鬼金棒

营业中

休息中

食完之後，過咗個星期我再食第二次，今次我寫係第一次食嘅經歷。首先，鍾意食芫荽、芽菜嘅朋友，你絕對需要想來一次！我直接叫咗個勁辣、芫荽、芽菜增量嘅拉麵。上菜時，眼發亮，從來未見到好似山一樣咁多嘢炒芽菜同埋新鮮芫荽，我都係第一次見到！咁澎湃嘅感覺，幫成碗麻辣風味嘅拉麵用清新平衡。好開心滿足咁用咗5分鐘慢慢食😚nomnomnom用油炒過嘅芽菜大大碗，係鍾意食芽菜嘅人來講真係一大喜訊。每一啖都有清爽以及油大火爆香炒左嘅芽菜叉燒同平時一般拉麵造法不同，並非圓形。風格係中華式正方形厚切，感覺像燒過的東坡肉一般效果。每件大小是一大口的設計，口感豐滿資源，脂肪的油香與肉香比起其他拉麵店的日式叉燒還要強烈。另一款拉麵湯底選擇了小辣小麻，相信一般香港人也能夠接受到。如果比較喜歡麻辣建議直接選擇中或者大。湯頭雖有麻辣味，但依然採用日式拉麵風格湯為底。非常滿足買單兩個人270

東京人氣過江龍拉麵🍜鬼金棒🔥.Finally😻期待已久想去既拉麵店，終於試到啦‼️與一般食開既湯底唔同，鬼金棒主打辣+麻，直情係顛覆你既味蕾🤤不過唔食辣既都唔洗怕，可以直接簡唔辣😉.增量叉燒辣麻味增拉麵🍜小編事前都做過research發現大家對小辣&中辣無咩感覺，於是一黎就挑戰大辣🐷至於麻味程度就好睇個人喜好🔥一上枱已經聞到陣陣麻香😍飲一啖湯呈稠身，味增好濃厚、辣度夠香夠smooth，麻味反而食到一半先滲出黎～自問食得下辣但係後期都要溝啲冰水🙈增量叉燒果然寧捨大舊過人😍超級厚身而且好軟熟，當然啦都有返啲肥膏位既🤣配菜有粟米芯、香蔥同芽菜；拉麵係粗身既，係平時沾麵嗰種好索湯🥣！溏心蛋就係另加既🥚拉麵一定要加返隻先圓滿☺️.特制辣麻味增拉麵🍜+增量叉燒🐷朋友就嗌左呢款，配料基本上一樣只係溏心蛋本身包埋，加$35就有多件增量叉燒，岩晒食肉獸或者一眾男士們💁🏻‍♂️

之前喺尖沙咀見到呢間拉麵已經想試今日嚟到銅鑼灣分店就一於試下佢！門口同店內嘅裝修一致到處都見到有「鬼金棒」～原來所謂嘅鬼金棒意思係鬼加上狼牙棒，有如虎添翼嘅意思！先掃QR Code用手機點餐～呢度最出名係食麻辣味噌拉麵～我哋分別叫咗「味玉」同埋「增量叉燒」麻辣味噌拉麵唔係好食得辣嘅我叫咗小辣小麻個人覺得可以再試試個中辣～*識得辣嘅朋友不妨試下「鬼增」級，相信會辣得好過癮哈哈*「味玉辣麻味噌拉麵 $100 + 芽菜 $15」「增量叉燒辣麻味噌拉麵 $115 + 味玉 $15」食拉麵前習慣先飲啖湯濃郁味噌味，麻同辣都幾出色麵質有啲似拉麵加烏冬，口感不錯「增量叉燒」超大舊雖然咁大舊，但煮得好腍，入晒味同埋中間有痴住d肥膏，基本上入口即溶「味玉」都非常出色，係我喜歡嘅生熟度*建議大家食得晒先好嗌小食，對女仔來講食完一碗都好飽啦哈哈*總括而言，味噌湯底係我最愛嘅拉麵湯底之一而且味道較濃，正合我意必定再次光顧！

同朋友黎呢間環境型型地嘅拉麵店食晏，上網搜尋完之下發現呢間店原來喺池袋幾有名。店舖裝修都係圍繞住鬼嘅主題，仲有鼓聲做背景，係幾特別嘅打卡店！野食主打麻辣拉麵，雖即係咁，但無論辣度同麻度都可以撰擇，我自己就不太鍾意麻嘅感覺，所以就揀左小辣無麻。👆特制辣麻味噌拉麵呢個味噌湯底我覺得好岩我口味，唔會係啲太濃一味得味精味食到好口渴果啲。另外叉燒好厚好大舊，夠淋同入味，啲脂肪煮到入口即溶👍👆味玉辣麻味增拉麵呢款同特製嘅其實好似，真心食唔出味道上有咩大分別，唯一唔同係少咗一舊叉燒，價錢都平少少。

