影片
更多
2021-10-24
1090 浏览
香港嘅拉麵我都差唔多食晒，有睇開我出post嘅人都知我每個月都會介紹一間，除咗好鍾意食拉麵，我仲好鍾意食辣，每個月點都會食一次川菜或者食嗰啲酸辣米線、車仔麵，今次介紹介紹一間拉麵，係一間係東京人氣高企既麻辣味噌湯拉麵，正正就係可以滿足食辣嘅我。鬼金棒係一間來自東京既過江龍辣麻拉麵店，有死神拉麵之稱，曾經創下月賣27,000碗紀錄，香港分店係2019年8月登陸銅鑼灣，之後尖沙咀分店都係幾個月後開業。鬼金棒，顧名思義就係以日本鬼怪為主題，拉麵店主打辣麻味噌湯底，味噌係日本鬼金棒秘製，再由當地直送到香港，並熬足8小時調製湯底，入口濃郁。湯底既辣係由多款辣椒同唐辛子調配，而麻係頂級和歌山葡萄山椒調成既香麻油，辣度同麻度分成5個級別，都係用唐唔同份量既辛子同香麻油調校，好似大麻大辣、小辣大麻、大辣小麻等，有25款唔同口味既組合，而鬼增級辣麻拉麵係用健力士世界紀錄大全最辣既卡羅萊納死神辣椒炮製，自認食得辣既人可以挑戰。而尖沙咀店仲有推出辣麻拌麵，醬汁用花生、芝麻、魚仔粉、蝦頭油、自家製豉油調成，加上拉麵、炒肉碎、黑木耳、薑蒜、洋葱等，同最重要既辣油渣、辣油同山椒粉，係拉麵以外既選擇。店鋪走暗黑路線
鬼金棒係一間來自東京既過江龍辣麻拉麵店，有死神拉麵之稱，曾經創下月賣27,000碗紀錄，香港分店係2019年8月登陸銅鑼灣，之後尖沙咀分店都係幾個月後開業。鬼金棒，顧名思義就係以日本鬼怪為主題，拉麵店主打辣麻味噌湯底，味噌係日本鬼金棒秘製，再由當地直送到香港，並熬足8小時調製湯底，入口濃郁。
湯底既辣係由多款辣椒同唐辛子調配，而麻係頂級和歌山葡萄山椒調成既香麻油，辣度同麻度分成5個級別，都係用唐唔同份量既辛子同香麻油調校，好似大麻大辣、小辣大麻、大辣小麻等，有25款唔同口味既組合，而鬼增級辣麻拉麵係用健力士世界紀錄大全最辣既卡羅萊納死神辣椒炮製，自認食得辣既人可以挑戰。而尖沙咀店仲有推出辣麻拌麵，醬汁用花生、芝麻、魚仔粉、蝦頭油、自家製豉油調成，加上拉麵、炒肉碎、黑木耳、薑蒜、洋葱等，同最重要既辣油渣、辣油同山椒粉，係拉麵以外既選擇。
店鋪走暗黑路線，以鬼怪為主題，可以睇到佈滿左日式妖怪面具同吊飾，而店內設開放式廚房，客人可邊睇師傅製作邊食。
-🍜 增量叉燒x2辣麻味增拉麵 💰135（👅: 8/10）
味玉 ＋💰15（👅: 8/10）
餐廳會用三種唔同顏色嘅拉麵碗，來分別唔同嘅辣麻度。白色係走辣、小辣同中辣，紅色係高級辣、黑色係鬼增級，今次因為想試吓水溫所以叫左中辣中麻，上枱時見到拉麵上面鋪滿辣椒粉，令人直吞口水，另外佢嘅慢火炆煮厚切叉燒非常吸引，因為叫咗增量叉燒x2，所以佢有兩大舊叉燒。湯底用上唐辛子，係由多種辣椒打碎而成，唔會剩係得一種辣度，集酸、甜、苦、辣同香氣於一身。 湯底睇落好濃厚，飲落非常濃味，質地比較濃稠，會同時有辣同埋麻味，唔會太過鹹，會飲到少少味噌味，不過又未到會好想飲晒成碗湯嘅感覺，我覺得麻多過辣，不過食開譚仔中辣嘅我覺得佢個辣度唔夠，如果可以食得辣嘅人可以直接挑戰高級辣或者鬼增級，朋友覺得好似食緊米線嘅湯咁。
而拉麵嘅麵條係比較粗身既小曲麵，係黃麵，咬落係比較煙韌，小小彈牙，掛湯能力足夠，因為湯底比較油，食落會覺得好似食油麵咁，配合個湯底，一開始食落去就好似食米線車仔麵咁，但湯底完咗之後就好似食緊拉麵，拉麵質感又好似油麵，好似食緊個fusion既拉麵咁。之後到份量非常足、大細非常大嘅叉燒，呢度嘅叉燒唔係切片好博身，而係成舊厚切五花肉，叉燒係慢火炆煮，肥瘦適中，會睇到一半肥肉一半瘦肉，咬落去唔會好韌，偏腍身，食落好似食緊東坡肉咁，會食到甜甜地嘅日式醬油味，油脂豐富，鍾意食肥肉嘅你就會好滿足。
另外配料仲有好多蔥粒，食落好香好惹味，仲有好多芽菜，係拉麵小見嘅配菜，因為有用鑊炒過，會食到少少鑊氣，再加上同樣炒過嘅玉米荀，咬落爽口，再次感覺好似食緊米線車仔麵。
添加嘅味玉流心程度啱啱好，蛋汁呈橙紅色，同時食到醬油味同蛋味，非常入味 。
-
🍜 芫荽辣麻味增拉麵 💰110（👅: 7.5/10）
除咗增量叉燒x2辣麻味增拉麵，芫荽辣麻味增拉麵都係依度好多人嗌這一款，一上枱就見到成個碗都係芫荽，充滿芫荽香味同清新既味道，如果係莞荽控實在係欲罷不能。芫荽食落莞荽香味揮之不去，清新嘅味道唔會蓋過麻辣味增嘅味道。
-
🌟整體來講係幾特別嘅拉麵，因為好少日式拉麵會有麻辣嘅湯底，湯底係麻多過辣，中辣中麻唔算好辣，如果下次食會直接挑戰高級辣或者鬼增級，不過湯底會偏油少少，所以食落惹味不過唔會飲晒啲湯，個人都係鍾意濃郁嘅豬骨湯或者雞白湯。
-
👅味道: 8/10
🍴環境: 7/10
💰消費: $100-150 (服務費: 10%)
张贴
