鬼金棒

营业中

休息中

好掛住日本嘅拉麵呀，經過尖沙咀見到呢間鬼金棒係食拉麵嘅🍜，就衝咗入去... 成間店都以紅黑色為主，牆上面都掛滿赤鬼同青鬼面具👹👺，好似置身於日本地獄谷咁，好有日本feel。 呢度最出名食辣🌶，由白、紅、黑3種唔同顏色嘅碗分別唔同嘅辣度，不過奈何我同老公都唔多食辣，好彩都有得揀唔辣。如果鍾意食芫茜，佢哋仲有一款芫茜拉麵一定啱晒。 最後，我同老公都揀咗增量辣麻味噌拉麵。平時食拉麵最鍾意食叉燒，不過啲拉麵通常都係薄薄哋一兩塊，但呢度唔同，叉燒係厚切㗎，肉質好嫩，肥瘦適中，入口即溶，超好食，仲揀咗增量版叉燒，比平時嗰啲更加厚，老公揀咗增量叉燒 X 2，大滿足呀！拉麵比較粗身，掛湯能力唔錯。 另外仲加咗個味玉，啲蛋黃好夠流心，正呀！

大麻大辣確實夠辣，但略嫌過咸。推介玉米筍，清脆爽口又配合重口味湯底十分吸味。叉燒不似市面薄薄一塊，係紅燒肉，肥瘦相間。職員服務態度ok，主動提醒冷氣過凍可以轉位。

鍾意食麻辣嘅朋友真係唔可以唔試吓呢間鬼金棒，呢度嘅拉麵辣度同麻度係可以分開揀嘅，食得辣嘅就可以揀返高辣甚至再高一級嘅鬼辣。特製麻辣味噌拉麵 $120麻度(高麻), 辣度(高辣)呢款拉麵本身配有嘅材料都唔少，有玉米筍、芽菜、雞蛋同埋兩件厚厚嘅叉燒。叉燒食落好香，甜甜地，肥瘦相間，好邪惡但好好味。雖然係高麻高辣，但個辣度都算容易入口，同時又不失麻辣嘅香味。拉麵嘅質感係屬於寬扁個種，我幾鍾意。辣麻味噌沾麵 $100走蔥, 走韭菜, 麻度(高麻), 辣度(高辣)味玉 +$15豆芽菜 +$15玉米筍 +$15增量叉燒 +$35為食嘅朋友加左好多配料。沾麵嘅麵底同拉麵一樣，都係寬扁彈牙嘅。沾麵個湯非常濃厚，放入拉麵之後我覺得直情掛湯掛到好似撈麵咁，但又唔會太鹹。沾麵雖然都係叫左高麻高辣，但食落辣度似乎低過拉麵。呢到有圍裙提供，幾貼心，食拉麵都唔洗驚彈到啲衫。

不嬲都有聽過呢間拉麵店，出名有得食麻辣，兩款都有得揀。裏面見到好多日本元素，坐得舒服，如果坐吧枱位可以有得自己直接加水，都好方便。我哋就叫咗兩款唔同嘅拉麵share～味玉辣麻味噌拉麵麻度（中麻），辣度（無辣）$ 100芫荽辣麻味噌拉麵麻度（中麻），辣度（小辣）+味玉$125麻香十足，如果有揀辣味碗麵就會好少少，佢個味道都真係小辣，我朋友唔係太食辣，佢就話我碗小辣係都幾辣，我就覺得好香辣啦！芫荽真係有好多芫荽喺裏面，仲要切到好碎濕濕，所以每一口都好香 ，正！朋友都食芫荽，我就分啲俾佢，因為份量真係好充足。味玉亦係非常香甜入味，加上佢嘅麵條質感比較粗身，口感一流，唔怪得知咁多朋友都話呢間好正。

每次去尖沙咀食飯，諗唔到食咩我都推介朋友試吓來自東京嘅「鬼金棒拉麵」，因為味道真係好特別。店面有好多魔鬼裝飾，鐘意食辣嘅朋友一定會好鐘意，保證你進食時有留在地獄的感覺。🔥-拉麵有25種辣麻程度，食客能自由配搭。「鬼增」級係最極級嘅地獄辣挑戰，往下數另設不同辣度、不同麻度各佔5級（無、小、中、高、鬼增）。如果想試原汁原味味噌湯，建議選不辣、不麻！餐廳提供手機自助下單，所有需要嘅用品都係哂枱面，最貼心係有圍裙，唔驚彈到成身都係。👍🏿-鬼金棒味噌拉麵嘅味噌湯頭好濃厚，咀嚼多兩啖會慢慢感受到一陣麻，好正。叉燒有少少似東坡肉，唔係平時日本拉麵簿簿一片，而係好厚。經過一日慢煮之後，叉燒好入味，軟腍肥美，仲帶少少八角風味。味玉都好入味，蛋黃仲係流心！配料仲有韭菜、芽菜同粟米芯，配搭較硬身嘅粗麵，成個組合都好正。🍜-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 鬼金棒 (尖沙咀)📍 尖沙咀金馬倫道20號地舖

