麻辣風雲 (荃碧大廈) (已結業)

一個人經過荃灣想搵間舖頭坐低食吓嘢，就咁啱俾我見到呢一間麻辣風雲，睇個餐牌看似好唔錯，加上今日特別想食辣，所以就一於上去試吓我分別叫咗三樣嘢，霸王蝦球、酸菜炒肥腸同炸饅頭，食物一上枱已經見到好邪惡😆先係霸王蝦球，炸過嘅蝦球好香脆，相信連同辣椒再炒埋一齊，令炸過嘅蝦球表面沾到辣椒嘅味道，辣辣地都幾正☺️聞到酸菜炒肥腸嘅酸味已經流晒口水，肥腸煮得軟林林，仲有酸菜洋蔥同蒜頭，極惹味😋最後仲有人人都鍾意嘅炸饅頭，店員揸住一隻小船行過嚟，初頭仲以為係咩嚟，原來係我點嘅炸饅頭😂用船裝住嘅炸饅頭特別威風，食起上嚟都特別有風味，炸饅頭即叫即炸上枱嘅時候仲熱辣辣，外皮脆卜卜配搭住凍嘅煉奶一齊食，口感味道都好豐富❗️！