鹵家

营业中

休息中

元朗教育路有很多餐廳，是吃午餐的好地方。我今次去了一間我沒有吃過的餐廳，鹵家- 本身以為是吃滷味的，原來更加特色的是燒味。.🔥午餐好抵食，$56 食神叉燒飯 wonder 一大碟叉燒又有留心太陽蛋。叉燒燒到香得來，有保留到肉汁濕潤，醬料調味自然不會太搶，肉質軟硬肥瘦適中，做到齒頰留香。聽到有街坊午餐的時候就已經來預留晚餐的叉燒，店員話最好七點到否則有機會賣晒...... 咁搶手？ 不過味道不錯的東西，的而且確會令人留下深刻印象。雖然店仔細細，在我們吃午飯的期間，見到有好多熟客故意前來食叉燒- 客人未說要吃什麼，店員就已經知道他們將會點什麼。就是這種小店才更加有人情味呢，服務都很不錯店員很親切。🔥皇牌鴛鴦飯（特製鹽香雞及頭抽豉油雞）都很有水準，肉質嫩香，而且選用多肉部位不會只是骨，而且肉層之中有點點膠質，肉質濕滿之餘又帶豐盈口感。.🔥麻香脆海蜇 - 具有風味的撈拌，有芫荽、青瓜絲，拌上麻油的香，很有蜀風。值得一讚的是這間餐廳用的海蜇十分肥美，條條厚厚的更脆爽。每一個餐都可以配飯、米線、米粉或公仔麵，我吃米粉，一大碗我覺得是兩個人的份量......飲品推介老火湯（今日的是木瓜雞腳豬骨湯，足

呢間餐廳性價比都好高下，下午茶仲超抵食添，時間由2:30pm至4:30pm，只係$38就有交易。而且餐廳由五星級大廚主理，大大話話都做過成5間飯店/酒店， 食物都有番咁上下質素。.黎到當然要試下佢推薦同網上比較多人討論嘅招牌脆燒鵝同酒仙醉雞卷啦。.👉套餐：招牌脆燒鵝（$88）跟拉麵（$3）燒鵝皮脆肉香，份量頗多幾足料，用咗芽菜墊底，將佢地連汁倒落拉麵到好惹味🤗👉自家湯：五指毛桃蟲草花椰子粟米紅蘿蔔煲豬骨，個湯多料到仲加咗啲咩我都噏唔晒，總之就好足料啦😋👉套餐：燻蹄拼海蜇（$65）跟米粉燻蹄同海蜇非常爽口彈牙，燻蹄保留到肉味同肉汁，確係出色。天口㷫食佢都幾開胃。另外再加埋咸檸七（$8）爽哂✌🏻👉小食：酒仙醉雞卷（$45）醉雞用雞卷方式呈現，手法都幾特別同吸精，雖然以雞卷形式，但依然保留到凍雞係皮與肉之間嘅膠原bb, 加上涼涼的酒香，好岩夏天享用。

我又再次尋找到一間十分之有水準燒烤鹵味店！這間位於元朗旺中帶靜的店舖位置非常唔錯!店舖雖然唔係好大！人流非常之好旺！我可以回味過去年代的燒臘的味道！十分之唔錯！。至於食物方面:梅子脆燒鴨賣相一流！皮脆肉嫰味道又唔錯！食入口非常之正好味道入哂味！再加埋點吓D梅子醬十分之唔錯！。暗然銷魂飯(食神义燒十白飯)！賣相十分之吸引！睇到流哂口水！义燒原计原味肉質嫰滑咬入口又有口感！味道恰恰好！真係可以食到過去年代的味道！。鹵水大腸頭味道十足！非常腍身咬入口軟硬適中！大腸咬入口好有咬口味道恰恰好！真係食到以往過去鹵水计的味道！真係用足心機制做！。飯品方面:檸檬茶茶味味道濃郁！味道十足飲入口非常之唔錯！甜度恰恰好！。凍咖啡味道好香！咖啡味濃郁！飲入口非常之唔錯！。至於價錢方面一般價錢！現在食套餐送例湯或茶！我覺得唔錯！

