鵜舞

营业中

休息中

荔枝角居酒屋之選❤️飲下酒 食下串燒同特色炸物🤩好chill地點係D2 place夠晒方便 出地鐵站行一分鐘就到了餐廳佈置會令人以為自己置身於日本🇯🇵好靚店內有不少手工啤酒 sake等等當然要配返佐酒既小食 魚翅乾烤得好好!!唔會太乾身 咸香味十足 份量都唔少。.明太子燒蛋卷一定要熱辣辣食帶少少微辣 明太子咬落咸咸地 脆卜卜 正好同玉子燒中和返👍🏻明太子腩肉串都非常特別腩肉包住明太子 咬落好有口感所以串燒都係即叫即燒 好有風味 包保食過lam lam脷❤️.辣吞拿魚卷面頭舖左蟹籽 同吞拿魚蓉好夾食落富有魚香 質感軟腍鹽燒日本雞脾肉係我既最愛 雞肉燒得外脆內軟肉質真係好滑 加少少檸檬汁已經好出色男朋友就中意佐賀金星黑豚 來自佐賀縣炸到金黃色好靚 咬落一啲都唔韌 仲好有彈性果然係豚肉中既極品 未食過既一定要試下！

Disappointed in taste and late service. Been here many times and in the last 3 lunches i got served late. The last time they forgot the order. When asked waitress walked away. It took them 35 minutes to serve my food and only 10 minutes after that they brought the check without asking. I'll never go to this restaurant again.

之前同朋友食過呢一間係d2place 隔離嘅日本餐廳，每次去都見到好多人排隊，成日都full Booking，但上次食完之後會明白點解咁多人，因為呢間餐廳即使佢價錢唔平，但係佢食物質素好高，成個環境都好有日本嘅感覺！仲有自家製嘅啤酒！明太子燒蛋捲蛋捲有五六舊咁多，明太子唔會好咸，而且平均分布係每一個蛋捲入面，蛋捲唔會好甜。10款壽司壽司用嘅食材一啲都唔平，壽司飯粒晶凝通透，壽司醋味足夠，個人覺得佢嘅熟蝦壽司有啲驚喜，平時啲蝦壽司食落去冇乜味道，但呢間餐廳嘅蝦壽司食落去好重蝦味。海膽都冇乜鹼水味，唔錯！雜錦天婦羅天婦羅除咗有基本嘅蝦同蔬菜之外，亦都有少見嘅魚柳，天婦羅食落口唔會好油膩。牛油果豚肉串揚真係第一次見牛油果都可以做串揚！食落口牛油果口感好特別，好似炸左嘅牛油果咁！鹽燒日本雞髀肉雞髀肉好嫩滑，啲蜜糖芥茉醬配埋一齊食，味道唔錯，雞皮都煎得好香口！宮崎煙肉呢個菜式真係好surprise!煙肉唔係一片片嗰種，煙肉味好香，脂肪比例分配得好！鰻魚蒲燒釜飯呢個釜飯要燒成25分鐘咁耐，點解係因為佢嘅飯粒有啲黏嘅口感，比飯粒軟身，而且鰻魚嘅汁會索晒入去個飯入面！拌蕨餅有成六七舊咁多，蕨餅好軟身，

住在荔枝角的舊同學，相約到荔枝角地鐵站出口對面的D2Place商場Shopping後在地舖鵜舞日本餐廳吃日本菜。門口掛上搶眼大紅燈籠；餐廳內天花也是掛滿紅燈籠，裝潢充滿日本色彩和播放日本歌曲；令我們猶如置身在日本居酒屋！即場製作的鰻魚蒲燒釜飯，米粒吸收鰻魚的精華，確是相得益彰！入口嫩滑的豚肉牛油果串揚，伴爽口日本生椰菜 ，䕴點秘製醬汁，提升味蕾！師傅選擇時令新鮮的海產，製作10款雜錦壽司，包括有我至愛的鮮甜海膽和海鰻！帶點焦香的宮廷煙肉；肥廋均勻入口豐腴腍滑，配上爽甜洋蔥和沙律菜，可中和油膩感！採用日本著名阿波尾雞烹調的鹽燒雞髀肉，肉質鮮嫩有口感。看似簡單的香滑明太子燒蛋捲，令人百吃不厭！最後我們一邊喝日本手工啤；一邊吃脆炸雜錦天婦羅，感到無比的滿足！

