鬼金棒

营业中

休息中

突然興起想食拉麵🍜 就經過依間鬼金棒 店鋪以日本鬼神紅黑色調風格為主題 內裏有鬼公仔與面具的擺設襯托 強烈呈現出日式的鬼神風格🎭 店鋪以電子形式下單 簡單又方便 餐目一目了然 坐係Bar枱仲可以親自睇師父整拉麵👍🏻👍🏻===========================1️⃣增量叉燒x2辣麻味增拉麵 $135個人認為辣度選擇少辣味道有啲保守 食得辣既不妨可以嘗試辣啲🌶️湯底既麻辣味令人食慾大增拉麵即叫即製 煙韌適中 增量叉燒厚切大塊 肥美可口 脂香味極濃2️⃣味玉辣麻味增拉麵 $100麻味辣味任你選擇 可以因應自己口味調整味玉內裏既蛋黃汁呈流心狀態 正到想追加多一隻🥚掛汁能力相當不俗 仲有陣陣蔥蒜香味===========================🏠鬼金棒 (銅鑼灣)銅鑼灣謝斐道530號地舖☎️24813383

辣麻拉麵 👹⁣成日見到大家挑戰所以又想去試下 🤣 真係好惹味好正 🤪 ⁣⁣/味玉辣麻味增拉麵 $100/⁣重口味既湯底有少少四川風味 好香既蒜同香料味 辣同麻都平衡得好好 選了中辣中麻 唔算太強下次想再來挑戰一下大辣高麻 🤩 厚切叉燒夠腍好入味 麵底份量都足夠 🥰 鐘意重口味既朋友一定要來試‼️

跟日本人老友 Happy Hour 後有個習慣就是去吃拉麵。酒類都是凍飲，所以最後回家前吃碗熱騰騰的拉麵，一邊大啖麵條填飽肚子，一遍用濃醇的湯頭暖暖胃，可說是美味句號，今次 L 提議吃鬼金棒。很細心提供圍裙以免被醬油沾污，若需要重口味可自行再加味粉，唔算太辣但可提升口感。冷水亦有保溫壺，點菜亦是用 QR 碼很方便。L 選芫茜辣麻味噌拉麵，喜歡芫茜的朋友一定要吃。但可能L選了中麻走辣，感覺上麻味被芫茜蓋過了，下次還是選小辣較好。叉燒雖不是增量但份量都不錯，另外亦有栗米芯。老友選增量叉燒辣麻味噌拉麵加玉米筍叉燒當然特厚，老實 L 覺得無論口感或甜度都有點像東坡肉，果真美食就是國際語言無分國界。同場亦看見一外國人拿筷子吃得津津有味。L 吃完拉麵再加多個肉飯可樂zero一罐，將拉麵的湯倒進飯內一起吃泡飯，滿足。外賣拌麵更有秘製叉燒送，下次可以再吃。

而家越來越多日本黎既拉麵店，不過食過咁多我都係鍾意食鬼金棒👹貪佢個麻辣好香!🥳我估而家由於疫情，bar枱同廚房相隔左，透過玻璃見到煮拉麵，係少左一點風味，但衛生程度令你放心。自己湛水、攞圍裙，用QR code點餐，又方便快捷，亦好啱黎食孤獨餐，哈哈🤪時間尚早，落單冇幾耐就先黎左朋友既走麻走辣既炒豆芽菜味噌拉麵🍜順利等我試下個味噌原味係點，其實都真係唔錯，香濃得黎唔會太咸，又掛得起個麵。芽菜🥗索左D汁好好食呀，又好爽脆，朋友都大讚，而且佢既叉燒🐷真係冇得燒! 其他拉麵店多數係一塊塊薄切，但佢係一大舊好厚身好似炆豬肉，好入味又甜! 芫荽辣麻🌶味噌拉麵次次都係我最愛，湯底配大量既芫荽完美地結合，加上拉麵🍜麵質軟硬適中，湯底香濃，做到有掛汁既效果! 我真係食到一口接一口，我揀左中麻中辣，剛剛好! 呢度既拉麵最好就係辣度與麻度都可按個人喜好選擇，適合不同程度既濃味怪😛最後店員介紹追加個飯🍚撈埋拉麵汁食，咁朋友又好想再食舊叉燒，所以就叫多個叉燒飯! 真係好不得了，個日本米好香軟，一加D麻辣湯真係好好食! 加上本身D飯有少少叉燒汁，香甜配上麻辣湯中和返少少，唔會覺得好chur! 🤓叉燒送飯食又係另一

