鮨星じん (已結業)

鮨星 #西營盤-一間門面極為低調既日式壽司店，雖然晚市人均至少要過千元，但食完過後覺得質素絕對對得住價錢，更是物有所值，已經約定下一次再食🤣餐廳宗旨以「不時不食」去烹調，所以有機會每次黎食到既菜式都會有唔同，亦係我鍾意食omakase既原因，因為可以保持住新鮮感同好奇心☺️-師傅對魚生的熟成掌握相當有心得，而且飯用左赤醋同白醋去調和🍣當晚既鮟鱇魚肝是時令中最吸引人的食材之一，就算覺得膩都想食多一件😝是師傅得意之作-太刀魚經過燒烤，外皮香脆，細嫩又滑溜既魚肉，唔會燒得好乾，滿滿鮮味，池魚同樣出色，魚油與肉質的鮮美互相映襯，鮮甜縈繞不散😃

西環區其實有好多臥虎藏龍既餐廳一直未比人發掘，街坊平民美食有！貴價高檔路線都有！今日去既日本餐廳師傅大有來頭，曾經係米芝蓮食府工作過，我今晚能夠食到佢既出品，真係有口福了😋.前菜：鮟鱇魚肝刺身：鰹魚、中拖羅、深海池魚燒物：燒北海道粟米、日本鰻魚甜品：紫薯白玉紅豆湯、靜岡蜜瓜拖羅油份好甘香，就咁刺身食都好滿足，另一件經鹽燒後油分直頭大爆發，鰹魚色澤鮮艷，肉質緊實有彈性，木魚花起了很好調味作用，辣根有刺激鼻竇的香辣味道，味道很嗆，不用醬油已經好美味😋呢一餐真係大滿足

日前經社交平台 omakase關注組推介食左幾間餐廳之後，質素真係唔差，老公又就黎生日，再出post問大家港島區有冇咩omakase推介，好快就有gp友comment呢間餐廳，貼了圖同簡介，評語都係正面，所以就去試試😆餐廳刺身來自東京築地、九州等供應商入貨，每日新鮮空運到港，水準跟餐廳一樣高，我就試左日本赤鮑🦪質感幾厚實，鮑魚肝醬幾提到鮑魚的甜味，而日本鰻魚肥美肉厚，見住師傅細心烘烤，不斷反覆塗醬同烘烤，最後淋上帶甜味的醬汁，肉質香嫩軟滑🍢中段來了一碗蕎麥麵🍜麵條滑溜而有咬勁，湯清爽可口，食完有點意猶未盡☺️直頭想攞埋老公個碗黎食tim

唔開心一係買野一係食好野，我就兩樣都做齊🤣今次揀左去港島西食好西，要廚師發板先滿足到我，餐廳私隱度極高，岩哂我約左個閨密大吐苦水，冇時間限制，想傾幾耐都唔會有人趕😌呢到師傅好專業，好有壽司職人的功架，見住佢處理魚鮮的手法、手握壽司、擺盤都好純熟，手法正宗👍🏻好似去左日本食一樣咁前菜海螺好好食，豐腴細膩，味道鮮美，唔會好韌咬唔開，刺身方面我推介池魚，肉質細緻，唔會好重油膩感，比較爽同淡身，靜岡蜜瓜果肉鮮甜美味🤩底部軟得黎有彈性，整體水準同食物質素都好滿意，食完呢餐都仲係唔開心，因為時間過得太快唔夠喉！😩

💁🏻‍♀️又黎到一個月介紹一次好西系列，今次餐廳係西環既鮨星，晚市有幾款廚師發板相當受歡迎，打去預約時店員話booking已經去到下個月，真係要襯早約定，如果唔係愈來愈遲先有空位🤣💁🏻‍♀️前菜有西瓜醬油漬鮟鱇魚肝，呢個配搭好新穎，西瓜本身甜，但配上醬油咸味去處理鮟鱇魚肝，配搭出奇地夾，魚肝細滑豐腴，唔錯☺️💁🏻‍♀️另一樣新奇菜式係北海道白粟米天婦羅蕎麥麵，平時食蝦天婦羅就多，粟米就真係好少食，白粟米比一般香甜，蕎麥麵配酸汁啫喱食唔會好單調，份量剛好👍🏻💁🏻‍♀️以高級壽司店質素來說是高性價比，師傅每道菜式都會耐心地介紹店員亦親自到店外送客，服務貼心

