鹵家

营业中

休息中

今日同因為疫情而好耐冇見🐢🍯食晚餐，簡簡單單揀左呢間食住家餸嘅餐廳。見佢好似係主打燒味，所以一人嗌左一個燒味餐嚟share。我自己本身唔鐘意食叉燒，但🐢🍯很喜歡，為左佢，我就一於試下啦。一食竟然顛覆左我對叉燒嘅睇法。我唔鐘意食叉燒係因為我覺得叉燒又硬又乾，唔好食。但呢度嘅叉燒竟然係又Juicy又嫩，即使係全瘦都好腍，又唔會太甜或太咸。我勇於嘗試🐢🍯喜歡的，當然都要佢試下啲佢原本唔喜歡架啦😂所以我就揀左個燒鴨，佢唔喜歡食鴨係因為怕騷。但係呢度嘅燒鴨除左唔騷之外，啲肉仲好腍，而個皮都燒到又脆又香，再重要係佢一啲都肥，呢樣好重要。講下佢個餐，佢個飯都好大碗，其實食唔晒。而佢個湯清清地，幾好飲，最重要真係冇味精。另外我地原本驚唔夠餸，嗌多左個醉雞卷。我覺得佢個雞卷都好食，唔似出面有啲太重酒，變左苦，又或者太輕酒，得個咸字。食到飽一飽，燒味又咁有質素，價錢都合理。支持下小店，好過成日去連鎖店。