「鬼金棒」是來自日本🇯🇵東京的拉麵店，主打辣麻味噌拉麵，有五級麻度同五級辣度可以選擇，喜歡又麻又酸的可以挑戰最高的 鬼增辣，這個要另加$15，朋友說吃這個會相當過癮，但我不能奉陪。叫了一碗「芫荽辣麻味噌拉麵」好吸引啊，整個碗面都佈滿芫荽，先嚐一口湯，湯味相當濃郁，這是用豬骨、魚鮮及蔬菜以長時間熬製而成，鮮味十足，再嚐一口有滿滿芫荽的湯，味更香濃，我好好喜歡芫荽的香氣。拉麵麵條十分出色，煙韌彈力，非常爽口。拉麵中還有一件非常出色肥美軟滑的叉燒，雖然份量唔係好多，但一件大大的已很滿足了，整碗麵條都黏上芫荽，太可愛了。「味玉辣麻味噌拉麵」比較清淡，但香濃的湯底和彈牙的拉麵合起來也是上佳的配搭，一磚秘製叉燒加上溏心蛋又有另一番風味。除了食物外，我好喜歡舖面的裝修，非常迎合「鬼金棒」這個名字。

雖然自己唔係一個好鍾意食拉麵嘅人，但係最近留意到好多朋友都去朝聖呢一間拉麵店，成碗紅色，對於我呢啲鍾意食辣嘅人來講實在太吸引啦！餐廳唔大位置都唔多，不過坐得舒服，佈置以黑色為主，有種落咗地獄嘅感覺，同一碗碗紅色的拉麵都幾配合。《味玉辣麻味噌拉麵》$100我估係我揀嘅辣度唔夠大，所以湯底冇想像中咁紅，不過仍然好惹味，麻油香氣好出，同時麻辣味道都好香，有種越食越過癮嘅感覺，不過湯底油份較多，唔鍾意太油膩嘅朋友要注意。而麵條係比較粗的，好滑好彈牙，食落唔會粉。溏心蛋真係好正，做得好好👍🏻《增量叉燒X2辣麻味噌拉麵》$135叉燒份量勁多，勁大嚿！叉燒肉完全唔會乾，肥瘦適中，食起嚟都算滑同埋都煮得夠林。呢度湯底揀咗唔辣，比起麻辣味的稍為遜色少少。 總括嚟講，呢間拉麵店嘅款式比較新穎，大部份拉麵店都食唔到，值得一試，價錢亦都好合理，難怪最近咁多人食。

今次帶左朋友去試我一直念念不忘既鬼金棒跟尖沙咀分店一樣，店內都是播著強而有力的 Background Music 四周環境都是暗暗!因為上次試無麻無辣，雖然滿足但還未試到他們的賣點-麻辣。•Premium Karashibi Miso Ramen 特制辣麻味噌拉麵 $120拉麵既靈魂當然是湯底今次我就揀左無辣小麻，以平時食清湯既我。小麻呢個level 絕無問題!有層次而且濃郁既湯底，配上小麻，衝擊舌尖味覺。最喜歡他們會預先炒過芽菜，所以不會有草青味更易入口。煮得入味又夠淋既＂叉燒＂配上糖心蛋，couldn't ask for more!朋友Order 左•Karashibi Miso Ramen w/2 Big Pork 增量叉燒x2 辣麻味噌拉麵 $135湯底為中辣小麻，對於食開辣既朋友，簡直係easy job!跟朋友計過若將鬼金棒的增量"叉燒"切開成平時拉麵店的"叉燒" Size 應該可以有10塊。鬼金棒的增量叉燒簡直係原條豬肉！大家一定要試！特別叫左小麵，因為份量太多根本食唔哂。哈哈P.S. 外賣自取拌麵，送秘製叉燒。又多一個外賣選擇。

玉米筍辣麻味噌拉麵 | 味玉辣麻味噌拉麵.-鬼金棒的辣麻味噌拉麵 雖然是比較重口味 但真的久不久就會很想吃!! 湯底只有一款 就是辣味味噌 而辣度與麻度都是自選 如果喜歡吃辣的 可以直接從中辣中麻起跳☺️ 湯底有炒過的香氣 溫度也得以保持 吃到最後也是熱的～ 麵條粗身爽彈掛湯 叉燒偏肥厚 充滿油香😋 炒過的芽菜爽口沒草青味!! 玉米荀那一款是增量版的玉米荀 排得工整很吸引呢🌽 而味玉就加配了半熟蛋🍳 半熟蛋調味足夠 咬下呈半生熟 好味～

