鬼金棒

营业中

休息中

去銅鑼灣行完街之後，特別係行完SOGO之後，就梗係要揾啲嘢醫下肚。又肚餓又攰，最緊要就係位置方便，行兩三分鐘就到嘅！無錯，我就試左呢間鬼金棒啦。一入到餐廳，就聽到佢哋播緊好激昂嘅音樂，好襯佢哋餐廳嘅主題，超級加分！！玉米荀辣麻味噌拉麵 食拉麵嘅第一步就梗係要飲番啖湯先架啦。我嗌左小辣中麻，一入口就feel到陣麻味，非常之啱我胃口呀。辣度唔算好強，相信平時唔食得辣嘅都可以嘗試。食得辣嘅就一定要挑戰一下佢哋啦，麻辣味兩者嘅融合真係好正。不得不提嘅係，粟米荀嘅份量超多！！增量叉燒辣麻味噌拉麵 呢碗拉麵嘅特別就係雙陪份量嘅叉燒，佢本來嘅叉燒已經好大舊，呢塊增量級嘅叉燒真係差唔多手掌咁闊，啱晒食肉獸呀！和梨子汽酒 係市面上比較少見到嘅梨味果酒呀，仲會送上一個冰酒杯，非常貼心。