影片
更多
2021-10-09
23 浏览
好掛住日本嘅拉麵呀，經過尖沙咀見到呢間鬼金棒係食拉麵嘅🍜，就衝咗入去... 成間店都以紅黑色為主，牆上面都掛滿赤鬼同青鬼面具👹👺，好似置身於日本地獄谷咁，好有日本feel。 呢度最出名食辣🌶，由白、紅、黑3種唔同顏色嘅碗分別唔同嘅辣度，不過奈何我同老公都唔多食辣，好彩都有得揀唔辣。如果鍾意食芫茜，佢哋仲有一款芫茜拉麵一定啱晒。 最後，我同老公都揀咗增量辣麻味噌拉麵。平時食拉麵最鍾意食叉燒，不過啲拉麵通常都係薄薄哋一兩塊，但呢度唔同，叉燒係厚切㗎，肉質好嫩，肥瘦適中，入口即溶，超好食，仲揀咗增量版叉燒，比平時嗰啲更加厚，老公揀咗增量叉燒 X 2，大滿足呀！拉麵比較粗身，掛湯能力唔錯。 另外仲加咗個味玉，啲蛋黃好夠流心，正呀！
好掛住日本嘅拉麵呀，經過尖沙咀見到呢間鬼金棒係食拉麵嘅🍜，就衝咗入去...
成間店都以紅黑色為主，牆上面都掛滿赤鬼同青鬼面具👹👺，好似置身於日本地獄谷咁，好有日本feel。
呢度最出名食辣🌶，由白、紅、黑3種唔同顏色嘅碗分別唔同嘅辣度，不過奈何我同老公都唔多食辣，好彩都有得揀唔辣。如果鍾意食芫茜，佢哋仲有一款芫茜拉麵一定啱晒。
最後，我同老公都揀咗增量辣麻味噌拉麵。平時食拉麵最鍾意食叉燒，不過啲拉麵通常都係薄薄哋一兩塊，但呢度唔同，叉燒係厚切㗎，肉質好嫩，肥瘦適中，入口即溶，超好食，仲揀咗增量版叉燒，比平時嗰啲更加厚，老公揀咗增量叉燒 X 2，大滿足呀！拉麵比較粗身，掛湯能力唔錯。
另外仲加咗個味玉，啲蛋黃好夠流心，正呀！
张贴
