鵜舞

营业中

休息中

今日約咗同事喺呢間飯食，因為同事指名想食，所以就算要等，都要照食呢間！食過呢間都好多時，值得去服務同埋食物都好唔穩定，有時好味有時一半有時就好少，今次果然係都要差返一次！首先我哋要等位已經等咗好耐，入完去嗌嘢食，個侍應已經態度好差，雖然知道好忙，但係其實佢又唔係收得特別平！我哋仲要嗌最貴嗰個餐，佢都好似好不屑咁雖然嗌廚師發板，但係有少少食物唔要都好正常你唔要求！佢即刻一面不滿，就話：「咁不如你發板啦！唔係師傅發板啦」 幫我哋等咗45分鐘仲未有任何食物嘅時候吹佢，佢仲好輕佻咁樣話咁你哋咁多要求，係要多少少時間㗎啦最後一個鐘就上枱，壽司同魚生都好細飯！而且好有技巧咁樣切得薄咗，戒指只係得好細嘅一小粒其實對比之下唔係特別過另一位同事嗌嘅12點普通名城好多菅野不嬲都係會咁，希望下次有其他更好嘅選擇係呢區….

好似去左日本gum🤪Ⓙ 厚燒明太子蛋卷 $68明太子好足 一食落口 有少少流心ge感覺同個蛋好夾 而且唔會辣 我本身唔食得辣都食到Ⓙ 湊洲和牛燒 $158幾高質ge肉 雖然未係佢餐牌最高級果種牛 但都牛味十足 亦唔會韌 生熟程度控制得恰到好處Ⓙ 鰻魚牛油果卷 $68鰻魚同牛油果互相揮映 唔會話淨係食到其中一種材料 之後仲再追加左個吞拿魚腩卷tim 一樣好正Ⓙ 三文魚茶漬飯 $58呢個反而有d失色 個三文魚有d硬同有d老ge感覺 而個湯底比較清 無咩味呢個茶漬飯其實有得揀三文魚/明太子 如果轉明太子 唔知會唔會好dⒿ 明太子黑豚肉卷串 $38同個明太子蛋卷一樣 佢ge明太子食物都幾好Ⓙ 長蔥雞串 $32幾惹味 好arm 叫呢d串燒黎伴酒Ⓙ 水信玄餅 $48呢個好似啫喱 本身無咩味 旁邊有少少糖漿供你自行調交甜度 如果入面有食用花 可能會有更好ge視覺享受Ⓙ 荔枝乳酸梳打 $38佢個drink menu 大部份都有酒精唯有d梳打汽水類就無酒精好飲 唔會太甜 唔會太假/似藥水味

今日阿姨帶我來一間她早前在荔枝角發掘的一間日式餐廳，即使未能親身去到日本，也可以先食日本菜思念一下。平日的下午來到，餐廳門外看似沒有甚麼特別，開門內進卻是一間以木材為主、裝修模仿日式居酒屋的餐廳，裡面的面積比想像中大很多，座無虛席反映到受到不少人的愛戴，也有不少客人是在附近上班的，所以來之前記得要訂檯了。這裡的食物選擇眾多，由於天氣比較凍我就選擇了鍋物的定食暖暖身。牛肉壽喜燒定食($138)十分豐富，每款食物都有一些的，讓人食指大動。開始食之前可先把生雞蛋倒入熱鍋中，把生的牛肉盡量壓進湯裡。前菜有醃蘿蔔和酸梅，酸味強烈幾開胃。旁邊有一晚類似滷豆腐的配菜，味道偏鹹適合跟白飯一齊食。熱辣辣的味增湯濃度適中，在這個天氣飲起來很舒服。已變熟的主角牛肉壽喜燒已經ready。剛吃第一片牛肉令我很是驚訝，浸到剛剛熟、部份還帶少許粉紅色的牛肉肉質軟嫩，咀嚼的時候散發出香濃的牛味，滑溜的質感配著甜甜的湯底讓我不需要再咀嚼太耐就可以吞嚥。牛肉是帶有一些脂肪，放進口裡那個味道感覺到比例是很平衡的，嚐到一些油脂，但完全不霸道、不油膩。單單只是鍋裡的牛肉，讓我驚訝午市定食會有如此質素、數量不少的牛肉，用上有一定

嗌左個壽司定食$268🥲以為會好好味點知仲難食過元氣唔新鮮d壽司飯又爛哂前菜都相當難食🥹🥹🥹跟住要左個鰻魚飯$188鰻魚少得可憐亦只係一般整體成間居酒屋收費太貴唔值只係食裝修永久blacklist 垃圾