上次食完尖沙咀的鬼金棒意猶未盡，今次想再試下他們更辣的辣麻味噌拉麵，銅鑼灣分店近世貿，遠遠已經看到吸睛的門面，好有型的狼牙棒配金漆鬼金棒，入內被日本霓虹燈鬼神的型格裝潢吸引。疫情的措施餐廳做得十足，客人也十分多。急不及待用手機掃QR Code落單，十分方便。今日試下中辣先，下次再試更辣的。芫茜辣麻味噌拉麵 $110我點了中辣小麻，滿滿的芫茜鋪滿整碗，對我芫茜控來說真的滿足，先試一口湯底，中辣更香更濃味帶有少少麻，很喜歡這配搭，叉燒同樣厚身實在，真的百試不厭，拉麵質感剛剛好，正。增量叉燒x2辣麻味噌拉麵 $135無辣無麻朋友係肉控，所以點了增量叉燒x2，真的太誇張，朋友不吃辣，所以點了無辣無麻，也別有一番風味。大肉飯 $55最後我們再點了個大肉飯share試試，都有驚喜，肉汁醬汁蘸上飯，汁香味濃，飯是我喜歡的質感，叉燒就不用說了，同樣高質。下次再試下下一個辣度先。

沒有日本的日子真的相當難過,剛巧陰霾的天氣, 我的天空今天有點灰。想想去到銅鑼灣, 可以吃什麼回想東瀛的味道，我就去了鬼金棒銅鑼灣分店，一步進餐廳以日本鬼神紅黑主色調風格為裝潢主題，感覺很日式，鬼面具鬼公仔托擺設，狼牙棒點綴玩味十足，真的仿似去了東京一樣。下單以掃QR code手機落單可樂$15/罐增量叉燒X2辣麻味噌拉麵$135+）中辣+）中麻+）味玉 $15今次我選了增量叉燒x2辣麻味噌拉麵加味玉，味道可辣可唔辣架，嗜辣的我選了中辣，真的後悔太保守了。品嚐一啖湯底，湯底及質感濃凋，令人食慾大增，拉麵中的蛋也是亮點 有流心蛋黃效果。拉麵即叫即製，入口煙韌，掛湯汁度高，美味可口。賣相以增量叉燒為主，厚切大大舊，軟腍肥美的叉燒，入口肉味立即擴散，食得出層次分明，肥瘦融合，脂香味濃。玉米荀辣麻味噌拉麵$100+）味玉$15+）增量叉燒$35+）無辣+）小麻想食健康些，可以揀多蔬菜的玉米荀味噌拉麵，見師傅大火炒芽菜和玉米筍就知好有鑊氣，蔬菜仲可以中和湯底和拉麵的膩感。

Kikanbo’s ramen sets itself apart with its thick and generous slice of pork belly and broth🍜在有名的辣麻拉麵店，耐辣程度-100只好點完全不麻不辣的味玉味增拉麵🥺很可惜但肥而不膩的半肥瘦叉燒很好吃！🍖 大概是我吃過最豪爽的叉燒。太！滿！足！濃郁的味噌湯有一圈圈的油花，我習慣每一口都拌着湯麵吃，對我來説尾韻有一點重鹹重油，我想如果是辣麻口味應該就會剛剛好了👌🏻

去銅鑼灣行完街之後，特別係行完SOGO之後，就梗係要揾啲嘢醫下肚。又肚餓又攰，最緊要就係位置方便，行兩三分鐘就到嘅！無錯，我就試左呢間鬼金棒啦。一入到餐廳，就聽到佢哋播緊好激昂嘅音樂，好襯佢哋餐廳嘅主題，超級加分！！玉米荀辣麻味噌拉麵 食拉麵嘅第一步就梗係要飲番啖湯先架啦。我嗌左小辣中麻，一入口就feel到陣麻味，非常之啱我胃口呀。辣度唔算好強，相信平時唔食得辣嘅都可以嘗試。食得辣嘅就一定要挑戰一下佢哋啦，麻辣味兩者嘅融合真係好正。不得不提嘅係，粟米荀嘅份量超多！！增量叉燒辣麻味噌拉麵 呢碗拉麵嘅特別就係雙陪份量嘅叉燒，佢本來嘅叉燒已經好大舊，呢塊增量級嘅叉燒真係差唔多手掌咁闊，啱晒食肉獸呀！和梨子汽酒 係市面上比較少見到嘅梨味果酒呀，仲會送上一個冰酒杯，非常貼心。