魚翅乾燒到脆卜卜上枱，咬落有d煙韌咸咸甜甜，有d似雞泡魚乾，點埋酸酸甜甜既蛋黃醬，非常開胃明太子蛋卷蛋卷煎得岩岩好唔會過燶，冇乜調味但蛋味燶，明太子份量好足，入口充滿咸香味，但如果就咁食有有d偏咸，包係蛋卷度2樣一齊食味道就岩岩好👍辣吞拿魚腩卷吞拿魚腩鮮甜，辣辣地，再加d蔥花一齊食，感覺清新一d都唔膩鹽燒日本雞脾肉雞皮經過炭燒之後變得香脆，雞肉仲保持到鮮嫩多汁，唔會好似咬紙皮咁明太子腩肉串用紫蘇葉包住明太子，再用薄薄既豬腩片卷住，紫蘇葉減低油膩感，而豬腩片亦做到到脆皮咁，非常香口佐賀金星黑豚店員介紹話係餐廳既名物，外皮炸得非常香脆，豬排切得好厚身，經過油炸後完全唔韌都不特止，而且仲充滿肉汁，而且食完之後碟身都唔見有油，廚師手藝可見一斑👍👍，雖然只係一塊豬扒，但作為名物一d都唔失禮👍👍蕎麥冷麵大熱天時，而且食左咁多煎炸野，基本上都冇乜胃口食熱食，但又想叫d主食，叫一碗蕎麥冷麵就岩哂。蕎麥麵爽身，而湯汁滿滿木魚香味，而且加左Wasabi ,令人愈食愈想食👍拌蕨餅包住黃豆粉煙韌既蕨餅，唔會太飽肚，作為結尾岩岩好～

收工後約了朋友一起吃晚餐朋友在網上找來了這一間位於荔枝角的 — 鵜舞感覺不錯 於是便決定來試一試店內掛上紅燈籠 十分有氣氛帶日本風情 感覺像去了日本一樣鰻魚玉子燒軟滑玉子包著鰻魚 鰻魚鮮香加上醬油和蔥花 更加惹味黃金芝士西京燒芝士燒得外脆內軟香濃芝士味配上細滑口感 不錯不錯鵜舞雜錦刺身三種有時令深海池魚 新鮮鮮甜厚切口感不錯 肉質軟綿鯖魚加上酸汁薑蓉 令魚香味突出伊佐木魚 鮮味甘香 正自家手製雞肉棒串意外地出色 雞肉熱辣辣點上蛋汁 口感和味道一流燒厚揚豆腐外層香口 內裡軟滑 燒九州宮崎煙肉肉質肥美鬆化 煙薰味香濃一口咬落 豬肉味鮮甜 好邪惡COEDO 伽羅這款啤酒的顏色是帶紅的金棕色 喝下去有淡淡的白葡萄和金橘香味再來是一陣陣清爽的苦 味道多層次 挺特別

星期六日去完D2市集, BOOK左呢間日本野食晚餐~ 之前行過已經覺得好有日本FEEL, 入面真係十足十居酒屋!放假總要啤一啤, 叫左2枝手工啤試下, 每款都有唔同口味, 值得一試!舖頭有日本居酒屋FEEL, 連餐牌都有幾分相似, 食物種類繁多, 睇餐牌都揀左好耐~店員推介我地食釜飯, 因為需時, 如果要既話就要落左先, 佢地先先將米用上湯浸泡, 然後再放係枱面由生米煮成熟飯, 好似係日本食既咁!除此之外梗係要叫壽司, 呢到既壽司係唔知有咩款既, 視乎當日有咩新鮮就會用, 魚肉好彈牙, 海膽最驚喜, 好甜!另外都叫左D熱既小食, 明太子蛋卷好好食, 明太子既咸香會同雞蛋BALANCE, 比平時既蛋卷多左一種層次, 好吃!鰻魚釜飯千呼萬喚始出來!!! 鰻魚好有光澤, 亦好彈牙, 鰻魚汁唔會太多, 係令你食到鰻魚而不是在吃鰻魚汁,飯粒真係好煙韌, 就是一個100分的釜飯!媽咪鐘意食天婦羅, 必叫!我最鐘意蕃薯天婦羅!