聖誕節正日, Walk in就有位, 可能個個都去哂旺角,尖沙咀等地方慶祝~不過正好~食過尼間之後真心覺得值, 簡直係食好西之夜1️⃣黃金芝士西京燒 – 早幾日已經行過尼間店, 一眼睇中左想食尼碟野, 其實佢上左碟之後我地係有小小失望, 心諗點解圖文不符既~~!!!哈哈, 但當食左落口, 嘩, 真心外表吾代表D咩呀, 勁濃牛奶*芝士味, 溶化左係口入面, 跟住你就會慢慢咁吞落去, 食材好, 就吾需要大費周章咁煮, 用火槍燒一燒就可以上碟, 趁熱食係最最最好食!2️⃣德島產沙甸魚苗沙律 – 沙甸魚仔好多, 每一啖都食到, 香口脆脆地3️⃣雜錦壽司10款 – 普通壽司款, 蝦好新鮮吞拿魚面頰 – 全部都係肉, 本身我係以為係魚頭加小小面頰肉, 點知黎到係舊舊都係肉, 抵食!4️⃣雜錦天婦羅 – 炸得都吾錯, 炸粉吾厚, 蝦都新鮮, 菇、茄子等, 都保留到汁, 吾會死油5️⃣700ml南高梅酒 – 係鋪頭自己用係日本某地方買返黎既梅浸左1年半左右既梅酒, 佢地表示佢地只用左清酒去浸, 冇再落其他野, 所以飲落味道會係甜甜地, 吾會死甜。的確, 佢地又冇介紹錯! 浸左咁耐, 都冇哂清酒味, 留底既只有淡淡既梅酒味

同朋友慶生食呢間，本身一入去見環境幾好幾開心；未坐低waitress已經追我哋要一轉落哂啲嘢唔好分幾轉（當時係8:30pm，未到last order)，咁我哋都理解；之後叫咗酒想提佢俾冰同杯我哋又嫌我哋問咗兩次，第二次問完先覆我哋，仲要勁唔好聲氣。☹️整體食物質素同價錢不付，有啲overrated，食物味道普通，壽司嚟講，某個等好耐嘅迴轉壽司味道更好… 串燒味道ok但份量好細。以呢個價錢絕對可以食到更好質素；當食環境但呢個服務都唔合格。無下次了…

而家冇得出國，唯有話俾自己聽去咗一間居酒屋，就係去咗日本，哈哈，自欺欺人，不過呢間野又真係似去咗日本嘅，如果Deesse人係日本人仲好添，其實呢間野已經幫襯過好多次，其實佢哋串燒係最好食，唯一美中不足就係叫好多嘢，都冇嘅？我最鍾意食嘅銀杏，呢一晚都冇，唯有食我鍾意食嘅雞翼啦，叫咗兩次雞翼，刺身唔算貴，亦都新鮮，中規中矩，酒方便又有多款選擇，所以諗唔到去邊度食，就會食呢間，雖然食咗好多次，但係都覺得佢啲全消係一流，極力推介雞翼

今日朋友帶我嚟你間居酒屋好有風味入到去燈光比較暗裝修好有日本風味同日本居酒屋好相似，當晚我哋去到好多人好有氣氛，職員編排座位都好細心有私隱度可以同朋友傾偈😊首先叫咗三文魚，油甘魚同吞拿魚刺身，三款刺身食落去都好新鮮有水準👍鰻魚玉子燒，鰻魚燒得好香口再配搭玉子食落去唔會搶走鰻魚的味道😋自家製雞肉串，雞肉串同蛋黃撈埋一齊再食落去味道非常之新鮮同特別呢個我好鍾意❤️燒九洲宮崎燒肉，燒肉半肥瘦香脆再加檸檬汁醬料好特別，燒厚揚豆腐，豆腐表面輕輕燒過同時可以食到豆腐外脆內軟嘅感覺，日式醬油燒飯團，今次呢個飯團用醬油燒過同平時飯團唔同有焦香味道👍

「鵜舞」一 位於荔枝角D2 PLACE地下嘅日式居酒屋，店面唔細，閒日夜晚居然全場滿座，質素方面，應該唔多唔少都幾有保證。Coedo Shiro – Hefe Weizen: 放工輕鬆下飲返支手工啤，幾有特色，口感幾醇厚，富果香，甜甜地，配啲串燒/揚物都幾chill......燒七味魚翅乾（$68）：呢款魚亁配啤酒/清酒都幾合適，燒得脆香，但又唔乾，香口惹味，佐酒一流。辣吞拿魚腩卷（$98）：餡係吞拿魚腩蓉，面頭又有一堆吞拿魚腩蓉，絕對可以食到好滿足，辣就唔辣，但吞拿魚腩富油香，美味，呢款都幾好食！博多明太子玉子燒（$72）：玉子香甜，明太子富鹹香，鹹甜相間，兩者都幾搭配，玉子又夠滑，Texture都唔錯。福岡特色凍蕎麥麵（$78）：一款無肉但就非常滋味嘅麵食，以鏗魚湯底，加入鏗魚碎、香蔥，及溫泉蛋等，湯底鮮甜美味，一啲都唔覺得單調，仲出奇地濃味添，以半熟蛋汁拌麵更為惹味。佐賀金星黑豚（$238）：黃金酥香嘅高質吉列豚肉，炸粉夠薄脆，有種入口即化嘅感覺，另外豚肉肥瘦比例適中，Juicy得黎又幾有肉味，幾好食！除左價錢稍貴外，無野挑剔。