東京過江龍-鬼金棒以辣麻拉麵馳名，辣與麻分開自選程度，於日式拉麵中實屬少見。朋友愛吃麻辣，所以專程試吓。鬼金棒裝修很特別，運用紅與黑兩種強烈對比色，加強其個性。鬼面具、鬼公仔加狼牙棒，再加上播著打鼓聲，感覺好似置身於地獄一樣。(地獄有拉麵食？🧐)拉麵全都可有辣度選擇可以根據自己的口味選擇麻辣的程度，還可以額外加配料，不過就算覺得唔夠都可以再落花椒粉朋友呢碗係辣麻味噌拉麵辣度方面揀咗中辣小麻，佢平時都食到辣，但唔算勁，佢話呢個辣度岩岩好。配料有玉子粟米同叉燒，叉燒係類似東坡肉既半肥瘦豬肉，平時出邊食開嘅叉燒拉麵，多數都係一片片，而呢度嘅叉燒，就係厚切一大舊。雖然湯底嘅味道比較濃，但叉燒經過特別嘅醬汁烹煮過，所以湯底都唔會蓋過叉燒嘅味道。我選擇咗無麻無辣味噌拉麵其實佢本身都係以濃郁嘅味增湯底去加入麻辣制成麻辣湯底，所以唔會話唔叫麻辣就變成清湯一碗。配菜一樣，但係如果唔要麻辣嘅話，我個人會選擇其他拉麵店。湯夠濃、味道特別、配料同麵既份量都唔少，每人一百三十左右，物有所值。未食過麻辣口味既人，鬼金棒係值得一試。

星期三晚銅鑼灣行完街肚餓, 又係時候搵好野食。最近天氣又濕又焗, 令到人冇咩胃口,  見到有拉麵店, 又唔使排隊, 即管試試。店內係日式拉麵店格局, 坐得舒服。望望menu 原來呢間店係日本都有D名氣, 以辣麻湯底馳名, 雖然我對麻辣一般, 但冇理由唔試掛?另外佢仲好貼心提供一次性圍裙, 食到樹樹聲都唔怕D 汁周圍彈啦!我同老公分別order 味玉辣麻味噌拉麵 ($100) 及 增量叉燒x2 辣麻味噌拉麵 ($135)。兩碗都選了走辣中麻, 拉麵有D 似油麵質感。 厚切叉燒係我見過最厚身最大件既size, 淋到入口即化, 非法入味,口感極好, 而且超級飽肚!! 湯底清甜易入口, 同麵條都出奇地夾, 幾惹味食完個麵老公好似未夠喉, 點多個叉燒飯, 估唔到呢蕭叉燒襯麵又得, 飯又得, 一樣咁好食

響香港嘅日本料理之中，平均水準以拉麵最高，壽司最低；壽司做得好極唔容易，所以我喺香港已經甚少食壽司。呢間拉麵店，朋友介紹話超正，咁我就即刻去試吓。我點咗「增量叉燒x2麻辣味增拉麵」，等咗約5分鐘就到。當然先嚟一啖湯，典型味增湯底，我點咗少麻少辣，但配味增又幾得意，多咗少少層次感，好味，但未去到好好味。食一啖叉燒，嘩！呢個就真係超好味啦😋叉燒肥瘦適中，非常軟熟，好有豬肉味（依家有太多餐廳肉冇肉味只靠調味），呢個叉燒係極品👍。跟住食麵，當然係用日本人嘅吸啜slurping方法，麵身夠硬，師傅控制得好。麵帶湯一起啜入口中，非常美味，非常滿足，唯一缺點係麵身太短，一啜就冇😅，應該考慮麵條唔好切咁短。總括嚟講係滿意嘅，因為叉燒實在係極品，我仲要係叫咗叉燒2x，打孖上😋😊。呢間可以番尋味😍

