鹵家

营业中

休息中

呢日同余小b出街食lunch, 之後順便去買餸~ 我地嚟到位於元朗教育路的<鹵家>食佢地嘅招牌菜, 午市套餐抵食夾大件, 價錢經濟而且幾好味呢！ 呢度主打鹵味, 還有其他特色美食和小食, 連米線都有, 所以絕對不難挑選到心水食物~嚟到鹵家, 當然必試<秘汁鹵家鵝>啦！呢度嘅鹵水汁唔咸唔淡, 味道剛好, 而且好香醇~ 鵝肉肉質也很嫩滑。。。整體來說, 鹵水鵝份量非常多, 大大碟, 套餐跟白飯和飲品, 好抵食! <自家太陽煎豬排飯>有驚喜~ 豬排肉質夠淋而且好香軟, 加上豉油和太陽蛋, 真是人間美食, 撈飯一流! 我地仲點左小食<話梅涼瓜片>, 涼瓜好爽口而且冇咩苦味, 加入了話梅, 甜甜酸酸, 好易入口。。 。余小b話口感好似食梗薯片咁~ 今餐只需百多元就可以食到幾款美食, 而且仲好飽肚, 值得一試~

📯鹵家的出品穩定，最愛是食神叉燒米粉，但今次想試下午茶，下午茶系列是沒有叉燒的🥴，不用緊，就試吓一直想試的牛腱🔰牛腱米粉$38，有驚喜，薄切又淋身，質感好好，整碗份量頗多，很飽，抵吃。終於遇到好味又合心意的牛𦟌🔰燒鴨米線$38，有部份是鴨髀和鴨胸肉，兩者都是不過不失，肉不是嫩，也不是嚡🧮以這價錢來說，差不多，所謂一分錢一分貨嘛。若然下午茶遇到鴨肉是嫩的，那真要拍掌呢😆🤝朋友已問，何時再光顧吃午餐或晚餐😁

元朗-鹵家：子薑鴨仔煲（$73）+$25（配飯+老火湯/熱飲）、酒仙醉雞卷（$45）-最近真係少左出街，多左在本區消費，呢間超多人買外賣，應該係唔少元朗人的飯堂。最近去到，見到佢新推出了冬日煲仔菜，當然要試試，這裡的出品一向有水準，難得我帶著期望去試這個，都無令人失望🥳 首先賣相已經令人食慾大增，打開蓋後香氣四溢，子薑的酸甜入哂鴨肉，據悉子薑更有溫胃健脾、增強抵抗力的效用！啱哂此時此刻的香港人。叉燒依舊鬆軟可口，肉汁豐富，送飯一流。酒仙醉雞卷是我另一心水之選，酒味適中，雞肉嫩滑。另外大推介呢度的老火湯，完全是家的味道，大大碗又足料。唯一不足是，黎親呢度食飯都係多肉少菜，菜單都是以肉為主，明天要吃素平衡下！

元朗新開咗呢間小店個個食過都俾好評，今日係元朗做完facial,就黎咗呢到食個家常便飯！菜式唔多，大部分都係鹵味同燒味，睇黎全部都係招牌菜！唔好食都唔會放係餐牌到！晚餐都幾抵，有餸有飯仲有老火湯！今日係蓮藕章魚花生眉豆湯！勁多料，真材實料，完全冇味精！值得一提係佢電視係播now㗎！小菜叫咗醉雞卷！賣相好靚，酒味啱啱好！雞皮仲好爽，杞子又大粒！推介加20蚊轉咗燒鵝！質素完全比得深井燒鵝！皮夠脆！加埋酸梅醬勁好送飯！一見到碟叉燒就知好食啦！因為燶邊比例啱啱好！啲肉又唔會太實燒到乾哂，半肥瘦嘅極致！勁正！兩個人200蚊埋單超滿足！難怪最近疫症期間呢到嘅外賣都冇停過啦！

