗也很加分。菊花蜜清清甜甜。由我來寫的話有點不公平，因為我係食辣BB班。同行口講自己唔食得辣，但叫三道餸都是辣的辣妹評語是酸菜魚酸菜未夠酸，拼盤一般，四季豆不錯。給大家作個參考

今日同同事都好想食辣嘢所以我哋就計劃左午餐去近排好出名又開咗好多間分店嘅麻辣英雄度食午飯，其實呢間餐廳係我哋日常嘅飯堂嚟㗎因為我哋兩個都超鍾意食辣嘢所以其實係常客。我哋每次嚟都係嗌呢三樣餸㗎 ！首先介紹吓呢度超正宗嘅酸菜魚先啦。我知道好多人都特登嚟食佢哋嘅酸菜魚，因為有得自選辣度，麻度！我哋依家個兩樣嘢都係嗌咗中度！一入口嗰種酸辣嘅味道真係跳得啱啱好又香又好食。最緊要係佢啲魚肉冇骨！另外我哋仲叫咗一個秘製麻辣炒薯粉，聽講係用咗佢哋獨有嘅麻辣醬去炒！我最鍾意佢薯粉唔會炒到好濕，偏向乾身少少但係仍然有彈牙嘅感覺，非常惹味。

呢到麻辣風雲一定要食招牌酸菜魚啦果然個湯底超級好味 用魚新鮮煲制多時嘅魚湯 龍淡度剛好 好似有啲酸菜魚死酸 而係清甜酸甜既味道 酸菜亦都好惹味魚片份量好多！都有30-40片魚質新鮮嫩口 魚皮爽滑配菜有少量萵筍芽菜同豆卜亦配有不少嘅粗薯粉 好煙銀但唔會咬極唔斷另一個招牌特色菜一定係炸饅頭因為佢係用呢㗎船上仲配有乾冰出煙嘅效果架勢十足有睇頭打卡一絕外脆內軟既炸饅頭配煉奶大人細路都愛食螞蟻上樹炒得好夠乾身味道惹味紅油抄手就係細細粒嘅豬肉雲吞(有少少蝦味)

泥到呢間荃灣食川菜既地方 真系一直都好想試 今日終於可以試下佢啦🥰 呢到環境好乾淨 光線充足 因為樓上鋪既關系 所以要行樓梯 牆上好多呢間餐廳既食物 行住都覺得吸引啊！今日叫左4款小食 每一款都好有驚喜！最鍾意食個個霸王蝦球 味道好惹味 辣味好足 一分錢一分貨！蝦球鮮左新鮮蝦製做 爽口彈牙！好好食！仲叫左麻辣雞翼尖 雞翼尖啖啖肉好惹味 唔會得骨 麻香味足 好適合做餐前小食👍🏻 再叫多左個秘製麻辣炒薯粉 呢個有驚喜好好食！呢個用炒嘅方式 令我眼前一亮 好特別未食過 配菜裏面有高麗菜、辣椒、肉片等炒埋一碟 好香好惹味 薯粉比較幼身 咬落口好彈牙 味道真係好豐富！總括然而 呢間值得大家試下🥰

今日嚟到荃灣 食呢間酸菜魚店 呢間店舖係樓上鋪嚟嘅 未行到上去已經聞到麻辣味 好香濃好肚餓呀☺️呢度嘅餐牌款式非常之多 好多選擇 除咗有酸菜魚之外 亦都有水煮牛肉等美食 小食方面亦都有好多選擇 我哋今日食午餐 所以叫咗都幾多款式！首先梗係必叫酸菜魚啦 我哋雖然叫咗小辣 但係味道都非常之濃郁 除咗辣味之外亦都會有麻香味 豬肉非常之多 足夠兩至三個人食 除此之外 酸菜魚裏邊亦都有寬粉同芽菜 真係非常好食呀！我哋仲叫咗霸王蝦球 呢個真係必叫 炸到金黃酥脆 卜卜脆之外仲有麻辣香 雙重口感令到我食唔停口啊 蝦球系用左新鮮蝦製成 爽口彈牙 隻隻都有我隻手掌咁大隻呀！除此之外我哋仲叫咗水煮牛肩肉同炸饅頭 呢一餐真係非常豐富呀☺️下次一定要推介其他朋友過嚟！