與朋友一起去食午餐，朋友比較大食，揀左皇牌鴛鴦飯（鹽香雞+脆燒鴨），我揀左叉燒飯，另外叫左一份醉雞卷。整體的食物「色」都好好，擺盤靚可以增加食客的食慾。叉燒飯中叉燒頗有水準，份量足，肉質雖不至於入口融化，不過好入味，忍唔住食曬。飯中仲有一隻太陽蛋，隻蛋就賣相唔錯，味道就一般。朋友叫既是鴛鴦飯，飯是另上，飯同餸既份量都好足，男仔食都夠。至於味道，雞真係咸左d,朋友食得咸所以叫左鹽香雞，鴨的肥瘦剛好。我地另外點左醉雞卷，酒味都少少重，雞既肉質幾好，係唔夠香，每片上面的杞子幫佢加左分，份量足。不得不提，我地試左飲個無味精老火湯，湯料足，真係無味精，飲完都唔會覺得口渴，唔錯。埋單每人$80左右，睇落有點貴，不過以味道同份量來計，都算抵的。

今日出開元朗揾食， 平日中午諗住無咩人， 估唔到條街都係人頭湧湧， 因為去完運動場跑步， 都係一路行返出去， 就見到哩間餐廳， 門面簡單， 但就食潮洲滷水食物咁入到去見到好乾淨， 而係其他客人都係同店員有傾有講， 相信都係好多客食開， 就更有信心， 疫情期間有哂隔板， 衛生情況完全滿分， 另外店員見我地兩個人， 旁邊未有人坐仲特登拎開d個隔板， 等我地坐得舒服d我地揀返午市套餐， $5x-6x已包飲品， 兩個人一個叫左叉燒飯， 另外叫左鴛鴦飯， 因為我又想食雞， 又想食梅子鴨， 另外加叫左個醉雞卷， 都只係$45, 相信小食黎講第度一定食唔到咁平首先講叉燒飯先， 黎到樣子好吸引， 隻蛋正正係我最中意既太陽蛋， 特別喜歡個飯唔會太多汁但唔乾， 一定要講個叉燒， 好好食， 唔係好多蜜糖個感覺， 而係唔乾身又唔係太肥， 平時有時我同朋友都未必成碗叉燒， 但lee個我地食哂， hehe...跟住鴛鴦飯， 佢係飯同餸分上， 咁就唔怕d飯吸哂雞鴨油， 雞都係同出面一樣， 夠滑， 但個鴨我就絕對覺得係水準之上，多汁好食， 加埋梅子醬， 開胃夏天佳品一定要提係佢個老火湯， 少可既唔加味精(真係一飲就飲

是日晚餐走到經過多次都未有機會品嚐既鹵家，招牌中有幾款推介食物，揀完又揀，終於揀左呢款甜甜既梅子脆燒鴨。未知係咪對＂脆＂字有誤解，冇一舊燒鴨係脆既，定係因為已經到左晚上，所以已經變軟？但我只係8點左右去食。第一口咬落去，皮是淋的。不過鴨肉幾入味，配埋梅子醬甜甜地，食多幾舊有點膩，稍為沾ｄ梅子醬，作為膩時可以解膩之用有緩和既作用。食物質素係OK，但係比預期既＂脆＂有出入，有少少失望。整體未見特別突出，下次可以試下叉燒平一平反。

今日去咗元朗搵朋友，夜晚就由佢帶咗我去一間佢經常幫襯嘅小店。細細地一間主打叉燒，醉雞捲同各式各樣嘅滷水拼盤。佢哋嘅湯飲落冇味精，而且好多湯渣，食落好甜好淋好好飲，好有屋企嘅味道。蜜汁叉燒王朋友話必定要食嘅招牌叉燒，叉燒肥瘦適中，而且肉質好嫩，最欣賞佢燒到有少少焦香，正！〰️酒仙醉雞卷 💲45醉雞卷工序複雜，平時好少舖頭會有醉雞卷，難得呢間小店有，當然要叫番碟！雞肉去骨後卷成卷狀 ，雞皮軟滑無肥膏，帶有呈透明嘅骨膠原啫喱。雞肉嫩身，加上爽口雞皮，口感一流，食落充斥住花醉酒香，濃郁得黎唔會苦澀。每塊表面仲有一粒杞子點綴，更加清甜，呢個真係好好食！〰️話梅涼瓜片 💲32另外仲試左涼瓜片小食。本身我係好怕涼瓜嘅人 ，但呢個完全顛覆左我對涼瓜嘅睇法！涼瓜入口爽脆冰甜，食落好爽口，以話梅醃製，入口酸酸甜甜，之後先會食到微微涼瓜嘅甘苦。呢個真係好開胃 超有驚喜🤤❤️