一入『鹵家』，就見到一推介，當中有子薑和鴨仔。子薑有增進食欲，溫胃健脾之效，可以促進血液循環，增強人體抵抗力，喺這個時候提高免疫能力係幾咁重要，而鴨肉有滋補養胃，去燥降膽固醇之功效。因此點都有試吓呢個『子薑鴨仔煲』。叉燒據說係呢間舖嘅殺手鐧，都要試。見隔籬枱都好多人嗌，有跟米粉，又有跟飯，悉随尊便，我就嗌咗飯，睇吓碟叉燒有三行，中間嗰行就瘦叉燒，旁世兩行都有層肥肉，大家都知肥瘦相間的叉燒先至係最好味嘅，好耐未試過，今天終於又吃番正宗滋味。‌跟餐的湯係花生眉豆木瓜煲豬骨，飲得出冇味精。而小食鹵水豆腐(唔小心del咗張相，冇得睇)亦係好似店家所講即日製作，所以有一種新鮮，清新感覺。

元朗出名多野食，坐係度叫野食期間都好多人叫外賣，睇黎都有好多街坊幫襯。🔸木瓜花生章魚豬骨湯唔會好鹹，無味精不在話下，超足料，有成舊豬骨比我😂仲有雞爪同木瓜，家的味道！🔸梅子脆燒鴨 ($68) 皮微微地脆，表皮油脂好香口又唔會膩。肥瘦適中，一口size岩岩好，加埋梅子醬酸酸甜甜勁開胃勁好食😍😍😍比起平時學校canteen食開既水準真係差成條街，呢度份量好足夠一個人食，下次再黎會再點呢個，我個人好鐘意食燒鴨燒鵝呢類。🔸蜜汁叉燒皇 ($76)蜜汁超香甜，叉燒夠肥，脂肪係口中溶化，香甜味同油脂味實在係一大享受，鐘意食叉燒既真心要一試！🔸酒仙醉雞卷 ($45) 口感比坊間的更實，不鬆散，抵讚。酒的香味入哂落雞肉度，雞皮好嫩，每舊雞肉都係一口size，而且每舊大細都好一致，岩岩好成舊放落口，細心考慮到食客👍👍整體而言真係做緊良心價，平時食個二人餐都要平均一百蚊一個人，呢度抵食唔落味精，下次會再去食 😋😋

鹵家在元朗已經有一段時間，還記得舊舖鋪面不大，室內大約12個位，晚市室外會加開一張檯，因為晚市價錢經濟合理所以要等好耐，上次邊等邊吹風，結果吹到病了，足足成兩個月先好，就算好想食雞卷都唔會再去吹風！上星期無意中經過新舖門口，其實只是搬前了一個街口，見到大左好多。應該唔使等位，所以呢日同朋友黎試試！唔好問點解要用60元吃一碗叉燒飯，我知街口都有大量2/30蚊的燒味飯選擇，但呢間係食得出分別，而且我戒緊燒味，所以情願食一餐比較高質的！食神叉燒飯 午市套餐簡簡單單的厚切叉燒，肥瘦適中唔會好燶，但又食到焦脆口感，調味不是一般偏甜蜜汁，應該是特製既，加埋少少燶邊的太陽蛋汁，送飯一流今次試新菜式，雙併飯揀了梅子脆燒鵝併叉燒，叉燒依舊厚切，燒鵝皮夠脆肥油唔多，鵝肉唔會乾爭爭，配合梅子醬，令人一塊接一塊吃下去！燒味有鹵汁芽菜墊底，了吸收了鹵汁精華之餘又不會令燒味太咸或太濕。套餐可以跟例湯或飲品，例湯是每日不同，口味淡淡挺順喉，一飲就知是足料住家老火湯。酒仙醉雞卷($45) 呢個是我每次都會點，雞卷完全去掉骨頭肥油，以紹興酒醃漬入味，賣相不錯，製作花功夫。肉質軟腍緊，紹興酒味淡淡的，夾雜杞子及青瓜絲食，