📍鮨星じん西環干諾道西155號高樂花園2座1樓102-106號舖環境🏠餐廳設有貴賓房，以及一張L形壽司吧檯，牆上掛有不少日本畫作，整體木系感重🪵價錢💰晚餐主要都係提供廚師發板，價錢$1000以上💰一餐好既omakse講求兩大重點，一是師傅的手勢，二是新鮮食材，師傅對魚的處理方法細膩👨‍🍳每款醬料配搭都有不同，而呢到魚類全部由日本直送，保證食到最新鮮的味道，Menu不定時會轉，食最時令食材食物赤身肉質綿細，餐廳獨有招牌菜之一燒北海道粟米🌽，風味極佳，甜度有點似生果一樣😆同時有淡淡醬油味，甜品來了一配紫薯白玉紅豆湯，紫薯好綿密，紅豆大大粒好甜好飽滿🍨

一年四季都係食壽司既季節👩‍❤️‍👨平時食開壽司郎，但每次都要等個幾鐘以上，真係唔想再等位，就決定重課金食餐貴既壽司餐，廚師發辦gogogo✨西營盤站出，向海邊方向行大約5分鐘就到高樂花園，就要見到餐廳招牌鮨星じん，平日黎到唔算好多人，師傅人手都足夠，佢地都幾友善💁🏻‍♀️會主動問我地係咪第一次食omakase，有冇食物敏感之類，相當貼心冇諗過會有毛蟹食，真係好鮮甜，不會只得一個鹹字，蟹膏味道極濃🙊深海池魚魚味濃郁，用火槍把魚皮稍稍燒炙，把油脂逼出，入口更為甘腴肥美，仲有仲有日本赤鮑！配鮑魚肝醬食美味無比🙇🏻‍♀️

鮨星好食：8.5/10服務：8.5/10衛生：8.5/10性價比：8.5/10去日本食Omakase是常識吧，既可了解每道菜精髓，又可以體驗日本人的飲食及文化，不過係香港真係未試過，覺得好貴同埋驚唔正宗，之不過疫情封左關咁耐，真係好想再食，所以就search下有冇出名既廚師發辦結果搵到呢間係西環高樂花園既鮨星，附近都係屋苑，並非商業同美食區，餐廳冇菜單，只有套餐既價錢，整餐飯食d咩就交比廚師決定，今次有幸安排到壽司吧檯，可以欣賞廚師手藝，同時亦可近距離交流，整個體驗不輸給在日本食到的首先上一道以海螺同汁煮八爪魚為主既前菜，八爪魚香軟嫩口，相信背後所花的功夫極多，海螺爽口非常，拖羅吃落無渣，在口中溶化，因為師傅把筋膜盡切除掉，令肉質細膩，味道鮮美，出色之作

鮨星 - $1580/位❤️前日去左見個日本客人，book左間係公司附近既日本餐廳，因為唔想食得好急，就決定book食omakase，貪佢過程可以一邊飲下酒，等候食物同時又可以傾下公事，雖然有公務在身，但也不忘要享受美食的滋味(〃'▽'〃)💛前菜送上鮟鱇魚肝，配上西瓜醬油漬，好特別組合，鮟鱇魚肝咬落無筋無渣，幾近入口即溶，很欣賞師傅廚藝基本功好紮實，切割功夫精湛，魚肝處理得很好💙中拖羅分別有刺身同鹽燒各一片，鹽燒比刺身出色，因為燒過後肉味更突出，入口能感受到吞拿魚豐腴油脂，好想再encore多件！(・∀・)💜燒鰆魚平時好少有機會食到，香氣好獨特，肉質細緻柔嫩，豐富油脂，燒完後魚油即時釋放出來，非常好食(○^～^○)客人同我都好滿足

《令人回味廚師發板》#鮨星 #西環美食 #廚師發板 👉🏻人生第一次食廚師發板就獻上比西環既鮨星じん，進門後覺得好有氣派，感覺非常高級，環境好寧靜，同出面大街小巷有強烈對比，今晚serve我地既師傅係日籍總廚，之前仲任職過米芝連既餐廳，有佢既安排我食得好放心☺️☺️👉🏻店員安排我地坐壽司吧座，可以見住師傅出色手藝處理矜貴而高級食材，為我們帶來回味無窮的一餐🥰🥰👉🏻我超級喜歡食拖羅，肥美當然不在話下，入口即化，滿滿油脂，鰹魚配上乾冰效果，肉質鮮甜且柔軟，仲有燒北海道粟米，粟米粒粒飽滿，甜度仲高達17 度或以上，一口咬落去完全爆汁😋😋自己完全冇可能整到既味道