好耐冇黎鹵家啦，水準依舊高質！晚市套餐$58-$76，有餸，有飯/米線，有住家老火湯／餐飲，非常豐富。是晚嘅老火湯就有牛蒡粟米紅蘿蔔豬骨湯，無落味精都好鮮甜。而且真材實料，好足料！好難得出街都飲到住家老火湯！每次嚟都一定會點蜜汁叉燒餐（$76），叉燒真係勁好食，半肥瘦，入口鬆化。米線好大碗，加咗麻油好惹味！蒜汁豬頸肉($63)第一次食，原來都好好食！份量十足，豬頸肉肉質軟腍，個汁調到恰到好處，豬頸肉吸收醬汁後非常入味惹味！小食都有唔少選擇，見到酒仙醉雞卷($45)幾得意就點咗一份，選用雞髀位，肉質嫩滑，再用雞皮卷住，外面略有彈性，入面juicy滑溜，口感好有層次。成個雞卷都非常入味，酒香清醇，又係值得一試！

After i have finished my appointment at Yuen Long, it was already dinner time, thus i decided to have a quick dinner before heading back home. 鹵家 was located several minutes walk from Long Ping MTR.For their dinner, they served set that come with rice and soup. Besides that, they offered side dishes and drinks etc.Chinese soup was clear and nourishing, with not much MSG tasted. It absorbed the essence of the ingredients such as pork ribs, carrot and winter melon etc.Sliced cucumbers was juicy an

今日同老豆黎到呢間起開心商場對面唔多起眼 但經常滿座既鹵家 佢似係主打燒味同滷味 去食緊野見到店裡面牆上面貼住既海報先知原來呢度既大廚係曾經起幾間五星酒店打滾 唔怪之得呢度啲野幾好食喇😋下午茶黎到叫左個梅子脆燒鴨飯佢既燒鴨皮幾甘香脆口 食落肉質幾軟 配上酸梅醬 🤤酸酸甜甜好開胃 送飯一流 隨餐仲唔洗加錢附送老火湯 黎到見到湯裡面好多湯材 飲落好有原料既味道 好無味精咁 好似屋企煲既湯咁 唔錯唔錯〰️叫左個惹味牛腱米線 滷牛腱食落無牛既腥羶味但又唔會係個種滷到好重滷味味 唔會遮蓋曬本身牛腱既鮮味 米線食落幾彈滑 食到一條不漏 😋海蜇醉鴨舌 😛海蜇好爽口 有少醋撒左芝麻上去食落幾惹味 鴨舌食落幾有彈同好夠有花雕酒味 味道香甜下面仲有小小涼拌青瓜絲 食燒味 叫埋呢款小食 解膩一流 😌野食幾好味價錢都好大眾化👍🏻只係冷氣真係勁凍 連我呢個經常keep住超高溫既發熱體都覺得凍 冷氣細返少少就perfect啦🤣鹵家元朗教育路68號兆豐樓地下10及14號舖

前幾日朋友傳了張黯然銷魂飯的相片給餓底，令餓底好想食叉燒飯！今日來元朗工作，順手在教育路找找有沒有靚叉飯食，又真係比餓底搵到，整定今日有食神😆食神叉燒飯有兩個👍🏻👍🏻，就是你了。跟餐的住家老火湯，看湯底顏色就知超足料，飲落甜到入心，絕對沒味精，餓底飲得好高興！叉燒飯來了！隻蛋好吸睛，蛋白滑溜，蛋黃呈現完美的狀態，心心眼！小心地移開隻蛋，超多叉燒在底！有好多舊都有燶邊，食落有焦香，唔肥，肉質鬆化，堅靚既叉燒，以後想食靚叉飯就知道地方了！仲叫左個健康雲耳仔，酸酸地幾開胃，yummy!