這間拉麵在銅鑼灣開業以來，就一直很想去試，因為我是芫荽的愛好者，又偏好麻辣味。店舖門面非常有特色，令人一經過就留下深刻印象，其鋪面以日本鬼神為主題，令其增加了一份神秘感。我的芫荽拉麵選擇了中麻中辣，那種辣味非常過癮，又摻雜了少少麻，只見拉麵上鋪滿了滿滿的芫荽，這碗拉麵越吃越有芫荽味，沒有想過麻辣味竟然和芫荽味那麼合襯。友人吃的是勁量叉燒拉麵，叉燒非常大塊，而且炆得非常軟淋，味道帶甜，肥瘦相間，有人選的大麻，比起我的拉麵，我更喜愛他的大麻口味呢。值得一讚的是其面底，選擇了幼身拉麵，但是煮得時間剛好，非常掛湯汁。最後我們還追加了一小碗叉燒飯，米粒煮得煙韌，這次的叉燒淋上醬汁，甜甜的醬汁配上肥肉，更加下飯。

今日特登嚟銅鑼灣，食日本人氣過江龍「鬼金棒」辣麻拉麵，試吓其獨特口味嘅拉麵，同埋去崇光百貨，因為感恩週大減價開始咗啦。店內周圍佈滿咗好多令人聯想到鬼的裝飾品，配襯着太鼓的音樂，充滿着獨特的氣氛。枱面上有個QR code，掃描後便可在手機上直接落單，好方便。除咗選自己喜歡嘅拉麵，味增湯底仲可以隨個人喜好，選辣與不辣，同埋有不同嘅辣度與麻度供選擇。我點咗「芫荽麻辣味噌拉麵」🌱🍜，朋友話好耐冇食過日本拉麵，佢點咗大大碗嘅「增量叉燒x2麻辣味增拉麵」，哈哈😂！大家都選咗小麻小辣，唔知有幾辣，大家都叫定罐可樂先😆。我碗「芫荽麻辣味增拉麵」，麵上鋪滿芫荽同埋日本大蔥，好靚，湯頭濃厚，帶甜的麵豉湯底配上小麻小辣，原來好夾，好好味。厚叉燒燉煮得非常香甜柔軟，中粗身嘅麵質十分彈牙，每一啖麵都沾上芫荽，口感好清新🌱。厚叉燒實在太好味啦，我即刻追加咗個迷你叉燒飯。朋友就一路食都冇乜同我講嘢，嚿叉燒實在冇得頂，入口即溶，好味到唔講嘢，兩個人食完碗麵都好開心好滿足。我哋兩個都話會再嚟，下次要挑戰大啲嘅辣度😆。

各位愛吃拉麵的朋友真係唔可以錯過依間高水準拉麵館😆！今次係我第一次食「鬼金棒」，其實之前已經聽過係日本幾出名，終於有機會試。入到店舖，見到周圍都用到好多日本惡鬼同鬼金棒嘅佈置，暗點風格既特別又吸精。桌上已放好一次性圍巾提供比客人使用，非常細心客人可以用手機scan QR code自助落單，非常方便。鬼金棒的湯底有五種程度的辣度，配合返喜愛不同麻辣程度的客人。 我就揀左微辣。配上軟腍肥美快並帶八角風味嘅叉燒，入口即溶，雖然有點邪惡但真係打從心的好味。拉麵口感爽彈有嚼勁，配菜仲有芽菜，玉米筍、蔥花和味玉流心蛋，夾埋一齊食，令層次更豐富！今餐真係回味無窮❤️

最近終於約得返朋友M出黎同我食飯啦，因為佢呢排連續幾個禮拜返夜晚都好chur下，所以今日好彩夾岩時間先約到佢出黎咋。今次我地去左銅記食拉麵，間野個名叫鬼金棒，其實聽名都大概估到同地獄有關，而會聯想到拉麵都可能會有返咁上下辣。我地即管試下係咪真係咁辣，同埋唔食得辣嘅人可唔可以食到呢。入到黎間店，店員話我地知要用手機點餐，其實都幾好，起碼唔使用紙，比較環保。最重要嘅係辣度同麻度都可以自己揀，唔食得辣嘅朋友都可以放心黎食啦。呢次我叫左增量叉燒x2辣麻味噌拉麵，碗野真係好多料，叉燒係好大舊，但係食落夠淋易入口，而且好入味，我未試過食叉燒會食得咁開心。之後我另外再加多個肉飯，其實個麵本身都夠飽，只不過我想嗌個飯倒落去個拉麵湯度一齊食，又係另一番風味。