在元朗有好多食肆，各式其式好多人只會去大商場食集團式經營店舖，沒有特色同時水準一般。又或者只係知道食好出名嘅甜品店，但係衞生就要考慮。今次去到一家在元朗教育路叫「滷家」嘅食店，店外毫不起眼，以為係茶餐廳，入面地方不算大。餐牌主打嘅就係燒味同滷味，仲有粵式小炒等等。最值得留意就係大廚曾經喺不同嘅五星酒店工作，經驗豐富。老闆娘介紹下點左蜜汁叉燒、醉雞卷同埋滷水鴨件，再加標榜冇味精嘅老火靚湯⋯⋯先講蜜汁叉燒，的確係食店招牌菜之一，肉質鬆軟多汁，同埋外皮燒到有少少焦，十分好味。而醉雞卷裡雞肉完全唔乾，仲好入味。滷水鴨件同其他食店相比唔會好咸、同埋少啲八角味，比較適合鍾意淡口嘅人。老火湯雖然冇乜特別之處，但唔加味精就十分抵讚。整體係值得推介，絶對係有誠意之作！

終於又再黎左呢間食燒味飯～朋友話食過幾次鹽香雞都好食，所以今次又黎陪佢食啦～今日既湯係茶樹菇栗子粟米蘿蔔湯，呢到既湯成日都好足料，今次仲要有我好鐘意既茶樹菇！不過我覺得今日既湯咸左少少，但朋友就話好好飲～先黎係朋友想試左好耐既醉雞卷，賣相幾靚，而且真係每舊雞卷上面都有一粒杞子哈哈！雞卷都幾入味，酒味香濃，肉質算係紮實，但唔會鞋。雞皮都滑，而且睇到佢肥肉唔多。朋友話杞子加左落去有少少甜，令到雞卷變得更好食！跟住係梅子燒鴨，絕對比我平時食到既鴨肉好食！出面啲鴨肉雖然肉味濃，但係我基本上無點食到過唔鞋既肉。。。呢間就真係唔會鞋啦。皮方面可能會有人覺得唔夠脆，但係我覺得就幾剛剛好，少少脆得黎唔會好熱氣。今次既鹽香雞好夠味，朋友甚至話雞翼位有啲太咸。其他部份既味道剛剛好，而且同之前一樣皮肉都好滑～～～唔算太肥可以連皮食！跟餐既白飯仲可以轉米粉，米線之類既粉麵，唔想食飯既朋友都可以揀下其他野做主食。不過有湯就無飲品～睇下個人口味想飲咩啦！

今日突然好想吃叉燒，所以特登來到出名自家叉燒的鹵家吃晚餐。蜜汁叉燒皇，果然是招牌之選，肥瘦比例適中，完全無雪味，肉質香甜有咬口，啱曬唔鐘意吃肥肉嘅我，朋友評價係一試難忘。香蔥煲仔豉油雞，天氣凍，最啱吃返個熱辣辣嘅煲仔，雞肉嫩滑，份量足，有成半隻雞，仲有薯仔墊底，入曬味，正！酒仙醉雞卷，花雕酒入曬落d肉，啖啖酒香，雞肉扎實得來仲保持到肉質的嫩滑。粉葛赤小豆豬骨湯，真正的住家老火湯，一飲就知無味精，好足料，飲完即刻覺得好潤。出街又想吃到住家菜嘅味道，鹵家的確係唔錯的選擇。

這家的燒味早已遠近馳名,聽聞是前酒店名廚主理。今天經過排隊等位的人不多，終於可以試一試。點了兩個套餐，一個小食，套餐包兩個湯沙參玉竹蘋果雪梨豬骨湯湯是自家製的住家湯，足料，沒有味精，乾燥季節非常合適。醉雞卷有驚喜,雞肉充滿花雕酒香,不會太濃,剛剛好!肉質好嫩,應該是用雞腿肉去骨捲成圈形,雞肉去骨口感紮實嫩滑，雞皮亦爽口有彈性。梅子脆燒鴨鴨肉也不錯,皮脆肉嫩,調味不會太鹹，可以吃到鴨肉的香馥味。蜜汁叉燒王叉燒是半肥瘦，少少燶邊。即使是瘦肉部分也依然鬆化、香口，帶著濃厚的蜜汁