荔枝角地鐵站 D2 Place一期有間居酒屋，名稱叫“鵜舞”，舖內完全係典型日式裝修，燈光暗淡，適宜同朋友齊歎美食及吹水，Hea一晚。厚燒明太子蛋卷，濃郁蛋香，嫩滑細膩，加上明太子咸鮮味，作為前菜，令人胃口大開。盬燒日本雞脾肉，雞皮炸得脆身，雞脾肉幼嫩多汁，唔乾身，調味適中，送酒一流，一於叫支COEDO手工啤酒，夠冰凍好飲。再有雜錦天婦羅，亦好啱配啤酒，薄身炸槳令多款食材炸得通透，唔油膩，入口依然鬆化香脆，蝦隻好鮮味。最後仲有甜品拌蕨餅，清新爽口彈牙，淡淡甜味，完美的結尾。

朋友嘅特上壽司拼盤，睇落幾靚仔，壽司都係細細粒～飯唔多，但係魚生都厚嘅特上刺身定食～我自己唔係幾鍾意食刺身餐，因為刺身啲款式比較少，同埋總係會有一兩種麻麻哋鍾意食嘅魚我自己就食廚師發板，雖然係廚師發板，但係食客都應該有可以要求唔要某啲嘢嘅機會架麻！其實佢買成$400.1個餐，先係中環嘅級別，呢一點應該要注意下，因為我自己唔食三文魚子同埋某啲魚， 咁都唔得嘅話其實可能就會冇得食，最後我嗰舊唔食嘅兩三件俾咗人不過講返質素來講，係好新鮮嘅！但係今次唔知點解冇人黎介紹啲魚，我覺得呢間餐廳嘅服務質素好變幻無窮，可能真係要冇乜客先會serve好啲🤔我覺得，佢收得呢個價錢，而且都係假日嘢，服務質素應該要好啲啲overall OK嘅

第一次喺荔枝角呢個區食日本嘢，D2 Place 一期嘅 “鵜舞”近地鐵，好方便。餐廳好傳統居酒屋佈置，好多卡位，見到每枱差不多都叫啤酒，一邊歎，一邊傾過不停。我地專注美食，叫咗一個什錦壽司，有十款之多，新鮮食材，顏色吸引，有生有熟，各有不同口感。海膽份量算多，夠鮮甜，魷魚夠爽，配上新鮮wasabi 一流宫崎煙肉就似中式五花腩，肥瘦相間，肉質結實，咸香甘腴。炸物有牛油果豚肉串揚，薄薄麵包糠裏面包住牛油果及豚肉，整體炸得乾身脆口，不過豚肉畧為有點肥。仲有個鰻魚蒲燒釜飯，侍應將整個器皿端上枱，打卡一流，再點火熱住嗰飯，夠保温。食時打開蓋，熱騰騰嘅鰻魚飯香即時湧出，每一口濃香四溢，軟滑鮮甜鰻魚，好好味㗎。假如有下次，不妨歎吓日式嘅酒類。

🍴燒魚翅乾 HK$68本身鹹鹹地，配上蛋黃醬鹹甜交織，再加埋七味粉刺激味蕾，煙韌滋味。🍴厚燒明太子蛋卷 HK$68厚厚蛋卷包住滿滿明太子，鹹鮮明太子更能帶出蛋香。🍴博多明太子黑豚腩肉卷串 HK$38腩肉燒至焦香，伴隨明太子放入口，甘香惹味。🍴鹽燒阿波尾雞髀肉 HK$98阿波尾雞係來自德島縣嘅走地雞，脂肪較少，肉質結實有彈性，雞味濃郁，點少少辣味噌，風味更佳。🍴佐賀金星黑豚 HK$238肥瘦均勻，肉質鬆軟彈牙，豬味濃郁，吉列脆皮爆晒花，外脆內軟。🍴辣吞拿魚腩卷 HK$78飯粒煙韌，吞拿魚腩蓉軟綿綿，香辣鮮甜，口感有層次。🍴福岡特色凍蕎麥麵 HK$78蕎麥麵口感清爽彈牙，配料豐富，包括蔥、紫菜、山葵、蘿蔔蓉、天婦羅碎、溫泉蛋，味道絕不單調，口感亦甚有層次。🍴拌蕨餅 HK$48煙韌，唔太甜。🍴COEDO紅赤 HK$62以埼玉金時番薯釀製，口感豐富順滑，帶香甜焦糖味。🍴COEDO瑠璃 HK$62酒身清澈，清爽順喉，花香、苦味較平均，易入口。📍鵜舞荔枝角長義街9號D2 Place一期地下2號舖

