鹵家

营业中

休息中

話說我經過鹵家好幾次，每次均聞到超香的燒味香味，不過總是只有我一個，想找個人陪我分甘同味也不行。前晚去完韓國旅行的好友說想給我手信，我把握機會相約她去鹵家吃晚飯。酒仙醉雞卷完全去掉骨頭，雞肉更為緊實甜美，再以紹興酒醃漬入味，成了風味十足的酒仙醉雞卷。醉雞卷溢出難以抗拒的淡淡醉人酒香，皮肉之間滑嫩有彈性，酒芳四溢，美味極致，好吃。冬天最幸福的事莫過於吃鍋熱騰騰的煲仔菜，我們選吃了南乳豬手煲，另加25元配絲苗白飯和住家老火湯。絲苗白飯不論配南乳豬手煲，或是梅子脆燒鵝都一流，白飯粒粒分明，乾爽有嚼勁。是晚住家老火湯蓮藕豬骨湯清甜無比，蓮藕吃來爽口，豬骨肉燉得軟腍，湯中盡是精華。南乳豬手煲散發濃郁的南乳香，豬手下的小配角薯仔粒，花生煮得透徹，軟綿入味，足見大廚花費了不少時間滷煮。豬手肉的比例不多，豬皮彈牙不死鹹，豬手爽彈的膠原蛋白讓朋友愛不釋口。朝思暮想的梅子脆燒鵝我終於吃到，燒鵝有三重口感滋味，最上層的燒鵝皮油油亮亮，脆不可擋，中間豐沛的油脂在嘴裡爆開，滿滿的鵝油香，底層鵝肉水嫩細緻多汁，我們都盡情享受這脆燒鵝。沾點附上的梅子醬，酸酸甜甜特別解膩，有股魔力讓人吃完一塊燒鵝，又想沾上梅子醬再來

元朗一向美食多，住這區就是幸福 💖💖，縱是小店一間，也是特式出色。跟店家間聊，得知廚子曾任多間高檔食府大廚，心想今回有口福了 😍😍點了小食鹵水大腸頭拼豆腐，鹵水入味，大腸有咬口但不會韌，加上獨特的香味，的確不錯。豆腐外層沾滿了鹵水汁，內裏豆腐軟滑，惹人喜愛。海蜇醉鴨舌，鴨舌酒香味濃，口感爽脆。海蜇麻油香味直撲，口感嫩滑，比平日飲宴吃到的，質素更為優勝。👍👍👍鹵家晚市套餐，跟有白飯或粉麵，還有熱飲或例湯奉送。例湯是沒有味精的老火湯，另有用湯碗盛的大白飯，兩人合力也吃不完一碗。蜜汁叉燒皇 ，微焦位特別香，瘦肉鬆軟，肥肉美味度更不在話下。蜜汁香甜，而且份量超級多，性價比超高。特制鹽香雞，雞肉嫩滑，就連雞胸部份都非常滑漏，肉汁豐富，味道點只鹽味咁簡單 👍👍餐飲是熱檸蜜，冬日暖身佳品。四餸一湯，巨型白飯，只是兩百多；味道媲美高級食府，價錢貼地，份量充足，絕無欺場。懶出街的話，還可以經某外賣APP送外賣，相當貼心，收藏餐廳又添一員了。

兩口子不想煮飯的平日晚上，他帶我來到這家他曾吃過午飯的小餐館。雖然名字是鹵家，卻有不少燒味可選。二人點了小食薑汁松花、一個晚市套餐（包括蜜汁叉燒、老火湯和白飯）和子薑鴨仔煲套餐。薑汁松花其實是皮蛋，皮蛋是溏心的，配蒜蓉醬汁，有輕微辣味。由於是冷盤，間中可吃一塊子薑暖暖胃。老火湯湯料有豬骨、蓮藕等，聲稱是無味精的，喝後喉嚨確實沒有味精感，有住家味道。叉燒和白飯份量都比想像中大，叉燒肥瘦適中，肉質軟嫩細緻，有焦香味道，個人認為比得上酒家的過百元叉燒，在小店吃到幾有驚喜，墊底的大豆芽沾滿蜜汁，我們也把它全部吃完。子薑鴨仔煲上檯時熱辣辣，鴨肉是鹵過的，非常入味，肉質也同樣嫩滑，有薯仔粒墊底，醬汁輕微滲入子薑味道，很適合冬天吃。煲仔小菜是單點的，跟白飯和例湯加$25。份量很慷慨，兩個人吃得飽飽才離開。價錢和質素都令人滿意，我會常來的。