尖沙咀食過幾次個湯比起銅鑼灣店係淡好多辣同唔辣都係一樣係好似落唔足料個隻銅鑼灣店真係好食好多真心唔明點解尖沙咀咁都有咁多好評未試過銅鑼灣店既 去試下你就知尖沙咀鬼金棒爭幾遠

鬼金棒 (尖沙咀)💡尖沙咀金馬倫道20號地舖這家店的裝修風格很特別，牆上掛著的人臉面具很有feel。應該是因為錯開飯點的緣故，我們進去的時候店裡不算很多人，位置也很寬鬆，服務態度也比較好～🍜增量叉燒麻辣拉麵叉燒超級大塊，而且肉質鬆軟，入口即化，有少少肥肉但是不會膩，吸曬湯汁非常入味，很適合重口味的人試下拉麵軟硬適中，湯底也很濃郁，也不會太辣，我不怎麼吃得辣也可以吃，完全沒有壓力～🍜增量x2叉燒麻辣拉麵增量x2就是兩塊大大塊的叉燒！份量真的超級足，而且吃得好滿足🤤🥬Extra 芽菜喜歡吃芽菜的朋友一定要加芽菜喔！我超級喜歡吃芽菜所以額外加了一份芽菜，extra芽菜的份量超級多而且芽菜煮得剛剛好，稍微有點脆口，放進拉麵裡一起吃超級好味！🍽🍽🍽🍽🍽🍽🍽🍽🍽好味程度：4.5/5 抵食 : 4/5 環境 : 4.5/5

來自東京的過江龍辣麻拉麵店，店內裝修以日本神怪為主題。店內共有25種配搭的麻辣拉麵選擇。辣度及麻度則分成5個級別，由（白碗）不辣、小辣、中辣、（紅碗）高級辣到（黑碗）鬼增辣。味玉辣麻味噌拉麵💰100🔸揀左小麻小辣湯底，湯底濃郁，玉米筍爽脆清新，溏心蛋半熟程度啱啱好，黃蛋味濃郁，叉燒非常之厚身兼大件，而且肥瘦位置分佈得好靚，咬落去唔會鞋口，食落口夠晒軟腍，啖啖肉非常滿足。拉麵軟硬度恰當，配合埋小麻小辣嘅味好惹味。辣麻味噌拉麵💰90🙂裡面有普通坐位同埋BAR枱位，餐廳座位坐得寬鬆，牆上及碗有充滿日本鬼怪的裝飾😟上菜速度稍為慢了些🙂有一次性圍裙，非常貼心

又係尖沙咀😂 去咗呢間之前好多人講嘅拉麵店, 試一試佢先😋門口大大隻字寫住「鬼金棒」, 一定見到啦！出面亦都放咗個menu, 有唔同拉麵可以揀, 仲可以「加料」.點單都係用手機掃QR code, 幾方便同朋友一人一碗拉麵, 我叫咗增量叉燒辣麻味噌拉麵($115), 麻度辣度自選. 我叫咗小麻小辣, 食落帶麻中帶辣, 唔太食得辣都ok！留意返上面啲荀係粟米荀🙆🏻‍♀️ 叉燒唔硬唔韌, 拉麵軟硬適中, 可以掛汁.朋友叫咗味玉辣麻味噌拉麵, 加玉米荀($130), 唔辣唔麻. 佢覺得都ok！Overall: 價錢合理水平, 拉麵都幾大碗, 可以根據自己喜好揀辣度、麻度, 可以一試！

唔係第一次食呢間鬼金棒但係係令人想再食嘅拉麵坐吧檯位就可以睇住師傅煮麵炒芽菜不時都有勁大火嘅炒芽菜表演今次我就坐番普通枱食得舒服啲點餐時見到呢個 雖然我唔食 但覺得可以介紹俾芫茜怪朋友落餐時除左揀要咩餸最緊要係揀番麻度辣度增量叉燒辣麻味噌拉麵件增量叉燒真係又大件又厚肥瘦相間咁 入味得嚟又唔怕鞋啲油脂仲會喺口入面化開特製麻辣味噌拉麵+芽菜+玉米筍呢款就有兩件正常size嘅叉燒相比另一款 呢隻冇咁肥隻味玉超正 溏心效果一流加左大量芽菜令口感清爽好多冇咁漏玉米筍好甜 即刻飲食均衡左冇咁有罪惡感呢度嘅拉麵比較粗身 更加索湯每次食完都好滿足

