鹵家

营业中

休息中

由細店搬到大店，幫襯到現在，品質都係保持高質素，價錢平，所以今晚就去呢度開餐😚😚由於七點係晚餐時間，好彩耒早一步，唔係又耍等，入到去姐姐已經熱情招待👍👍招牌鹵家食鵝，芽菜 墊底，鵝片大片，肉質有咬口， 齒頰留香 ，鹵得入味，Hkd 98 蚊價錢食到甘大碟，好滿足😋😋😋蜜汁叉燒王 必點 之一， 叉燒 肥瘦適中， 鬆化，加上 叉燒邊 燒到微微焦香 送飯一流😋麻香脆海蜇， 惹味配上 脆海蜇 是 餐前的好選擇佛手瓜 栗子南北杏香甘荀豬骨湯，無添加味精，大大嚿豬骨正！！！😍😍請支持小店🤩🤩🤩🤩好好味

又係呢間鹵家啦，佢哋啲嘢食都好啱我胃口。夜晚嚟叫餸食飯，又係令人滿足嘅一餐晚飯😋.每次嚟都忍唔住會叫叉燒～今次嘅叉燒都係半肥瘦，食落肉質都好鬆軟。叉燒有少燶邊，味道剛好，整體依然令人滿意。話說我記得上次嚟食啲白飯有啲過腍，但今次啲白飯就煮得啱啱好👍🏻.香蔥煲仔豉油雞一上枱超級熱辣辣，個煲仲係咁滾緊㗎，所以要小心熱吖🙈入面大概有半隻份量嘅豉油雞，啲雞食落都好嫩滑。豉油雞食落調味啱啱好，唔會過咸。雞下面有啲薯仔，成煲雞連薯仔清哂冇難度😂.今次特別encore咗上次食完覺得好有驚喜嘅話梅涼瓜片。同行朋友唔鍾意食苦瓜，所以佢食咗一片之後其他都係我食晒☺️😌涼瓜片好爽脆，食落有話梅嘅咸咸甜甜味，又有苦瓜本身嘅甘甜，我幾鐘意😆.呢到每日都有一款住家老火湯，所以跟餐記得揀湯啦！是日老火湯係霸王瓜南北杏豬骨湯，好足料，真係好有住家嘅感覺吖👍🏻😋

蒜汁豬頸肉😋😋😋😋超好味！必食推介！蒜汁又香又甜又入味，豬頸肉處理手法非常新穎，唔講以為係雞肉，薯比戒左雞咁耐，真心可以止到癮～話梅涼瓜片😋😋😋評語好壞參半，薯比本身係好鍾意食涼瓜嘅，但我就覺得塊嘢剩係得甜酸味冇咗涼瓜味，相反，馬比就覺得好正啊，因為佢本身係唔食苦瓜嘅（黑人問號），佢話好甜容易入口，成碟苦瓜比佢食晒😂蜜汁叉燒王😋😋😋😋叉燒肉肥瘦分布平均，調味適中，入口即融，總括而言係超級好味！！薰蹄海蜇😋😋😋😋同幻想中嘅味道一樣，有正常薰蹄同海蜇應有嘅味道，合格 ！打完呢篇食評，打算今晚再去食過🤪🤪🤪

今日嚟到元朗搵食，突然間好想食叉燒見到附近有呢一間餐廳有燒味小菜又新開就去試吓啦☺️店入邊座位唔算多，但兩邊梳化位都坐得好舒服，地方都乾淨，就好似一間高級茶餐廳咁🤣🤣我哋分別叫咗兩個套餐同埋一個小食，叫餐嘅話餐廳會送湯🍲而且仲會寫埋有咩功效今日係冬瓜木棉花赤小豆扁豆煲豬骨，清熱解暑，啱晒咁熱嘅天氣飲呀🧊而且唔好以為送就細細碗，上枱時好足料好大碗，好有家的味道☺️☺️蜜汁叉燒王套餐($76)叫得做叉燒王咁巴閉就試吓佢有咩特別先！🥓而家好少叉燒會做到燶邊脆口👍🏻👍🏻肉質半肥瘦，叉燒汁又唔會太重口味，啱啱好，份量超多，比平時酒樓嘅例牌都要多！好高質🥰🥰梅子脆燒鴨套餐($68)佢嘅燒鴨一睇個樣就好賞心悅目，個皮真係脆，燒得好靚好香鴨味🦆肉質唔會鞋，送飯一流，我哋一舊接一舊就食晒成碟🍛份量又係超級多，開頭仲諗應該食唔晒要打包返屋企🤣🤣酒仙醉雞卷($45) 醉雞捲卷得好靚🥃一件一件擺好，每一件上面都有一粒杞子，清甜爽口，男朋友本身唔食醉雞都話幾好味😆😆其實佢仲有好多款小食，下次要再試多幾樣啊 !