><未搬鋪之前食過 依稀記得係唔錯嘅價格相宜 份量慷慨嚟咗個蓮藕煲豬骨湯先標榜冇味精嘅住家老火湯幾清澈唔太濃 飲完唔口渴蜜汁叉燒皇($76)厚切肉帶點肥膏 香口有燶邊整體柔軟唔死實富彈性南乳豬手煲($68+$25變套餐)上枱時個汁仲沸騰緊豬腳皮厚腍滑 噒下骨補膠原京蔥金錢肚($40)牛肚都切成細條狀配合京蔥青瓜幼絲一齊食唔太辣 有黑椒碎吊味><><><><><><><><><><><><鹵家元朗教育路68號兆豐樓地下10及14號舖

半肥瘦嘅叉燒係我嘅至愛之一🤭細妹食過話好啱食，所以👭就今日一於來個美食一天遊 let's go~雖然店舖唔大，但座位不不會太逼夾，坐低就見到牆身一個張貼上有Q版公仔介紹小店大廚既履歷😚餐牌非常簡單，跟飯套餐有老火湯同包埋熱飲，另外加錢還有小吃👍首先來個多料嘅冇味精住家老火湯👍食神叉燒飯woo ~ 叉燒分量唔少，仲要厚切👏👏👏肥瘦適中，入口鬆化多肉汁😍 撈埋蛋汁、醬油一齊食，好味道呢🤤梅子脆燒鴨好正啊鴨肶嚟㗎，脆皮😙皮下脂肪較少👍， 鴨肉醃得好入味😋， 如果啲墊底大豆芽菜再多少少就會更加好😆話梅涼瓜片涼瓜片清涼爽口， 食落甘甜， 話梅味蓋過苦瓜嘅苦澀味👍應該用好大量嘅甜話梅才做到這個效果😚👩‍⚖ 食材新鮮足料，用心製作，cp值高， 小店經營💪💪💪

食完呢間，明白咩叫做~~高手在民間😋😋同朋友落元朗行街食野吹水，行到肚餓，隨便入間餐廳，門面望落不似舊派燒味店，怕唔夠正中，但不防一試心態🤔🤔門口睇唔出係燒味店，而且覺得幾乾淨整齊，所以就拜門一試例湯每日都唔同，一飲就知媽咪味道，無味精，真材實料話梅涼瓜片~小食真心攞介，出面未試過，味道清甜爽口帶點甘香味，甜甜酸酸蜜汁叉燒飯~傳說中黯然銷魂飯，真係好好食，叉燒肥瘦適中，筋位都軟晒，肉質柔軟，食得出唔係梳打粉醃製，食到唔停口，而且煎蛋唔會太熟，撈飯食一流燒鴨飯~店員好細心🤗🤗問我食唔食鴨肶，梗係要啦🤣🤣真開心! 皮有點脆，肉質唔韌$5x餐仲送野飲，連鎖店差不多價錢，但質素差好遠唔好睇店面就決定好唔好食，食完唔會再去連鎖店食燒味飯😏😏

元朗教育路 食肆林立， 徒有很多不同種類的 小店 有日本料理，泰國菜，韓國菜，廣東菜， 今日我就揀咗佢"囪家"小小食店已經座無虛席 , 入到去 侍應姐姐已經熱情招待☺我哋叫咗兩個小菜，一個小食。子薑鴨仔煲， 熱辣辣香噴噴， 是偷飯高手王牌叉燒王， 嘩！真係大大碟， 啖啖肉， 軟淋淋 ，十分之滿足👍👍話梅涼瓜片， 這個是冷盤， 涼瓜脆口 一啲都唔苦 仲帶回甘， 值得一試🤩 仲有一個 老火例湯 合掌瓜煲豬骨 絕無味精， 會在試其他 招牌菜， 請支持小店