係無限次回訪嘅拉麵店♾️冇計 個增量叉燒真係好正🤤建議大家可以推介我啲好食嘅拉麵店😋都介紹過兩次 有興趣可以睇番之前嘅食評🥰.📌增量叉燒辣麻味噌拉麵 $135都係嗌咗無辣無麻 湯底好似濃味咗 蒜味幾重🧄朋友就覺得偏油膩 我就覺得還好🙈上次就咁嗌咗芫荽湯拉麵 冇嗌到增量叉燒 好細舊🍖所以今次醒目另加芫荽+$20💚都一樣鋪滿晒成個面 芫荽山 啖啖都爆荽😋.📌增量叉燒辣麻味噌拉麵 $115同上面嗰款一樣 不過就咩配料都冇加😛比大家睇吓最𝒐𝒓𝒊𝒈𝒊𝒏𝒂𝒍係咩樣😎.📌增量豆芽菜+$30份量都係好多🥣記住嗌一份呢個 抵食過加兩份$15🤑

本身諗住食水門雞 見多左間野門面咁特別又咁多人排 心諗還掂都係排 試下新野啦 於是試左依間鬼金棒拉面比較偏硬 少辣湯底感覺似擔擔面湯底 食不出濃濃肉味湯底的香味 (可能係預期日式拉面都會有肉味香濃湯底味做成的反差)我比較鐘意食偏肥既肉 所以舊肉食落口感唔錯 夠肥夠腍價錢唔算貴 上面兩碗面 加兩支可樂HK250 左右

事隔幾個月 鬼金棒 我又嚟啦🤪係咪越嚟越受歡迎 今次等咗一陣先有位 不過只係10分鐘啫😌尖沙咀店比較寬敞 所以就算full house都唔洗怕 佢哋嘅位隔得好有距離 絕對有空間感👍🏻◾增量叉燒辣麻味噌拉麵◽炒荳芽菜辣麻味噌拉麵拉麵好足料 好大碗🍜增量叉燒嘅份量有一大條 肉質三分肥七分瘦 咬落去都好稔 而且好香好入味🤤因為叉燒真係好大 所以好飽肚 而炒荳芽菜係即叫即炒 食落很爽脆同肥嘟嘟 我覺得加咗佢 更加突出到個香味❣️麵質係我鐘意偏粗身嗰種 食落比較煙韌有咬口 辣度方面就一碗小辣小麻 一碗中辣中麻😜

可樂 $15食辣野點少得野飲 不過呢度得汽水唔啱飲 所以淨係叫咗可樂俾男朋友就算了🥤 呢度可樂個包裝同平時唔同 不過味道麵係一樣 最重要係夠凍 用黎解辣一流🤣 評分: 10/10🌟 莞荽辣麻味噌拉麵 $110 味玉+$15本身驚太辣就揀咗小辣小麻 食落大概係譚仔既十小辣左右～ 因為面頭既莞荽會沖淡咗個辣味 鐘意食辣既朋友可以叫辣啲😚 而莞荽既份量超多 食到落底都仲有同埋同個湯底既味道好夾 叉燒又夠淋 鐘意食莞荽既一定要試 推介🤩評分: 8.5/10🌟 增量叉燒x2辣麻味噌拉麵 $135 味玉+$15男朋友揀咗小辣中麻同走玉米荀 呢碗個辣味相對強啲 後勁帶麻既味 個人更加鐘意呢個湯底！麵既硬度適中 配埋超級巨量同厚既叉燒就再滋味啲 增量叉燒食落好似更加淋身😋 額外加既味玉一切開啲蛋汁已經流出黎 好符合流心既要求 整體黎講都唔錯 值得一試🤤 而且餐廳既裝修都幾特別 門口仲有個棒可以影相添😆評分: 9/10🌟 ———————————————————————鬼金棒 (尖沙咀)尖沙咀金馬倫道20號地舖

哩排睇完激辛道加上之前係youtube 睇到有關鬼金棒既運作， 本身已經好有興趣想試佢既拉麵。 就決定去激一激自己先。由於果日夜收工。 入到去位置都算多，服務員安排左我地坐bar 台位， 真係fit 晒。 可以睇到廚師點樣煮麵都係一種享受。我地分別叫左芫茜麻辣味噌拉麵同埋味玉麻辣味噌拉麵。 兩份都係三粒星既麻同辣度。 味噌湯底同佢既麻辣醬料真係好夾。 唔會好突兀， 食到唔想停， 湯底都飲晒。 食到滿頭大汗果下真係身心舒暢。 食完之後， 總有心癮想再去。