屋企人生日話想食日本嘢聽朋友推介話呢間幾好 決定試試佢呢間出名應該係食串燒？但最正嘅係佢炭燒嘅大部分已經賣晒（我地八點入座，想食我諗要好早）睇中咗銀雪魚西京燒，明太子黑豚串，半生熟和牛肋眼呢啲，全部都無都feel到侍應姐姐有啲唔好意思最尾食咗佢推介嘅溫泉蛋和牛串，都幾正另外有乜叫乜食咗鰻魚玉子燒，辣呑拿魚卷，鵜舞釜飯，豚肉露筍，長蔥雞脾，雞泡魚乾，八爪魚，壽司加多左個壽喜鍋（個牛有得沾蛋泡好fun）同食落似五香肉丁嘅牛烏冬😂每人叫左杯frozen beer個人嚟講幾中意我隻青蘋果味但中意飲酒可能覺得略甜總體嚟講啲嘢食係有質素（可能因為咁所以無晒）價錢如果計串燒都算中高價每串坐底三四十但唔多份量我哋4個人都要嗌好多嘢先飽埋單~2xxx希望有機會早啲可以食到

D2 Place嘅鵜舞，門口嘅紅燈籠相當吸睛！店內嘅和風裝修同埋氣氛，就同置身於日本嘅居酒一樣！出菜效率亦頗高，師傅喺正你面前即點即燒，菜品新鮮又夠熱，加分！Coedo Marihana – Session IPA $62日本手工啤，入口先是怡人嘅橘子果香同埋花香，然後就到啤酒花嘅回甘，唔錯！燒七味魚翅乾 $68惹味得嚟又帶著海味嘅咸香，送酒一流！博多明太子玉子燒 $72玉子燒卷得層次分明，陣陣蛋香中夾雜著明太子嘅咸鮮味，唔錯！辣吞拿魚腩卷 $98外層係吞拿魚腩蓉，卷物中間嘅係辣味吞拿魚腩蓉，雙重吞拿魚腩滋味，肥美可口！明太子黑豚腩肉卷串 $38黑豚腩肉卷住明太子、紫蘇葉等，一咬即爆，熱辣辣，食到個口出晒煙！鹽燒阿波尾雞脾肉 $98外皮燒至香口，雞肉仍保持軟嫩帶黃油香！就咁食已經無得頂，加埋辣蘿蔔蓉同埋檸檬汁，又有令一番風味，推介！佐賀金星黑豚吉列豬扒 $238成吋厚嘅吉列豬扒做到全熟而且外脆內軟，豬扒嘅肥位甘香可口，豬肉軟腍而且極Juicy，師傅功力的確深厚，不愧為鵜舞嘅必點item！福岡特色凍蕎麥麵 $78紫菜絲、木魚絲、天婦羅碎碎、溫泉蛋、滑溜嘅蕎麥麵、仲有調得啱啱好嘅醬汁，呢碟

加埋一成三百二十幾蚊一個魚生丼，係唔平嘅，不過我覺得都算係值得呢個價錢嘅又。d刺身超級新鮮！肥美啖啖肉。我完全唔想點wasabi 同豉油，因為點咗就蓋咗個鮮甜味。尤其個帶子，勁鮮甜。蝦係𡁻𡁻下有蝦膠的，又係好新鮮。魚生都係啖啖肉，好鮮甜。唯一係個蝦細隻咗啲，同啲海膽勁細粒，我feel到d海膽係好香的。飯上面啲紫菜超級香，又脆。碗湯係好熱下。我六點前到達，有訂位，第一個人入去，入咗去第一個落單，眼見啲侍應同廚房一干人都好忙好忙，眼見隔離枱遲過我入去遲過我落單嘅客人都有野食，我卻一個人坐喺度等咗三十五分鐘碗野先到，我好想知點解。不過總括嚟講，一定再去，因為刺身極出色