鬼金棒主打重口味辣麻味噌拉麵，不同辣度、不同麻度各佔5級（無、小、中、高、鬼增），自認是辣迷的朋友要挑戰下。店内走暗黑路線，佈滿了日式妖怪面具及吊飾，切合「鬼金棒」的鬼怪主題！餐廳以手機自助下單。我叫左增量叉燒辣麻味噌拉麵 +味玉（小辣小麻）& 特製辣麻味噌拉麵＋玉米筍（無辣//無麻）。增量叉燒辣麻味噌拉麵 +味玉，味噌湯一入口，香醇不鹹，後勁十足的辣麻味，十分過癮。拉麵混合了粗幼兩種質地的拉麵，吸飽湯汁的煙韌彈牙，份量不少。味玉內裡金黃色流動的半熟蛋液，吃起來超享受。配上軟嫩軟腍肥美的叉燒肉，厚度十足，半瘦半肥，瘦肉軟嫩不乾，吃起來十分夠味，深得我心呀，一吃就上癮。特製辣麻味噌拉麵＋玉米筍， 原汁原味味噌湯，入口濃郁。形似鬼金棒的玉米筍是經過炒製，吃起來特別香甜，加上現炒豆芽菜，可以幫助解膩，吃完整碗麵也不會覺得膩口。

一早已經聽聞過啊度有成座山咁多既芫荽拉面🍜一於lunch time就黎呢度試下有幾正先！外賣不錯但可惜拉麵一般！不過就絕對值得黎打個卡😍-芫荽辣麻味增拉麵🍜$110 （+$15味玉🥚）-我揀左少辣少麻🌶️。拉麵對於我來講， 比較鍾情於濃郁豬🐷骨味， 呢種麻辣湯底真係好似小窩米線。。。湯底依然非常不欣賞， 感覺上同各式各樣米線麻辣口味差不多，呢種價錢絕對唔想食平價湯底。。。配料方面-加左15蚊要一整隻蛋🐣，點知非常失望🥺， 雖然蛋入面係流心，但竟然完全冇任何味，以為suppose會有少少醬油味，點知真係就咁直接煮咗粒蛋就算。-面頭芫荽☘️-數量的為多但係非常之碎，打卡🌞必備，熱愛芫荽既我好中意🌿-玉米荀🌽-免費附送，味道一流，香甜香脆可口！鍾情者絕對可以直接叫多一碟😍-所有配料最欣賞係炒芽菜！🍀-絕對係人生食過最好食嘅芽菜！🍀通常芽菜都冇乜點煮過，但呢個竟然可以炒到好香，同埋切細左好容易入口。建議大家可以叫炒芽菜拉麵🍃🍃-呢個肉就比較相對出色，肥肥地好厚肉，超級入味超級濃郁！煮到稔哂勁正！如果配飯一定仲好食🍚-仲有即棄用既圍裙比你以防彈到衫😂😂😂

位於銅鑼灣既鬼金棒，湯底同調味料都非常講究，佢既味噌係由日本店秘製直送香港，佢出名辣湯底，由多種辣椒同唐辛子調配，辣度按個人喜好選擇。自問食到好辣既朋友可以挑戰鬼增級辣麻拉麵👹而我就都係食番小辣啦😅────────────☘️芫茜辣麻味噌拉麵 $110🐷增量叉燒辣麻味噌拉麵 $115湯底肴左好耐好rich & creamy，拉麵比一般拉麵粗，軟硬適中。叉燒係超級厚切，一舊等於平時出面食既2-3舊🌝麻辣方面我地揀左小麻，下次可以挑戰再麻辣啲💪🏻不得不提成碗麵舖滿芫茜好滿足，食落增添一份清新☘

今日無意中喺 openrice 見到一張面頭鋪滿芫荽嘅拉麵相，莞茜嘅份量之多令人相當震憾，所以就帶鐘意食好荽嘅胖侶嚟試吓。鬼金棒於2009年登陸東京神田，主打麻辣味噌拉麵，東京兩間分店月賣超過27000碗，喺舊年年中進駐香港。餐廰以充滿神秘感嘅黑色為主色調，裝潢同樣走暗黑路線，佈滿咗日式妖怪面具同吊飾，切合「鬼金棒」嘅鬼怪主題，右手邊有塊大玻璃，望入去可以見到廚師們正努為客人預備，炒芽菜嘅時候搶火搶得非常高，有如一場表演一樣；枱底有掛鈎可以掛袋，十分貼心。 特制辣麻味噌拉麵 + 芽菜，由於我唔好芫荽，所以我無嗌到芫荽麵，辣度我揀咗中辣大麻，先試一啖湯頭，味道香醇而不死鹹，所用味噌係日本鬼金棒秘製，再由當地直送到香港，並配以豬骨、雞骨、魚鮮同多種蔬菜熬足8個小時嘅湯底嚟調製，入口尤其濃郁。湯底嘅「辣」係嚟自多款辣椒同唐辛子；「麻」係嚟自頂級和歌山葡萄山椒調成嘅香麻油，當拉麵入口嚐到辣味後，香濃嘅麻味隨即爆起，再緩緩地縈迴口腔，震盪交感神經。鬼金棒嘅叉燒同其它通常都係非常輕薄切片嘅拉麵叉燒有好大分別，呢度嘅叉燒係厚度十足嘅一整塊豬腩肉，經過一天慢煮，睇落有啲似台式控肉，食落軟腍肥美，口感軟