荃灣店超差！我地同朋友一行13人到貴店晚飯，預先兩日致電訂位職員表示會安排一間房分兩張枱俾我哋。去到當日入座，職員表示房間已爆滿只能安排兩張六人枱分開坐！已經到左我地十幾人擺明焗坐，一時間亦都唔會搵到其他餐廳有咁多位。幾經交涉之後終於安排到一間房間俾我哋坐，叫野食QR code一次又一次落唔到單，阿姐又要求我哋9:30前一定要落晒單..擾攘到9:15阿姐先入嚟話不如佢幫我哋人手落單。食物水準比以前差咗，最離譜係胡椒豬肚雞，我哋明明叫咗一隻嚟到只係得八件以內嘅雞全部都係骨..問返侍應依度究竟係咪一隻雞？連例牌嘅份量都冇，佢就拎返走話換過一碟俾我哋。再上黎既胡椒豬肚雞，都完全唔係一隻雞只係隨便裝一碟出來又係全部都係骨，仲要有三隻雞翼尖！即刻要求侍應幫我哋取消！呀姐又話換過俾我哋，唔俾取消，轉頭返嚟又話幫我哋取消🌚最後因為餐飯其實係同朋友慶祝生日，我哋買咗個蛋糕去一入去叫職員幫手雪住個蛋糕先，完全冇提過要收任何切餅費用，都食完叫阿姐拎返個蛋糕俾我哋，佢拎咗個蛋糕入嚟就走咗。過咗一陣佢入嚟見到我哋切緊蛋糕，先講要收$50切餅費，但所有餐具都冇提供過俾我哋究竟收咩切餅費？我哋連食蛋糕都係搣開個蛋

今日同屋企人過嚟呢間麻辣風雲食酸菜魚 因為屋企人都比較鍾意食辣 上網見到呢間好吸引 所以就過咗嚟！呢間位於荃灣嘅麻辣風雲 要行樓梯上樓上 行緊嘅途中已經聞到陣陣酸菜魚嘅香味咁我哋叫咗個酸菜魚 我哋叫咗小辣不過好惹味 酸味比較出 魚片冇魚骨 食落口啖啖肉 雖然係薄片但係份量都唔小 除此之外裏面仲有芽菜、寬粉等 食落去都好飽！因為我哋今日一行四個 有啲驚唔飽 所以叫咗個秘製麻辣炒薯粉 呢個有驚喜 通常薯粉都係用湯製造 呢個用炒嘅方式 令我眼前一亮 裏面有高麗菜、辣椒、肉片等炒埋一碟 好香好惹味 薯粉比較幼身 咬落口好彈牙 味道真係唔錯！

冬天一定要食啲熱辣辣同埋暖笠笠既食物 上網見到人哋推介呢間川菜館 鍾意食辣嘅我點可以錯過呢😋佢哋除咗有酸菜魚之外 仲有好多麻辣嘅小食可以試 今日就比其他小菜嘅款式吸引咗🥰我哋叫咗個水煮牛肩肉、火爆魷魚鬚、紅糖糍粑同炸饅頭😆先講下佢個炸饅頭先 真係好有霸氣啊 一首小船上邊 有乾冰營造煙霧效果 真係好型 不過要快啲打卡 如果唔係啲乾冰就溶晒 饅頭炸到熱辣辣好脆 仲有四款醬可以點 我比較鍾意加煉奶 甜甜地好好味; 牛肩肉味道都唔錯 我哋雖然叫咗小辣 但係都唔少嘢㗎 牛肩肉好入味 充滿麻辣香 再加埋芝麻 真係好邪惡！; 除此之外火爆魷魚都炒到好彈牙好惹味 真係好有鑊氣 下次一定要再同男朋友過嚟😋食過返尋味！

<Hong Kong🇭🇰•Tsuen Wan>“咬我唷！招牌酸菜魚 😍”無可否認我偏愛食扒卷意粉🤭但有時都會心思思想食川菜！要喺香港食到色香味俱全真係要捐窿捐罅🫢唔通今次就比我搵到？▪️炸饅頭 $58「兄台，運送黃金饅頭去何方？」兄台架船有煙霧，細擋不住黃金饅頭嘅香味！要無收🤤呢度嘅炸饅頭外酥脆內鬆軟，炸到熱辣辣🤤再沾上凍煉奶，滿滿奶香滋味！▪️酸菜魚 $268聽聞麻辣風雲必食招牌菜之一係酸菜魚！叫返個BB辣試試水溫🤭果然！酸菜魚分量十足，顏色香味都好夠！裏面嘅材料有魚片、酸菜、豆卜、芽菜紅薯寛粉等等，相當足料！雖然BB辣，唔會因為而失味，依然食得過癮！▪️花雕醉雞 $98醉雞冰涼夠入味，雞肉皮爽肉滑，有濃郁酒香，愛酒之人記得一試！▪️黑糖脆炸糍粑 $58黑糖脆炸糍粑外皮香脆， 內裏糍粑非常軟糯！口感香嫩幼滑，幾煙韌，幾好！▪️椰汁冰 同行嘅啊肥唔食得辣🤭一早幫佢安排一杯椰汁沙冰解解辣，我都算幾細心唷😗如果係椰子幼沙冰就正啦！......#chantaljj四川菜#chantaljj荃灣 #荃灣美食#銅鑼灣美食 #旺角美食#搭船食黃金饅頭#荃灣川菜#黃金饅頭#酸菜魚