鮨星じん (已結業)

一年四季都係食壽司既季節👩‍❤️‍👨平時食開壽司郎，但每次都要等個幾鐘以上，真係唔想再等位，就決定重課金食餐貴既壽司餐，廚師發辦gogogo✨西營盤站出，向海邊方向行大約5分鐘就到高樂花園，就要見到餐廳招牌鮨星じん，平日黎到唔算好多人，師傅人手都足夠，佢地都幾友善💁🏻‍♀️會主動問我地係咪第一次食omakase，有冇食物敏感之類，相當貼心冇諗過會有毛蟹食，真係好鮮甜，不會只得一個鹹字，蟹膏味道極濃🙊深海池魚魚味濃郁，用火槍把魚皮稍稍燒炙，把油脂逼出，入口更為甘腴肥美，仲有仲有日本赤鮑！配鮑魚肝醬食美味無比🙇🏻‍♀️