當年去東京顧得玩同shopping就顧唔到食，無真正食過一碗拉麵，睇過旅遊書同blogger 都知道鬼金棒好出名，原來香港已經有分店！由佈置到音樂都係日本鬼怪主題，呢個氣氛食辣應該汗都多d 🤭有唔少遊客都排隊，而家嘅情況只可坐半滿，真係要排耐少少，但都值得今次試最勁量嘅拉麵，份量真係好多，麻同辣可以分開叫，唔食辣嘅都唔洗驚，湯底一樣夠香濃。俾個參考大家，平日我食到川辣小至中辣，Mr Tam米線（你明就得）食到一二小辣，酸辣都會要加辣，今次第一次叫左小麻小辣，香好夠，麻同辣可以更加勁，所以下次會由中辣開始試叉燒一定要試，完完整整大件厚切，入哂味仲好淋，而且一d都唔乾唔鞋，脂肪唔算多但令人有入口慢慢融化嘅感覺，非常香滑。追加多一個肉飯$45，今次肉係主角，白飯無拉麵湯底咁搶focus，配上肉汁同蔥，更加香更加惹味，d米好好咬，我建議留肚都要試一試個飯，雖然材料同拉麵有d似，但係2回事黎，值得分開試。新界嘅朋友就真係要去遠d先試到啦，港島朋友如果外賣自取，仲可以送叉燒！！希望下次去日本再試本店！

今晚係銅鑼灣冇咩idea想食咩餐，行到世貿附近諗起有間東京開到香港既拉麵店，又有老公鍾意既赤味噌湯底，咁就決定入去開餐。最吸睛位必數拉麵店之玻璃有一對嚇煞既鬼怪門神畫像及巨型狼牙棒，店內充滿暗黑既場景，配合強勁既擊鼓節拍音樂，以至各式奇幻神怪既面譜，很切合鬼金棒店名之意念!手機掃QR code落單簡易便捷，先點擊主麵食款式選項後，店家可依照自己對麻跟辣的個人喜好程度調配出多達25個組合變化，真係食多幾次都唔會覺得悶，仲可以玩越級挑戰!聽聞鬼增辣係非一般既極辣味覺層次，第一次食都係黎個穩陣型既中麻中辣配搭。先披好店家供應既圍巾，店員很快就捧着一個白色麵碗到檯上，內裡滿載着濃郁既橙紅色湯汁，睇落唔似係小兒科既挑戰。食後翻查一下更高級別既辣度所用的麵碗顏色亦都大不同，有紅及黑碗之別，不過都係由低級食起先比拼到辣既不同境界。食拉麵前首先趁熱飲啖辣湯熱身下，匙羹內的湯汁隱隱散發着辣味及泛起油花效果，喝下一刻比想像中較易入口，温文辣之中帶點麻樂，後續既蒜香氣味突出。麵條質感彈牙有適度韌性，掛汁能力相當不俗，用筷子端起一撮時，足量既湯汁依附在麵條外層緩緩地倒流，伴隨葱花香蒜及麵管內既熱力，每口麵都俾

係銅鑼灣呢間拉麵店好特別,因為佢主打食辣,而在一般拉麵黎講,辣好少係拉麵中出現咁岩坐bar枱可以望到廚房,見住師傅煮野食真係好增量叉燒X2辣麻味噌拉麵 唔敢一黎就打大佬,所以叫左中辣,中麻叉燒Size驚人,係我見過最厚身最大件既叉燒因為用慢火燜過夜,所以入口肉質特別軟腍基本上冇牙都食到麵條爽口彈牙,但唔算好掛湯,但都食到佢既辣同麻幾惹味芫荽辣麻味噌拉麵芫荽控一定會好愛呢個麵,因為芫荽多到睇唔到個麵呢碗叫左小辣小麻,相對真係冇咁過引芫荽加埋落拉麵幾香,幾有特色