已經是第二次來吃鹵家了，他們家的燒味的確是元朗數一數二好吃的，特別是叉燒，令我一吃難忘。這天收工後又來吃晚餐了。和姐姐各自點了一份晚市套餐，套餐性價比高，價錢不貴，但分量多而且味道好。套餐可以自選一款小菜，還有白飯或米線/米粉和住家老火湯或熱飲，十分豐富！我選了住家老火湯，因爲這裏的老火湯沒有添加任何味精，絕對健康又滋補。當日老火湯是佛手瓜栗子南北杏甘筍豬骨湯， 完全無味精的家常老火湯，除了感覺特別滋潤之外也更清甜。還有很多湯渣，十分真材實料。小菜方面我選的是梅子脆燒鴨。 燒鴨果然皮脆肉嫩！很多肉汁，配搭酸甜的梅子醬，更加惹味！姐姐點的則是餐廳招牌蜜汁叉燒皇。叉燒外皮微脆，肉質又軟又鬆化，肥瘦相間， 蜜汁甜甜的調味亦恰到好處。我們都點了湯米線。初次之外，這裏的小食-酒仙醉雞卷也很值得一試。不但賣相吸引，味道也很好，尤其是花雕酒的味道相當突出，鷄肉很有彈性。

近排喺元朗發掘到好野食，就係呢間鹵家，之前其實都經過幾次，但一直都覺得燒味冇咩特別所以就冇入去食過，今次反而係外區嘅朋友話以前喺永年附近食過，想今次入黎元朗再食就問我知唔知呢間鹵家喺邊，我先發現到呢間隱世食店。呢間舖頭嘅叉燒肥瘦適中，咬入口肉質鬆軟，叉燒嘅調味亦唔會過鹹，加上叉燒燒得岩岩好，燒到外皮有少少焦脆，唔怪得呢一個叫叉燒王啦，果然名不虛傳。蒜汁豬頸肉上面淋左呢度秘製嘅蒜汁，加上豬頸肉肉質爽脆，食落同我以前食過豬頸肉嘅味道同質感好唔同，鍾意食豬頸肉嘅朋友必點。醉雞卷用上去骨雞髀肉捲成，所以肉質厚實鮮嫩，脂肪極少，咬落啖啖肉，用花雕酒浸嘅醉雞卷帶清香酒味，而雞卷上有杞子作裝飾，可謂色香味俱。足料老火湯

今天在街上剛巧遇上朋友，相請不如偶遇，就提議一起晚餐，就到附近的鹵家試試。晚市套餐奉送餐湯或餐飲，飯可免費改為米線、米粉、公仔麵或加錢轉拉麵、烏冬、出前一丁。子薑鴨仔煲餐牌上形容為「酸甜惹味，鴨嫩肉香」，果然貼切。酸甜味來自子薑，清爽惹味，鴨肉嫩滑，用煲仔上，倍添鴨肉香味。而且子薑能「增進食慾、溫胃健脾，促進血液循環，增強人體抵抗力」，鹵鴨肉「滋補養胃，去燥降膽固醇」，美味又健康，難怪很多枱客都點這道菜。沙蔘玉竹蘋果雪梨湯味道清甜，滋潤有益。蜜汁叉燒王色澤均勻，充滿蜜汁香味，肥瘦適中，咬下去爽口彈牙，充滿質感，一試難忘。酒仙醉雞卷賣相吸引，雞卷無骨，每件大小均勻，加上一粒杞子，整齊地排列在碟上，一件一口剛剛好，肉質嫩滑，滲著淡淡的酒香味。還有我的最愛:凍檸七

今日同因為疫情而好耐冇見🐢🍯食晚餐，簡簡單單揀左呢間食住家餸嘅餐廳。見佢好似係主打燒味，所以一人嗌左一個燒味餐嚟share。我自己本身唔鐘意食叉燒，但🐢🍯很喜歡，為左佢，我就一於試下啦。一食竟然顛覆左我對叉燒嘅睇法。我唔鐘意食叉燒係因為我覺得叉燒又硬又乾，唔好食。但呢度嘅叉燒竟然係又Juicy又嫩，即使係全瘦都好腍，又唔會太甜或太咸。我勇於嘗試🐢🍯喜歡的，當然都要佢試下啲佢原本唔喜歡架啦😂所以我就揀左個燒鴨，佢唔喜歡食鴨係因為怕騷。但係呢度嘅燒鴨除左唔騷之外，啲肉仲好腍，而個皮都燒到又脆又香，再重要係佢一啲都肥，呢樣好重要。講下佢個餐，佢個飯都好大碗，其實食唔晒。而佢個湯清清地，幾好飲，最重要真係冇味精。另外我地原本驚唔夠餸，嗌多左個醉雞卷。我覺得佢個雞卷都好食，唔似出面有啲太重酒，變左苦，又或者太輕酒，得個咸字。食到飽一飽，燒味又咁有質素，價錢都合理。支持下小店，好過成日去連鎖店。