今日放假同男朋友去咗元朗千色行街睇下有咩要為新年做準備，跟住就喺附近食晚飯～突然覺得好耐都冇食過燒味，好快就俾呢間供應無味精湯水同埋由五星級酒店大廚每日新鮮主理嘅餐廳吸引左😁我哋叫咗個蜜汁叉燒王同梅子脆燒鴨晚市套餐， 另外加咗小食豬耳，一個飲湯一個飲熱柚子蜜😀今晚嘅湯係青紅蘿蔔南北杏豬骨湯，清清淡淡好足料，呢啲乾燥天氣潤下就最啱，真係好家常好有家的感覺👍燒味份量都唔少，叉燒肥瘦好均勻，甜味適中，燒得非常靚，有少少焦香但又唔會太燶👏👏燒鴨有好香嘅梅味，外皮真係同個餸菜名一樣咁脆😂 肉唔會好肥👍其實我預期一個三十幾蚊嘅小食份量唔會好多， 但係個豬耳份量真係好多😂😂 辣辣哋仲配埋好幼細嘅青瓜絲，爽口開胃😀老闆娘仲好友善好好笑容，讚👏👏

《五星級鹵爸》鹵家尚在教育路舊舖時，我三不五時都會去吃個午飯，或是斬料回家加餸，後來她搬舖，一直未留意搬到哪裡，近日才知道原來還在教育路，只不過現在在嘉城斜對面，比從前位置熱鬧多了。我最愛就是這裡的叉燒，每次單併必點，即使是雙併，都一定有叉燒的存在。在外食燒味飯時，我們總愛叫師傅給點半肥瘦燶叉燒，在鹵家卻不需要這樣，因為她預設就是給客人這樣的叉燒，一直以來未見失手。叉燒半肥瘦，自然肉質爽口，不會一口油膩，更不會乾巴巴的，難以下嚥。這裡最合我口味的原因，相信也是出於大廚的用心製作，叉燒外層塗滿一匹層滋味的麥芽糖，雖帶焦卻不會苦澀，反而是焦脆的口感，小小一塊叉燒吃得出大廚的精心製作，果然是出身於各大酒家的鹵爸！這裡的鹽香雞也是水準之作，肉嫩又有雞味，調味醃製得宜，重點在於雞皮，厚薄適中，不會太肥而且又爽又彈，入口滑嘟嘟，滿口都是雞油的味道，愛食雞皮者一定滿足！額外一提，燒味有鹵汁芽菜墊底，出乎意料地好吃，吸收了鹵汁精華，送飯一流，店家亦十分細心，如想吃食物之原味，燒味有芽菜墊住，不會浸於鹵汁之中，而重口味之人自然可自己再沾鹵汁，增添風味，任君選擇。其實這次還加配了雲耳仔，小小一碟小食大廚都

住元朗的老友話要帶我食好嘢，教育路68號兆豐樓地下10及14號舖，餐廳裝修新簇，座位濶落，坐得舒服。我們點左栗子姬松茸湯，真有住家老火湯的美味，蜜汁叉燒蛋飯，义燒肥瘦適中，肉質香又腍，真不錯👍。蛋煎很靚。招牌鹵家鴨拼鹽香雞飯，鴨肉質香又夠腍夠入味，無得彈，雞食得出是新鮮雞，味鮮肉滑，有雞味。極不錯👍。點雞的薑蓉也很有薑味，真是五星級酒店的大師傅做事認真，絲毫不苟，每樣食物都用心製作。話梅涼瓜片，完全無苦味，涼瓜片入晒話梅酸酸甜甜味。朋友順便買些雞和鴨帶比家人享用。

今日去咗元朗辦事，元朗出名多嘢食就係人都知，但今次依一間小店覺得真係非常之用心，而且老闆娘都非常之好禮貌同埋好親切，我眼見有好多都係熟客仲自己帶埋飯盒取代外賣盒。講返今日我哋叫咗一個子薑鴨仔煲，話梅涼瓜片，鹽香雞同埋雞絲伴粉皮，淨係講鴨仔煲份量已經非常多，我好鍾意煲入邊嘅薑，食完好暖胃！至於個話梅涼瓜片都係我第一次試酸酸地但係又有兩個一個苦苦地，估唔到係咁夾！鹽香雞保持住雞肉嘅滑但係又好入味非常好送飯，順帶一提跟餐仲有湯餸，仲要係老火湯添！真係非常之用心嘅一間餐廳！絕對值得下次再嚟