困住係香港，除左可以staycation 解下旅行癮之外，其實仲可以去一d 充滿外國特色既餐廳食番餐....今日同朋友去D2 行下d 手作店時，就去左1期隔離間居酒屋食晚餐。揀佢既原因除左因為近D2, 其實仲俾佢既門面吸引左 - 日式木系風格。螢光魷魚漬新鮮爽口仲帶有咸咸地既海水味，真係食完一碟仲會想加碼。博多明太子玉子燒嫩滑既玉子包住辣辣地既明太子餡，size仲可以一啖放曬落口，唔怕咬一半跌曬d 明太子。辣吞拿魚腩卷吞拿魚蓉一d 都唔慳皮，份量超足，加埋蟹籽點綴賣相一流，但壽司加左麻油調味，又好似真係第1次食到🤔....唔差。佐賀金星黑豚其實即係吉列豬扒🤣，用左金星豚肉嫩又唔乾，脂肪同肉既比例岩岩好，咬落仲肉質柔軟，肉味都幾濃，而且一d 都唔肥膩。燒雞翼一流既燒雞翼，香口惹味，外脆內嫩，燒得剛剛好，仲要比手掌仲大。明太子腩肉串一啖咬落去，明太子爆曬出黎，腩肉有咬口，但又唔會好韌，2者都幾夾豚肉蘆筍卷豚肉偏薄，但蘆筍爽口新鮮仍然juicy，夾埋一齊食減輕左個油膩感凍蕎麥麵鰹魚汁蕎麥麵配上天婦羅碎紫菜木魚絲and流心蛋，撈埋一齊係絕配蕨餅hmmm....本人唔推薦呢個甜品，冇正宗日本蕨餅

好掛住日本！！今晚去咗居酒屋度食飯，一解思鄉之情🥰 去咗間荔枝角嘅居酒屋叫鵜舞，一入個門口，就已經好似去咗日本咁，背景音樂仲要係播日本歌，同日本居酒屋無誤！Waitress姐姐非常之好嘅服務，好彩一早book咗位，有order枱坐🥰要快啲講吓食物，因為實在太好食😋🍴 博多明太子玉子燒🍴明太子玉子燒食得多啦，呢一間夾落去嘅玉子燒係唔會散㗎，而且蛋卷中間都夾有明太子，蛋漿亦都有落鰹魚汁，yummy!!🍴辣吞拿魚腩卷🍴吞拿魚茸同魚子比例Perfect match，吞拿魚份量唔少，麻油香味好重，性價比高，係我食過最好食嘅吞拿魚茸卷😋🍴佐賀金星黑豚🍴肥瘦分明，炸粉薄，但都做到外層鬆脆，內裏亦好鬆軟，建議大家可以問佢攞蛋黃醬，感覺唔會太熱氣🥶🍴螢光魷魚漬🍴非常鮮味，帶有鹹水香味，底墊有生菜，中和一下鹹香，係一個唔錯嘅前菜😋令人想食更多！🍴德到產阿波尾雞翼🍴超巨型雞翼🤪我未去過一間居酒屋係有咁大隻燒雞翼😂好抵食！同埋唔會燒到好乾，正😄🍴明太子腩肉串🍴一咬落去，明太子吱晒出嚟，口感十足，而且唔會好油，明太子再加上外層嘅腩肉，外脆內軟！🍴豚肉蘆筍卷🍴豚肉一般來講都比較油，但因為有蘆筍中和返個油膩，整體個

係附近放工諗唔到有咩食, 於是就揀左呢間試下~環境的確好有日本feel, 唔講以為真係去左日本呀!先黎一杯COEDO啤酒 ($62)：飲落去好香麥味+焦糖味, 因為佢寫明係用左金時地瓜黎發酵, 唔會好苦澀, 飲落去好順口。鰻魚玉子燒  ($78):鰻魚燒得好香, 食落去充斥住鰻魚既鮮味, 而且蛋香味甚濃, 唔會煮得太耐而覺得太鞋恰恰。2串自家製雞肉串 ($68):將雞肉串點落去撈勻左去蛋黃，本身雞肉已經好嫩滑，再加埋蛋黃一齊食，完全可以提升到雞肉既鮮味，食落去更添層次！如果有食過壽喜燒既朋友，將Ｄ肥牛點落去Ｄ蛋黃，就係類似咁既味啦！香脆牛蒡 ($48):食落去好香脆，亦唔會落太多炸粉，亦唔會好熱氣，配埋啤酒一齊食真係好夾，絕對係佐酒小食之選！燒厚揚豆腐 ($58):豆腐既表面都輕輕咁燒過，食落去好有焦香既味道，再配埋個薑蓉醬真係一流！而豆腐本身都好滑，亦可以當為今餐蔬菜既一種！燒九州宮崎煙肉 ($118):一開始以為係個Ｄ薄切煙肉咁，會覺得好肥膩，但絕對係兩回事！反而係一舊厚切煙肉，而且係半肥瘦個種，唔會覺得因為太多脂肪而覺得好油膩，再配埋個芥末醬真係perfect match!刺身嗌