聽講呢到係間神級既廚師發板，一來好難book檯，二來師傅亦係大有來頭，竟然比老公book到檯，仲要係我地結婚週年既正日，會唔會太給力😽真係超級開心👇🏻店員介紹餐廳只會用最新鮮同埋當造的食材入饌，日本直送，對食材要求係極高，所以我地都好期待師傅如何將簡單的食材化腐朽為神奇，炮製多道佳餚，帶來精致饗宴😻👇🏻我地個餐包左10貫壽司，當中大拖羅油香爆棚，而鰹魚口感都好滑，油脂不輸比拖羅，兩者都好出色，燒物方面係燒北海道粟米，擺盤好靚，師傅話粟米鬚都可以食，唔會浪費每個部分，今晚真係令我大開眼界😸

老公加左人工❤️‍🔥我替佢好開心，緊係要佢請我食餐好架啦，超級鍾意食sushi既我就搵左間幾出名食omakase既餐廳，位於西環干諾道西，都幾隱蔽，唔係西環住既，應該唔知呢到有間咁高級既餐廳👍黎到當然係食廚師發板，冇睇價錢直接同廚師講要最貴個款🤣個餐好多野食，我個日冇食lunch都覺得成個set好飽，印象深刻有毛蟹🦀廚師介紹係用左蟹膏同蛋黃醋去整成，超多蟹膏，好濃郁海水味，之後既鰹魚肉質好肥美，上面加左木魚花同辣根，完全唔洗咀嚼，口感超正仲有有一款都好特別既係北海道白粟米天婦羅蕎麥麵，第一次見呢個配搭☺️好清新蕎麥麵，天婦羅唔會好油膩，另外燒鰆魚味道鮮甜，非常滿意的一晚

「最近睇youtube有介紹一間好唔專業既omakase，比千幾蚊但換來不愉快用餐體驗，要搵到間有質素但又物超所值既餐廳真係好難，好在我有個對omakase有要求既朋友，問佢意見一定冇死💯」「佢介紹我去西環鮨星，佢話師傅的功架好專業，同埋一絲不苟的熱誠係佢好欣賞，環境乾淨舒適，座位唔多，一般L字型既吧檯，叮囑我去前必須訂檯，因為晚市都好full❌」「毛蟹當造的季節🦀蟹膏滿溢，入口鮮味甘甜，很讚既前菜，之後再黎一份燒日本鰻魚🍢我每次去居酒屋都會必點，鰻魚好肥美，完全冇骨，皮脆脆的，醬油香甜，令人一試難忘。甜品係紫薯白玉紅豆湯配雪糕🍦白玉好煙韌，紅豆湯暖笠笠，配冰凍雪糕，簡直係冰火交融🥰」

唔講唔知原來西環開左間日本餐廳，門面低調，但內裏裝修典雅高貴，有不同東瀛風格壁畫同埋擺設，真係由日本帶返黎，好似真係去左日本一樣咁有feel😍前菜三味有海螺、汁煮八爪魚和蠶豆，原來要煮好八爪魚都好難🐙時間太耐會韌，但唔夠時間又會唔入味，所以師傅話準備煮之前會同佢按摩一段時間先💆🏻‍♀️令到佢既肌肉軟化再用汁煮到濃稠，食到師傅心機同時間，真係好軟腍又滑嫩☺️著重視覺效果既師傅，把深海池魚呈現得好靚，燒過既魚皮，好香魚油味🐠池魚口感實在、非常新鮮，最後來一份靜岡蜜瓜作結，甜度十分高🍈

心血來潮想食omakase，見呢間餐廳可以喺whatsapp訂位，即興訂左今晚同男朋友撐枱腳，餐廳室內環境寬敞，而且職員服務態度亦都好friendly同talkative，師傅同職員有講有笑，而且仲詳細地介紹各款食材。首先上咗先付，個汁煮八爪魚煙韌彈牙，個淋度煮得岩岩好而且入味。刺身質素中上，其中以毛蟹最為出色，蟹肉爽口彈牙，見到一絲絲既蟹肉已經😍😍😍配埋微酸既蛋黃醋可以提升蟹肉既鮮味，good match👍🏻👍🏻👍🏻上完刺身就到熟食環節，熟食有深海池魚，食物擺盤好靚，深海池魚肉質細嫩，充滿油脂香，入口輕輕咬幾下，已經滿口魚油香，非常好食，配有金黃香脆既魚皮口感一流。海膽蒸蛋做茶碗蒸亦無令我失望，蒸蛋味道濃郁滑溜，帶有海膽的鮮甜，正😄到最尾仲有香甜日本蜜瓜做甜品，為呢一餐完美落幕，好飽好滿足😋5🔅為滿分食物質素🔅🔅🔅🔅🔅環境🔅🔅🔅🔅🔅抵食🔅🔅🔅🔅🔅服務🔅🔅🔅🔅回頭率🔅🔅🔅🔅