我們8:30pm左右到，點了餐，店員話這是最後一份叉燒，真定假呀？真的這麽受歡迎？之後有其他客想點叉燒，店員真的說沒了，都失望而回。店員話，師傅曾在米芝連燒味店鏞記工作，所以在鹵家所有燒味都是自家燒制。分2批做（中午及晚上）數量有限，賣完了就真沒有了。.那麽幸福點到了最後一份叉燒，不客氣了！肉質在叉燒而言算是嫩，完全沒有乾柴的感覺。醬汁入味，juicy，很適合伴飯食，真不錯呢👍🏻.脆燒鴨燒得色水好靚，好香，雖然這是鴨但食到有少少燒鵝的味道一整隻髀上好幸福呢.醉雞卷卷很好靚，每片都有一粒杞子，賣相有誠意雞嫩滑，又食到幽香的酒味.當然少不了一碗老火湯非常足料連湯渣都十分豐富

食得街外飯預左食到味精，只要味道ok賣相精緻，都唔會太介意，難得找到平靚正就必要bookmark定下次再幫襯！鹵家就係呢一種蜜汁叉燒皇晚市套餐$76 配飯同住家老火湯食開半肥瘦，第一眼覺得叉燒唔夠肥，點知食落又岩岩好！啖啖肉，好鬆軟，油潤，加上蜜汁的甜味，叉燒的少少燶邊！而家講返都想再食聽講平時好早賣晒，今次好彩仲有，下次要早啲泥嚕～梅子脆燒鴨$68配飯同住家老火湯呢度嘅叉燒同燒鴨，都係自家燒唔係送貨過泥，質素有返甘上下！皮夠香，肉夠腍，中間的肥膏唔多，全碟俾我地掃清光如果真係怕鴨臊味嘅朋友可以加$20轉燒鵝～兩個餐都跟住家老火湯今日係玉竹沙參雪耳雪梨蘋果湯，一個字，好正！好足料！湯好飲之餘，湯渣都好甜好好食，連夠豬骨都食埋話梅涼瓜片$32好特別的小食涼瓜片好爽口好脆，一入口話梅味好濃郁！細問之下，原來係用咗大量話梅肉蒸出話梅汁，再醃過夜而涼瓜都係反覆用冰處理，先做甘爽脆！我地連話梅肉都食埋，好好肉，相信有甘好肉既話梅先蒸到甘多汁出泥做呢個小食，值得一試酒仙醉雞卷$45酒味偏濃，肉質嫩滑！配埋青瓜絲一齊食食下食下又清哂食第一次已講定下次再泥

這家間鹵家看似很普通但其實在元朗也是蠻出名的，是那種”路過的人不知是什麼，偶然經過吃一次的人對他有種特別的印象，喜歡的人會時不時來家常便飯” 的餐廳.沒有很浮誇的香味，但食下去就有一種溫厚窩心的味道- 這就是家的味道吧？.墊枱紙上說，師傅是曾在五星級酒店當廚難道菜式都是小巧精緻不是那麼份量超大超多的店，但食完會有種踏實的飽足.⭐️子薑鴨仔煲成個鴨髀wow，見到都流口水，煲仔熱辣辣冬天食正！子薑煮得很入味，除了醬汁，子薑味也滲入了鴨肉及薯仔粒。子薑的溫熱慢慢傳到口中。.⭐️醉雞卷&鹵水大腸頭聽聞也是必食之一鹵水很特別，不是濃濃的重味，而是經調和淡化了的鹵水味，更有一番風味.⭐️話梅涼瓜片涼瓜平時是苦苦的，但加入話梅的酸香，而且涼瓜做到脆脆的，有種份子料理的感覺！.加上碗老火湯，是家的味道！