📎三點刺身三款刺身油脂都好重，好厚切😙魚油味好香🥰📎黃金芝士西京燒芝士燒到兩面金黃，帶微焦🤓入口即溶，不過比較適合3-4人分享😉咁先可以食到更加多嘅嘢食📎厚釀豆腐豆腐係咁多款食物裏面都係比較清淡嘅一款，其中一款用咗醬油調味😚另一款就配有木魚絲，同其他比較重口味嘅食物都可以balance返📎宮崎煙肉呢一款相比平日我哋食嘅煙肉冇咁鹹，仲要勁厚切🥰好重煙熏味，餐廳提供左檸檬同埋蜜糖芥茉醬😋個人比較鍾意加檸檬一齊食，食落light啲📎自家製雞肉串雞肉串混合左免治雞肉同埋雞軟骨，有唔同嘅口感，仲keep住好juicy🤩下次再嚟嘅話會encore!!!📎麵豉燒飯團飯團表面燒到好焦脆😆有少少似煲仔飯嘅飯焦😂都唔錯😙📎鰻魚玉子燒📎蕨餅表面有啲黃豆粉，有少少黑糖味🤤入口清涼又有少少煙韌，值得一試餐牌：環境：餐廳環境係傳統日本風😍入去食飯好似去咗一轉日本，服務態度都唔錯😙整體個體驗都幾好，生日或者紀念日慶祝都可以試吓呢間🥳

又去到D2PLACE，近期好鍾意去嘅地方，泊車消費比較容易，同埋有幾間餐廳🍴都想試試。今次係地下呢間日本🇯🇵料理，都開咗好多年，人氣旺盛一定有賣點，價格偏中上但仍不乏捧場客🤓———————————————————————————🥢佐賀太良町真牡蠣🦪💬少少🤏地叫咗兩隻，好肥美，勁鮮甜，加入淡淡柚子醬油更多清新😋.🥢雜錦壽司🍣💬唔算係好精美，不過食材都新鮮，見到枱枱都有叫都知咩料😅.🥢雞胸軟骨串。豚肉露荀串🍡💬串燒絕對係佐酒小食，所以去親邊度都會叫，香口嘢一定好食😋.🥢鹽燒特上牛舌🐮👅💬認真，好耐都食唔到日本🇯🇵正宗燒牛舌嘅口味，呢款係近似的，好回味，以前尖沙咀有一間牛舌專門店結束🔚就再食唔返😭.🥢鰻魚釜飯💬超級掛住鐮倉嘅海鮮釜飯，超級鮮甜，又可以變茶漬，所以在香港🇭🇰有釜飯都會好想叫，結果無令人失望，製作需時要等都係值🉐

認真！如果要食依間餐廳，真係要諗一諗！如果你接受到幾百蚊食茶餐廳質素及服務（係唔好食，服務衰到一個點），咁我都唔會阻止你嘅～從未食過一間餐廳如此令人由頭到尾都食得咁唔愉快。本身滿心期待，直到入門口一刻⋯不得不說裝修係有心思，打造得好似去左日本居酒屋咁，環境係幾得意嘅。但係去到入座時，係完全無人指示你應該坐係邊或者帶位動作都無嘅！當我問個staff 時佢反問返我有無訂位，之後就比左個又黑又逼又角落嘅位置我，我要求轉位，佢哋好似好唔耐煩叫我「等下啦你」，但當時那位staff係無野做緊，好唔想做嘅感覺！好啦到轉左位置，朋友都還未來已經望實我暗示單餐，我d朋友都還未到點叫？明太子蛋捲$68見到網上幾個推介蛋捲就試下，不過不失的，不過無驚喜，當凍咗後，會好「鹹」雞泡魚干$98一向都覺得依個唔會伏，點知依個「鹹」到飲幾杯水都唔掂佐賀金星黑豚$238普普通通，喜歡吃肥肉會覺得ok，但相反就會覺得難食，但佢嘅價錢就貴d，所以性價比唔高。題外話佢個汁真係好「鹹」富士蘋果豚肉串揚$38 &田樂茄子串揚$38豚肉麻麻地，唔太特別，略乾，都係好鹹茄子，唔知自己食緊乜，只感覺到食緊成口粉明太子炒飯$138應該算

這間餐廳在荔枝角地鐵站D2出口, 很方便！我們book了12:30食午餐，去之前看了OpenRice，知道只可坐個半鐘！星期日是休閒日，希望可以relax下。四人座位略嫌擠迫, 環境有點嘈雜，聽不到有近藤真彥的歌。因時間關係，我們很快叫了刺身拼盤、海鮮飯丼定食、燒雞髀和日本手工啤酒Coedo-Ruri。食物很快嚟到，桌上放滿食物，我們也很快把食物清了，食物不錯，啤酒味道淡淡的，容易入口，很適合我們女士飲。想叫透明啫喱狀甜品，但店員告訴我們只有一種拌蕨餅，於是就叫來試吓啦！我很想是他們的雞翼，最後加了雞翼，但啤酒飲完了，時間也到了，少少遺憾雞翼不能配啤酒。總括來說，食物不錯，環境有些嘈雜和趕，可以改善少少。