今日要去元朗做野 搵咗附近餐廳食午飯🥣呢間餐廳店面裝修光猛舒服 仲幾乾淨 都坐得幾舒服架～叫咗兩份午餐🍽食神叉燒飯🍛 ($56)都幾黯然銷魂飯既feel~~ 賣相好靚好吸引！食落啲叉燒肥瘦適中 唔會話一咬落去全部肥膏咁 叉燒都燒得好正 蜜味好均勻～秘汁鹵家鴨🍛($54)一貫排得好整齊賣相吸引既作風🤤 鴨肉都鹵得入味 同唔韌啊👍🏼仲叫咗兩款小食～薑汁松花(+$15)薑切成碎粒舖滿松花皮蛋上面 一啖食落去 其實我唔食薑既人都覺得唔辣 同啲薑粒都同皮蛋幾夾 呢款小食有啲特別～😍.鮑汁雞腳(+$18)鮑汁浸過既雞腳好入味 仲甜甜地 👍🏼飲品就要是日老火湯-老黃瓜赤小豆扁豆豬骨湯🥣佢地主打係無味精既住家老火湯 真係煲得幾好飲 好入味 係媽媽既味道😍原來呢間餐廳既老闆係前五星級酒店大廚 每日新鮮製作既叉燒飯同無味精老火湯係呢間店既招牌菜

—平時夜晚喺屋企食飯想斬料加餸都會嚟呢度上咗個例湯先佛手瓜栗子南北杏甘筍豬骨湯功效: 潤燥止咳 增強體質符合而家天氣同疫情飲完唔口渴 湯渣都入味蜜汁叉燒皇($76)兩層叉燒疊高 份量幾慷慨厚切半肥瘦 香口微甜 軟腍有肉汁最鍾意揀燶邊嚟食 肥膏部分幾有嚼勁堂食好似更加好味秘汁鹵家鴨($68)皮薄富彈性 肉質尚算腍身唔死實我諗加錢轉鵝會更柔軟食完碗飯 都仲有好多鴨肉lol三個人嚟嗌兩個餐都會夠食麻香脆海蜇($42)海蜇好爽脆嗦嗦聲 啖啖麻油香味從個餸菜名無差異地反映出嚟—————————————鹵家元朗教育路68號兆豐樓地下10及14號舖

好耐冇食燒味飯啦～見到間鋪頭新新地，又靚靚既外表，吸引左我入黎食個飯😬估唔到有意外收穫！！！！兩個人，一人叫左一個飯！一個係食神叉燒，一個叫左鹽香雞！兩個都配大大碗飯，應該大男人都食到飽飽！仲要$50幾蚊咋！可以揀野飲或者湯，佢既湯吾似味精湯，勁多湯料！👍👍👍👍食神叉燒飯係意想不到既，因為會怕佢啲肉吾係半肥瘦就會乾！但....一啲都吾會！半肥瘦當然好食啦！但淨瘦肉都好食🤣🤣呢個真係估佢吾到！！！！另一個鹽香雞就第一次食既，都吾知咩叫鹽香雞！吾理知吾知佢係咩啦！啲肉滑溜溜，吾會鞋颯颯！有啲鹹香鹹香既味道，都幾特別！我都聽到幾多人叫佢黎食，我先跟風叫🤣又跟得幾好！真心！我一定會再黎食，個店員好nice!吾會西口西面！我真係會再黎食！😌😌😌