年初喺鹵家食過午飯，質素唔錯，價錢又唔貴，之後都有再訪過幾次，so far都滿意。週六晚番到元朗唔知食乜好，想飲啖湯又唔洗太重口味，於是又黎鹵家。晚市9款套餐，叉燒、豉油雞、豬頸肉、燒鴨、鹵鴨等，主要以燒味為主；定價$58-76，附飯/米線/米粉/麵，可選老火湯或飲品。蜜汁叉燒皇 $76今次啲叉燒幾靚，有我地鐘意嘅燶邊，塊塊差唔多厚，份量足，冇眼見得到嘅脂肪，但食落柔軟唔柴、有彈性！墊底仲有少量芽菜，好入味，送飯一流梅子脆燒鴨 $68燒鴨睇彩數，有時瘦啲，當日嗰碟都唔錯，外皮薄身微脆，鴨肉香酒仙醉雞卷 $45掙扎完一輪都係放棄左豬頸肉，其實想食好耐，哈哈。醉雞卷都啱食，厚薄適中，一般人應該接受到嘅酒香。飲埋啖無味精感嘅蘿蔔湯，飽到上心口。埋單$192，相對黎講午市就更加抵，但晚市份量更多。

之前已經同爸爸媽媽食過鹵家，今次再去原來佢哋已經搬咗舖位，地方比舊店闊落。招牌叉燒一如以往咁厚肉，最鍾意燶邊帶蜜汁香，肉質軟腍富肉汁~鴨肉都唔錯，皮脆肉嫩，調味唔會過鹹。必試話梅涼瓜片！涼瓜爽脆甘甜，酸酸甜甜好開胃。滷水拼盤可以揀鴨或者鵝肉，頭先試咗鴨，依家試埋鵝。除咗滷水鵝，拼盤仲有豬耳、金錢肚、大腸、豆腐、蛋，非常豐富。鵝肉味道比較清香，肉質嫩滑富彈性。晚市套餐價錢相宜，仲送埋住家老火湯。三個人吃清光！！

今日飽飽滯滯，係元朗兜左好耐都唔知食咩好。本身想去食車仔餸，朋友話驚唔飽，最後經過呢間鹵家，見食評唔錯，又唔貴，就入左去試。lunch set 選擇多，有唔同既燒味，港式既碟頭飯，同米線。我地最後叫左個鹽香雞飯跟湯同鹵水豬耳米線。湯都ok既，飲完唔會好口乾，不過想要多啲蓮藕鹽香雞好正，雞肉夠滑，汁夠味，份量亦多，略嫌唔算太入味，但係都已經好好食。鹵水豬耳米線份量都唔少，豬耳都差唔多鋪滿成個面，米線都算夠彈牙，但係有樣野fail---除左頭兩舊之外我完全食唔到豬耳既鹵汁既味道。。。佢浸到啲豬耳無哂味啦！鹵水豬耳真係應該要分開上，呢樣希望店家可以改善一下。因為真係差好遠架！由於我覺得今次無食到佢地推薦既食物，而且比豬耳米線拉低左評分，所以評價一般。有機會想再試多一次，因為對佢既叉燒同醉雞卷好有興趣！！

在網上不斷見到介紹，覺得這間是一家大細都岩食，所以星期日一家人來試，來到6點幾左右就不用排隊，離開時8點幾門口已經有好多人等候。叉燒應該是必點，果然名不虛傳，我喜歡食甜甜的叉燒，肉質亦很好，是紅色的，不像一些劣質的叉燒，肉是灰灰暗暗，所以感覺是很新鮮的叉燒。另外點了鹵鵝拼盤，除了鹵鵝，拼盤還有鹵蛋，鹵豆腐，肥腸，金錢肚，豬耳。乳鵨亦很好食，十分香脆。醉雞卷好像亦是必點，有濃郁的酒味，如果你喜歡酒，不用考慮，就點這個吧！！！

啲人講到個叉燒咁正 就想黎食下⭐️⭐️ 蜜汁叉燒王還可以啦 肥瘦係適中嘅 但唔係食過最好食嘅叉燒上枱暖嘅感覺都冇 所以再減左分 好食嘅叉燒係食到燒嘅味道 佢係食到有蜜汁味嘅 但真係吾夠香口⭐️⭐️ 梅子脆燒鵝 首先講個肉質唔會過肥呢一點係好嘅！ 但係個脆去咗邊呢？😂 有一個共通點 碟嘢係暖既感覺都冇 又吾熱又吾凍 真係一個弊病😂😂⭐️⭐️⭐️ 呢個就好味啦 涼瓜好脆食到妹嘅味道香甜可口 一流👍🏼👍🏼至於係唔係真係咁好食都係果句見仁見智啦六七十蚊個燒味套餐 值吾值？就睇人啦😎