Lunch time 落左元朗同媽媽食下野，佢見到呢間有滷鴨，而佢又想試，所以就食呢間啦～～～兩個人食左1. 食神叉燒2. 滷家鴨3. 青瓜4. 雲耳1. 佢既飯同叉燒一齊食好好食，粒粒飯都有叉燒個汁🤤🤤🤤🤤好正！佢既叉燒就要算吾係半肥瘦既果啲都吾會好鞋！！一啲都吾會鞋！好入味，好香！😬😬2. 呢個鴨我好少係其他燒味店食到，不得了啊呢個，加上佢既汁，酸甜酸甜！食到我停吾到口🤪明明我係叫叉燒飯😛食哂啲鴨😋不過勝在佢大份，所以我食左好多件，啊媽都仲有得食！小食叫左兩個，青瓜同雲耳，兩個都係酸辣酸辣甘，食食下個青瓜原來都幾辣，但都停吾到口😋個汁整得好‘野’味，食到差啲想飲埋個汁hahaha埋單都係143，物超所值！50幾蚊一個飯，吾可以話好抵，但係加上甘既質素又吾同講法！好味😋寫寫下想聽日又去食😩😭

這晚跟朋友在元朗行街，想食個便飯醫肚，餓底想起鹵家的叉燒好好味，就自信滿滿地帶朋友來。老火湯，老黃瓜煲豬骨，絕無味精，是媽媽的味道，碗碗都有骨有肉，飲得朋友好happy。蜜汁叉燒王朋友跟餓底一樣愛吃叉燒但不愛吃肥叉，瘦叉又容易好鞋(難服侍😂)，鹵家的叉燒就不同了，肥瘦適中，肉質鬆化無比，少少燶邊提升甜味，腌尖人士都搞得掂，叉燒王當之無愧！朋友說下次都要帶朋友來威下，哈哈！蒜汁豬頸肉這是店員推介的，他說蒜汁很特別。初初見到豬頸肉以為是燒的，等到上枱時才發現是類似蒜泥白肉的做法，豬頸肉烚熟切片，再淋上特製蒜汁，這蒜汁甜甜地，蒜味跟甜味平分秋色，就如店員所說，好特別！怕食到飯氣攻心，這餐配了米線，湯底清清地非常不錯，推薦比唔嗅米氣的朋友！

來到元朗梗係要試一試地道小食啦。 呢間鹵家小店主打燒味小菜，我最鍾意食叉燒， 晚餐時段70零蚊，下午茶仲低食30~40蚊，性價比好高。 地方雖然唔大，大約有20個位左右，坐得都算ok舒服啦。 入到去需要量體溫，同有洗手液提供。服務態度都唔錯，老闆娘同食客都有交洗， 有人情味既小店。蜜汁叉燒王 小菜套餐 $78跟餐一碗飯 & 一碗湯。是日靚湯係冬瓜木棉花赤小豆煲豬骨，果然正真材實料，好足料，食得出係新鮮豬骨。我至愛叉燒，燒得好香，肥瘦適中，仲有少少燶邊，燒到外面脆脆的，裏面保留肉汁，值得一試。梅子脆燒鴨 小菜套餐 $68燒鴨皮有光澤，有少少脆口， 一啲鴨騷味都食，髀肉嫩滑有肉汁。梅子醬酸甜清新，梅味香，同燒鴨好夾。脆皮炸乳鴿 $58即叫即燒，來到係燒到紅卜卜熱辣辣，新鮮冇騷味，肉質嫩滑非常juicy，絕對值得一試。

食神叉燒飯 ($56)• 極力推薦✨太陽蛋、蜜汁叉燒以及舖在白飯下的醬汁都搭配得恰到好處。• 太陽蛋白底面帶有微微焦香，蛋黃保持水凝狀態，撈飯一流！• 蜜汁叉燒厚薄、肥瘦均勻，没有一層油脂但卻非常香軟同時帶點爽口而且充滿肉汁，表面仍帶點焦香，十分香口滋味。梅子脆燒鵝 ($67)• 鵝肉多汁，鵝皮保留原有的油香，即使不用醮上醬汁都能品嘗到當中美味。• 鵝皮油脂適中，不會感到太過油膩，同樣配飯一流，如果再香脆一點會更加滋味。薑汁松花 ($30)• 一道以薑片和薑汁去搭配皮蛋的組合，薑味不算突出亦未能跟皮蛋協調，有點格格不入。• 皮蛋質感鬆散，一夾便分成碎片，而且有一兩件還帶點石灰味，有失水準。鴛鴦雙併煎餃 ($45)• 韭菜鮮肉煎餃 + 香芹木耳鮮肉煎餃• 整體來說餃子的餡料都十分飽滿豐富，皮的部分煎得均勻香脆，但是略為厚了一點。霸王花南北杏煲豬骨• 有住家老火湯的味道，湯和材料的份量同樣充足！是取代其他餐飲的好選擇。

元朗真係一個美食天堂 成日見滷家門口排晒長龍 今日終於有機會試吓😋.晚市佢有套餐 老闆不斷推介叫我地試吓自家製蜜汁叉燒王套餐 自家製蜜汁真係名不虛傳 惹味又香甜🥰🥰.朋友就叫咗個蒜汁豬頸肉 其實開頭都有啲怕食蒜汁嘅食完個口會好臭🙊🙊.但佢哋嘅味道又剛剛好 而且豬頸肉仲好爽口彈牙😎.加多咗個小食 酒仙醉雞卷 我不嬲都好鍾意食醉雞 咁見佢前嗰兩道菜嘅醬汁都咁特別 最低都應該唔會令我失望掛🙈.醉雞味香濃入味 😜😜 不過呢 食呢三道菜我諗個次序要先食醉雞再食豬頸肉同叉燒 始終豬頸肉同叉燒嘅味道都比較濃🙈.套餐仲會送無味精例湯 嗰晚嘅例湯係 佛手瓜栗子 南北杏甘筍豬骨湯 👍 老闆話潤燥止咳 增強體質 啱晒依排飲喎😂😂.晚餐來講其實我覺得呢度都好豐富 如果大家都會去元朗覓食 不妨都試吓啦❤️🍚🍚.地址：元朗教育路68號兆豐樓地下10及14號舖

今日有幸經過呢間小店，意外地食到令人難忘嘅燒味，不得不分享一下。酒仙醉雞卷，賣相吸引，酒香四溢，入口清涼啖啖肉，齒頰留香，夏天吃最適合不過😍梅子脆燒鴨飯，色澤紅潤，肉質肥而不膩，品質屬於中上但唔算好驚喜。皇牌鴛鴦飯，即係雙拼飯，今次揀左油雞拼叉燒。油雞香氣撲鼻，雞肉細膩嫩滑。叉燒肥瘦適中，外脆里嫩而且有汁，入口充滿燒烤香氣🤤無論是食飯抑或是飲酒，都係上上之選。每個飯餐仲送一杯飲品或者一碗足料靚湯。呢間小店好用心好出色👍🏻有呢個美味程度黎講係好便宜，食到咁滿足都只係160蚊，極度推薦叉燒同醉雞卷。餐廳地點相對上少少隔涉，元朗人就應該唔難搵，如果其他區人士過黎可能就要花多少少時間搵一搵，但絕對值得。

今日放假出左元朗陪個朋友去處理D野，佢帶左我去呢間餐廳食，話一定要試下！第一次食當然試D招牌菜式，所以我地叫左個午市menu上強烈推薦既叉燒燒鵝飯，跟菜心同老火湯，另外單點左個酒仙醉雞卷同涼伴雲耳～今日嘅湯係霸王花南北杏煲豬骨，清熱潤肺，真材實料無味精，好有媽媽的味道👍叉燒燒鵝既色澤好靚仔！叉燒側邊燒得好焦香，肥瘦適中，份量仲好多～燒鵝既皮好香脆，肉質實淨～菜心煮得好嫰綠👍 食咁多肉配返啲菜感覺厄下自己好似健康啲😅酒仙醉雞卷賣相好精緻好花心思，酒味幾重但好香，啲雞舊舊都好滑👍👍👍涼拌雲耳好清爽，今日下晝成三十幾度熱到不得了，要嚟做開胃菜非常合適👍食完覺得好驚喜！水準真係非常唔錯👍👍食嘅途中係咁聽到老闆娘同啲熟客仔傾計，咁用心既製作值得支持👏👏

🐤-呢間鹵家喺元朗都好出名，而且係黃店💛佢嘅醉雞都好入味，不過就好細件，叉燒都好香，但我比較推薦佢嘅梅子脆燒鴨，因為個皮脆，好有梅子香之餘，仲充滿油分！😍不過略嫌偏咸咗少少！但絕對可以再食！😗仲要好感動嘅係：見到隔離枱個呀叔係黃㗎！你知上咗年紀嘅呀叔通常都⋯⋯⋯🤫